Laryngeal and Hypopharyngeal Cancer

Larynx ( voice box)

ഒരു ട്യൂബ് ന്റെ ആകൃതിയിൽ ഉള്ള തൊണ്ടയിലെ ഒരു അവയവമാണ് larynx. ശ്വസനം , സംസാരം , വിഴുങ്ങുക മുതലായ പ്രവർത്തനങ്ങൾക്ക് larynx പ്രധാനമാണ് . ശ്വസന സമയത്തു larynx ഒരു വാൽവ് പോലെ തുറക്കുകയും വായു തൊണ്ടയിൽ നിന്ന് ശ്വാസകോശത്തിലേക്ക് എത്തിക്കുകയും ചെയ്യുന്നു . അതുപോലെ Larynx ഇൽ ഉള്ള vocal cord സംസാര സമയത്തു vibrate ചെയ്യുമ്പോളാണ് ശബ്ദം ഉണ്ടാവുന്നത് .അതുപോലെ ഭക്ഷണം വിഴുങ്ങുമ്പോൾ vocal folds തൊണ്ടയിലെ epiglottis എന്ന ഭാഗമായി ഒരുമിച്ചു ചേർന്ന് ഭക്ഷണം ശ്വാസകോശത്തിൽ എത്തുന്നത് തടയുന്നു .

Larynx ഇൽ പ്രധാനമായും 3 ഭാഗങ്ങൾ ആണ് ഉള്ളത്

Glottis: മധ്യ ഭാഗത്തുള്ള vocal folds ഉള്ള ഭാഗം
Supraglottis: vocal fold നു മുകളിലുള്ള ഭാഗം
Subglottis: vocal fold നു താഴെയുള്ള larynx നെ windpipe ആയി ബന്ധിപ്പിക്കുന്ന ഭാഗം

Hypopharynx

തൊണ്ടയുടെ താഴെ ഭാഗത്തായി larynx നു ചുറ്റും കാണപ്പെടുന്ന ഭാഗമാണ് hypopharynx.ഈ ഭാഗത്തു കാണപ്പെടുന്ന കാൻസർ larynx അല്ലെങ്കിൽ hypopharynx ഇൽ എവിടെ വേണമെങ്കിലും തുടങ്ങാം . ഇത്തരം ക്യാന്സറിൽ 95% squamous cell carcinoma ആണ് .കഴുത്തിലും തൊണ്ടയിലും കണ്ടുവരുന്ന ക്യാന്സറിൽ (head and neck cancer) പ്രധാനമാണ് largngeal and hypopharyngeal കാൻസർ .

സ്ഥിതിവിവരക്കണക്ക്

United States ഇലെ കണക്കു പ്രകാരം തലയിലെയും കഴുത്തിലെയും കാൻസറുകളിൽ laryngeal കാൻസർ ആണ് ഏറ്റവും കൂടുതൽ കണ്ടുവരുന്നത് .ഒരു വർഷം 12380 രോഗികൾക്ക് laryngeal കാൻസർ കണ്ടുപിടിക്കപ്പെടുന്നു. Hypopharyngeal കാൻസർ പ്രതിവർഷം 2000 മുതൽ 4000 രോഗികളിൽ കണ്ടുപിടിക്കപ്പെടുന്നു .

അതിജീവനനിരക്ക്

5 വർഷത്തെ laryngeal ക്യാന്സറിന്റെ അതിജീവനനിരക്ക് 61 % ആണ് .Hypopharyngeal ക്യാന്സറിൽ ഇത് 37 % ആണ് .

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

പ്രധാനമായും 2 ഘടകങ്ങൾ laryngeal, hypopharyngeal ക്യാന്സറിന്റെ സാധ്യത കൂട്ടുന്നു

പുകയില : ഏകദേശം 85 % തലയിലെയും കഴുത്തിലെയും ക്യാന്സറിന്റെ കാരണം പുകയിലയുടെ പല രീതിയിലുള്ള ഉപയോഗമാണ് (സിഗരറ്റ് , സിഗർ , മൂക്കിൽപൊടി , ചവക്കുന്ന പുകയില , ബീഡി , പൈപ്പ് ). passive smoking ( മറ്റൊരാൾ വലിക്കുന്ന പുക ശ്വസിക്കുന്നവരിലും ) കഞ്ചാവ് ( marijuana) വലിക്കുന്നവരിലും അപകടസാധ്യത കൂടുതലാണ്
മദ്യം : തുടർച്ചയായതും അമിത അളവിലും ഉള്ള മദ്യപാനം laryngeal, hypopharyngeal ക്യാന്സറിന്റെ സാധ്യത കൂട്ടുന്നു . മദ്യവും പുകയിലയും ഒരുമിച്ച് ഉപയോഗിക്കുന്നവരിൽ ഇത് രണ്ടും തന്നെ ഉപയോഗിക്കുന്നവരിലും അപകടസാധ്യത കൂടുതലാണ് .

മറ്റു ഘടകങ്ങൾ

Gender: പുരുഷന്മാരിൽ 4 മുതൽ 5 മടങ്ങു സാധ്യത കൂടുതലാണ്
പ്രായം : ചെറുപ്പക്കാരിലും വരാമെങ്കിലും 55 വയസു കഴിഞ്ഞവരിൽ ആണ് കൂടുതൽ സാധ്യത
ജോലി സംബന്ധമായ ഘടകങ്ങൾ : ആസ്ബസ്റ്റോസ് , പെയിന്റ് , തടി , ചില കെമിക്കൽസ് ആയി ബന്ധപ്പെട്ട ജോലികളിൽ ഏർപ്പെടുന്നവരിൽ അപകടസാധ്യത കൂടുതലാണ്
പോഷക കുറവ് : വിറ്റാമിൻ A, E കുറവുള്ള ആഹാരം കഴിക്കുന്നവരിൽ ഇത്തരം കാൻസർ വരാൻ സാധ്യത കൂടുതലാണ്
Human Papilloma Virus: HPV വൈറസ് ഉള്ള വ്യക്തിയുമായി ലൈംഗിക ബന്ധത്തിൽ ഏർപ്പെടുന്നവരിൽ ഇത്തരം കാൻസർ വൈറസ് കാരണം ഉണ്ടായേക്കാം

പ്രതിരോധം

Laryngeal, hypopharyngeal കാൻസർ തടയാനുള്ള ഏറ്റവും മികച്ച മാർഗം പുകയിലയുടെയും മദ്യത്തിന്റെയും ഉപയോഗം പൂർണമായി നിർത്തുന്നതാണ് . HPV വൈറസ് കാരണമുള്ള കാൻസർ Gardasil എന്ന വാക്‌സിൻ എടുക്കുന്നതിലൂടെ തടയാനാകും .

ലക്ഷണങ്ങൾ

ശബ്ദത്തിൽ ഉണ്ടാവുന്ന 2 ആഴ്ചക്കുള്ളിൽ മാറാത്ത മാറ്റങ്ങൾ
കഴുത്തിൽ മുഴ / കഴല വീക്കം
ശ്വാസതടസം
ശ്വാസം എടുക്കുമ്പോൾ ശബ്ദം
തുടർച്ചയായ തൊണ്ടയിലെ അസ്വസ്ഥത
ഭക്ഷണം വിഴുങ്ങാൻ ബുദ്ധിമുട്ട്
ചെവി വേദന
വായ്നാറ്റം
കാരണമില്ലാതെ തൂക്കം കുറയുന്നത്
ക്ഷീണം

രോഗനിർണയം

1 ശരീര പരിശോധന : കൈ ഉപയോഗിച്ച് കഴുത്തു പരിശോധിച്ച് എന്തെങ്കിലും മുഴകൾ ഉണ്ടോ എന്ന് നോക്കുന്നു .അതുപോലെ തൊണ്ടയിൽ എന്തെങ്കിലും മാറ്റങ്ങൾ ഉണ്ടോയെന്ന് പരിശോധിക്കുന്നു .

2 Laryngoscopy

3 രീതിയിൽ laryngoscopy ചെയ്യാം .

Indirect laryngoscopy : നീളമുള്ള ഒരു ഉപകരണത്തിന്റെ അറ്റത്തു ചെറിയ കണ്ണാടി ഉള്ള ഉപകരണം ഉപയോഗിച്ച് vocal folds പരിശോധിക്കുന്നു . പരിശോധനക്ക് മുൻപായി local anaesthetic spray ഉപയോഗിക്കുന്നതാണ് .
Fiber optic laryngoscopy : മൂക്ക് അല്ലെങ്കിൽ വായിലൂടെ ലൈറ്റ് ഉള്ള ഒരു ഉപകരണം കടത്തി തൊണ്ടയിലെ ഭാഗങ്ങൾ പരിശോധിക്കുന്നു . പരിശോധനക്ക് മുൻപായി local anaesthetic spray ഉപയോഗിക്കുന്നതാണ് .
Direct laryngoscopy : operation റൂമിൽ വെച്ച് മയക്കിയതിനു ശേഷം laryngoscope എന്ന ഉപകരണം ഉപയോഗിച്ച് പരിശോധിക്കുന്നു . സംശയകരമായി എന്തെങ്കിലും കണ്ടാൽ ബയോപ്സി അപ്പോൾ തന്നെ ചെയ്തേക്കാം .

3 Videostroboscopy : indirect laryngoscopy യിൽ ചെയ്യുന്ന പോലെ തന്നെ fiber optic video technique ഉപയോഗിച്ച് നടത്തുന്ന പരിശോധന . motion abnormalities , vibration ഇൽ ഉള്ള മാറ്റങ്ങൾ ഈ പരിശോധനയിലൂടെ കാണാൻ സാധിക്കും .

4 ബയോപ്സി : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സി ക്കു മാത്രമേ സാധിക്കു .

5 Biomarker testing : ക്യാന്സറിനെ സംബന്ധിച്ച ചില genes, proteins മുതലായ വിവരങ്ങൾ ലഭിക്കുന്നതിന് വേണ്ടി ചെയ്യുന്ന molecular tests.

6 CT Scan

7 MRI

8 PET CT

9 Bone scan

10 Ultrasound

11 X-ray

ചികിത്സ

ആദ്യ സ്റ്റേജിൽ കണ്ടുപിടിച്ചാൽ പൂർണമായി ഭേദമാക്കാൻ സാധിക്കുമെങ്കിലും തൊണ്ടയിലെ ഭാഗങ്ങളുടെ പ്രവർത്തനം നിലനിർത്തുക എന്നതും പ്രധാനമാണ് . പ്രധാനമായും റേഡിയേഷൻ , സർജറി, കീമോതെറാപ്പി എന്നീ 3 ചികിത്സകൾ ആണ് ഇത്തരം ക്യാന്സറിന്റെ ചികിത്സക്കുപയോഗിക്കുന്നത്.

1 Larynx ന്റെ പ്രവർത്തനങ്ങൾ നിലനിർത്തുക

ചികിത്സയുടെ ഏറ്റവും ആദ്യത്തെ ഉദ്ദേശം കാൻസർ ഭേദമാക്കുന്നതിനൊപ്പം larynx ന്റെ പ്രവർത്തനങ്ങൾ നിലനിർത്തുക എന്നതാണ് .ആദ്യ ഘട്ടത്തിലുള്ള കാൻസർ ആണെങ്കിൽ ( T1 or T2) സർജറി അല്ലെങ്കിൽ റേഡിയേഷൻ നൽകി larynx ന്റെ പ്രവർത്തനം പരമാവധി നിലനിർത്തും . T3 സ്റ്റേജ് ആണെങ്കിൽ കീമോതെറാപ്പിയും റേഡിയേഷനും നൽകിയേക്കാം . T4 അല്ലെങ്കിൽ അവസാന ഘട്ടത്തിലുള്ള കാൻസർ ആണെങ്കിൽ ചിലപ്പോൾ larynx മുഴുവൻ നീക്കം ചെയ്യേണ്ടി വന്നേക്കാം .

2 Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy (EBRT) എന്ന് പറയുന്നു . തലയിലെയും കഴുത്തിലെയും ക്യാന്സറിന്റെ പ്രധാന ചികിത്സകളിൽ ഒന്നാണ് റേഡിയേഷൻ . റേഡിയേഷൻ തന്നെയോ , സർജറി കഴിഞ്ഞോ , കീമോതെറാപ്പിയുടെ ഒപ്പമോ നൽകാം .

തല , കഴുത്തു ഭാഗത്തു റേഡിയേഷൻ നൽകുന്നതിന് മുൻപ് ദന്ത ഡോക്ടറിനെ കണ്ടു പല്ലുകളിൽ അണുബാധ അല്ലെങ്കിൽ വളരെ മോശം അവസ്ഥയിലുള്ള പല്ലുകൾ ഇല്ല എന്ന് ഉറപ്പു വരുത്തണം .കൂടാതെ റേഡിയേഷൻ കഴിഞ്ഞു പല്ലുകളിൽ കേട് വരാൻ സാധ്യത കൂടുതൽ ഉള്ളതിനാൽ അതിനായും ചികിത്സ നിർദേശിച്ചേക്കാം .

കീമോയും റേഡിയേഷനും ഒരുമിച്ച് നൽകുന്നതിനെ chemoradiation എന്ന് പറയുന്നു . രണ്ടു ചികിത്സയും തന്നെ നൽകുന്നതിലും ഫലപ്രദമാണ് റേഡിയേഷൻ നൽകുന്ന സമയത്തു ആഴ്ചയിൽ ഒരു കീമോ വീതം നൽകുന്നത് .

റേഡിയേഷന്റെ പാർശ്വഫലങ്ങൾ

റേഡിയേഷൻ നൽകുന്ന ഭാഗത്തെ ചർമത്തിൽ ചുവപ്പ്, അസ്വസ്ഥത ,ഉമിനീർ കുറയുക , ഉമിനീർ കട്ടിയാവുക, ഓക്കാനം , ക്ഷീണം , വായ തുറക്കാൻ ബുദ്ധിമുട്ട് , ഭക്ഷണം കഴിക്കാൻ ബുദ്ധിമുട്ട് , വേദന , ശബ്ദത്തിൽ മാറ്റം , വിശപ്പില്ലായ്മ , രുചിയിൽ മാറ്റം , കേഴ്‌വിയിൽ മാറ്റം മുതലായവ പൊതുവെ കാണപ്പെടുന്ന പാർശ്വഫലങ്ങൾ ആണ് . റേഡിയേഷൻ നൽകുമ്പോൾ തൈറോയ്ഡ് ഹോർമോൺ കുറയുന്നത് ചില രോഗികളിൽ കണ്ടുവരുന്നു .അതിനാൽ ചികിത്സ സമയത്തു ഹോർമോൺ അളവ് നോക്കേണ്ടതാണ് . ചികിത്സ കഴിയുമ്പോൾ പാർശ്വഫലങ്ങൾ കുറഞ്ഞുവരും .

3 Surgery

ട്യൂമർ ഉൾപ്പെടുന്ന ഭാഗവും ചുറ്റുമുള്ള ആരോഗ്യമുള്ള കുറച്ചു ഭാഗവും നീക്കം ചെയ്യുന്നു .

laryngeal or hypopharyngeal ക്യാന്സറിന്റെ ചികിത്സക്കായി പ്രധാനമായും ചെയുന്ന സർജറികൾ താഴെ കൊടുക്കുന്നു

Partial laryngectomy : larynx ന്റെ ഒരു ഭാഗം മാത്രം നീക്കം ചെയ്യുന്നു.ഇതിലൂടെ ശബ്ദം പോവാതിരിക്കുന്നു .ഇതിൽ തന്നെ Supraglottic laryngectomy , Cordectomy , Vertical hemilaryngectomy , Supracricoid partial laryngectomy എന്നിങ്ങനെ പല തരാം സർജറികൾ ഉണ്ട് .
Total laryngectomy : മുഴുവൻ larynx നീക്കം ചെയ്യുന്ന സർജറി. പിന്നീട് കഴുത്തിൽ ശ്വസനത്തിനായി ഒരു തുള (stoma) ഇടുന്നതായിരിക്കും . Tracheostomy എന്ന് ഇതറിയപ്പെടുന്നു .മുഴുവൻ larynx എടുത്തു കളയുന്നതിനാൽ പിന്നീട് സംസാരിക്കാൻ രോഗിക്ക് ആവില്ല .
Laryngopharyngectomy : മുഴുവൻ larynx കൂടാതെ pharynx ന്റെ ഒരു ഭാഗമോ മുഴുവനായോ നീക്കം ചെയ്യുന്ന സർജറി .pharynx പിന്നീട് വേറെ ഭാഗത്തു നിന്നുള്ള ചർമം ഉപയോഗിച്ച് reconstruct ചെയ്യേണ്ടി വരും .രോഗിക്ക് പിന്നീട് സംസാരിക്കാൻ കഴിയില്ല . ഭക്ഷണം വിഴുങ്ങാനും ബുദ്ധിമുട്ട് ഉണ്ടായേക്കാം .
Neck dissection : കഴുത്തിലെ കഴലയിലേക്ക് കൂടി കാൻസർ വ്യാപിച്ചിട്ടുണ്ടെങ്കിൽ ഈ കഴലകൾ koodi നീക്കം ചെയ്യുന്ന സർജറി ആണ് neck dissection. ഇത് തന്നെ partial neck dissection, modified neck dissection എന്നിങ്ങനെ പല രീതിയിൽ ചെയ്യാം .ഇത് ചെയ്താൽ കഴുത്തു അനക്കാൻ പിന്നീട് കുറച്ചു ബുദ്ധിമുട്ട് ഉണ്ടായേക്കാം .

സർജറിക്ക് ശേഷം ഉണ്ടായേക്കാവുന്ന ബുദ്ധിമുട്ടുകൾ

സർജറിക്ക് ശേഷം ധാരാളം mucus ഉണ്ടാവുന്നു . Tracheostomy ചെയ്ത രോഗി ആണെങ്കിൽ suction ചെയ്തു തുടർച്ചയായി നീക്കം ചെയ്യേണ്ടി വരും .കൂടാതെ ശബ്ദം പോവുന്നത് , ഭക്ഷണം വിഴുങ്ങാൻ പറ്റാതെ വരുന്നത് , കഴുത്തിൽ മരവിപ്പ് , കഴുത്തു അനക്കാൻ ബുദ്ധിമുട്ട് മുതലായവയാണ്‌ .

4 Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

കീമോതെറാപ്പി സര്ജറിക്കോ റേഡിയേഷനോ മുൻപായി ഉപയോഗിക്കാം .ഇതിനെ neoadjuvant തെറാപ്പി എന്ന് പറയുന്നു . റേഡിയേഷൻ കൊടുക്കുമ്പോൾ തന്നെ കീമോ കൊടുക്കുന്നതിനെ chemoradiation തെറാപ്പി എന്ന് പറയുന്നു .

കീമോതെറാപ്പിയുടെ പാർശ്വഫലങ്ങൾ ക്ഷീണം , ഓക്കാനം , ഛർദി , കൗണ്ട് കുറയുന്നത് , മുടികൊഴിച്ചിൽ , വിശപ്പില്ലായ്മ , വയറിളക്കം , വാ ഉണങ്ങുന്നത് , വായിൽ വൃണം , കേഴ്‌വി കുറവ് മുതലായവയാണ്‌ .കീമോ കഴിയുമ്പോൾ പാർശ്വഫലങ്ങൾ കുറഞ്ഞുവരും .

5 Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy.

Cetuximab (Erbitux) എന്ന മരുന്ന് റേഡിയേഷന്റെ കൂടെ വേറെ ഭാഗത്തേക്ക് വ്യാപിക്കാത്ത തലയിലെയും കഴുത്തിലെയും ക്യാന്സറിന്റെ targeted തെറാപ്പിയ്ക്കായി ഉപയോഗിക്കാം .വ്യാപിച്ച കാൻസർ ആണെങ്കിൽ കീമോതെറാപ്പിയുടെ കൂടെ ഈ മരുന്ന് ഉപയോഗിക്കാം .

6 Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് .

nivolumab (Opdivo) and pembrolizumab (Keytruda) എന്നീ 2 മരുന്നുകൾ immunotherapy ക്കായി ഉപയോഗിക്കുന്നു .

Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Laryngeal and Hypopharyngeal Cancer

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Oncologist Reacts to Misleading Viral Video| Saree cancer ? Dhoti cancer?

Expert Insights on Diabetes Care by Dr. Indu Elizabeth Mathew