Small Intestine Cancer (ചെറുകുടൽ കാൻസർ)

ചെറുകുടൽ

ദഹന വ്യവസ്ഥയുടെ ഒരു ഭാഗമാണ് ചെറുകുടൽ .Small bowel അല്ലെങ്കിൽ Small intestine എന്നറിയപ്പെടുന്നു . ആഹാരത്തിലെ പോഷകങ്ങളെ വേർതിരിക്കാനും രക്തത്തിലേക്ക് ആഗിരണം ചെയ്യാനും സഹായിക്കുന്നു . ചെറുകുടൽ ആമാശയത്തിനെ വൻകുടലുമായി ബന്ധിപ്പിക്കുന്നു .

ചെറുകുടലിനെ 3 ഭാഗമായി തിരിക്കാം

The duodenum: ആമാശയത്തിനോട് ചേർന്നുള്ള ചെറുകുടലിന്റെ ഭാഗം
The jejunum : ചെറുകുടലിന്റെ മധ്യ ഭാഗം
The ileum: വൻകുടലിനോട് ചേർന്നുള്ള ഭാഗം

ചെറുകുടലിന് ഏകദേശം 4 മീറ്ററിൽ കൂടുതൽ നീളമുണ്ട്‌ . മൊത്തം ദഹനവ്യവസ്ഥയുടെ നാലിൽ മൂന്ന് ഭാഗവും ചെറുകുടലാണ് .

ചെറുകുടലിലെ കാൻസർ

ചെറുകുടലിലെ ആരോഗ്യമുള്ള കോശങ്ങൾ നിയന്ത്രണമില്ലാതെ വളർന്നു മുഴയായി തീരുന്നു .ഈ മുഴ കാൻസർ ആവാനും ആവാതിരിക്കാനും സാധ്യതയുണ്ട് .

‍

ചെറുകുടൽ ക്യാന്സറിന്റെ പല തരങ്ങൾ

പ്രധാനമായും 5 തരങ്ങളുണ്ട്

Adenocarcinoma: ചെറുകുടലിൽ ഏറ്റവും കൂടുതൽ കാണപ്പെടുന്ന കാൻസർ ആണ് adenocarcinoma. Duodenum അല്ലെങ്കിൽ Jejunum യിൽ കാണപ്പെടുന്ന ഈ കാൻസർ ചെറുകുടലിലെ ഗ്രന്ഥി കോശങ്ങളിൽ നിന്നാണ് ആരംഭിക്കുന്നത് .
Sarcoma : ചെറുകുടലിലെ പേശി ടിഷ്യുയിൽ (muscle tissue) കാണപ്പെടുന്ന Leiomyosarcoma എന്ന കാൻസർ ആണ് ഇതിൽ പ്രധാനം . Ileum എന്ന ചെറുകുടലിന്റെ ഭാഗത്താണ് ഇത് കൂടുതലും കാണാറുള്ളത് .
Gastrointestinal Stromal Tumor : അത്ര സാധാരണമല്ലാത്ത ഈ കാൻസർ GI tract ന്റെ ഭിത്തിയിൽ കാണപ്പെടുന്ന interstitial cells of Cajal (ICC) എന്ന കോശങ്ങളിൽ നിന്നാണ് തുടങ്ങുന്നത് . GIST ഒരു തരം soft tissue sarcoma ആണ് .ശരീരത്തെ പിന്തുണക്കുകയും ബന്ധിപ്പിക്കുകയും ചെയ്യുന്ന ടിഷ്യു(soft tissue) യിൽ ആണ് soft tissue sarcoma തുടങ്ങുന്നത് .
Neuroendocrine tumor : ഹോർമോണുകൾ ഉല്പാദിപ്പിക്കുന്ന കോശങ്ങളിൽ നിന്നാണ് neuroendocrine tumor തുടങ്ങുന്നത്. Ileum എന്ന ഭാഗത്താണ് ഇത് കൂടുതലായും കാണപ്പെടുന്നത് .
Lymphoma : ശരീരത്തിന്റെ രോഗപ്രതിരോധ സംവിധാനത്തിന്റെ ഭാഗമായ lymph system ന്റെ കാൻസർ ആണ് lymphoma. Jejunum അല്ലെങ്കിൽ Ileum എന്ന ചെറുകുടലിന്റെ ഭാഗങ്ങളിലാണ് ഇത്തരം കാൻസർ കൂടുതൽ കാണപ്പെടുന്നത് . Lymphoma ഇൽ തന്നെ non-Hodgkin lymphoma എന്ന തരം ആണ് ചെറുകുടലിൽ കൂടുതൽ ഉണ്ടാവുന്നത് .

ചെറുകുടലിലെ പ്രധാന കാൻസർ ആയ Adenocarcinoma യെ കുറിച്ചാണ് ഇനിയുള്ള ഭാഗങ്ങൾ വിവരിക്കുന്നത് .

സ്ഥിതിവിവരക്കണക്ക്

United States യിലെ കണക്കുകൾ അനുസരിച്ചു പ്രതിവർഷം 12070 രോഗികൾക്ക് ചെറുകുടലിലെ കാൻസർ കണ്ടുപിടിക്കപ്പെടുന്നു.

‍

അതിജീവനനിരക്ക്

United States യിലെ കണക്കുകൾ അനുസരിച്ചു ചെറുകുടൽ ക്യാന്സറിന്റെ 5 വർഷത്തെ അതിജീവനനിരക്ക് 69% ആണ് .ആദ്യത്തെ സ്റ്റേജിൽ കണ്ടുപിടിക്കാൻ സാധിച്ചാൽ 84% അതിജീവനനിരക്കുണ്ട് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

Crohn’s disease : ദഹനനാളത്തിന്റെ തുടർച്ചയായ വീക്കം (inflammation) ആണ് ഈ അസുഖം . ചെറുകുടലിലും വൻകുടലിലും കാൻസർ ഉണ്ടാവാൻ ഈ അസുഖം ഒരു കാരണമായി കണക്കാക്കപ്പെടുന്നു .
Celiac disease: ചെറുകുടലിൽ വെച്ച് ഭക്ഷണത്തിലെ പോഷകങ്ങൾ ആഗിരണം ചെയ്യുന്നതിൽ തടസം വരുന്ന ഒരു അസുഖമാണിത് . Gluten എന്നറിയപ്പെടുന്ന ഗോതമ്പിലും മറ്റു ചില ധാന്യങ്ങളിലും കാണപ്പെടുന്ന ഒരു പ്രോടീൻ കാരണമാണ് ഈ അസുഖം ഉണ്ടാവുന്നത്. നീണ്ടു നിൽക്കുന്ന ഈ അസുഖം ചെറുകുടലിലെ ക്യാന്സറിന്റെ സാധ്യത വർധിപ്പിക്കുന്നു .
Familial adenomatous polyposis (FAP) : വൻകുടൽ നിറയെ നൂറുകണക്കിന് അല്ലെങ്കിൽ ആയിരക്കണക്ക് ചെറിയ മുഴകൾ / വളർച്ച (polyps) ഉണ്ടാവുന്ന പാരമ്പര്യമായി വരുന്ന ഒരു അസുഖമാണിത് . Benign ആയി സാധാരണ കാണപ്പെടുന്ന ഈ മുഴകൾ ചികിൽസിക്കാതിരുന്നാൽ ഏകദേശം 100% സാധ്യതയുണ്ട് ഇത് കാൻസർ ആയി മാറാൻ .

ലക്ഷണങ്ങൾ

മലത്തിൽ രക്തം
കറുത്ത നിറത്തിലുള്ള മലം
വയറിളക്കം
വയറ്റിൽ മുഴ
വയറു വേദന
കാരണമില്ലാതെ തൂക്കം കുറയുന്നത്
ഭയങ്കരമായ ഓക്കാനം അല്ലെങ്കിൽ ഛർദിയുടെ കൂടെയുണ്ടാവുന്ന വയറുവേദന

രോഗനിർണയം

രക്ത പരിശോധന : ചുവന്ന രക്ത കോശങ്ങളുടെ (Red Blood Cells) കൗണ്ട് നോക്കുന്നതിലൂടെ ചെറുകുടലിൽ രക്തസ്രാവം ഉണ്ടോയെന്ന് മനസ്സിലാക്കാം. Liver functions , Kidney functions മുതലായ ടെസ്റ്റുകളും വേണ്ടി വരും .
Biopsy : : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സി ക്കു മാത്രമേ സാധിക്കു .
Endoscopy : നേരിയ , പ്രകാശമുള്ള ഒരു ട്യൂബ് വായിലൂടെ കടത്തി അന്നനാളം , ആമാശയം , ചെറുകുടൽ മുതലായ ഭാഗങ്ങൾ വിശദമായി പരിശോധിക്കുന്നു . സംശയകരമായ മാറ്റങ്ങൾ എന്തെങ്കിലും ഉണ്ടെങ്കിൽ അപ്പോൾ തന്നെ ബയോപ്സി എടുക്കുന്നു.എന്നാൽ ചെറുകുടൽ പൂർണമായി endoscopy വഴി പരിശോധിക്കാനാവില്ല . ഇതിനു പകരം video capsule endoscopy (VCE) എന്ന ടെസ്റ്റിൽ രോഗി ഗുളികയുടെ വലുപ്പമുള്ള ക്യാമറയും ലൈറ്റ് അടങ്ങിയ ഒരു capsule വിഴുങ്ങുന്നു . ഇതിലൂടെ ചെറുകുടലിന്റെ ചിത്രം ശേഖരിക്കുന്നു . മലത്തിലൂടെ ഈ capsule പിന്നീട് പുറത്തുവരുന്നു .
Colonoscopy : Endoscopy പോലെയുള്ള ഒരു ടെസ്റ്റ് ആണ് colonoscopy. Colonoscopy ഇൽ endoscope വായ്ക്ക് പകരം മലാശയത്തിലൂടെ കടത്തി ചെറുകുടൽ പരിശോധിക്കുന്നു .
X-ray
CT scan
PET CT
Laparotomy

ചികിത്സ

1.Surgery

ക്യാന്സറും ചുറ്റുമുള്ള ആരോഗ്യമുള്ള ടിഷ്യു (margin) നീക്കം ചെയ്യുന്നു . ചെറുകുടൽ ക്യാന്സറിന്റെ ഏറ്റവും പ്രധാനപ്പെട്ട ഒരു ചികിത്സയാണ് സർജറി . കാൻസർ നീക്കം ചെയ്യാനും കുടലിന്റെ ഭാഗങ്ങൾ കൂടി ചേർക്കാനും വൻകുടലിൽ തടസം ഉണ്ടെങ്കിൽ അത് മാറ്റാനും കഴലകൾ നീക്കം ചെയ്യാനും സർജറി ചെയ്യാം .

സർജറി ചെയ്താലും ശരീരത്തിൽ കാൻസർ കോശങ്ങൾ എവിടെയെങ്കിലും അവശേഷിക്കുന്നുണ്ടെങ്കിൽ അവയെ നശിപ്പിക്കാനായി കീമോതെറാപ്പി പോലെ മറ്റു ചികിത്സകൾ ആവശ്യമാണ് .ക്യാന്സറിന്റെ സ്റ്റേജ് എന്ത് തരം കാൻസർ ആണ് എന്ന് വിലയിരുത്തിയതിനു ശേഷമേ ഏതു ചികിത്സ ആദ്യം നൽകണം എന്ന് തീരുമാനിക്കാൻ സാധിക്കു .

സർജറി ചെയ്ത ശേഷം ദഹനം എളുപ്പമാക്കാൻ പ്രത്യേക ഭക്ഷണവും മരുന്നുകളും ഡോക്ടർ നിർദേശിച്ചേക്കാം .വേദന , വയറിളക്കം , മലം മുറുക്കം തുടങ്ങിയ അസ്വസ്ഥകളും ഉണ്ടായേക്കാം . ഇത്തരം അസ്വസ്ഥതകൾ സാവധാനം മാറുന്നതായിരിക്കും .

2.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

ചെറുകുടലിന്റെ ചികിത്സക്കുപയോഗിക്കുന്ന ചില കീമോമരുന്നുകൾ താഴെ കൊടുത്തിരിക്കുന്നു

Fluorouracil (5-FU)/leucovorin (folinic acid)
FOLFOX: 5-FU with leucovorin and oxaliplatin (Eloxatin)
FOLFIRI: 5-FU with leucovorin and irinotecan (Camptosar)
CAPEOX: Capecitabine (Xeloda) with oxaliplatin
Capecitabine: An oral form of 5-FU
FOLFOXIRI: 5-FU, leucovorin, oxaliplatin, irinotecan

ക്യാന്സറിന്റെ വലുപ്പം കാരണം സർജറി ആദ്യം ചെയ്യാൻ സാധിക്കില്ലെങ്കിൽ കീമോ കൊടുത്തു ക്യാന്സറിന്റെ വലുപ്പം കുറച്ചതിനു ശേഷം സർജറി ചെയ്യാം . ഇങ്ങനെ ചെയ്യുന്ന ചികിത്സ neoadjuvant therapy എന്നറിയപ്പെടുന്നു . കീമോയുടെ കൂടെ റേഡിയേഷൻ കൂടി ഈ സ്റ്റേജിൽ നൽകുന്നതിനെ chemoradiation എന്ന് പറയുന്നു .

കീമോതെറാപ്പിയുടെ പാർശ്വഫലങ്ങൾ ഷീണം , ഓക്കാനം , ഛർദി , അണുബാധ , മുടികൊഴിച്ചിൽ , വിശപ്പില്ലായ്മ , വയറിളക്കം മുതലായവയാണ്‌ . കീമോ കഴിയുമ്പോൾ പാർശ്വഫലങ്ങൾ കുറഞ്ഞുവരും .

3.Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് .

ചെറുകുടലിൽ adenocarcinoma ഉള്ള ചില ആളുകളിൽ molecular feature called high microsatellite instability (MSI-H) or mismatch repair deficiency (dMMR) ക്യാന്സറിനുണ്ടാവാം . ഇതുള്ളവരിൽ immune checkpoint inhibitors എന്നറിയപ്പെടുന്ന താഴെ കൊടുത്തിരിക്കുന്ന immunotherapy മരുന്നുകൾ ഉപയോഗിക്കാം

Pembrolizumab (Keytruda)
Nivolumab (Opdivo)
Ipilimumab (Yervoy)
Dostarlimab (Jemperli)

4.Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy. ചെറുകുടലിന്റെ ചികിത്സക്കുപയോഗിക്കുന്ന ചില targeted therapy മരുന്നുകൾ താഴെ കൊടുത്തിരിക്കുന്നു

Bevacizumab
Larotrectinib
entrectinib

5.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy എന്ന് പറയുന്നു .

ചെറുകുടൽ ക്യാന്സറിന്റെ പ്രാഥമിക ചികിത്സ ആയി റേഡിയേഷൻ ഉപയോഗിക്കാറില്ല .ക്യാന്സറിന്റെ വലുപ്പം ചുരുക്കാൻ കീമോയോട് ഒപ്പം chemoradiation ആയും palliative ചികിത്സ ആയും റേഡിയേഷൻ ഉപയോഗിക്കാറുണ്ട് .

‍

Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Small Intestine Cancer (ചെറുകുടൽ കാൻസർ)

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

കാൻസർ കൂടി വരുന്നു എന്ന് പഠനം

Media About This Type

സാന്ത്വനചികില്‍സ എന്നാല്‍ എന്താണ്?

Simple secret to health

Debunking Viral Myths: Cancer Facts vs. Fiction