Adrenal Gland Tumor (അഡ്രിനൽ ഗ്രന്ഥി ട്യൂമർ )

അഡ്രിനൽ ഗ്രന്ധികളെ കുറിച്ച്

എല്ലാ വ്യക്തികളിലും 2 അഡ്രിനൽ ഗ്രന്ഥികളുണ്ട് . ഓരോ വൃക്കയുടെ മുകളിലായാണ് ഇവ കാണപ്പെടുന്നത് . വളരെ ചെറുതായിരിക്കും , മഞ്ഞ നിറമാണ് , ഏകദേശം 10gm മാത്രമേ ഭാരമുള്ളു .

ശരീരത്തിലെ ഹോർമോൺ ഘടനയിലെ ഒരു പ്രധാനപ്പെട്ട അവയവമാണ് അഡ്രിനൽ ഗ്രന്ഥി. ഓരോ അഡ്രിനൽ ഗ്രന്ധിക്കും അവയുടെ പ്രവർത്തനം അനുസരിച്ചു 2 ഭാഗങ്ങളുണ്ട്

Adrenal Cortex: അഡ്രിനൽ ഗ്രന്ഥിയുടെ ഏറ്റവും പുറം ഭാഗമാണ് ഇത് . 3 ഹോർമോണുകൾ ഇവിടെ ഉല്പാദിപ്പിക്കപ്പെടുന്നു. Cortisol, Aldosterone, dehydroepiandrosterone (DHEA). ഈ ഹോർമോണുകൾ ശരീരത്തിന്റെ മെറ്റബോളിസം ,രക്‌തസമ്മർദ്ദം, രോമ വളർച്ച , ശരീരത്തിന്റെ ആകൃതി എന്നിവയെ നിയന്ത്രിക്കുന്നു
Adrenal Medulla: അഡ്രിനൽ ഗ്രന്ഥിയുടെ ഉള്ളിലുള്ള ഭാഗമാണിത്. 3 ഹോർമോണുകൾ ഇവിടെ ഉല്പാദിപ്പിക്കപ്പെടുന്നു. Epinephrine, Norepinephrine and Dopamine. ശരീരത്തിൽ എന്തെങ്കിലും സമ്മർദ്ദം ഉണ്ടാകുമ്പോൾ ശരീരം എങ്ങനെ പ്രതികരിക്കണം എന്നത് നിയന്ത്രിക്കുന്നത് ഈ ഹോർമോണുകൾ ആണ്.

അഡ്രിനൽ ഗ്രന്ഥിയിലെ ട്യൂമർ നെ കുറിച്ച്

അഡ്രിനൽ ഗ്രന്ഥിയിലെ കോശങ്ങൾ നിയന്ത്രണമില്ലാതെ വളർന്നു ഒരു മുഴയായി തീരുന്നു. ഈ മുഴ കാൻസർ ആവാനും ആവാതിരിക്കാനും സാധ്യതയുണ്ട് . അഡ്രിനൽ ഗ്രന്ഥി ഹോർമോൺ ഉല്പാദിപ്പിക്കുന്നതിനാൽ വളർന്നുവരുന്ന ട്യൂമർ ചിലപ്പോൾ കൂടുതൽ ഹോർമോൺ ഉൽപാദിപ്പിക്കാം. ഇത്തരത്തിലുള്ള ട്യൂമർ നെ functioning tumor എന്നും കൂടുതൽ ഹോർമോൺ ഉല്പാദിപ്പിക്കാത്ത ട്യൂമർ നെ non functioning tumor എന്നും അറിയപ്പെടുന്നു.

അഡ്രിനൽ ഗ്രന്ഥിയിലെ ട്യൂമറിന്റെ പല തരങ്ങൾ

Adenoma: ഏറ്റവും കൂടുതലായി കാണപ്പെടുന്ന അഡ്രിനൽ ഗ്രന്ഥിയിലെ ട്യൂമർ . കാൻസർ അല്ലാത്ത adrenal cortex ന്റെ ഒരു വളർച്ചയാണിത് . Functioning tumor അല്ലെങ്കിൽ non functioning tumor ആവാം. ഹോർമോൺ കൂടുതൽ ഉല്പാദിപ്പിക്കപ്പെടുന്നുണ്ടെങ്കിൽ മാത്രമേ ചികിത്സ നിർദേശിക്കാറുള്ളു.
Adrenocortical carcinoma: അപൂർമായി കാണപ്പെടുന്ന adrenal cortex ലെ കാൻസർ വളർച്ചയാണിത്. Functioning അല്ലെങ്കിൽ non functional ആവാം .
Neuroblastoma: Adrenal medulla യിൽ വളരുന്ന ഒരു കാൻസർ ആണിത്. കുട്ടികാലത്താണ് കൂടുതലായി വരാറ് .
Pheochromocytoma: Adrenal medulla യിൽ വളരുന്ന ഒരു Neuroendocrine Tumor ആണിത്. ഉയർന്നരക്തസമ്മർദ്ദം, ഉയർന്ന ഹൃദയമിടിപ്പ് , വിയർപ്പ് കൂടുതൽ എന്നീ ബുദ്ധിമുട്ടുകൾ ഉണ്ടായേക്കാം.

സ്ഥിതിവിവരക്കണക്ക്

വളരെ അപൂർവമായി വരുന്ന ഒരു കാൻസർ ആയതിനാൽ ഇന്ത്യയിലെ യഥാർത്ഥ കണക്കു ലഭിക്കാനില്ല. United States ഇൽ പ്രതിവർഷം 600 പേർക്ക് Adrenocortical carcinoma വരാറുണ്ട് .

അപകടഘടകങ്ങൾ

പാരമ്പര്യമായി വരുന്ന ചില അവസ്ഥകളിൽ അഡ്രിനൽ ട്യൂമർ വരാൻ സാധ്യത കൂടുതലാണ്. അത്തരം അവസ്ഥകൾ താഴെ കൊടുത്തിരിക്കുന്നു

Multiple Endocrine Neoplasia type 2
Li-Fraumeni syndrome
Von Hippel-Lindau syndrome
Neurofibromatosis type1
Carney complex
Succinate dehydrogenase mutations

അഡ്രിനൽ ക്യാന്സറിന്റെ അപകടഘടകങ്ങൾ ഇതുവരെ തെളിയിക്കപ്പെട്ടിട്ടില്ല.

ലക്ഷണങ്ങൾ

ഉയർന്ന രക്തസമ്മർദ്ദം
കുറഞ്ഞ പൊട്ടാസ്യം അളവ്
നെഞ്ചിടിപ്പ്
പരിഭ്രാന്തി
തലവേദന
വിയർപ്പ് കൂടുതൽ
പ്രമേഹം
വയർ വേദന
കാരണമൊന്നുമില്ലാതെ ശരീര ഭാരം കൂടുകയോ കുറയുകയോ ചെയ്യുന്നു
ക്ഷീണം
വയറിൽ വലിഞ്ഞ പാടുകൾ
അമിത രോമ വളർച്ച
ജനനേന്ദ്രിയത്തിൽ മാറ്റങ്ങൾ
അസാധാരണമായ മുഖക്കുരു

രോഗനിർണയം

1.രക്തപരിശോധന , മൂത്രപരിശോധന

ഹോർമോൺ അളവ് നോക്കുന്നതിലൂടെ ട്യൂമർ functional ആണോ non functional ആണോ എന്ന് അറിയാൻ സാധിക്കും.

2.Biopsy

Biopsy രണ്ടു രീതിയിൽ ചെയ്യാം. സൂചി ഉപയോഗിച്ച് കോശങ്ങളും ദ്രാവകങ്ങളും കുത്തിയെടുക്കുന്ന FNAC അല്ലെങ്കിൽ കാൻസർ സംശയിക്കുന്ന ചെറിയൊരു ഭാഗം നീക്കം ചെയുന്നു.

3.CT Scan

4.MRI

5.MIBG Scan

6.Adrenal vein sampling

7.PET CT

Stages

Tumor Size

TX: പ്രാഥമിക കാൻസർ വിലയിരുത്താൻ സാധിക്കില്ല
T0: പ്രാഥമിക ട്യൂമർ ഇല്ല
T1: ട്യൂമർ 5cm അല്ലെങ്കിൽ അതിൽ കുറവാണ്. അഡ്രിനൽ ഗ്രന്ഥിയുടെ പുറത്തേക്ക് വ്യാപിച്ചിട്ടില്ല
T2: ട്യൂമർ 5cm കൂടുതലാണ് .അഡ്രിനൽ ഗ്രന്ഥിയുടെ പുറത്തേക്ക് വ്യാപിച്ചിട്ടില്ല
T3: ട്യൂമർ ന്റെ വലുപ്പം എത്ര വേണമെങ്കിലും ആകാം. അഡ്രിനൽ ഗ്രന്ഥിയുടെ തൊട്ടു പുറത്തേക്ക് വ്യാപിച്ചു എന്നാൽ അവയവങ്ങളിലേക്കു വ്യാപിച്ചിട്ടില്ല
T4: ട്യൂമർ ന്റെ വലുപ്പം എത്ര വേണമെങ്കിലും ആകാം . മറ്റു അവയവങ്ങളിലേക്കും , പേശികളിലും,നാഡികളിലേക്കും വ്യാപിച്ചു

Node

NX: കഴലകൾ വിലയിരുത്താൻ സാധിക്കില്ല
N0: കഴലയിലേക്കു വ്യാപിച്ചിട്ടില്ല
N1: കഴലയിലേക്കു വ്യാപിച്ചു

Metastasis

M0: ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചിട്ടില്ല
M1: ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചു

ചികിത്സ

1.ശസ്ത്രക്രിയ

ട്യൂമർ ന്റെ വലുപ്പം ചെറുതാണ് , കാൻസർ ലക്ഷണങ്ങൾ ഇല്ലെങ്കിൽ തുറന്നു ചെയ്യുന്ന ശസ്ത്രക്രിയക്ക് പകരം ചെറിയൊരു മുറിവുണ്ടാക്കി അതിലൂടെ ലൈറ്റ് , ക്യാമറ ഉള്ള ഒരു ഉപകരണം കടത്തി ചെയ്യുന്ന Laparoscopic surgery ചെയ്യാവുന്നതാണ്.

ട്യൂമർ ന്റെ വലുപ്പം കൂടുതൽ ആണെങ്കിൽ അല്ലെങ്കിൽ കാൻസർ ആവാൻ സാധ്യത ഉണ്ടെങ്കിൽ തുറന്നുശസ്ത്രക്രിയ ചെയ്യേണ്ടി വരും.

2.Hormone Therapy

അഡ്രിനൽ ഗ്രന്ഥി ഹോർമോൺ ഉല്പാദിപ്പിക്കുന്നതിനാൽ ഈ ഹോർമോണിന്റെ അളവ് നിയന്ത്രിക്കുന്നതിനായിപല മരുന്നുകൾ വേണ്ടി വരും.

3.Chemotherapy

Mitotane (Lysodren) എന്ന മരുന്ന് adrenal cortex ലെ ക്യാന്സറിന്റെ ചികിത്സക്കായി ഉപയോഗിക്കാറുണ്ട്.

‍

4.Radiation Therapy

Adrenal Gland Tumor Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനുംഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ്ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Adrenal Gland Tumor (അഡ്രിനൽ ഗ്രന്ഥി ട്യൂമർ )

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Union Budget 2024: Mixed News for Cancer Patients