Cervical cancer ( ഗർഭാശയമുഖ കാൻസർ )‍

Cervical cancer ( ഗർഭാശയമുഖ കാൻസർ )

‍

ഗർഭാശയമുഖം

സ്ത്രീകളുടെ പ്രത്യുത്പാദന അവയവമായ ഗർഭാശയത്തിന്റെ ഏറ്റവും താഴെ ഭാഗത്തിനെയാണ് ഗർഭാശയമുഖം എന്നറിയപ്പെടുന്നത് . ഗർഭാവസ്ഥയിൽ വളരുന്ന ബ്രൂണത്തിനെ സൂക്ഷിക്കുന്ന ഭാഗമാണ് ഗർഭപാത്രം . ഗർഭാശയത്തിന്റെ താഴ് ഭാഗമായ ഗർഭാശയമുഖം യോനിയുമായി ചേർന്ന് Birth Canal സൃഷ്ടിക്കുന്നു .

‍

അസാധാരണ (Abnormal) കോശങ്ങൾ

കാൻസർ ആയി മാറാൻ സാധ്യതയുള്ള ഗർഭാശയമുഖത്തിലെ അസാധാരണ (Abnormal) കോശങ്ങൾ

ഗർഭാശയമുഖത്തിലെ ക്യാന്സറിന്റെ ഏറ്റവും പൊതുവായ കാരണമാണ് Human Papilloma Virus (HPV) infection. ഗർഭാശയമുഖത്തിന്റെ ഏറ്റവും പുറമെയുള്ള ആരോഗ്യമുള്ള കോശങ്ങളെ HPV virus ആക്രമിക്കുന്നു . വർഷങ്ങളായി ഇത് തുടരുമ്പോൾ ആരോഗ്യമുള്ള കോശങ്ങളിൽ ചില മാറ്റങ്ങൾ സംഭവിച്ചു കാൻസർ കോശങ്ങളായി മാറുന്നു. കോശങ്ങൾ നിയന്ത്രണമില്ലാതെ വളർന്നു ഒരു മുഴയായി തീരുന്നു. ഈ മുഴകൾ കാൻസർ ആവാനും ആവാതിരിക്കാനും സാധ്യതയുണ്ട് .

തുടക്കത്തിൽ കോശങ്ങളിൽ ചെറിയ മാറ്റങ്ങൾ മാത്രമേ ഉണ്ടാവുന്നുള്ളു . ഇങ്ങനെ ചെറിയ മാറ്റങ്ങൾ മാത്രമുള്ള കോശങ്ങളെ Atypical Cells എന്ന് വിളിക്കുന്നു. Cervical Dysplasia എന്ന് ഈ അവസ്ഥ അറിയപ്പെടുന്നു.ഇത്തരം കോശങ്ങൾ ചികിത്സയൊന്നുമില്ലാതെ തന്നെ ചിലരിൽ മാറിയേക്കാം . മറ്റു ചിലരിൽ HPV infection വീണ്ടും ഉണ്ടാകുകയും atypical cells കാൻസർ ആയി മാറുകയും ചെയ്യുന്നു. Atypical കോശങ്ങൾ കാൻസർ ആയി മാറണമെങ്കിൽ വർഷങ്ങളെടുക്കും.

Cervical Dysplasia കണ്ടെത്തിയാൽ atypical കോശങ്ങൾ കാൻസർ ആയി മാറാതിരിക്കാൻ ഡോക്ടർ ചികിത്സ നിർദേശിച്ചേക്കാം . ചുറ്റുമുള്ള ഭാഗങ്ങളെ ബാധിക്കാത്ത രീതിയിൽ ചെറിയ procedure യിലൂടെ ഇത് ചെയ്യാവുന്നതാണ് .

ചികിത്സ വേണോ എന്നത് തീരുമാനിക്കുന്നത് താഴെ കൊടുത്തിരിക്കുന്ന ഘടകങ്ങൾ ആണ്

മാറ്റമുണ്ടായ ഭാഗത്തിന്റെ വലുപ്പം , കോശങ്ങളിൽ ഉണ്ടായ മാറ്റങ്ങൾ എത്രത്തോളമാണ്
ഭാവിയിൽ കുട്ടികളുണ്ടാവാനുള്ള വ്യക്തിയുടെ ആഗ്രഹം
വ്യക്തിയുടെ പ്രായവും ആരോഗ്യവും

ഗർഭാശയമുഖ കാൻസർ

ഗർഭാശയമുഖത്തിനു രണ്ടു ഭാഗങ്ങളുണ്ട് . യോനിയിൽ കാണപ്പെടുന്ന ഗർഭാശയമുഖത്തിന്റെ ഉപരിതലത്തിൽ ഉള്ള Ectocervix , യോനിയെ ഗർഭപാത്രമായി ബന്ധിപ്പിക്കുന്ന birth canal ഉള്ള ഭാഗം Endocervix . ഏതു ഭാഗത്താണ്കാൻസർ വന്നതെന്നനുസരിച്ചു രണ്ടു തരം ഗർഭാശയമുഖ ക്യാന്സറുണ്ട്

Squamous Cell Carcinoma: 80% മുതൽ 90% ഗർഭാശയമുഖ ക്യാൻസറുകളും ഈ വിഭാഗത്തിൽപ്പെടുന്നു. Ectocervix ഇൽ ആണ് ഇതിന്റെ തുടക്കം.
Adenocarcinoma : 10% ഗർഭാശയമുഖ ക്യാൻസറുകളും ഈ വിഭാഗത്തിൽപ്പെടുന്നു. Endocervix ഇൽ ആണ് ഇതിന്റെ തുടക്കം.

സ്ഥിതിവിവരക്കണക്കുകൾ

Globocan 2020 കണക്കനുസരിച്ചു Cervix and Uterine Cancer ഇന്ത്യയിൽ 3 സ്ഥാനത്താണുള്ളത് . സ്ത്രീകളിൽ സ്തനാർബുദം കഴിഞ്ഞാൽ ഏറ്റവും കൂടുതൽ കാണപ്പെടുന്ന ക്യാന്സറാണ് ഗർഭാശയ കാൻസർ. പ്രതിവർഷം 1,23,907 ആളുകൾക്കാണ് ഗർഭാശയ കാൻസർ കണ്ടുപിടിക്കുന്നത് . 77,348 ആളുകളാണ്പ്രതിവർഷം ഗർഭാശയ കാൻസർ ബാധിച്ചു മരിക്കുന്നത്. മരണനിരക്കിൽ 2 സ്ഥാനമാണ് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് കാൻസർ നു കാരണമാവില്ല. ഗർഭാശയമുഖ ക്യാന്സറിന്റെ അപകടഘടകങ്ങൾ താഴെ കൊടുക്കുന്നു

Human Papillomavirus (HPV) Infection: ഗർഭാശയമുഖ ക്യാന്സറിന്റെ ഏറ്റവും പ്രധാനപ്പെട്ട അപകടഘടകമാണ് HPV .വളരെ സാധാരണയായ ഒരു അണുബാധയാണിത് . ലൈംഗികബന്ധത്തിന്റെ സമയത്താണ് പുരുഷന്മാരുടെ ലൈംഗിക അവയവത്തിൽ നിന്ന് സ്ത്രീകളുടെ ഗർഭാശയമുഖത്തിലേക്ക് ഈ വൈറസ് ബാധിക്കുന്നത്. മറ്റു പ്രശ്നങ്ങൾ ഉണ്ടാക്കാതെ അണുബാധ മിക്കവരിലും തന്നെ പോകും . 100 ഇൽ അധികം തരം HPV വൈറസ്കളുണ്ട് എന്നാൽ കാൻസർ ഉണ്ടാവാൻ സാധ്യത HPV 16 , HPV 18 എന്നിവ മാത്രമാണ് .

HPV virus നെ സംബന്ധിച്ചു അപകടസാധ്യത കൂട്ടുന്ന ഘടകങ്ങൾ താഴെ കൊടുത്തിരിക്കുന്നു

ഒന്നിലധികം ലൈംഗിക പങ്കാളികൾ
ചെറുപ്രായത്തിൽ ലൈംഗിക ബന്ധം തുടങ്ങുന്നത്

HPV vaccine ലൈംഗിക ബന്ധം തുടങ്ങുന്ന പ്രായത്തിനു മുൻപ് നല്കാനായാൽ ഗർഭാശയമുഖ കാൻസർതടയാനാകും

Immune System Deficiency: രോഗപ്രതിരോധ ശക്തി കുറവുള്ള ആളുകളിൽ ഗർഭാശയമുഖ കാൻസർ വരാനുള്ള സാധ്യത കൂടുതലാണ് . രോഗപ്രതിരോധ ശക്തി കുറയാനുള്ള കാരണം Corticosteroid മരുന്നിന്റെ ഉപയോഗം ,Organ Transplantation,മറ്റു ക്യാന്സറിന്റെ ചികിത്സ ,HIV അണുബാധ എന്നിവയാണ് .
Herpes: ജനനേന്ദ്രിയത്തിൽ Herpes അണുബാധ ഉള്ളവരിൽ ഗർഭാശയമുഖ കാൻസർ വരാൻ സാധ്യതകൂടുതലാണ്
Smoking (പുകവലി ): പുകയില വലിക്കുന്നവരിൽ വലിക്കാത്തവരെക്കാൾ ഗർഭാശയമുഖ കാൻസർ വരാൻ രണ്ടു മടങ്ങു സാധ്യത കൂടുതലാണ്
Age (പ്രായം ): 20 വയസിനു താഴെ പ്രായമുള്ളവരിൽ അപൂർവമായേ ഗർഭാശയമുഖ കാൻസർ വരാറുള്ളൂ.30 വയസിനു മുകളിലേക്ക് അപകടസാധ്യത കൂടിക്കൊണ്ടിരിക്കും.അതുകൊണ്ട് 30 വയസിനുമുകളിലുള്ളവർ കൃത്യമായ ഇടവേളകളിൽ പരിശോധന നടത്തേണ്ടതാണ്.
Socioeconomic Factors( സാമൂഹിക സാമ്പത്തിക ഘടകങ്ങൾ ) : സാമ്പത്തികമായി പിന്നോക്കമുള്ളവർ പതിവായി പരിശോധന ചെയ്യാറില്ല. അവരിൽ തുടക്കത്തിലുള്ള മാറ്റങ്ങൾ കണ്ടുപിടിക്കാൻ സാധിക്കില്ല.
Oral Contraceptives ( ഗർഭനിരോധന ഗുളിക ): ഗർഭനിരോധന ഗുളികകളുടെ ഉപയോഗം ഗർഭാശയമുഖക്യാന്സറിന്റെ സാധ്യത വർധിപ്പിക്കാമെന്ന് ചില പടങ്ങൾ കാണിക്കുന്നു . ഇതിനെ കുറിച്ചു കൂടുതൽ ഗവേഷണം നടന്നുകൊണ്ടിരിക്കുന്നു
Exposure to Diethylstilbestrol : പണ്ടുകാലത്തു ഗർഭകാലത്തെ ഗർഭഛിത്തം തടയാൻ കൊടുത്തിരുന്ന ഈ മരുന്ന് ഗർഭാശയമുഖ ക്യാന്സറിന്റെ സാധ്യത വർധിപ്പിച്ചിരുന്നു

ഗർഭാശയമുഖ ക്യാന്സറിന്റെ പ്രതിരോധം

പ്രതിരോധിക്കാൻ കഴിയുന്ന അപൂർവം ചില ക്യാന്സറിൽ ഒന്നാണ് ഗർഭാശയമുഖ കാൻസർ .കൃത്യമായ ഇടവേളകളിൽ പരിശോധന നടത്തി pap smear , HPV ടെസ്റ്റുകളിലൂടെ ചെറിയ മാറ്റങ്ങൾ കണ്ടുപിടിക്കാനും precancer സ്റ്റേജ് ഇൽ വെച്ചുതന്നെ കാൻസർ തടയാനും സാധിക്കും .

HPV വാക്‌സിൻ എടുക്കുന്നതിലൂടെ ഗർഭാശയമുഖ കാൻസർ തടയാനാകും . ലൈംഗിക ബന്ധം തുടങ്ങുന്ന പ്രായത്തിനു മുൻപ് ഇത് എടുത്തിരിക്കണം .

‍

ഗർഭാശയമുഖ ക്യാന്സറിന്റെ Screening

ക്യാന്സറിന്റെ ലക്ഷണങ്ങൾ ഒന്നുമില്ലാത്തവരിൽ നടത്തുന്ന പരിശോധനയാണ് Screening. Precancerous lesions ഉണ്ടെങ്കിൽ ഈ പരിശോധനയിലൂടെ കണ്ടുപിടിക്കാവുന്നതാണ് .

Screening ചെയ്യുന്നതിന്റെ ഉദ്ദേശം താഴെ കൊടുത്തിരിക്കുന്നവയാണ്

കാൻസർ ആദ്യത്തെ സ്റ്റേജിൽ കണ്ടെത്തുന്നതിലൂടെ ക്യാന്സറിന്റെ മരണനിരക്ക് കുറക്കുക
Precancer lesions കണ്ടെത്തുന്നതിലൂടെ കാൻസർ തടയുക

21 വയസുമുതൽ 65 വരെയുള്ള സ്ത്രീകളിലാണ് ഈ പരിശോധന നടത്തേണ്ടത് . ഗർഭാശയമുഖ ക്യാന്സറിന്റെscreening ടെസ്റ്റുകൾ താഴെ കൊടുത്തിരിക്കുന്നവയാണ്

HPV Test: ഗർഭാശയമുഖത്തിലെ കോശങ്ങൾ ശേഖരിച്ചു അതിൽ HPV വൈറസ് ഉണ്ടോയെന്ന്പരിശോധിക്കുന്നു.
Pap Test: ഗർഭാശയമുഖത്തിലെ കോശങ്ങൾ ശേഖരിച്ചു മൈക്രോസ്കോപ്പിലൂടെ കോശങ്ങളിൽ എന്തെങ്കിലും മാറ്റങ്ങളുണ്ടോ എന്ന് പരിശോധിക്കുന്നു .

Pap Smear ടെസ്റ്റ് നു ശേഷം സാധാരണ കാണാറുള്ള ടെസ്റ്റ് results താഴെ കൊടുത്തിരിക്കുന്നു

Normal : കോശങ്ങളിൽ മാറ്റങ്ങൾ ഒന്നുമില്ല
ASCUS( Atypical Squamous Cells of Undetermined Significance ): Squamous കോശങ്ങളിൽ ചെറിയ മാറ്റമുണ്ട് എന്നാൽ മാറ്റം പ്രധാനപെട്ടതാണോയെന്ന് തീരുമാനിക്കാനാകില്ല
AGUS (Atypical Glandular Cells of Undetermined Significance): ഗ്രന്ഥി കോശങ്ങളിൽ മാറ്റമുണ്ട് എന്നാൽ മാറ്റം പ്രധാനപെട്ടതാണോയെന്ന് തീരുമാനിക്കാനാകില്ല
LSIL ( Low grade Squamous Intraepithelial Lesion)
HSIL ( High grade Squamous Intraepithelial Lesion)

Visual Inspection with Acetic acid (VIA): Acetic Acid ഗർഭാശയമുഖത്തു പുരട്ടുമ്പോൾ ഉണ്ടാവുന്ന മാറ്റങ്ങളെ നിരീക്ഷിക്കുന്ന പരിശോധന . മാറ്റങ്ങളുള്ള കോശങ്ങളുണ്ടെങ്കിൽ acetic acid പുരട്ടുമ്പോൾ അവ വെളുത്ത നിറമായി മാറും

ലക്ഷണങ്ങൾ

ക്യാന്സറിന് മുൻപുള്ള Precancer സ്റ്റേജിൽ ലക്ഷണങ്ങൾ ഒന്നുമുണ്ടാവില്ല . Precancer കാൻസർ ആയി മാറുമ്പോൾ കാണുന്ന ലക്ഷണങ്ങൾ താഴെ കൊടുത്തിരിക്കുന്നു

ആർത്തവസമയത്തല്ലാതെ രക്തം പോകുന്നത്
ആർത്തവ സമയത്തു പതിവിൽ കൂടുതൽ രക്തം പോകുന്നത്
ലൈംഗിക ബന്ധത്തിന് ശേഷം രക്തം പോകുന്നത്
വെള്ളപോക്ക്
ആർത്തവം നിന്നതിനു ശേഷം രക്തം പോകുന്നത്
വിട്ടുമാറാത്ത നടുവേദന

രോഗനിർണയം

Pelvic Examination : Speculum എന്ന ഉപകരണം ഉപയോഗിച്ചു ഡോക്ടർ രോഗിയുടെ ഗർഭാശയമുഖം, ഗർഭപാത്രം , യോനി , അണ്ഡാശയം എന്നീ ഭാഗങ്ങൾ പരിശോധിക്കുന്നു
Pap Test
HPV Typing Test
Colposcopy : Colposcope എന്ന ഉപകരണം ഗർഭാശയമുഖത്തിലെ കോശങ്ങളെ വളരെ വലുപ്പത്തിൽ കാണാൻ സഹായിക്കുന്നു . ഇതിലൂടെ ചെറിയ മാറ്റങ്ങൾ കണ്ടുപിടിക്കാൻ സാധിക്കും.
Biopsy: സംശയമുള്ള ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെപരിശോധിക്കുന്നു . സാധാരണ ചെയ്യുന്ന biopsy താഴെ കൊടുത്തിരിക്കുന്നു

Endocervical Curettage ( ECC)
Loop Electrosurgical Excision Procedure (LOOP)
Conization ( a cone biopsy)

CT Scan
MRI
PET CT

‍

FIGO Stages

Stage IA 1: 3 mm ഇൽ താഴെ മാത്രമേ ക്യാന്സറിന്റെ വലുപ്പമുള്ളൂ
Stage IA 2: ക്യാന്സറിന്റെ വലുപ്പം 3mm-5mm ഇടയിലാണ്

IB സ്റ്റേജിൽ ആദ്യത്തെ സ്റ്റേജിനെക്കാൾ വലുപ്പം കൂടുതലാണ് എന്നാൽ ഗർഭാശയമുഖത്തിനു പുറത്തേക്ക് പടർന്നിട്ടില്ല .

Stage IB 1: ക്യാന്സറിന് 5mm അതിൽ കൂടുതലോ ആഴവും 2cm താഴെ വീതിയുമുണ്ട് .
Stage IB 2: ക്യാന്സറിന് 5mm അതിൽ കൂടുതലോ ആഴവും 4cm താഴെ വീതിയുമുണ്ട് .
Stage IB 3: ക്യാന്സറിന് 4cm അതിൽ കൂടുതലോ വീതിയുണ്ട്

II സ്റ്റേജിൽ കാൻസർ ഗർഭാശയത്തിനു പുറത്തു യോനിയിലേക്ക് പടർന്നിരിക്കുന്നു എന്നാൽ pelvic region നു പുറത്തേക്ക് വ്യാപിച്ചിട്ടില്ല

Stage IIA 1: . യോനിയുടെ മുകളിലെ മൂന്നിൽ രണ്ടു ഭാഗത്തേക്ക് കാൻസർ വ്യാപിച്ചു .എന്നാൽ ഗർഭാശയമുഖത്തിനുചുറ്റുമുള്ള ടിഷ്യു ആയ parametrium യിലേക്ക് വ്യാപിച്ചിട്ടില്ല. ക്യാന്സറിന്റെ വലുപ്പം 4cm ഇൽ കുറവാണ്‌.
Stage IIA 2: ക്യാന്സറിന്റെ വലുപ്പം 4cm ഇൽ കൂടുതലാണ്.
Stage IIB: കാൻസർ parametrium യിലേക്ക് വ്യാപിച്ചു എന്നാൽ pelvic wall യിലേക്ക് എത്തിയിട്ടില്ല
Stage IIIA: കാൻസർ യോനിയുടെ താഴെഭാഗത്തിലേക്ക് വ്യാപിച്ചു എന്നാൽ pelvic wall യിലേക്ക്എത്തിയിട്ടില്ല
Stage IIIB: കാൻസർ pelvic wall യിലേക്ക് വ്യാപിച്ചു അല്ലെങ്കിൽ വൃക്കയിലേക്ക് വ്യാപിച്ചു
Stage IIIC 1: pelvis ലെ കഴലകളിലേക്കു വ്യാപിച്ചു
Stage IIIC 2: para-aortic കഴലകളിലേക്കു വ്യാപിച്ചു
Stage IVA: കാൻസർ മൂത്രസഞ്ചിയിലേക്കും മലാശയത്തിലേക്കും വ്യാപിച്ചു. ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചിട്ടില്ല .
Stage IVB: കാൻസർ ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചു

ചികിത്സ

1.ശസ്ത്രക്രിയ

ക്യാന്സറും ചുറ്റുമുള്ള ആരോഗ്യമുള്ള ടിഷ്യു (margin) നീക്കം ചെയ്യുന്നു .

Conization : Cone biopsy ചെയ്യാൻ ഉപയോഗിക്കുന്ന അതേ പ്രക്രിയയിലൂടെ കാൻസർ ബാധിച്ച ഭാഗം നീക്കം ചെയുന്നു
LEEP : നേരിയ ഒരു ഹൂക്കിലൂടെ കറന്റ് കടത്തി കാൻസർ ബാധിച്ച ഭാഗം നീക്കം ചെയുന്നു
Hysterectomy : ഗർഭപാത്രവും ഗർഭാശയമുഖവും മൊത്തമായി നീക്കം ചെയ്യുന്നു. Simple Hysterectomy, Radical Hysterectomy എന്നീ രണ്ടു തരം hysterectomy ഉണ്ട് .
Bilateral Salpingo-oophorectomy: Hysterectomy ചെയ്യുന്ന സമയത്തു രണ്ടു അണ്ഡാശയവും fallopian tube നീക്കം ചെയ്യുന്നു
Exenteration : റേഡിയേഷൻ ചികിത്സക്ക് ശേഷം കാൻസർ തിരിച്ചു വന്നാൽ ഗർഭപാത്രം , യോനി , വൻകുടലിന്റെ താഴ്ഭാഗം , മലാശയം ,മൂത്രസഞ്ചി എന്നീ അവയവങ്ങൾ നീക്കം ചെയ്യുന്നു.

2. Radiation Therapy

ഒരു മെഷീൻ ഉപയോഗിച്ച് high energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്നു . റേഡിയേഷൻ സാധാരണ ദിവസത്തിൽ ഒരിക്കൽ , ആഴ്ചയിൽ 5 ദിവസമാണ് കൊടുക്കാറ് .രണ്ടു രീതിയിൽ ഗർഭാശയമുഖ കാൻസർ ചികിൽസിക്കാൻ റേഡിയേഷൻ കൊടുക്കാം . പുറത്തു നിന്ന് റേഡിയേഷൻ മെഷീൻ ഉപയോഗിച്ചു (External Beam Radiation Therapy) അല്ലെങ്കിൽ നേരിട്ട് ഗർഭാശയമുഖത്തേക്കു റേഡിയേഷൻ കൊടുക്കുന്ന Brachytherapy . ഏതു വേണമെന്നതു രോഗിയെയുംക്യാന്സറിനെയും സംബന്ധിച്ച പല ഘടകങ്ങൾ അനുസരിച്ചിരിക്കും .

റേഡിയേഷൻ ചികിത്സ തന്നെ ആയോ ,ശസ്ത്രക്രിയക്ക് മുൻപോ ,ശസ്ത്രക്രിയക്ക് പകരം കാൻസർ ചുരുക്കാനോ ഉപയോഗിക്കാം . ആദ്യത്തെ ഘട്ടത്തിലുള്ള ഗർഭാശയമുഖ ക്യാന്സറിന്റെ ചികിത്സക്ക് റേഡിയേഷൻ കീമോതെറാപ്പി ഒരുമിച്ച് ചെയ്യാറുണ്ട് .ആഴ്ചയിൽ ഒരിക്കലായിരിക്കും കീമോതെറാപ്പി .

‍

Brachytherapy

ഏതു അവയവത്തിനാണോ റേഡിയേഷൻ കൊടുക്കേണ്ടത് ആ അവയവത്തിന്റെ അടുത്തായി റേഡിയേഷൻ പുറപ്പെടുവിക്കുന്ന ഒരു ഉറവിടം സ്ഥാപിക്കുന്ന ചികിത്സയാണ് brachytherapy . ഇതിലൂടെ മറ്റു അവയവങ്ങളെ ബാധിക്കാതെ ഉയർന്ന അളവ് റേഡിയേഷൻ അപ്പോൾ തന്നെ കൊടുക്കാൻ സാധിക്കും. സ്തനാർബുദം,പ്രോസ്റ്റേറ്റ് കാൻസർ , ഗർഭാശയമുഖ കാൻസർ , ചർമത്തിലെ കാൻസർ എന്നിവക്കാണ് ഈചികിത്സാരീതി ഉപയോഗിക്കാറ് . ഓരോ brachytherapy ഏകദേശം 20 മിനിറ്റ് സമയം എടുക്കും. 3 തവണ ഇങ്ങനെ കൊടുക്കേണ്ടി വരും .

‍

3. Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

കീമോതെറാപ്പി പല രീതിയിൽ ഗർഭാശയ ക്യാന്സറിന്റെ ചികിത്സക്കുപയോഗിക്കാം

ശസ്ത്രക്രിയക്ക് ശേഷം ശരീരത്തിൽ അവശേഷിക്കുന്ന കാൻസർ കോശങ്ങളെ നശിപ്പിക്കാൻ
വലുപ്പം കൂടുതലുള്ള ശസ്ത്രക്രിയ ചെയ്യാൻ സാധിക്കാത്ത കാൻസർ ചുരുക്കാൻ
ശസ്ത്രക്രിയക്ക് ശേഷം തിരിച്ചു വന്ന കാൻസർ അല്ലെങ്കിൽ ശരീരത്തിൽ മറ്റു ഭാഗങ്ങളിലേക്ക് വ്യാപിച്ച ക്യാന്സറിന്റെ ചികിത്സക്ക്

‍

4 Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy. ചില സാഹചര്യങ്ങളിൽ മാത്രമേ cervical ക്യാന്സറിന്റെ ചികിത്സയിൽ targeted therapy ഉപയോഗിക്കാറുള്ളൂ.ഗർഭാശയമുഖ ക്യാന്സറിന്റെ ചികിത്സക്കുപയോഗിക്കുന്ന ചില targeted therapy മരുന്നുകൾ താഴെ കൊടുത്തിരിക്കുന്നു

‍

bevacizumab

5 Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് . ചില സാഹചര്യങ്ങളിൽ മാത്രമേ cervical ക്യാന്സറിന്റെ ചികിത്സയിൽ immunotherapy ഉപയോഗിക്കാറുള്ളൂ. ഗർഭാശയമുഖ ക്യാന്സറിന്റെ ചികിത്സക്കുപയോഗിക്കുന്ന ചില immunotherapy മരുന്നുകൾ താഴെ കൊടുത്തിരിക്കുന്നു

pembrolizumab (Keytruda)

Cervical Cancer Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Cervical cancer ( ഗർഭാശയമുഖ കാൻസർ )‍

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type