Oral and Oropharyngeal Cancer (വായിലെ കാൻസർ )

വായിലെയും അതിന്റെ താഴെ ഭാഗമായ oropharynx യിലെയും കാൻസർ തലയിലും കഴുത്തിലും വികസിക്കുന്ന ഏറ്റവും സാധാരണമായ 2 തരം ക്യാന്സറുകൾ ആണ് , ഇതിനെ Head and Neck കാൻസർ എന്ന് വിളിക്കുന്നു. വായും oropharynx ഉം ചവയ്ക്കാനും വിഴുങ്ങാനും ശ്വസിക്കാനും സംസാരിക്കാനുമുള്ള കഴിവ് നൽകുന്നു.

വായിൽ താഴെ പറയുന്ന ഭാഗങ്ങൾ ഉൾപ്പെടുന്നു:

ചുണ്ട്
ചുണ്ടുകളുടെയും കവിളുകളുടെയും ആവരണം ആയ ബക്കൽ മ്യൂക്കോസ
മുകളിലും താഴെയുമുള്ള മോണയെ ജിഞ്ചിവ എന്ന് വിളിക്കുന്നു

നാവിന്റെ മുന്നിലെ മൂന്നിൽ രണ്ട് ഭാഗം
നാവിന്റെ അടിയിൽ ഉള്ള വായയുടെ തറ
വായയുടെ മേൽക്കൂരയെ hard palate എന്നും വിളിക്കുന്നു

റിട്രോമോളാർ ട്രൈഗോൺ, ഇത് ഏറ്റവും പുറകിലുള്ള പല്ലിന്റെ പിന്നിലുള്ള ചെറിയ ഭാഗമാണ്

വായുടെ താഴെ ആരംഭിക്കുന്ന ഭാഗമാണ് oropharynx. ഇതിൽപ്പെടുന്ന ഭാഗങ്ങൾ

വായയുടെ പിൻഭാഗത്ത് മൃദുവായ അണ്ണാക്ക് ( soft palate)
വായയുടെ പിന്നിൽ തൊണ്ടയുടെ ഭാഗം
ടോൺസിലുകൾ
നാവിന്റെ അടിഭാഗം

ഇത്തരം ക്യാൻസറുകളിൽ 90% വും സ്ക്വാമസ് സെൽ കാർസിനോമയാണ്. ഇതിനർത്ഥം അവ ആരംഭിക്കുന്നത് വായയുടെയും തൊണ്ടയുടെയും ആവരണത്തിൽ കാണപ്പെടുന്ന പരന്ന സ്ക്വമസ് ( squamous) കോശങ്ങളിൽ നിന്നാണ് .

വായിൽ കാൻസർ കൂടുതൽ കണ്ടുവരുന്ന ഭാഗങ്ങൾ ഇവയാണ്:

നാവ്
ടോൺസിലുകൾ
Oropharynx
മോണകൾ
വായയുടെ തറ

സ്ഥിതിവിവരക്കണക്ക്

മൊത്തം ക്യാന്സറുകൾക്കിടയിൽ രണ്ടാം സ്ഥാനമാണ് ഇന്ത്യയിൽ വായിലെ ക്യാന്സറിനുള്ളത്. 2020 യിലെ കണക്കനുസരിച്ചു പ്രതിവർഷം 135929 രോഗികൾക്ക് പുതിയതായി വായിലെ കാൻസർ കണ്ടുപിടിക്കപ്പെടുന്നു.

അതിജീവനനിരക്ക്

United States യിലെ കണക്കുപ്രകാരം 5 വർഷത്തെ വായിലെയും oropharynx യിലെയും അതിജീവനനിരക്ക് 68 % ആണ് .

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല. നിരവധി അപകട ഘടകങ്ങളുള്ള ചില ആളുകൾക്ക് ഒരിക്കലും കാൻസർ ഉണ്ടാകില്ല, എന്നാൽ അപകടസാധ്യത ഘടകങ്ങൾ ഒന്നും ഇല്ലാത്തവർക്ക് കാൻസർ വരാറുണ്ട്.

പ്രധാനമായും 2 ഘടകങ്ങൾ വായിലെ ക്യാന്സറിന് കാരണമാകുന്നു

പുകയില : ഏകദേശം 85 % തലയിലെയും കഴുത്തിലെയും ക്യാന്സറിന്റെ കാരണം പുകയിലയുടെ പല രീതിയിലുള്ള ഉപയോഗമാണ് (സിഗരറ്റ് , സിഗർ , മൂക്കിൽപൊടി , ചവക്കുന്ന പുകയില , ബീഡി , പൈപ്പ് ). passive smoking ( മറ്റൊരാൾ വലിക്കുന്ന പുക ശ്വസിക്കുന്നവരിലും ) കഞ്ചാവ് ( marijuana) വലിക്കുന്നവരിലും അപകടസാധ്യത കൂടുതലാണ് . പുകയില ചവക്കുന്നവരിൽ അല്ലെങ്കിൽ snuff ( മൂക്കിൽ പൊടി ) ഉപയോഗിക്കുന്നവരിൽ പുകയില ആയി നേരിട്ട് സമ്പർക്കം ഉണ്ടാകുന്ന ഭാഗങ്ങളിൽ കാൻസർ ഉണ്ടാവാൻ 50 % സാധ്യത കൂടുതലാണ് .
മദ്യം : തുടർച്ചയായതും അമിത അളവിലും ഉള്ള മദ്യപാനം വായിലെ ക്യാന്സറിന്റെ സാധ്യത കൂട്ടുന്നു . മദ്യവും പുകയിലയും ഒരുമിച്ച് ഉപയോഗിക്കുന്നവരിൽ ഇത് രണ്ടും തന്നെ ഉപയോഗിക്കുന്നവരിലും അപകടസാധ്യത കൂടുതലാണ് .

മറ്റു ഘടകങ്ങൾ

സൂര്യപ്രകാശം : സൂര്യ പ്രകാശത്തിനെതിരായ സംരക്ഷണ മാർഗ്ഗങ്ങളില്ലാതെ ഉയർന്ന സൂര്യപ്രകാശം ഏൽക്കുന്നത് ചുണ്ടിലെ ക്യാൻസറുമായി ബന്ധപ്പെട്ടിരിക്കുന്നു.
ഹ്യൂമൻ പാപ്പിലോമ വൈറസ് (HPV). എച്ച്പിവി വൈറസ് അണുബാധ oropharyngeal ക്യാൻസറിനുള്ള അപകട ഘടകമാണെന്ന് ഗവേഷണങ്ങൾ കാണിക്കുന്നു. സമീപ വർഷങ്ങളിൽ, ടോൺസിലുകളിലും നാവിന്റെ അടിഭാഗത്തും എച്ച്പിവിയുമായി ബന്ധപ്പെട്ട ഓറോഫറിംഗൽ കാൻസർ കൂടുതൽ കണ്ടുവരുന്നു .എച്ച്‌പിവി ഉള്ളവരുമായുള്ള ഓറൽ സെക്‌സ് ഉൾപ്പെടെയുള്ള ലൈംഗിക പ്രവർത്തനമാണ് ഒരാൾക്ക് വായിൽ എച്ച്‌പിവി ലഭിക്കുന്ന ഏറ്റവും സാധാരണമായ മാർഗം.
Gender : സ്ത്രീകളെ അപേക്ഷിച്ച് പുരുഷന്മാർക്ക് വായിലും oropharynx യിലും ഉള്ള കാൻസർ ഉണ്ടാകാനുള്ള സാധ്യത കൂടുതലാണ്.
വെളുത്ത ചർമ്മം : വെളുത്ത ചർമ്മം ചുണ്ടിലെ ക്യാൻസറിനുള്ള ഉയർന്ന അപകടസാധ്യതയുമായി ബന്ധപ്പെട്ടിരിക്കുന്നു.
പ്രായം : 45 വയസ്സിനു മുകളിലുള്ള ആളുകൾക്ക് വായിലെ ക്യാൻസർ വരാനുള്ള സാധ്യത കൂടുതലാണ്, എന്നിരുന്നാലും ഏത് പ്രായത്തിലുള്ളവരിലും ഇത്തരത്തിലുള്ള ക്യാൻസർ ഉണ്ടാകാം.
വായിലെ ശുചിത്വം കുറവ് : ദന്തസംരക്ഷണത്തിന്റെ അഭാവവും വായിലെ ശുചിത്വം പാലിക്കാത്തതും വായിലെ ക്യാൻസറിനുള്ള സാധ്യത വർദ്ധിപ്പിക്കും. മോശം ദന്താരോഗ്യം അല്ലെങ്കിൽ മോശമായി വായിൽ സ്ഥാപിച്ച കൃത്രിമ പല്ലുകൾ മൂലമുള്ള പ്രകോപനം ( irritation) , പ്രത്യേകിച്ച് മദ്യവും പുകയില ഉൽപന്നങ്ങളും ഉപയോഗിക്കുന്ന ആളുകളിൽ, വായിലെ ക്യാൻസറുകളുടെ സാധ്യത വർദ്ധിപ്പിക്കും.
മോശം ഭക്ഷണക്രമം / പോഷകാഹാര കുറവ് : പഴങ്ങളും പച്ചക്കറികളും കുറഞ്ഞ ഭക്ഷണവും വിറ്റാമിൻ എ യുടെ കുറവും വായിലെ ക്യാൻസറിനുള്ള സാധ്യത വർദ്ധിപ്പിക്കും. ഏഷ്യയിൽ പ്രചാരത്തിലുള്ള നേരിയ ഉത്തേജനം നൽകുന്ന അടക്ക ചവയ്ക്കുന്നത് വായിൽ ക്യാൻസറുകൾ ഉണ്ടാകാനുള്ള സാധ്യതയും ഉയർത്തുന്നു.
രോഗപ്രതിരോധശേഷി കുറവ് : പ്രതിരോധശേഷി കുറവുള്ള ആളുകൾക്ക് വായിലെ ക്യാൻസർ വരാനുള്ള സാധ്യത കൂടുതലാണ്.
കഞ്ചാവ് : കഞ്ചാവ് ഉപയോഗിക്കുന്ന ആളുകൾക്ക് തലയിലും കഴുത്തിലും കാൻസറിനുള്ള സാധ്യത ശരാശരിയേക്കാൾ കൂടുതലാണെന്ന് സമീപകാല പഠനങ്ങൾ സൂചിപ്പിക്കുന്നു.

പ്രതിരോധം

ഈ രോഗം പൂർണ്ണമായും തടയാൻ തെളിയിക്കപ്പെട്ട മാർഗ്ഗങ്ങളൊന്നുമില്ലെങ്കിലും, നിങ്ങളുടെ അപകടസാധ്യത കുറയ്ക്കാൻ നിങ്ങൾക്ക് കഴിഞ്ഞേക്കും. ആരോഗ്യകരമായ ജീവിതശൈലി തിരഞ്ഞെടുക്കുന്നതിലൂടെ വായിലെ ക്യാൻസറിന്റെ നിരവധി അപകട ഘടകങ്ങൾ ഒഴിവാക്കാനാകും.പുകയില ഉപയോഗം നിർത്തുക , മദ്യം ഒഴിവാക്കുക , HPV വൈറസ് ശരീരത്തിൽ എത്താൻ സാധ്യതയുള്ള മാർഗങ്ങൾ ഒഴിവാക്കുക .

ലക്ഷണങ്ങൾ

വായിലോ ചുണ്ടിലോ ഉണങ്ങാത്ത വ്രണമാണ് ഏറ്റവും സാധാരണമായ ലക്ഷണം
മോണയിലോ നാക്കിലോ ടോൺസിലോ വായയുടെ ആവരണത്തിലോ ചുവപ്പോ വെള്ളയോ പാച്ച്
ചുണ്ടിലോ, വായിലോ, കഴുത്തിലോ, തൊണ്ടയിലോ മുഴകൾ അല്ലെങ്കിൽ കവിളിൽ കട്ടി കൂടുന്നതായി തോന്നുക
നിരന്തരമായ തൊണ്ടവേദന അല്ലെങ്കിൽ തൊണ്ടയിൽ എന്തെങ്കിലും കുടുങ്ങിയതായി തോന്നൽ
പരുക്കൻ അല്ലെങ്കിൽ ശബ്ദത്തിലെ മാറ്റം
വായയുടെയോ നാവിന്റെയോ മരവിപ്പ്
വായിൽ വേദനയോ രക്തസ്രാവമോ
താടിയെല്ലുകളോ നാവോ ചലിപ്പിക്കുന്നതിനു
ബുദ്ധിമുട്ട്
ചവയ്ക്കുന്നതിനോ വിഴുങ്ങുന്നതിനോ ബുദ്ധിമുട്ട്
ചെവി അല്ലെങ്കിൽ താടിയെല്ല് വേദന
വിട്ടുമാറാത്ത ദുർഗന്ധം
സംസാരത്തിലെ മാറ്റങ്ങൾ
പല്ലുകൾ അയവുള്ളതാവുന്നു
പല്ലുവേദന
ഉപയോഗിച്ചുകൊണ്ടിരുന്ന പല്ലു സെറ്റു ചേരാതെ വരുന്നു
ശരീരഭാരം കാരണമില്ലാതെ കുറയുന്നു
ക്ഷീണം
രോഗത്തിന്റെ പിന്നീടുള്ള ഘട്ടങ്ങളിൽ ആളുകൾക്ക് വിശപ്പില്ലായ്മ അനുഭവപ്പെടാം

രോഗനിർണയം

വായ പരിശോധന

Endoscopy : നേരിയ , പ്രകാശമുള്ള ഒരു ട്യൂബ് വായിലൂടെ കടത്തി വായും താഴെയുള്ള ഭാഗങ്ങളും വിശദമായി പരിശോധിക്കുന്നു . സംശയകരമായ മാറ്റങ്ങൾ എന്തെങ്കിലും ഉണ്ടെങ്കിൽ അപ്പോൾ തന്നെ ബയോപ്സി എടുക്കുന്നു.
Biopsy : : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സി ക്കു മാത്രമേ സാധിക്കു .
ഓറൽ ബ്രഷ് ബയോപ്സി : പതിവ് ദന്തപരിശോധനയ്ക്കിടെ, ചില ദന്തഡോക്ടർമാർ വായിലെ കാൻസർ കണ്ടെത്തുന്നതിന് പുതിയതും ലളിതവുമായ ഒരു പരിശോധന ഉപയോഗിക്കുന്നു, അതിൽ ഒരു ചെറിയ ബ്രഷ് ഉപയോഗിച്ചു സംശയാസ്പദമായ പ്രദേശത്തിന്റെ സെൽ സാമ്പിളുകൾ ശേഖരിക്കുന്നു .
HPV test
X-ray
Barium swallow
CT scan
MRI
Ultrasound
PET CT

ചികിത്സ

1 Surgery

ക്യാന്സറും ചുറ്റുമുള്ള ആരോഗ്യമുള്ള ടിഷ്യു (margin)നീക്കം ചെയ്യുന്നു . ചിലപ്പോൾ ശസ്ത്രക്രിയയ്ക്ക് ശേഷം റേഡിയേഷൻ തെറാപ്പി, മരുന്നുകൾ ഉപയോഗിച്ചുള്ള ചികിത്സകൾ, അല്ലെങ്കിൽ രണ്ടും വേണ്ടി വന്നേക്കാം .ക്യാൻസറിൻ്റെ സ്ഥാനം, ഘട്ടം, ഗ്രേഡ്, മറ്റ് സവിശേഷതകൾ എന്നിവയെ ആശ്രയിച്ച്, ക്യാൻസർ നീക്കം ചെയ്യുന്നതിനും ബാധിച്ച ടിഷ്യൂകളുടെ രൂപവും പ്രവർത്തനവും പുനഃസ്ഥാപിക്കാൻ സഹായിക്കുന്നതിന് ചിലർക്ക് ഒന്നിൽ കൂടുതൽ ഓപ്പറേഷൻ ആവശ്യമായി വന്നേക്കാം.

വായിലെയും oropharynx യിലെയും കാൻസർ നീക്കം ചെയ്യാൻ ഉപയോഗിക്കുന്ന പല തരത്തിലുള്ള സർജറികൾ താഴെ കൊടുക്കുന്നു

Primary tumor surgery
Glossectomy
Mandibulectomy
Maxillectomy
Neck dissection
Laryngectomy
Robotic and Laser surgery

2 Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy (EBRT) എന്ന് പറയുന്നു . Implant ഉപയോഗിച്ച് റേഡിയേഷൻ ശരീര ഭാഗത്തേക്ക് നേരിട്ട് നൽകുന്നതിനെ Internal radiation therapy അല്ലെങ്കിൽ brachytherapy എന്ന് പറയുന്നു .

തലയിലെയും കഴുത്തിലെയും ക്യാന്സറിന്റെ പ്രധാന ചികിത്സകളിൽ ഒന്നാണ് റേഡിയേഷൻ . റേഡിയേഷൻ തന്നെയോ , സർജറി കഴിഞ്ഞോ , കീമോതെറാപ്പിയുടെ ഒപ്പമോ നൽകാം .തല , കഴുത്തു ഭാഗത്തു റേഡിയേഷൻ നൽകുന്നതിന് മുൻപ് ദന്ത ഡോക്ടറിനെ കണ്ടു പല്ലുകളിൽ അണുബാധ അല്ലെങ്കിൽ വളരെ മോശം അവസ്ഥയിലുള്ള പല്ലുകൾ ഇല്ല എന്ന് ഉറപ്പു വരുത്തണം .കൂടാതെ റേഡിയേഷൻ കഴിഞ്ഞു പല്ലുകളിൽ കേട് വരാൻ സാധ്യത കൂടുതൽ ഉള്ളതിനാൽ അതിനായും ചികിത്സ നിർദേശിച്ചേക്കാം .

കീമോയും റേഡിയേഷനും ഒരുമിച്ച് നൽകുന്നതിനെ chemoradiation എന്ന് പറയുന്നു . രണ്ടു ചികിത്സയും തന്നെ നൽകുന്നതിലും ഫലപ്രദമാണ് റേഡിയേഷൻ നൽകുന്ന സമയത്തു ആഴ്ചയിൽ ഒരു കീമോ വീതം നൽകുന്നത് .

റേഡിയേഷന്റെ പാർശ്വഫലങ്ങൾ : റേഡിയേഷൻ നൽകുന്ന ഭാഗത്തെ ചർമത്തിൽ ചുവപ്പ്, അസ്വസ്ഥത ,ഉമിനീർ കുറയുക , ഉമിനീർ കട്ടിയാവുക, ഓക്കാനം , ക്ഷീണം , വായ തുറക്കാൻ ബുദ്ധിമുട്ട് , ഭക്ഷണം കഴിക്കാൻ ബുദ്ധിമുട്ട് , വേദന , ശബ്ദത്തിൽ മാറ്റം , വിശപ്പില്ലായ്മ , രുചിയിൽ മാറ്റം , കേഴ്‌വിയിൽ മാറ്റം മുതലായവ പൊതുവെ കാണപ്പെടുന്ന പാർശ്വഫലങ്ങൾ ആണ് . റേഡിയേഷൻ നൽകുമ്പോൾ തൈറോയ്ഡ് ഹോർമോൺ കുറയുന്നത് ചില രോഗികളിൽ കണ്ടുവരുന്നു .അതിനാൽ ചികിത്സ സമയത്തു ഹോർമോൺ അളവ് നോക്കേണ്ടതാണ് . ചികിത്സ കഴിയുമ്പോൾ പാർശ്വഫലങ്ങൾ കുറഞ്ഞുവരും .

3 Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

കീമോതെറാപ്പി സര്ജറിക്കോ റേഡിയേഷനോ മുൻപായി ഉപയോഗിക്കാം .ഇതിനെ neoadjuvant തെറാപ്പി എന്ന് പറയുന്നു . റേഡിയേഷൻ കൊടുക്കുമ്പോൾ തന്നെ കീമോ കൊടുക്കുന്നതിനെ chemoradiation തെറാപ്പി എന്ന് പറയുന്നു .

കീമോതെറാപ്പിയുടെ പാർശ്വഫലങ്ങൾ ക്ഷീണം , ഓക്കാനം , ഛർദി , കൗണ്ട് കുറയുന്നത് , മുടികൊഴിച്ചിൽ , വിശപ്പില്ലായ്മ , വയറിളക്കം , വാ ഉണങ്ങുന്നത് , വായിൽ വൃണം , കേഴ്‌വി കുറവ് മുതലായവയാണ്‌ .കീമോ കഴിയുമ്പോൾ പാർശ്വഫലങ്ങൾ കുറഞ്ഞുവരും .

4 Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് . nivolumab (Opdivo) and pembrolizumab (Keytruda) എന്നീ 2 മരുന്നുകൾ immunotherapy ക്കായി ഉപയോഗിക്കുന്നു .

5 Targeted therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy. Cetuximab (Erbitux) എന്ന മരുന്ന് റേഡിയേഷന്റെ കൂടെ വേറെ ഭാഗത്തേക്ക് വ്യാപിക്കാത്ത തലയിലെയും കഴുത്തിലെയും ക്യാന്സറിന്റെ targeted തെറാപ്പിയ്ക്കായി ഉപയോഗിക്കാം .വ്യാപിച്ച കാൻസർ ആണെങ്കിൽ കീമോതെറാപ്പിയുടെ കൂടെ ഈ മരുന്ന് ഉപയോഗിക്കാം .

Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Oral and Oropharyngeal Cancer (വായിലെ കാൻസർ )

ഇനിയും വായിക്കുക

ഈ തരത്തിലുള്ള ബ്ലോഗുകൾ

ലോക ഹെഡ് ആൻഡ് നെക്ക് കാൻസർ ദിവസം- ജൂലൈ 27.

കാൻസറിനെ തോൽപ്പിച്ച ചിരി

News About This Type

Media About This Type

Head and neck cancer

പാലിയേറ്റീവ് കെയർ എന്നാൽ മരണം സുനിശ്ചിതം എന്നാണോ ?