Nasopharyngeal Cancer (NPC).

Nasopharyngeal Cancer (NPC)

Nasopharynx

മൂക്കിനും തൊണ്ടയ്ക്കും ശ്വാസകോശത്തിനും ഇടയിലുള്ള വായു കടന്നുപോകുന്ന ഒരു മാർഗമാണ് nasopharynx .മൂക്കിന് പുറകിലും അണ്ണാക്കിനു മുകളിലുമായാണ് ഈ ഭാഗം കടന്നുപോകുന്നത് . Nasopharynx ഇൽ പല തരം കോശങ്ങളുണ്ട് . ഏതു തരം കോശങ്ങളിൽ നിന്നാണ് കാൻസർ തുടങ്ങുന്നത് എന്നനുസരിച്ചു പല തരമായി nasopharyngeal ക്യാന്സറിനെ തിരിക്കാം.

NPC യുടെ പല തരങ്ങൾ

Keratinizing squamous cell carcinoma (WHO type 1)
Nonkeratinizing squamous cell carcinoma (WHO type 2)
Undifferentiated or poorly differentiated carcinoma, including lymphoepithelioma and anaplastic variants (WHO type 3)

സ്ഥിതിവിവരക്കണക്ക്

ഇന്ത്യയിൽ പ്രതിവർഷം 5697 ആളുകൾക്കാണ് nasopharyngeal കാൻസർ കണ്ടുപിടിക്കപെടുന്നത് . മൊത്തം ക്യാന്സറിൽ 28 സ്ഥാനമാണ് nasopharyngeal ക്യാൻസറിന്‌. മരണനിരക്കിൽ 27 സ്ഥാനമാണ് . പ്രതിവർഷം 4148 ആളുകൾ മരണപ്പെടുന്നു .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

പ്രധാനമായി 2 അപകടഘടകങ്ങളാണ് nasopharyngeal ക്യാന്സറിനുള്ളത്

പുകയില : കഴുത്തിലെയും തല ഭാഗത്തിലെയും ക്യാന്സറിന്റെ ഏറ്റവും പ്രധാനപ്പെട്ട കാരണമാണ് പുകയിലയുടെ ഉപയോഗം . ഏകദേശം 85% രോഗികളിലും കഴുത്തിലും വായിലും കാൻസർ വരാൻ കാരണം പുകയിലയാണ്. പുകയില സിഗരറ്റ് , ബീഡി , പാൻ പരാഗ് എന്നിങ്ങനെ പല രൂപത്തിൽ ലഭ്യമാണ് . മറ്റുള്ളവർ വലിക്കുന്ന പുകയില ശ്വസിക്കുന്നവരിലും കാൻസർ വരാൻ സാധ്യതയുണ്ട് .
മദ്യം :സ്ഥിരമായി മദ്യം ഉപയോഗിക്കുന്നവരിലും nasopharyngeal കാൻസർ വരാൻ സാധ്യത കൂടുതലാണ് . മദ്യവും പുകയിലയും ഒരുമിച്ചുപയോഗിക്കുന്നവരിൽ കാൻസർ വരാനുള്ള സാധ്യത രണ്ടും തന്നെ ഉപയോഗിക്കുന്നവരിൽ കൂടുതലാണ് .
Geography: Southeast China യിലും Hong Kong യിലും ജീവിക്കുന്നവരിൽ nasopharyngeal കാൻസർ കൂടുതലാണ് .
Epstein-Barr Virus: EBV ആയി സമ്പർക്കത്തിൽ വന്നിട്ടുള്ളവരിൽ കാൻസർ വരാൻ സാധ്യത കൂടുതലാണ്
Gender: പുരുഷന്മാരിൽ സ്ത്രീകളെക്കാൾ 2 മടങ്ങു സാധ്യത കൂടുതലാണ്
പ്രായം : പ്രായം കൂടുമ്പോൾ nasopharyngeal കാൻസർ വരാനുള്ള സാധ്യത കൂടുന്നു
ഭക്ഷണശൈലി : മാംസവും ഉപ്പിൽ ഉണക്കിയെടുത്ത മീനും സ്ഥിരമായി കഴിക്കുന്നവരിൽ കാൻസർ വരാൻ സാധ്യത കൂടുതലാണ്
Environmental exposure: സ്ഥിരമായി പുകയും പൊടിയും ഏൽക്കുന്നവരിൽ
കഞ്ചാവ് : കഞ്ചാവ് സ്ഥിരമായി ഉപയോഗിക്കുന്നവരിൽ nasopharyngeal ക്യാൻസറിന്‌ സാധ്യത കൂടുതലാണെന്നു അടുത്ത് നടത്തിയ ഗവേഷണങ്ങൾ സൂചിപ്പിക്കുന്നു .

ലക്ഷണങ്ങൾ

കഴുത്തിൽ മുഴ
മൂക്കിൽ തടസം
കേഴ്‌വിക്കുറവ്
ചെവിയിൽ വേദനയും മുഴക്കവും
വിട്ടുമാറാത്ത തൊണ്ടവേദന
ശ്വസിക്കുന്നതിനോ സംസാരിക്കുന്നതിനോ തടസം
പതിവായി മൂക്കിലൂടെ രക്തം വരുന്നു
മുഖത്ത് വേദന അല്ലെങ്കിൽ തരിപ്പ്
പതിവായി തലവേദന
വായ തുറക്കാൻ ബുദ്ധിമുട്ട്
രണ്ടായി കാണുന്നത്
കാഴ്ച മങ്ങുന്നു
ക്ഷീണം
കാരണമൊന്നുമില്ലാതെ തൂക്കം കുറയുന്നത്

‍

രോഗനിർണയം

ശാരീരിക പരിശോധന : ഡോക്ടർ കഴുത്തിൽ മുഴയോ മറ്റെന്തെങ്കിലും മാറ്റം ഉണ്ടോയെന്ന് പരിശോധിക്കുന്നു .
രക്ത പരിശോധന : EBV virus ന്റെ antibody രക്തത്തിൽ ഉണ്ടോയെന്ന് പരിശോധിക്കുന്നു
Endoscopy : നേരിയ ,പ്രകാശമുള്ള ഒരു ട്യൂബ് വായിലൂടെയോ മൂക്കിലൂടെയോ കടത്തി nasopharynx ഇൽ എന്തെങ്കിലും മാറ്റങ്ങൾ ഉണ്ടോയെന്ന് പരിശോധിക്കുന്നു . സംശയകരമായി എന്തെങ്കിലും കണ്ടെത്തിയാൽ അപ്പോൾ തന്നെ biopsy എടുക്കാവുന്നതാണ് .
Biopsy : ക്യാന്സറിന്റെ ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . Nasopharyngeal കാൻസർ ആണോ അല്ലയോ എന്ന് ബയോപ്‌സിയിലൂടെ മാത്രമേ ഉറപ്പാക്കാൻ സാധിക്കു.
X-ray
CT Scan
MRI
Ultrasound
Bone Scan
Neurological test
Hearing test
PET-CT

ചികിത്സ

1.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . റേഡിയേഷൻ സാധാരണ ദിവസത്തിൽ ഒരിക്കൽ ആഴ്ചയിൽ 5 ദിവസമാണ് കൊടുക്കാറ് . പല തരം റേഡിയേഷൻ nasopharyngeal ക്യാന്സറിന്റെ ചികിത്സക്കുപയോഗിക്കാം

External Beam Radiation Therapy : ഈ രീതിയിലുള്ള റേഡിയേഷൻ ആണ് nasopharyngeal ക്യാന്സറിന്റെ ചികിത്സക്ക് ഏറ്റവും കൂടുതൽ ഉപയോഗിക്കുന്നത് . പുറത്തുള്ള ഒരു മെഷീൻ ഉപയോഗിച്ച് റേഡിയേഷൻ നൽകുന്നു . ഇതിൽ തന്നെ IMRT എന്ന technique ഉപയോഗിച്ച് ക്യാന്സറിലേക്ക് കൂടുതൽ ഡോസ് എത്തിക്കാനും ചുറ്റുമുള്ള ആരോഗ്യമുള്ള കോശങ്ങൾക്കുണ്ടാവുന്ന നാശം കുറക്കാനും സാധിക്കും .
Proton Therapy : X -ray ക്കു പകരം proton ഉപയോഗിക്കുന്ന ചികിത്സ രീതിയാണിത് . തലച്ചോറിനോ നട്ടെല്ലിനോ അടുത്തുള്ള അവസാന സ്റ്റേജിൽ ഉള്ള nasopharyngeal ക്യാന്സറിന്റെ ചികിത്സക്ക് proton therapy ഉപയോഗിക്കാം .
Stereotactic Radiosurgery : വളരെ കൃത്യമായി ക്യാന്സറിലേക്ക് മാത്രം റേഡിയേഷൻ കൊടുക്കുന്ന ചികിത്സയാണിത് .തലച്ചോറ് അല്ലെങ്കിൽ തലയോട്ടി ഉൾപ്പെടുന്ന nasopharyngeal ക്യാന്സറിന്റെ ചികിത്സക്കാണ് ഇത് കൂടുതൽ ഉപയോഗിക്കുന്നത് .
Brachytherapy : ക്യാന്സറിന്റെ തൊട്ടടുത്തു radioactive source സ്ഥാപിച്ചു റേഡിയേഷൻ കൊടുക്കുന്ന ചികിത്സയാണ് Brachytherapy.

റേഡിയേഷന്റെ പാർശ്വഫലങ്ങൾ : വായുടെ ഭാഗത്തു റേഡിയേഷൻ എടുക്കുമ്പോൾ പല്ലിൽ കേടുണ്ടാകുന്നത് , പല്ല് പൊടിയുന്നത് കൂടാൻ സാധ്യതയുണ്ട് . അതുകൊണ്ട് റേഡിയേഷൻ ചികിത്സ തുടങ്ങുന്നതിനു മുൻപ് ദന്ത ഡോക്ടർ നെ കാണേണ്ടതുണ്ട് .മറ്റു പാർശ്വഫലങ്ങൾ ചർമത്തിൽ ചുവപ്പ്, ചൊറിച്ചിൽ ,വായുണങ്ങുന്നത് , ഉമിനീർ കട്ടിയാവുന്നത്, ക്ഷീണം , വായിൽ വൃണം , ഭക്ഷണം വിഴുങ്ങാൻ ബുദ്ധിമുട്ട് , വേദന ,വിശപ്പില്ലായ്മ , hypothyroidism എന്നിവയാണ് .

2.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം . Nasopharyngeal ക്യാന്സറിന്റെ ചികിത്സക്കുപയോഗിക്കുന്ന കീമോതെറാപ്പി മരുന്നുകൾ താഴെ കൊടുത്തിരിക്കുന്നു

combinations of gemcitabine (Gemzar) and cisplatin (Platinol)
docetaxel (Taxotere) with cisplatin and 5-fluorouracil (5-FU)
cisplatin and 5-fluorouracil; cisplatin
capecitabine (Xeloda)
docetaxel and cisplatin.

ക്ഷീണം,അണുബാധ,മുടികൊഴിച്ചിൽ , ഓക്കാനം ,ഛർദി ,വിശപ്പില്ലായ്മ ,വയറിളക്കം , വായിൽ വൃണം എന്നിവയാണ് സാധാരണ ഉണ്ടാവുന്ന പാർശ്വഫലങ്ങൾ . കീമോ കഴിയുമ്പോൾ ഈ പാർശ്വഫലങ്ങൾ സാവധാനം മാറുന്നതായിരിക്കും

3.Immunotherapy

toripalimab (Tuoyi), camrelizumab (AiRuiKa), or tislelizumab, pembrolizumab (Keytruda) and nivolumab (Opdivo) മുതലായവയാണ്‌ nasopharyngeal ക്യാന്സറിന്റെ ചികിത്സക്കുപയോഗിക്കുന്ന immunotherapy മരുന്നുകൾ.ചില പ്രത്യേക സാഹചര്യങ്ങളിൽ മാത്രമേ ഉപയോഗിക്കാറുള്ളൂ .

‍

4.Surgery

ശസ്ത്രക്രിയ ചെയ്യാൻ ബുദ്ധിമുട്ടുള്ള സ്ഥലമായതിനാൽ nasopharyngeal ക്യാന്സറിന്റെ ചികിത്സക്കായി ശസ്ത്രക്രിയ സാധാരണ ചെയ്യാറില്ല .കഴലയിലേക്ക് കാൻസർ വ്യാപിച്ചിട്ടുണ്ടെങ്കിൽ neck dissection എന്ന ശസ്ത്രക്രിയ ചെയ്യണം .

‍

Nasopharyngeal Cancer Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Nasopharyngeal Cancer (NPC).

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type