Pancreatic Cancer (പാൻക്രിയാസ് കാൻസർ)

പാൻക്രിയാസിലെ ആരോഗ്യമുള്ള കോശങ്ങൾ നിയന്ത്രണമില്ലാതെ വളർന്നു മുഴയായി തീരുന്നു .മുഴ കാൻസർ ആവാനും ആവാതിരിക്കാനും സാധ്യതയുണ്ട് . Benign tumor അപകടമില്ലാത്ത മുഴയാണ് . Malignant tumor മറ്റു ഭാഗങ്ങളിലേക്ക് വ്യാപിക്കുകയും പെട്ടന്ന് വളരുകയും ചെയ്യുന്ന കാൻസർ മുഴയാണ് .

പാൻക്രിയാസ് എന്ന അവയവം

Pear ആകൃതിയിലുള്ള ഒരു കൈയുടെ വലുപ്പമുള്ള ഗ്രന്ഥി അവയവമാണ് പാൻക്രിയാസ് . വയറിനു നടുവിലായി ആമാശയത്തിനും നട്ടെല്ലിനും ഇടയിലാണ് സ്ഥിതിചെയ്യുന്നത് .പ്രധാനമായും 2 ഭാഗങ്ങൾ ഈ അവയവത്തിനുണ്ട്

The exocrine component : ഈ ഭാഗത്തിൽ ചെറിയ നാളങ്ങളും /കുഴലുകളും , ഈ നാളങ്ങളുടെ അറ്റത്തു acini എന്നറിയപ്പെടുന്ന ചെറിയ സഞ്ചികളും കാണപ്പെടുന്നു .പാൻക്രിയാസിന്റെ ഈ ഭാഗം enzymes ഉല്പാദിപ്പിക്കുന്നു . ഈ enzymes ചെറുകുടലിൽ എത്തി ഭക്ഷണത്തിലെ കൊഴുപ്പിനെ ദഹിപ്പിക്കാൻ സഹായിക്കുന്നു .
The endocrine component : പാൻക്രിയാസിന്റെ പല ഭാഗത്തായി കോശങ്ങൾ ഒരു കൂട്ടമായി ചേർന്ന് ഉണ്ടാവുന്ന islets of Langerhans കാണപ്പെടുന്നു .ഈ ഭാഗം ഹോർമോണുകൾ ഉല്പാദിപ്പിക്കുന്നു . ഇതിൽ ഏറ്റവും പ്രധാനപ്പെട്ട ഹോർമോൺ Insulin ആണ് .രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്ന ഹോർമോൺ ആണ് insulin. glucagon, somatostatin, pancreatic polypeptide (PP), and vasoactive intestinal peptide (VIP) എന്നീ ഹോർമോണുകളും ഇവിടെ ഉല്പാദിപ്പിക്കപ്പെടുന്നു.

പാൻക്രിയാസ് ക്യാന്സറിന്റെ പല തരങ്ങൾ

Exocrine ഭാഗത്താണോ endocrine ഭാഗത്താണോ കാൻസർ തുടങ്ങിയത് എന്നതനുസരിച്ചു പല തരം ക്യാന്സറുണ്ട്

Exocrine tumors : പാൻക്രിയാസിൽ ഏറ്റവും കൂടുതൽ കാണപ്പെടുന്ന കാൻസർ .Adenocarcinoma എന്ന കാൻസർ ആണ് ഇതിൽ ഏറ്റവും കൂടുതൽ കാണപ്പെടുന്നത് . പാൻക്രിയാസിലെ നാളത്തിൽ (ducts) തുടങ്ങുന്ന കാൻസർ ductal adenocarcinoma എന്നും acini യിൽ തുടങ്ങുന്ന കാൻസർ acinar cell carcinoma എന്നും അറിയപ്പെടുന്നു . Adenocarcinoma കൂടാതെ പാൻക്രിയാസിൽ അപൂർവമായി കാണപ്പെടുന്ന മറ്റു ക്യാന്സറുകൾ acinar cell carcinoma, adenosquamous carcinoma, colloid carcinoma, giant cell tumor, hepatoid carcinoma, mucinous cystic neoplasms, pancreatoblastoma, serous cystadenoma, signet ring cell carcinoma, solid and pseudopapillary tumors, squamous cell carcinoma, and undifferentiated carcinoma മുതലായവയാണ്‌ .
Endocrine tumors : pancreatic neuroendocrine tumors (PNETs) or islet cell tumors എന്നറിയപ്പെടുന്ന കാൻസർ മൊത്തം പാൻക്രിയാറ്റിക് ക്യാന്സറിന്റെ 7% മാത്രമാണ് .

സ്ഥിതിവിവരക്കണക്ക്

പ്രതിവർഷം ഇന്ത്യയിൽ 12,642 രോഗികൾക്ക് പാൻക്രിയാറ്റിക് കാൻസർ കണ്ടുപിടിക്കപ്പെടുന്നു. മൊത്തം ക്യാന്സറുകൾക്കിടയിൽ 24 സ്ഥാനമാണ് .12,153 രോഗികൾ എല്ലാ വർഷവും മരണപ്പെടുന്നു .

‍

അതിജീവനനിരക്ക്

United States ഇലെ കണക്കു പ്രകാരം പാൻക്രിയാറ്റിക് ക്യാന്സറിന്റെ 5 വർഷത്തെ അതിജീവനനിരക്ക് 12% ആണ് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

പ്രായം : പാൻക്രിയാറ്റിക് കാൻസർ വരുന്ന 90% ഇൽ കൂടുതൽ ആളുകളും 55 വയസിനു മുകളിലുള്ളവരാണ്
Gender: പുരുഷന്മാരിൽ കൂടുതൽ കാണപ്പെടുന്നു
പുകവലി :പുകയില വലിക്കുന്നവരിൽ വലിക്കാത്തവരെക്കാൾ 2 മുതൽ 3 മടങ്ങു അപകട സാധ്യത കൂടുതലാണ് .
അമിതവണ്ണം : കൊഴുപ്പു കൂടുതലുള്ള ആഹാരം കൂടുതൽ കഴിക്കുന്നവരിലും അമിതവണ്ണം ഉള്ളവരിലും പാൻക്രിയാറ്റിക് കാൻസർ വരാൻ സാധ്യത കൂടുതലാണ് .
മദ്യപാനം : സ്ഥിരമായി മദ്യപിക്കുന്നവരിൽ recurrent pancreatitis ഉണ്ടാവാനും അത് പിന്നീട് കാൻസർ ആയി മാറാനും സാധ്യതയുണ്ട് .
പ്രമേഹം : വർഷങ്ങളായി പ്രമേഹമുള്ളവരിൽ പാൻക്രിയാറ്റിക് കാൻസർ ഉണ്ടാവാൻ സാധ്യതയുണ്ട്
കുടുംബചിത്രം : first degree relatives ( മാതാപിതാക്കൾ , സഹോദരങ്ങൾ , മക്കൾ ) ആർക്കെങ്കിലും പാൻക്രിയാറ്റിക് കാൻസർ ഉണ്ടെങ്കിൽ അവർക്കു കാൻസർ വരാൻ സാധ്യത കൂടുതലാണ് . BRCA1, BRCA2, PALB2, CDKN2A, ATM, MLH1, MSH2, MSH6, PMS2, STK11/LKB1, P16, P53, PRSS1, FANC-C, FANC-G, EPCAM മുതലായ ജീനുകളിൽ ജനിതകമാറ്റം സംഭവിച്ചവരിലും പാൻക്രിയാറ്റിക് കാൻസർ വരാം .
Hereditary syndrome : ചില കുടുംബങ്ങളിൽ പാരമ്പര്യമായി കണ്ടുവരുന്ന അവസ്ഥകൾ ഉള്ളവരിൽ പാൻക്രിയാറ്റിക് കാൻസർ വരാൻ സാധ്യത കൂടുതലാണ് . Hereditary pancreatitis (HP),Peutz-Jeghers syndrome (PJS),Familial malignant melanoma and pancreatic cancer (FAMM-PC),Hereditary breast and ovarian cancer (HBOC) syndrome,Lynch syndrome,Li-Fraumeni syndrome (LFS),Familial adenomatous polyposis (FAP) മുതലായ അവസ്ഥകൾ ഇതിൽ പെടുന്നു .
Chronic pancreatitis: പാൻക്രിയാസിൽ inflammation (വീക്കം) ഉണ്ടാവുന്ന അവസ്ഥ വർഷങ്ങളായി നിലനിൽക്കുമ്പോൾ കാൻസർ ആയി മാറിയേക്കാം
കെമിക്കൽസ് : pesticides, benzene, certain dyes, petrochemicals മുതലായ കെമിക്കൽസ് ആയി സ്ഥിരം സമ്പർക്കമുള്ളവരിൽ കാൻസർ വരാൻ സാധ്യത കൂടുതലാണ്
ബാക്ടീരിയ : Helicobacter pylori /H. pylori എന്നറിയപ്പെടുന്ന ബാക്ടീരിയ ആമാശയ ക്യാന്സറിനും പാൻക്രിയാറ്റിക് ക്യാന്സറിനും സാധ്യത കൂട്ടുന്നു .
Hepatitis B അണുബാധ
Cirrhosis

ലക്ഷണങ്ങൾ

മഞ്ഞ നിറം ( ചർമത്തിൽ, കണ്ണിൽ , മൂത്രത്തിൽ )
വേദന - വയറിന്റെ മുകൾ ഭാഗത്തോ നടുവിലോ കൈയിലോ
വേദനയോടെയുള്ള നീര് -കൈയിലോ കാലിലോ രക്തം കട്ട പിടിക്കുന്നത് കാരണം ഉണ്ടാവുന്നത്
വയറ്റിൽ എരിച്ചിൽ
വയർ വീർക്കുന്നത്
മലത്തിൽ നിറം മാറ്റം അല്ലെങ്കിൽ ദുർഗന്ധം
ക്ഷീണം
വിശപ്പില്ലായ്മ
ഓക്കാനം ,ഛർദി
പനി
വിറയൽ
കാരണമില്ലാതെ തൂക്കം കുറയുന്നത്

‍

രോഗനിർണയം

ശാരീരിക പരിശോധന
രക്ത പരിശോധന :

ബിലിറൂബിൻ ന്റെ ഉയർന്ന അളവ്
Carbohydrate antigen 19-9: CA 19 -9 എന്നറിയപ്പെടുന്ന tumor marker രക്തത്തിൽ പരിശോധിക്കുന്നു . Tumor ഉത്പാദിപ്പിക്കുന്ന ഒരു വസ്തുവാണ് tumor marker. ഇത് രക്തത്തിലോ മൂത്രത്തിലോ മലത്തിലോ മറ്റു ശരീര ദ്രാവകങ്ങളിലോ ഉയർന്ന അളവിൽ കാൻസർ ഉള്ളപ്പോൾ കണ്ടേക്കാം . പാൻക്രിയാറ്റിക് കാൻസർ ഉള്ള മിക്കവരിലും CA 19-9 ഉയർന്ന അളവിൽ കാണാറുണ്ടെങ്കിലും പാൻക്രിയാറ്റിക് കാൻസർ ഉള്ള എല്ലാരിലും ഇത് കാണണമെന്നില്ല . പാൻക്രിയാസ് കൂടാതെ colorectal, liver, and esophageal cancer, pancreatitis, cirrhosis of the liver, non-cancerous blockage of the common bile duct മുതലായ അവസ്ഥകളിലും ഈ tumor marker ന്റെ അളവ് കൂടിയേക്കാം .

Biopsy : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സിക്കു മാത്രമേ സാധിക്കു . സൂചി ഉപയോഗിച്ച് പാൻക്രിയാസിൽ നിന്ന് സാമ്പിൾ എടുക്കുന്ന ടെസ്റ്റ് FNAC എന്നറിയപ്പെടുന്നു . വലിയ സാമ്പിൾ എടുക്കുന്നതിനെ core needle biopsy എന്ന് വിളിക്കുന്നു .
Biomarker, or molecular, testing of the tumor : ജനിതക മാറ്റങ്ങൾ എന്തെങ്കിലും ഉണ്ടോ എന്ന് നോക്കുന്ന പരിശോധന . പാൻക്രിയാസ് ക്യാന്സറിൽ ഏറ്റവും mutations നടക്കുന്നത് KRAS, p16/CDKN2A, TP53, and SMAD4/DPC4 എന്ന ജീനുകളിൽ ആണ് .
Germline testing : രക്തം അല്ലെങ്കിൽ ഉമിനീരിൽ നിന്ന് DNA യിൽ എന്തെങ്കിലും mutations ഉണ്ടായിട്ടിണ്ടോ എന്ന് നോക്കുന്ന പരിശോധന .
Endoscopy : പാൻക്രിയാസിൽ ചെയ്യുന്ന എൻഡോസ്കോപ്പി Endoscopic retrograde cholangiopancreatography (ERCP) എന്നറിയപ്പെടുന്നു .മഞ്ഞപ്പിത്തം കുറക്കാൻ bile duct ഇൽ stent ഇടാനാണ് ഈ ടെസ്റ്റ് കൂടുതലും ചെയ്യുന്നത്.
Percutaneous transhepatic cholangiography (PTC) : dye കുത്തിവെച്ചു bile duct ഇൽ എന്തെങ്കിലും തടസം ഉണ്ടോ എന്ന് പരിശോധിക്കുന്ന X-ray.
Ultrasound
CT scan
MRI
PET CT

ചികിത്സ

1.Surgery

ക്യാന്സറും ചുറ്റുമുള്ള ആരോഗ്യമുള്ള ടിഷ്യു (margin) നീക്കം ചെയ്യുന്നു . പാൻക്രിയാറ്റിക് കാൻസർ കണ്ടുപിടിക്കപ്പെട്ട 20% ആളുകളിൽ സർജറി ചെയ്യാൻ സാധിക്കും . ബാക്കി ഉള്ളവരിൽ കാൻസർ കണ്ടുപിടിക്കുമ്പോൾ തന്നെ വേറെ ഭാഗങ്ങളിലേക്ക് വ്യാപിച്ചിരിക്കും . അങ്ങനെയുള്ളവരിൽ സർജറി ചെയ്യാറില്ല . സര്ജറിക്ക് ശേഷമോ അതിനു മുൻപോ മറ്റു ചികിത്സകൾ ആവശ്യമായി വന്നേക്കാം .

പാൻക്രിയാറ്റിക് ക്യാന്സറിന്റെ ചികിത്സക്കുപയോഗിക്കുന്ന ചില സര്ജറികൾ താഴെ ചേർക്കുന്നു

Laparoscopy: വയറിലെ മറ്റു ഭാഗങ്ങളിലേക്ക് കാൻസർ വ്യാപിച്ചിട്ടുണ്ടോ എന്ന് നോക്കാൻ ഈ സർജറി ഉപയോഗിക്കുന്നു .
Whipple procedure: pancreaticoduodenectomy എന്നറിയപ്പെടുന്ന ഈ സർജറി കാൻസർ pancreas head ഇൽ മാത്രമേ ഉള്ളു എങ്കിലാണ് ചെയ്യുന്നത് . Pancreas head, duodenum, bile duct, stomach മുതലായ ഭാഗങ്ങൾ നീക്കം ചെയ്യുന്നു .
Distal pancreatectomy : tail of pancreas ന്റെ ഇടതു വശത്തു കാൻസർ ഉള്ളപ്പോളാണ് ഈ സർജറി ചെയ്യുന്നത് .പാൻക്രിയാസിന്റെ tail, head, spleen എന്നീ ഭാഗങ്ങൾ നീക്കം ചെയ്യുന്നു .
Total pancreatectomy : പാൻക്രിയാസ് മുഴുവൻ കാൻസർ വ്യാപിച്ചെങ്കിലോ പാൻക്രിയാസിന്റെ പല ഭാഗങ്ങളിൽ കാൻസർ ഉണ്ടെങ്കിലോ ഈ സർജറി ചെയ്യാം . മുഴുവൻ പാൻക്രിയാസ് , ചെറു കുടലിന്റെ ഭാഗം ,ആമാശയത്തിന്റെ ഭാഗം , common bile duct, gallbladder, spleen മുതലായ ഭാഗങ്ങൾ നീക്കം ചെയ്യുന്നു.

സർജറി കഴിഞ്ഞാൽ ഭക്ഷണം ദഹിക്കാൻ ബുദ്ധിമുട്ടുണ്ടായേക്കാം. Insulin ഉൽപാദനത്തെ ബാധിച്ചാൽ പ്രമേഹം ഉണ്ടായേക്കാം .

2.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy എന്ന് പറയുന്നു .

Traditional radiation therapy 6 ആഴ്ച വരെ നൽകാറുണ്ട് . ആഴ്ചയിൽ 5 ദിവസം തിങ്കൾ മുതൽ വെള്ളിയാഴ്ച വരെയാണ് റേഡിയേഷൻ നൽകുന്നത് . SBRT (Stereotactic body radiation) എന്ന റേഡിയേഷനിൽ ഉയർന്ന ഡോസ് കുറവ് ദിവസത്തിൽ നൽകുന്നു . Proton beam therapy എന്ന ചികിത്സയിൽ X-ray ക്കു പകരം proton ഉപയോഗിക്കുന്നു . ആരോഗ്യമുള്ള കോശങ്ങളിൽ റേഡിയേഷൻ കാരണം ഉണ്ടാവുന്ന കേടുപാടുകൾ കുറക്കാൻ ഈ ചികിത്സ സഹായിക്കുന്നു .

റേഡിയേഷന്റെ പാർശ്വഫലങ്ങൾ ക്ഷീണം , വയറിളക്കം , ചർമത്തിൽ ചുവപ്പു, ചൊറിച്ചിൽ എന്നിവയാണ് . റേഡിയേഷൻ കഴിയുമ്പോൾ പാർശ്വഫലങ്ങൾ കുറഞ്ഞു വരും .

3.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

താഴെ കൊടുത്തിരിക്കുന്ന മരുന്നുകളുടെ combination ആണ് പാൻക്രിയാറ്റിക് ക്യാന്സറിന്റെ ചികിത്സക്കുപയോഗിക്കുന്നത്

Capecitabine (Xeloda)
Fluorouracil (5-FU)
Gemcitabine (Gemzar)
Irinotecan (Camptosar)
Leucovorin (Wellcovorin)
Nab-paclitaxel (Abraxane)
Nanoliposomal irinotecan (Onivyde)
Oxaliplatin (Eloxatin)

കീമോതെറാപ്പിയുടെ പാർശ്വഫലങ്ങൾ ഷീണം , ഓക്കാനം , ഛർദി , അണുബാധ , മുടികൊഴിച്ചിൽ , വിശപ്പില്ലായ്മ , വയറിളക്കം മുതലായവയാണ്‌ . കീമോ കഴിയുമ്പോൾ പാർശ്വഫലങ്ങൾ കുറഞ്ഞുവരും .

4.Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy. പാൻക്രിയാറ്റിക് ക്യാന്സറിന്റെ ചികിത്സക്കുപയോഗിക്കുന്ന ചില targeted therapy മരുന്നുകൾ താഴെ കൊടുത്തിരിക്കുന്നു

Erlotinib
Olaparib
Larotrectinib
entrectinib

5.Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് . പാൻക്രിയാറ്റിക് ക്യാന്സറിന്റെ ചികിത്സക്കുപയോഗിക്കുന്ന ചില immunotherapy മരുന്നുകൾ താഴെ കൊടുത്തിരിക്കുന്നു

pembrolizumab (Keytruda)
dostarlimab (Jemperli)

Pancreatic Cancer Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Pancreatic Cancer (പാൻക്രിയാസ് കാൻസർ)

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

പാന്ക്രിയാട്ടിക്ക് ക്യാന്‍സര്‍ |Pancreatic cancer

ക്യാന്‍സര്‍ നിരക്ക് വര്‍ദ്ധിക്കുന്നുണ്ടോ?

Supportive Care: The Heart of Cancer Treatment

മദ്യപാനം ആരോഗ്യത്തിന് നല്ലതാണോ?