Soft Tissue Sarcoma

എല്ലിൽ നിന്ന് അല്ലെങ്കിൽ soft tissue ആയ കൊഴുപ്പു, പേശി , ഞരമ്പ് മുതലായ ഭാഗങ്ങളിൽ നിന്ന് തുടങ്ങുന്ന ക്യാന്സറിനെ ആണ് soft tissue sarcoma എന്ന് വിളിക്കുന്നത് . അതിനാൽ തന്നെ ശരീരത്തിന്റെ ഏതു ഭാഗത്തു വേണമെങ്കിലും ഈ കാൻസർ ഉണ്ടാവാം .

60 % - കൈ അല്ലെങ്കിൽ കാലിൽ
30 % - torso (ഉടൽ ) , വയർ
10 % - തല , കഴുത്തു

കുട്ടികളിലും മുതിർന്നവരിലും വരുമെങ്കിലും കുട്ടികളിൽ ആണ് കൂടുതൽ കാണപ്പെടുന്നത് . STS യിൽ തന്നെ 70 യിൽ അധികം തരങ്ങളുണ്ട്.

STS എവിടെയൊക്കെ തുടങ്ങാം

രക്ത കുഴലുകൾ
കൊഴുപ്പു കോശങ്ങൾ
സന്ധിയിലെ lining
പേശി
നാഡി
Tendon

‍

STS ശരീരത്തിൽ എവിടെയും സംഭവിക്കാം. STS ആരംഭിക്കുന്ന സമയത്തു ചെറുതായിരിക്കുമ്പോൾ ശ്രദ്ധിക്കപ്പെടാതെ പോകാം, കാരണം ഇത് സാധാരണയായി വേദന പോലുള്ള പ്രശ്നങ്ങൾ ആരംഭഘട്ടത്തിൽ ഉണ്ടാക്കുന്നില്ല. എന്നിരുന്നാലും, സാർകോമ വളരുമ്പോൾ, അത് വേദനയുണ്ടാക്കുകയോ ശരീരത്തിൻ്റെ സാധാരണ പ്രവർത്തനങ്ങളെ ബാധിക്കുകയോ ചെയ്യാം 70-ലധികം വ്യത്യസ്ത തരം STS ഉണ്ട് .STS ക്കു പേര് നൽകുമ്പോൾ അവയ്ക്ക് ഏറ്റവും സാമ്യമുള്ള സാധാരണ ടിഷ്യു കോശങ്ങൾക്കനുസൃതമായി നൽകുന്നു . മറ്റു ക്യാന്സറുകൾക്ക് അവ ആരംഭിച്ച ശരീര ഭാഗം ചേർത്താണ് പേര് നൽകുന്നത് .

സ്ഥിതിവിവരക്കണക്ക്

United States ഇലെ കണക്കുപ്രകാരം 2023 യിൽ 13400 പുതിയ STS കണ്ടുപിടിക്കപ്പെടുന്നു.

അതിജീവനനിരക്ക്

5 വർഷത്തെ United States ഇലെ STS യുടെ അതിജീവനനിരക്ക് 65 % ആണ് .

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല. നിരവധി അപകട ഘടകങ്ങളുള്ള ചില ആളുകൾക്ക് ഒരിക്കലും കാൻസർ ഉണ്ടാകില്ല, എന്നാൽ അപകടസാധ്യത ഘടകങ്ങൾ ഒന്നും ഇല്ലാത്തവർക്ക് കാൻസർ വരാറുണ്ട്.

മിക്ക സാർകോമകൾക്കും കാരണങ്ങളൊന്നും ഇല്ല . ഇനിപ്പറയുന്ന ഘടകങ്ങൾ ഒരു വ്യക്തിക്ക് സാർകോമ ഉണ്ടാകാനുള്ള സാധ്യത വർദ്ധിപ്പിക്കും:

പണ്ട് നൽകിയ റേഡിയേഷൻ തെറാപ്പി : 5 വർഷത്തിലേറെ മുമ്പ്, ക്യാൻസറിന് റേഡിയേഷൻ തെറാപ്പി നൽകിയ ആളുകൾക്ക്, റേഡിയേഷൻ കൊടുത്ത സ്ഥലത്ത് പിന്നീട് സാർക്കോമ ഉണ്ടാകാനുള്ള സാധ്യത അല്പം കൂടുതലാണ്.
Genetics: ചില പാരമ്പര്യ രോഗങ്ങളുള്ള ആളുകൾക്ക് സാർക്കോമ വരാനുള്ള സാധ്യത കൂടുതലാണ്. ഈ രോഗങ്ങൾ neurofibromatosis type 1, familial adenomatous polyposis, Werner syndrome; tuberous sclerosis complex; nevoid basal cell carcinoma syndrome; Li-Fraumeni syndrome , retinoblastoma മുതലായവയാണ്‌
A രോഗപ്രതിരോധ വ്യവസ്ഥയിലെ രോഗങ്ങൾ : HIV ഇൻഫെക്ഷൻ , ലുക്കിമിയ , ലൂപസ് , സോറിയാസിസ് മുതലായ അസുഖങ്ങൾ ഉള്ളവരിൽ
Lymphoedema: ശസ്ത്രക്രിയയോ റേഡിയേഷൻ തെറാപ്പിയോ ചെയ്ത ആളുകൾക്ക് ചികിത്സയുടെ പാർശ്വഫലമായി കൈ, കാലുകൾ അല്ലെങ്കിൽ ശരീരത്തിന്റെ മറ്റ് ഭാഗങ്ങളിൽ വീക്കം ഉണ്ടാകാം. ഇതിനെ lymphoedema എന്ന് വിളിക്കുന്നു . ഇതിൽ നിന്ന് angiosarcoma ഉണ്ടായേക്കാം .
ചില കെമിക്കൽസ്

ലക്ഷണങ്ങൾ

ശരീരത്തിന്റെ ഏത് ഭാഗത്തും സർക്കോമ ആരംഭിക്കാം. സാർകോമയിൽ നിന്ന് ആളുകൾക്ക് ഉണ്ടാകുന്ന ലക്ഷണങ്ങൾ അത് എവിടെ തുടങ്ങുന്നു എന്നതിനെ ആശ്രയിച്ചിരിക്കുന്നു.

സാർകോമ പ്രാരംഭ ഘട്ടത്തിൽ അപൂർവ്വമായി മാത്രമേ രോഗലക്ഷണങ്ങൾ ഉണ്ടാക്കുന്നുള്ളൂ . സാർക്കോമയുടെ ആദ്യ ലക്ഷണം കൈയിലോ കാലിലോ വേദനയില്ലാത്ത മുഴയോ വീക്കമോ ആയിരിക്കാം. മിക്ക മുഴകളും സാർക്കോമ അല്ല. ഏറ്റവും സാധാരണമായ മൃദുവായ മുഴകൾ ലിപ്പോമകളാണ്. കൊഴുപ്പ് കോശങ്ങൾ കൊണ്ടാണ് ലിപ്പോമകൾ നിർമ്മിച്ചിരിക്കുന്നത്, അവ ക്യാൻസറല്ല. ലിപ്പോമകൾ പലപ്പോഴും വർഷങ്ങളോളം നിലനിന്നേക്കാം , അപൂർവ്വമായി മാത്രം വലിപ്പം മാറിയേക്കാം .

എന്നിരുന്നാലും, ഏതെങ്കിലും മുഴകൾ ശ്രദ്ധിച്ചാൽ അതിനെക്കുറിച്ച് ഡോക്ടറോട് സംസാരിക്കേണ്ടത് പ്രധാനമാണ്, പ്രത്യേകിച്ച് 2 ഇഞ്ചിൽ (5 cm) യിൽ കൂടുതൽ വലുപ്പമുള്ളവ , അല്ലെങ്കിൽ വേദനാജനകമായവ . ലക്ഷണങ്ങൾ ഉണ്ടാക്കുന്നതിനു മുൻപ് സർക്കോമ വലിയ വലുപ്പത്തിൽ വളർന്നേക്കാം .ക്രമേണ, വളരുന്ന ട്യൂമർ ഞരമ്പുകൾക്കും പേശികൾക്കും നേരെ അമർത്താൻ തുടങ്ങുമ്പോൾ ഇത് വേദനയ്ക്ക് കാരണമാകുന്നു .ഗർഭാശയത്തിലെ സാർകോമകൾ ഗർഭാശയ രക്തസ്രാവത്തിന് കാരണമാകും അല്ലെങ്കിൽ ഗർഭാശയത്തിൻറെ വലിപ്പം വർദ്ധിപ്പിക്കും.

രോഗനിർണയം

X-ray
Ultrasound
CT scan
MRI
PET CT
Biopsy : : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സി ക്കു മാത്രമേ സാധിക്കു . ബയോപ്സി തന്നെ needle biopsy, incisional biopsy, excisional biopsy എന്നിങ്ങനെ പല രീതിയിൽ ചെയ്യാം .

ചികിത്സ

1 Surgery

ക്യാന്സറും ചുറ്റുമുള്ള ആരോഗ്യമുള്ള ടിഷ്യു (margin)നീക്കം ചെയ്യുന്നു . ശസ്ത്രക്രിയയ്ക്ക് മുമ്പ്, സർക്കോമ ആണെന്ന് സ്ഥിരീകരിക്കുന്നതിന് ബയോപ്സിയും ഉചിതമായ ഇമേജിംഗ് സ്കാനുകളും നടത്തേണ്ടത് പ്രധാനമാണ്. ബയോപ്സിക്ക് ശേഷം, ട്യൂമർ ഒരു ഭാഗത്തു മാത്രം സ്ഥിതിചെയ്യുന്നത് ആണെങ്കിൽ ശസ്ത്രക്രിയ സാധാരണയായി ചികിത്സാ പദ്ധതിയുടെ ഒരു പ്രധാന ഭാഗമാണ്.

താഴ്ന്ന ഗ്രേഡ് സാർകോമകൾ ( low grade) ശസ്ത്രക്രിയയിലൂടെ മാത്രം ഫലപ്രദമായി നീക്കംചെയ്യാം. ഉയർന്ന ഗ്രേഡുള്ളതും 2 ഇഞ്ചിൽ (5 cm) കൂടുതലുള്ളവയും പലപ്പോഴും ശസ്ത്രക്രിയയും റേഡിയേഷൻ തെറാപ്പിയും സംയോജിപ്പിച്ചാണ് ചികിത്സിക്കുന്നത്. ട്യൂമർ ചുരുക്കുന്നതിനും നീക്കം ചെയ്യുന്നത് എളുപ്പമാക്കുന്നതിനും ശസ്ത്രക്രിയയ്ക്ക് മുമ്പ് റേഡിയേഷൻ തെറാപ്പി അല്ലെങ്കിൽ കീമോതെറാപ്പി ഉപയോഗിക്കാം. ശേഷിക്കുന്ന കാൻസർ കോശങ്ങളെ നശിപ്പിക്കാൻ ശസ്ത്രക്രിയക്ക് ശേഷവും അവ ഉപയോഗിക്കാം.

അപൂർവ്വമായി, കൈയുടെയോ കാലിലെയോ പ്രധാന ഞരമ്പുകളും രക്തക്കുഴലുകളും ഉൾപ്പെടുന്ന വളരെ വലിയ ട്യൂമർ ഉള്ള രോഗികൾക്ക്, ട്യൂമർ നിയന്ത്രിക്കുന്നതിന് കൈകാലുകൾ ശസ്ത്രക്രിയയിലൂടെ നീക്കം ചെയ്യേണ്ടതുണ്ട്. ഇതിനെയാണ് amputation എന്ന് പറയുന്നത്.

സാർക്കോമ പ്രാരംഭ ഘട്ടത്തിൽ കണ്ടെത്തുകയും അത് വേറെ ഭാഗത്തേക്ക് വ്യാപിച്ചിട്ടില്ലെങ്കിൽ , ശസ്ത്രക്രിയാ ചികിത്സ പലപ്പോഴും വളരെ ഫലപ്രദമാണ്, മാത്രമല്ല പലരും പൂർണ സുഖം പ്രാപിക്കുകയും ചെയ്യുന്നു. എന്നിരുന്നാലും, സാർക്കോമ ശരീരത്തിന്റെ മറ്റ് ഭാഗങ്ങളിലേക്ക് വ്യാപിച്ചിട്ടുണ്ടെങ്കിൽ, ചികിത്സയ്ക്ക് ട്യൂമർ നിയന്ത്രിക്കാമെങ്കിലും പൂർണമായി ഭേദമാക്കാൻ കഴിയില്ല.

2 Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . ട്യൂമർ ചുരുക്കി കൂടുതൽ എളുപ്പത്തിൽ നീക്കം ചെയ്യാൻ ശസ്ത്രക്രിയയ്ക്ക് മുമ്പ് റേഡിയേഷൻ തെറാപ്പി നടത്താം. അല്ലെങ്കിൽ അവശേഷിക്കുന്ന കാൻസർ കോശങ്ങൾ നീക്കം ചെയ്യാൻ ശസ്ത്രക്രിയയ്ക്ക് ശേഷം ഇത് ചെയ്യാം.പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy (EBRT) എന്ന് പറയുന്നു .

intensity modulated radiation therapy (IMRT) എന്ന EBRT യിലെ ഒരു ചികിത്സ രീതി ഉപയോഗിച്ച് ചുറ്റുമുള്ള ഭാഗങ്ങളിലേക്കുള്ള റേഡിയേഷൻ കുറക്കാനും കൂടുതൽ ഡോസ് ട്യൂമറിലേക്ക് നൽകാനും കഴിയും . stereotactic body radiation treatment (SBRT) എന്ന image guided റേഡിയേഷൻ ഉപയോഗിച്ച് 5 cm യിൽ താഴെ വലുപ്പമുള്ള ട്യൂമർ ഫലപ്രദമായി ചികിൽസിക്കാം.

റേഡിയേഷൻ തെറാപ്പിയിൽ നിന്നുള്ള പാർശ്വഫലങ്ങൾ ശരീരത്തിന്റെ ഏത് ഭാഗത്താണ് റേഡിയേഷൻ സ്വീകരിക്കുന്നത് എന്നതിനെ ആശ്രയിച്ചിരിക്കുന്നു. ക്ഷീണം, ചർമ്മത്തിൽ ചൊറിച്ചിൽ , ചുവപ്പു, വയറുവേദന, വയറിളക്കം എന്നിവ ഉൾപ്പെടാം. ചിലരിൽ റേഡിയേഷൻ scar ഉണ്ടാക്കുകയും ഇത് പിന്നീട് കൈയിടെയോ കാലിന്റെയോ പ്രവർത്തനത്തെ ബാധിക്കുകയോ ചെയ്യാം .

3 Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം . STS യുടെ ചികിത്സക്കുപയോഗിക്കുന്ന ചില കീമോ മരുന്നുകൾ താഴെ കൊടുക്കുന്നു

Doxorubicin (available as a generic drug)
Epirubicin (Ellence)
Ifosfamide (Ifex)
Gemcitabine (Gemzar)
Docetaxel (Taxotere)
Paclitaxel (available as a generic drug)
Trabectedin (Yondelis)
Eribulin (Halaven)
Dacarbazine (available as a generic drug)

വേറെ ഭാഗത്തേക്ക് വ്യാപിച്ചു കഴിയുമ്പോളാണ് STS ന്റെ ചികിത്സക്കായി കീമോ ഉപയോഗിക്കുന്നത് .ഇത് തന്നെയോ മറ്റു ചികിത്സകൾക്ക് ഒപ്പമോ നൽകാം .

കീമോതെറാപ്പിയുടെ പാർശ്വഫലങ്ങൾ വ്യക്തിയെയും ഉപയോഗിക്കുന്ന ഡോസിനെയും ആശ്രയിച്ചിരിക്കുന്നു. ക്ഷീണം, അണുബാധയ്ക്കുള്ള സാധ്യത, ഓക്കാനം, ഛർദ്ദി, മുടികൊഴിച്ചിൽ, വിശപ്പില്ലായ്മ, വയറിളക്കം എന്നിവ ഇതിൽ ഉൾപ്പെടാം. ചികിത്സ കഴിയുമ്പോൾ പാർശ്വഫലങ്ങൾ കുറഞ്ഞുവരും .

4 Targeted therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy.

Imatinib (Gleevec)
Pazopanib (Votrient)
Tazemetostat (Tazverik)
Pexidartinib (Turalio)
Sirolimus protein-bound particles (Fyarro)
Tumor-agnostic treatments

മുതലായ മരുന്നുകൾ STS ന്റെ targeted therapy ക്കായി ഉപയോഗിക്കുന്നു .

5 Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് .

Atezolizumab (Tecentriq)
Tumor-agnostic treatments മുതലായ മരുന്നുകൾ STS ന്റെ immunotherapy ക്കായി ഉപയോഗിക്കുന്നു .

Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Soft Tissue Sarcoma

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Heart Disease vs. Diabetes: The T20 and Test Match of Illnesses