Anal Cancer (മലദ്വാരത്തിലെ കാൻസർ)

ശരീരത്തിലെ ദഹനനാളത്തിന്റെ ഭാഗമാണ് മലദ്വാരം .വൻകുടലിന്റെ അവസാനഭാഗത്തു മലാശയത്തിനു താഴെ മലം പുറത്തു പോകാനുള്ള ദ്വാരമാണ്‌ മലദ്വാരം .

Precancer (കാൻസർനു തൊട്ടു മുൻപുള്ള അവസ്ഥ)

മലദ്വാരത്തിലെ കോശങ്ങൾ നിയന്ത്രണമില്ലാതെ വളർന്നു മുഴ ആയി തീരുന്നു. ഈ മുഴ കാൻസർ ആവാനും ആവാതിരിക്കാനും സാധ്യത ഉണ്ട് . പലപ്പോഴും കോശങ്ങളിൽ ഉണ്ടാവുന്ന മാറ്റങ്ങൾ പലതും കാൻസർ ആവുന്നതിനു മുൻപ് കണ്ടുപിടിക്കാൻ സാധിക്കും . ഇത്തരത്തിലുള്ള കാൻസർനു തൊട്ടു മുൻപുള്ള കോശങ്ങളിലെ മാറ്റങ്ങളെ Dysplasia എന്നറിയപ്പെടുന്നു. മലദ്വാരത്തിലെ dysplasia Anal Intraepithelial Neoplasia (AIN) or Anal Squamous Intraepithelial Lesions (SILs) എന്നറിയപ്പെടുന്നു.

മലദ്വാരത്തിലെ ക്യാന്സറിന്റെ പല തരങ്ങൾ

മലദ്വാരത്തിൽ പല തരം കോശങ്ങളുണ്ട് . ഏതു തരം കോശത്തിൽ ആണ് കാൻസർ തുടങ്ങിയത് എന്നനുസരിച്ചു താഴെ പറയുന്ന തരങ്ങളായി തിരിച്ചിരിക്കുന്നു

Squamous Cell Carcinoma: ഏറ്റവും കൂടുതലായി മലദ്വാരത്തിൽ കാണപ്പെടുന്ന കാൻസർ. മലദ്വാരത്തിന്റെ ഏറ്റവും പുറം പാളിയിലുള്ള squamous കോശങ്ങളിൽ ആണ് കാൻസർ തുടങ്ങുന്നത്.
Cloacogenic Carcinoma: 25 % മലദ്വാരത്തിലെ കാൻസർ ഈ വിഭാഗത്തിൽ പെടുന്നു.
Adenocarcinoma: മലദ്വാരത്തിന്റെ പാളിയുടെ താഴെ കാണപ്പെടുന്ന ഗ്രന്ധികളിൽ നിന്ന് തുടങ്ങുന്ന കാൻസർ.
Basal Cell Carcinoma: മലദ്വാരത്തിന്റെ ചുറ്റുമുള്ള ചർമത്തിൽ കാണപ്പെടുന്ന കാൻസർ.
Melanoma: ചർമ്മത്തിന് നിറം നൽകുന്ന melanin കോശങ്ങളിൽ നിന്ന് തുടങ്ങുന്ന കാൻസർ.

സ്ഥിതിവിവരക്കണക്ക്

പ്രതിവർഷം 5452 പേർക്കാണ് ഇന്ത്യയിൽ മലദ്വാര കാൻസർ വരുന്നത്. മറ്റു ക്യാന്സറുകളെ അപേക്ഷിച്ചു 30 സ്ഥാനമാണ് .

‍

അതിജീവനനിരക്ക്

United States ഇൽ 5 വർഷത്തെ അതിജീവനനിരക്ക് 70% ആണ്.

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല. മലദ്വാര ക്യാന്സറിന്റെ അപകടഘടകങ്ങൾ താഴെ കൊടുക്കുന്നു

HPV Virus infection: Human Papillomavirus Infection ഉള്ള വ്യക്തിയുമായുള്ള ലൈംഗിക ബന്ധത്തിലൂടെ HPV വൈറസ് ഒരാളിലെത്താം
Age : 50 മുതൽ 80 വയസിനു ഇടയിലുള്ളവരിലാണ് മലദ്വാര കാൻസർ കൂടുതൽ വരാറ്
Frequent Anal irritation : വർഷങ്ങളായി നിലനിൽക്കുന്ന മലദ്വാരത്തിലെ വീക്കം , അസ്വസ്ഥകൾ എന്നിവ ക്യാന്സറിലേക്കു നീങ്ങാം
Anal fistula : മലാശയവും മലദ്വാരത്തിന്റെ പുറമെയുള്ള ചർമം ആയുള്ള ഒരു തുരങ്കമാണ് fistula . ഇത് വർഷങ്ങളോളം നിലനിൽക്കുമ്പോൾ മലദ്വാരത്തിൽ irritation ഉണ്ടാവുകയും ഇത് ക്യാന്സറിലേക്ക് നീങ്ങാം.
Smoking: പുകവലിക്കാത്തവരെ അപേക്ഷിച്ചു പുകയില വലിക്കുന്നവരിൽ മലദ്വാര കാൻസർ ഉണ്ടാവാൻ 8 മടങ്ങു സാധ്യത കൂടുതലാണ് .
Immunity : രോഗപ്രതിരോധ ശക്തി കുറവുള്ളവരിൽ മലദ്വാര കാൻസർ വരാൻ സാധ്യത കൂടുതലാണ്

മലദ്വാര ക്യാന്സറിന്റെ പ്രതിരോധം

മലദ്വാര കാൻസർ പൂർണമായി പ്രതിരോധിക്കാൻ സാധിക്കില്ലെങ്കിലും അപകടസാധ്യത കുറക്കാൻ താഴെ പറയുന്നവ സഹായിക്കും

HPV Vaccination: HPV virus അപകടഘടങ്ങളിൽ ഒന്നായതിനാൽ അതിനെതിരെ വാക്‌സിൻ എടുത്താൽ അപകട സാധ്യത കുറക്കാൻ സാധിക്കും
Sexual habits: ഒന്നിലധികം ലൈംഗിക പങ്കാളികളുള്ളത് മലദ്വാര ക്യാന്സറിന്റെ സാധ്യത കൂട്ടും .Condom ഉപയോഗിക്കുന്നതും HPV വൈറസ് ന്റെ സാധ്യത കുറയ്ക്കും .
Stop Smoking : പുകവലി പൂർണമായി നിർത്തുക

മലദ്വാര ക്യാന്സറിന്റെ Screening

ക്യാന്സറിന്റെ ലക്ഷണങ്ങൾ ഒന്നുമില്ലാത്തവരിൽ നടത്തുന്ന പരിശോധനയാണ് Screening. Precancerous lesions ഉണ്ടെങ്കിൽ ഈ പരിശോധനയിലൂടെ കണ്ടുപിടിക്കാവുന്നതാണ് .

Screening ചെയ്യുന്നതിന്റെ ഉദ്ദേശം താഴെ കൊടുത്തിരിക്കുന്നവയാണ്

കാൻസർ ആദ്യത്തെ സ്റ്റേജിൽ കണ്ടെത്തുന്നതിലൂടെ ക്യാന്സറിന്റെ മരണനിരക്ക് കുറക്കുക
Precancer lesions കണ്ടെത്തുന്നതിലൂടെ കാൻസർ തടയുക

മലദ്വാര ക്യാന്സറിന്റെ screening ടെസ്റ്റുകൾ താഴെ കൊടുത്തിരിക്കുന്നവയാണ്

Anal Cytology: മലദ്വാരത്തിലെ കോശങ്ങൾ ശേഖരിച്ചു മൈക്രോസ്കോപ്പിലൂടെ പരിശോധിച്ച് കോശങ്ങളിൽ എന്തെങ്കിലും മാറ്റമുണ്ടോ എന്ന് ഉറപ്പാക്കുന്നു.

ലക്ഷണങ്ങൾ

മലദ്വാരത്തിലൂടെ രക്തം വരുന്നത്
മലദ്വാരത്തിന്റെ ഭാഗത്തു വേദന
മലദ്വാരത്തിൽ ചൊറിച്ചിൽ അല്ലെങ്കിൽ എന്തെങ്കിലും ദ്രാവകം വരുന്നത്
മലദ്വാരത്തിനു ചുറ്റും മുഴ അല്ലെങ്കിൽ വീക്കം
മലം പോകുന്നതിൽ മാറ്റം

രോഗനിർണയം

വിരൽ കൊണ്ടുള്ള പരിശോധന : പരിശോധന സമയത്തു ഡോക്ടർ വിരൽ ഉപയോഗിച്ച് മലദ്വാരം പരിശോധിക്കുന്നു . 50 വയസിനു മുകളിൽ പ്രായമുള്ള പുരുഷന്മാർ വർഷത്തിൽ ഒരിക്കൽ പരിശോധിക്കുന്നത് നല്ലതാണ്.
Anoscopy : മലദ്വാരത്തിന്റെ ഉൾഭാഗം കാണാൻ സഹായിക്കുന്ന ലൈറ്റ് ഉള്ള ഒരു കുഴലുപോലത്തെ ഉപകരണമാണ് anoscope.
Biopsy : കാൻസർ സംശയിക്കുന്ന ഒരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നു. പല തരാം ബയോപ്സിയുണ്ട് . എവിടെയാണ് കാൻസർ വളരുന്നത് എന്നനുസരിച്ചാണ് ഇത് തീരുമാനിക്കുന്നത്. Excisional Biopsy എന്നാൽ ചെറിയ വലുപ്പം മാത്രമുള്ള ക്യാന്സറിനെ പൂർണമായി നീക്കം ചെയ്യുന്നത്. Incisional Biopsy എന്നാൽ വലുപ്പം കൂടുതലുള്ള ക്യാന്സറിന്റെ ഒരു ചെറിയ ഭാഗം മാത്രം പരിശോധനക്കായി എടുക്കുന്നത് .
Ultrasound
X-ray
CT Scan
MRI
PET CT

Stages

Stage 0: അസാധാരണമായ കോശങ്ങളുണ്ട് . എന്നാൽ ഇവ മലദ്വാരത്തിന്റെ ആദ്യത്തെ പാളിയിൽ മാത്രമാണുള്ളത് . ഇത്തരം കോശങ്ങൾ പിന്നീട് കാൻസർ ആയി മാറിയേക്കാം .
Stage I: 2cm കൂടുതൽ വലുപ്പമില്ല. കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല.
Stage II: 2cm കൂടുതൽ വലുപ്പമുണ്ട് എന്നാൽ കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല.
Stage IIIA: 5cm അല്ലെങ്കിൽ അതിൽ കുറവാണ് വലുപ്പം . അടുത്തുള്ള കഴലയിലേക്കു വ്യാപിച്ചു എന്നാൽ അയവങ്ങളിലേക്കു വ്യാപിച്ചിട്ടില്ല .
Stage IIIB: അടുത്തുള്ള അവയവങ്ങളിലേക്കു വ്യാപിച്ചു എന്നാൽ കഴലയിലേക്കോ അകലെയുള്ള അവയവങ്ങളിലേക്കോ വ്യാപിച്ചിട്ടില്ല
Stage IIIC: 5cm അതിൽ കൂടുതലോ വലുപ്പമുണ്ട് . അടുത്തുള്ള അവയവങ്ങളിലും കഴലയിലും വ്യാപിച്ചു. ദൂരെയുള്ള അവയവങ്ങളിലേക്കു വ്യാപിച്ചിട്ടില്ല
Stage IV: ഏതു വലുപ്പവും ആവാം . കഴലകളിലേക്കും ദൂരെയുള്ള അവയവങ്ങളിലേക്കും വ്യാപിച്ചു

ചികിത്സ

പ്രധാനമായും 3 ചികിത്സാരീതികളാണ് മലദ്വാര ക്യാന്സറിന്റെ ചികിത്സക്കുപയോഗിക്കുന്നത്. ശസ്ത്രക്രിയ , റേഡിയേഷൻ , കീമോതെറാപ്പി .

1. ശസ്ത്രക്രിയ

ക്യാന്സറുള്ള ഭാഗവും അതിനുചുറ്റുമുള്ള കുറച്ചു ആരോഗ്യമുള്ള ഭാഗവും (margin) നീക്കം ചെയ്യുന്നു. സ്റ്റേജ് അനുസരിച്ചു കഴലകൾ നീക്കം ചെയ്തേക്കാം. വൻകുടലിന്റെ ഭാഗമോ മലാശയമോ നീക്കം ചെയ്താൽ മലം ശേഖരിക്കാനായി വയറിനു പുറത്തു ഒരു ബാഗ് വെക്കേണ്ടി വരും .ഇതിനെ Colostomy എന്ന് പറയുന്നു.

2. Radiation Therapy

5 മുതൽ 6 ആഴ്ച റേഡിയേഷൻ വേണ്ടി വരും . ആഴ്ചയിൽ 5 ദിവസമാണ് റേഡിയേഷൻ നൽകാറ്. റേഡിയേഷന്റെ പാർശ്വഫലങ്ങൾ ക്ഷീണം , ചർമ്മത്തിൽ ചുവപ്പ്, ചൊറിച്ചിൽ , വയറിളക്കം എന്നിവയാണ്.

3. Chemotherapy

മലദ്വാര ക്യാന്സറിന്റെ കീമോതെറാപ്പി യിൽ ഒന്നിലധികം മരുന്നുകൾ ഉപയോഗിക്കാറുണ്ട് . സാധാരണ ഉപയോഗിക്കുന്ന മരുന്നുകൾ താഴെ കൊടുത്തിരിക്കുന്നു . 5-FU , Mitomycin C, Cisplatin എന്നിവയാണ് . പലപ്പോഴും കീമോതെറാപ്പിയും റേഡിയേഷനും ഒരുമിച്ചാണ് നൽകാറ്. ഇത് കൂടുതൽ ഫലപ്രദമാണ്. കീമോതെറാപ്പിയുടെ പാർശ്വഫലങ്ങൾ ക്ഷീണം, കൗണ്ട് കുറയുന്നത് , അണുബാധ ,ഓക്കാനം , ഛർദി , മുടികൊഴിച്ചിൽ, വയറിളക്കം , വിശപ്പില്ലായ്മ , വായിൽ മുറിവുണ്ടാവുന്നത് എന്നിവയാണ് .

Anal Cancer Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Anal Cancer (മലദ്വാരത്തിലെ കാൻസർ)

Further Reading

Blogs About This Type

News About This Type

Media About This Type