Thyroid Cancer (തൈറോയ്ഡ് കാൻസർ )

‍

തൈറോയ്ഡ് ഗ്രന്ഥി

ശരീരത്തിലെ ഹോർമോണുകളെ നിയന്ത്രിക്കുന്നതിൽ നിർണായക പങ്കുവഹിക്കുന്ന ഒരു ഗ്രന്ഥിയാണ് തൈറോയ്ഡ്. തൈറോയ്ഡ് ഗ്രന്ഥി രക്തത്തില്നിന്നു Iodine ആഗിരണം ചെയ്തു തൈറോയ്ഡ് ഹോർമോൺ ഉല്പാദിപ്പിക്കുന്നു. തൈറോയ്ഡ് ഹോർമോണുകൾ ശരീരത്തിന്റെ Metabolism നിയന്ത്രിക്കുന്നു. കഴുത്തിന്റെ മുൻഭാഗത്തു ശാസനാളത്തിനു തൊട്ട് താഴെയായി കാണപ്പെടുന്ന തൈറോയ്ഡ് ഗ്രന്ഥിക്കു 2 Lobes ഉണ്ട് . ശാസനാളത്തിന്റെ ഇരുവശത്തായി ഓരോ Lobe കാണപ്പെടുന്നു .കഴുത്തു പരിശോധിക്കുമ്പോൾ സാധാരണ തൈറോയ്ഡ് ഗ്രന്ഥി സ്പർശനത്തിലൂടെ കണ്ടുപിടിക്കാൻ സാധിക്കാറില്ല . തൈറോയ്ഡ് ഗ്രന്ഥി വലുപ്പം വെക്കുമ്പോൾ മാത്രമാണ് കഴുത്തിൽ ഒരു മുഴ പോലെ കാണാറുള്ളത്. തൈറോയ്ഡ് ഗ്രന്ഥി വലുപ്പം വെക്കുന്ന അവസ്ഥയാണ് Goitre. കഴുത്തിൽ കാണപ്പെടുന്ന എല്ലാ മുഴകളും Cancer ആവണമെന്ന് നിർബന്ധമില്ല .

തൈറോയ്ഡ് ഗ്രന്ഥിയിലെ കോശങ്ങൾ ക്രമാതീതമായി വളർന്നു ഒരു മുഴയായി തീരുന്ന അവസ്ഥയാണ് തൈറോയ്ഡ് കാൻസർ . 2 തരം കോശങ്ങളാണ് തൈറോയ്ഡ് ഗ്രന്ഥിയിലുള്ളത് .

1. Follicular Cells : ഫോളിക്കുലാർ കോശങ്ങളാണ് തൈറോയ്ഡ് ഹോർമോൺ ഉല്പാദിപ്പിക്കുന്നത് . ജീവൻ നിലനിർത്താൻ അത്യാവശ്യമുള്ള ഒരു ഹോർമോണാണ് തൈറോയ്ഡ് ഹോർമോൺ . ജീവൻ നിലനിർത്താൻ ഒരുജീവജാലത്തിൽ സംഭവിക്കുന്ന രാസപ്രവർത്തനങ്ങളുടെ ഒരു പരമ്പരയാണ് മെറ്റബോളിസം . ശരീരത്തിലെ അടിസ്ഥാന മെറ്റബോളിസം നിയന്ത്രിക്കുന്നത് തൈറോയ്ഡ് ഹോർമോണുകളാണ്.

കഴിക്കുന്ന ആഹാരത്തിലൂടെ കിട്ടുന്ന ഊർജം എത്ര വേഗം ഉപയോഗിക്കണം എന്ന് തീരുമാനിക്കുന്നതിലൂടെ ശരീര ഭാരം കൂടുന്നതും കുറയുന്നതും തൈറോയ്ഡ് ഹോർമോണിന്റെ പ്രവർത്തനത്തിലൂടെയാണ് . ഹൃദയമിടിപ്പ് വേഗത്തിലാക്കാനോ കുറക്കാനോ സാധിക്കും, ശരീര താപനില കൂട്ടാനോ കുറക്കാനോ സാധിക്കും , അന്നനാളത്തിലൂടെ ഭക്ഷണം എത്ര വേഗത്തിൽ നീങ്ങണം , പേശികൾ എത്ര സങ്കോചിക്കണം , മരിക്കുന്ന പഴയകോശങ്ങളെ എത്ര വേഗത്തിൽ മാറ്റിസ്ഥാപിക്കണം ഇങ്ങനെ പല പ്രവർത്തങ്ങളും നിയന്ത്രിക്കുന്നതിൽ തൈറോയ്ഡ് ഹോർമോണുകൾ നിർണായകമാണ്.

2. C Cells : കാൽസ്യം മെറ്റബോളിസം നിയന്ത്രിക്കുന്ന Calcitonin എന്ന ഹോർമോൺ ഉല്പാദിപ്പിക്കുന്നു

‍

തൈറോയ്ഡ് ക്യാന്സറിന്റെ തരങ്ങൾ

പ്രധാനമായും 5 തരം തൈറോയ്ഡ് ക്യാന്സറുകളാണുള്ളത്

1. Papillary Thyroid Cancer

ഏറ്റവും കൂടുതലായി കാണപ്പെടുന്ന തൈറോയ്ഡ് ക്യാന്സറാണ് പാപില്ലറി കാൻസർ . Follicular കോശങ്ങളിൽനിന്നാണിത് വളരുന്നത് . വളർച്ച വളരെ സാവധാനത്തിലായിരിക്കും .

ഏതെങ്കിലും ഒരു Lobe ഇൽ ആണ് സാധാരണ വരുന്നത് . എങ്കിലും 10 മുതൽ 20 % ആളുകളിൽ ഇരു വശത്തും വരാറുണ്ട് . അടുത്തുള്ള കഴലകളിലേക്കും എളുപ്പത്തിൽ വ്യാപിക്കാറുണ്ട്

2. Follicular Thyroid Cancer

ഫോളിക്കുലാർ കോശങ്ങളിൽ നിന്നുതന്നെയാണ് ഈ ക്യാന്സറും വളരുന്നത്. എന്നാൽ ആദ്യത്തെ ക്യാന്സറിനെ അപേക്ഷിച്ചു കുറവ് ആളുകളിലെ ഇത് വരാറുള്ളൂ. വളർച്ച സാവധാനത്തിലായിരിക്കും. കഴലകളിലേക്കു വ്യാപിക്കാൻ സാധ്യത കുറവാണ്.

മൊത്തം തൈറോയ്ഡ് ക്യാന്സറിന്റെ 95 %Papillary and Follicular ക്യാന്സറാണ് . ആദ്യത്തെ ഘട്ടത്തിൽ കണ്ടുപിടിക്കാനായാൽ വളരെ എളുപ്പത്തിൽ ചികിൽസിക്കാൻ സാധിക്കുന്ന ക്യാന്സറുകളാണിവ.

3. Hurthle Cell Cancer

ഒരു പ്രത്യേക തരം Follicular കോശങ്ങളിൽ നിന്ന് വളരുന്ന ക്യാന്സറാണിത്. കഴലകളിലേക്കു വ്യാപിക്കാൻ സാധ്യത കൂടുതലാണ് .

4. Medullary Thyroid Cancer (MTC)

മൊത്തം തൈറോയ്ഡ് ക്യാന്സറിന്റെ ഏകദേശം 3 % ഈ ക്യാന്സറാണ് . C Cells ഇൽ നിന്നാണ് ഈ കാൻസർ തുടങ്ങുന്നത് . Multiple Endocrine Neoplasia Type 2 ( MEN 2) എന്ന ജനിതക അവസ്ഥയിലും കാണാറുണ്ട് . ശരീരത്തിന്റെ മറ്റു ഭാഗങ്ങളിലേക്ക് വ്യാപിക്കുന്നതിനു മുൻപ് ചികിൽസിക്കാൻ സാധിച്ചാൽ നിയന്ത്രിക്കാവുന്നഒരു ക്യാന്സറാണിത് . ഇതിൽ തന്നെ 25 % ആളുകൾക്കും ഇത് കുടുംബപരമായി വരുന്നതാണ് . കുടുംബത്തിൽആർക്കെങ്കിലും ഈ ക്യാന്സറുണ്ടെങ്കിൽ ജനിതക പരിശോധനയിലൂടെ മറ്റുള്ളവർക്ക് വരൻസാധ്യതയുണ്ടോയെന്ന് പരിശോധിക്കാവുന്നതാണ് .

5. Anaplastic Thyroid Cancer

മൊത്തം തൈറോയ്ഡ് ക്യാന്സറിന്റെ 1 % മാത്രമാണ് ഈ കാൻസർ.വളരെ അപൂർവമാണ്. വളരെ വേഗംവളരുന്ന ഒരു ക്യാന്സറായതിനാൽ ഇതിന്റെ ചികിത്സ അത്ര എളുപ്പമായിരിക്കില്ല .

‍

സ്ഥിതിവിവരക്കണക്ക്

പ്രതിവർഷം ഏകദേശം 20,432 ആളുകൾക്കാണ് Globocan 2020 കണക്കനുസരിച്ചു ഇന്ത്യയിൽ തൈറോയ്ഡ്കാൻസർ കണ്ടുപിടിക്കുന്നത്. 19 സ്ഥാനമാണ് മൊത്തം ക്യാന്സറുകൾക്കിടയിൽ.

അപകടഘടകങ്ങൾ

തൈറോയ്ഡ് കാൻസർ വരാനുള്ള സാധ്യത വർധിപ്പിക്കുന്ന ഘടകങ്ങൾ താഴെ കൊടുത്തിരിക്കുന്നവയാണ്

1. ലിംഗഭേദം (Gender)

4 ഇൽ 3 തൈറോയ്ഡ് ക്യാന്സറും സ്ത്രീകളിൽ ആണ് കാണപ്പെടുന്നത്

2. പ്രായം

തൈറോയ്ഡ് കാൻസർ ഏതു പ്രായത്തിൽ വരാമെങ്കിലും 20 മുതൽ 50 വയസ്സിനിടക്കാണ് മിക്കവാറുംഉണ്ടാവാറുള്ളത്

3. Genetics

പാരമ്പര്യമായി തൈറോയ്ഡ് കാൻസർ കുടുംബത്തിൽ വരാൻ സാധ്യതയുണ്ട്

4. Radiation Exposure

തലയിലും കഴുത്തിലും റേഡിയേഷൻ എക്കുന്നതു പാപില്ലറി, ഫോളിക്കുലാർ തൈറോയ്ഡ് കാൻസർ വരാനുള്ള സാധ്യത വർധിപ്പിക്കും. റേഡിയേഷന്റെ ഉറവിടം താഴെ കൊടുത്തിരിക്കുന്നവയാവാം

Lymphoma ക്യാന്സറിന്റെ ചികിത്സക്കുപയോഗിക്കുന്ന റേഡിയേഷൻ
Radioactive Iodine (I 131) ആയുള്ള exposure . പ്രത്യേകിച്ച് കുട്ടിക്കാലത്തുണ്ടാവുന്നത്
ആണവായുധ പരീക്ഷണങ്ങളിൽ നിന്നുള്ള റേഡിയേഷൻ

5. ഭക്ഷണത്തിലുള്ള Iodine ന്റെ കുറവ്

തൈറോയ്ഡ് ഗ്രന്ഥിയുടെ പ്രവർത്തനത്തിന് iodine അത്യാവശ്യമാണ്

6.Race

വെളുത്തവർഗക്കാർക്കും Asian വംശജർക്കും തൈറോയ്ഡ് കാൻസർ വരാൻ സാധ്യത കൂടുതലാണ്

7. സ്തനാർബുദം

സ്തനാർബുദം വന്നവരിൽ തൈറോയ്ഡ് കാൻസർ വരാനുള്ള സാധ്യത കൂടുതലാണെന്നു അടുത്തിടെ നടന്ന ഒരു പഠനം കാണിച്ചു . എന്നാൽ ഇതിനെ കുറിച്ച് കൂടുതൽ ഗവേഷണം നടന്നുകൊണ്ടിരിക്കുവാണ്.

‍

ലക്ഷണങ്ങൾ

തൈറോയ്ഡ് ക്യാന്സറുള്ള എല്ലാവരും ലക്ഷണങ്ങൾ കാണിക്കണമെന്നില്ല .താഴെ പറയുന്നവയാണ് കൂടുതലായി കാണുന്ന ലക്ഷണങ്ങൾ

കഴുത്തിന്റെ മുൻപിലുള്ള മുഴ
പരുക്കൻ ശബ്ദം
കഴുത്തിലെ വീർത്ത ഗ്രന്ഥി
ഭക്ഷണം വിഴുങ്ങാൻ ബുദ്ധിമുട്ട്
ശ്വസിക്കാൻ ബുദ്ധിമുട്ട്
തൊണ്ടയിലോ കഴുത്തിലോ വേദന
നീണ്ടുനിക്കുന്ന ചുമ ( ജലദോഷമില്ലാതെ )

‍

രോഗനിർണയം

1 . ശാരീരിക പരിശോധന

ഡോക്ടർ കൈകളുപയോഗിച്ചു കഴുത്തു , തൈറോയ്ഡ് ഗ്രന്ഥി , കഴല എന്നീ ഭാഗങ്ങൾ പരിശോധിക്കുന്നു

2 . രക്തപരിശോധന

Thyroid Hormone Levels (T3 and T4)
Thyroid Stimulating Hormone (TSH)
Thyroglobulin (Tg) and Thyroglobulin Antibody ( TgAb)
Medullary type-specific Tests:

3. Ultrasound

Ultrasound സ്കാനിംഗ് ഉപയോഗിച്ചാൽ കഴുത്തിലെ വീക്കം അല്ലെങ്കിൽ മുഴയുടെ കൂടുതൽ വിശദമായവിവരങ്ങൾ ലഭിക്കുന്നതാണ്

4.Biopsy

ക്യാന്സറിന്റെ ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കഴുത്തിലെ മുഴ കാൻസർ ആണോ അല്ലയോ എന്ന് ബയോപ്‌സിയിലൂടെ മാത്രമേ ഉറപ്പാക്കാൻ സാധിക്കു. രണ്ടുരീതിയിൽ ബയോപ്സി ചെയ്യാം

Fine Needle Aspiration: ചെറിയൊരു സൂചി ഉപയോഗിച്ച് മുഴയുള്ള ഭാഗത്തു നിന്ന് കുറച്ചു കോശങ്ങളും ദ്രാവകവും നീക്കം ചെയുന്ന രീതിയാണിത്. ശരിയായ റിസൽറ്റിനുവേണ്ടി മുഴയുടെ പല ഭാഗത്തു നിന്ന് ഇത് ആവർത്തിച്ചേക്കാം. സൂചിയിൽ കിട്ടിയ കോശങ്ങൾ പിന്നീട് മൈക്രോസ്കോപ്പിലൂടെ നോക്കി കാൻസർ കോശങ്ങളുണ്ടോയെന്നു ഉറപ്പാക്കുന്നു.
Surgical Biopsy: സൂചി ഉപയോഗിച്ചുള്ള ടെസ്റ്റിലൂടെ കൃത്യമായ ഫലം കിട്ടിയില്ലെങ്കിൽ മുഴയും അതുൾപ്പെടുന്ന Lobe കൂടി നീക്കം ചെയ്യുന്ന ശസ്ത്രക്രിയ ഡോക്ടർ നിർദേശിച്ചേക്കാം .

5. Radionuclide Scanning

Radioactive Iodine I-131 or I-123 ഉപയോഗിച്ച് ചെയ്യുന്ന whole body സ്കാൻ ആണിത് . തൈറോയ്ഡ്കോശങ്ങൾ ഈ മരുന്ന് വലിച്ചെടുക്കുന്നു. പിന്നീട് ചെയ്യുന്ന സ്കാൻ ഇൽ ഈ കോശങ്ങളെ എളുപ്പത്തിൽ കാണാൻ സാധിക്കും . ഈ കോശങ്ങളും മറ്റു ഭാഗങ്ങൾ ആയി താരതമ്യം ചെയ്തു റിപ്പോർട്ട് ചെയുന്നു.

6. X-ray

7. CT Scan

8. PET-CT Scan

Stages

കാൻസർ എവിടെയാണ്, അത് എവിടെയാണ് പടർന്നത്, ശരീരത്തിന്റെ മറ്റ് ഭാഗങ്ങളെ ബാധിക്കുന്നുണ്ടോ എന്ന് വിവരിക്കുന്ന രീതിയാണ് സ്റ്റേജിംഗ്.

1. TX: പ്രാഥമിക കാൻസർ വിലയിരുത്താൻ സാധിക്കില്ല

2. T0: കാൻസർ ഉണ്ടെന്നതിനു തെളിവുകളില്ല

3. T1a: കാൻസർ 1 cm അല്ലെങ്കിൽ അതിലും ചെറുതാണ് . തൈറോയ്ഡ് ഗ്രന്ഥിയിൽ മാത്രമേ ക്യാന്സറുള്ളു

4. T1b: കാൻസർ ന്റെ വലുപ്പം 1 cm കൂടുതലും 2 cm കുറവാണ്. തൈറോയ്ഡ് ഗ്രന്ഥിയിൽ മാത്രമേക്യാന്സറുള്ളു

5. T2: കാൻസർ 2 cm കൂടുതലും 4 cm കുറവും വലുപ്പമുണ്ട് . തൈറോയ്ഡ് ഗ്രന്ഥിയിൽ മാത്രമേ ക്യാന്സറുള്ളു

6. T3: കാൻസർ 4 cm കൂടുതൽ വലുപ്പമുണ്ട് എന്നാൽ തൈറോയ്ഡ് ഗ്രന്ഥിയുടെ പുറത്തേക്ക് വ്യാപിച്ചിട്ടില്ല

7. T4a: തൈറോയ്ഡ് ഗ്രന്ഥിയുടെ പുറത്തുള്ള ടിഷ്യു , ശ്വാസനാളം , അന്നനാളം , നാഡികൾ എന്നീഭാഗങ്ങളിലേക്ക് വ്യാപിച്ചു .

8. T4b: മേൽപറഞ്ഞിരിക്കുന്ന ഭാഗങ്ങൾക്ക് പുറത്തേക്ക് കൂടി വ്യാപിച്ചിരിക്കുന്നു

‍

Node

1. NX: പ്രാദേശിക കഴലകളെ വിലയിരുത്താൻ സാധിക്കില്ല

2. N0കഴലകളിൽ കാൻസർ ഉണ്ടെന്നതിനു തെളിവുകളൊന്നുമില്ല

3.N1a: തൈറോയ്ഡ് ഗ്രന്ഥിക്കു ചുറ്റുമുള്ള കഴലകളിലേക്കു കാൻസർ വ്യാപിച്ചിരിക്കുന്നു

4.N1b: ശരീരത്തിന്റെ പല ഭാഗത്തുള്ള കഴലകളിലേക്കു കാൻസർ വ്യാപിച്ചിരിക്കുന്നു

Metastasis

MX: കാൻസർ എവിടേക്കെങ്കിലും വ്യാപിച്ചിട്ടുണ്ടോ എന്ന് വിലയിരുത്താൻ സാധിക്കില്ല
M0: കാൻസർ ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചിട്ടില്ല
M1: കാൻസർ ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചു

ചികിത്സ

Multidisciplinary Team : ക്യാന്സറിന്റെ ചികിത്സക്ക് പല speciality ഇൽ ഉള്ള ആരോഗ്യപ്രവർത്തകർ ഒരുമിച്ച് പ്രവർത്തിക്കുന്ന രീതിയാണിത്. തൈറോയ്ഡ് കാൻസർ ചികിൽസിക്കാൻ പല തരം ചികിത്സകൾ വേണ്ടി വരും . സാധാരണ ഉപയോഗിക്കുന്ന ചികിത്സാരീതികൾ താഴെ കൊടുക്കുന്നു.

1 ശസ്ത്രക്രിയ

ക്യാന്സറും ചുറ്റുമുള്ള കുറച്ചു ഭാഗവും നീക്കുന്ന ചികിത്സയാണു ശസ്ത്രക്രിയ. തൈറോയ്ഡ് ക്യാന്സറിന്റെ പ്രധാന ചികിത്സയാണു ശസ്ത്രക്രിയ. ക്യാന്സറിന്റെ വലുപ്പത്തെ ആശ്രയിച്ചു പ്രധാനമായി താഴെ കൊടുത്തിരിക്കുന്ന ശസ്ത്രക്രിയകളാണ് ചെയ്യാറ്

Lobectomy: ഏതു Lobe ഇൽ ആണോ ക്യാന്സറുള്ളത് ആ ലോബ് നീക്കം ചെയ്യുന്ന രീതിയാണിത്
Near-total Thyroidectomy: തൈറോയ്ഡ് ഗ്രന്ഥി ഏകദേശം പൂർണമായി നീക്കം ചെയ്യും . ചെറിയൊരു ഭാഗം മാത്രം അവശേഷിക്കും
Total Thyroidectomy : തൈറോയ്ഡ് ഗ്രന്ഥി പൂർണമായി നീക്കം ചെയ്യുന്നു

കഴുത്തിലെ കഴലകളിലേക്കു വ്യാപിച്ചിട്ടുണ്ടെങ്കിൽ തൈറോയ്ഡ് ഗ്രന്ധിക്കൊപ്പം കഴലകൾ കൂടി നീക്കം ചെയ്യുന്ന Neck Dissection ചെയ്യേണ്ടതാണ് .

2 Hormone Treatment

തൈറോയ്ഡ് ഹോർമോണുകൾ ശരീരത്തിന്റെ പ്രവർത്തനത്തിന് അത്യാവശ്യമായതിനാൽ ശസ്ത്രക്രിയയിലൂടെ തൈറോയ്ഡ് നീക്കം ചെയ്തശേഷം തൈറോയ്ഡ് ഹോർമോൺ ടാബ്ലറ്റ് മുഖേന ശരീരത്തിൽ എത്തിക്കേണ്ടി വരും.

Levithyroxine എന്ന ഈ മരുന്ന് ഒരു ടാബ്ലറ്റ് ആണ് . എല്ലാ ദിവസവും കൃത്യമായ ഒരേ സമയത്തു ഭക്ഷണത്തിനു മുൻപ് ഈ ടാബ്ലറ്റ് കഴിക്കേണ്ടതാണ്. ഒരോ വ്യക്തിയിലും തൈറോയ്ഡ് ടാബ്ലറ്റ് ഡോസ് വ്യത്യസ്തമായിരിക്കും . ഡോസ് എല്ലായിപ്പോലും ഒരുപോലെ ആയിരിക്കില്ല . പ്രായം കൂടുമ്പോൾ ,തൂക്കത്തിൽ വ്യത്യാസം വരുമ്പോളൊക്കെ ഡോസ് മാറ്റേണ്ടി വരും . അതുകൊണ്ട് തന്നെ കൃത്യമായ ഇടവേളകളിൽ തൈറോയ്ഡ് രക്തപരിശോധന ചെയ്യേണ്ടത് നിർബന്ധമാണ്‌. Levothyroxine കൂടാതെ Calcium and VIT D എടുക്കണം .

3 Radioactive Iodine Therapy

ശരീരത്തിലെത്തുന്ന ഒട്ടുമിക്ക Iodine തൈറോയ്ഡ് വലിച്ചെടുക്കുന്നു . Radioactive Iodine I-131 എന്ന റേഡിയേഷൻ ഉപയോഗിച്ച് ശസ്ത്രക്രിയയിലൂടെ നീക്കം ചെയ്യാത്ത കാൻസർ കോശങ്ങളെ നശിപ്പിക്കാൻ സാധിക്കും . ദ്രാവക രൂപത്തിൽ അല്ലെങ്കിൽ ഗുളികയായി ആണ് I -131 കൊടുക്കാറ്.ഈ ചികിത്സയെടുക്കുമ്പോൾ കുറച്ചു ദിവസത്തേക്ക് ആശുപത്രിയിൽ കിടക്കേണ്ടി വരും . ശസ്ത്രക്രിയക്ക് ശേഷം ഈ ചികിത്സയെടുക്കാൻ തീരുമാനിച്ചാൽ കുറച്ചു ആഴ്ചത്തേക്ക് തൈറോയ്ഡ് ടാബ്ലറ്റ് നിർത്തിവെക്കേണ്ടി വരും . കൂടാതെ Iodine കുറവായ ആഹാരം മാത്രമേ കഴിക്കാൻ പാടുള്ളു .

4 External Beam Radiation Therapy

ചില പ്രത്യേക സാഹചര്യങ്ങളിൽ മാത്രമേ റേഡിയേഷൻ തൈറോയ്ഡ് ക്യാന്സറിന്റെ ചികിത്സക്കായി ഉപയോഗിക്കാറുള്ളു. തൈറോയ്ഡ് കാൻസർ കഴുത്തിലെ പ്രധാന ഭാഗങ്ങളിലേക്ക് വ്യാപിച്ചിട്ടുണ്ടെങ്കിൽ റേഡിയേഷൻ കൊടുക്കാറുണ്ട് .

5.Targeted Therapy

Papillary and Follicular Cancer ന്റെ ചികിത്സക്കായി ഉപയോഗിക്കുന്ന മരുന്നുകൾ താഴെ കൊടുത്തിരിക്കുന്നു

Sorafenib
Lenvatinib
Larotrectinib
Entrectinib
Pralsetinib
Vandetanib
Cabozantinib
Pralsetinib and Selpercatinib
Dabrafenib and Trametinib

‍

Thyroid Cancer Follow up

‍

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Thyroid Cancer (തൈറോയ്ഡ് കാൻസർ )

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Mastering the One-Liner:Synthesizing Complex Patient Data | Clinical Pearls |EPISODE 3|