Uterine Cancer (ഗർഭാശയ കാൻസർ )

ഗർഭപാത്രം

പിയർ ആകൃതിയുള്ള പൊള്ളയായ , പെൽവിസിലെ മൂത്രാശയത്തിന്റെയും മലാശയത്തിന്റെയും ഇടയിൽ സ്ഥിതിചെയുന്ന ഒരു അവയവമാണ് ഗർഭപാത്രം . സ്ത്രീകളിലെ പ്രത്യുത്പാദന അവയവങ്ങളിൽ ഏറ്റവും വലുതാണ് ഗർഭപാത്രം .ഗർഭപാത്രത്തിനു 3 ഭാഗങ്ങളുണ്ട്

The Cervix: ഗർഭപാത്രത്തിന്റെ ഏറ്റവും താഴെയുള്ള ഇടുങ്ങിയ ഭാഗം
The Isthmus: ഗർഭപാത്രത്തിന്റെ മധ്യ ഭാഗത്തുള്ള വലിയ ഭാഗം
The Fundus: ഏറ്റവും മുകളിലുള്ള “fundus “ ആകൃതിയുള്ള ഭാഗം

ഗർഭപാത്രത്തിനു 3 പാളികളുണ്ട് . ഏറ്റവും അകത്തെ പാളി Endometrium എന്ന് അറിയപ്പെടുന്നു. മധ്യ പാളി കട്ടിയുള്ള പേശികളാണ് . ഇതിനെ Myometrium എന്ന് വിളിക്കുന്നു. ഏറ്റവും പുറമെയുള്ള പാളിയാണ് Serosa .

‍

ഗർഭാശയ കാൻസർ

Uterine cancer ന്റെ മറ്റൊരു പേരാണ് Endometrial cancer . സ്ത്രീകളുടെ പ്രത്യുത്പാദന അവയവങ്ങളിൽ ഏറ്റവും കൂടുതലായി കാണപ്പെടുന്ന ക്യാന്സറാണ് ഗർഭാശയ കാൻസർ. ഗർഭാശയത്തിലെ കോശങ്ങൾ ക്രമാതീതമായി വളർന്നു ഒരു മുഴയായി (Tumor ) തീരുന്നു , ഈ മുഴ കാൻസർ ആവാനും ആവാതിരിക്കാനും സാധ്യതയുണ്ട് .

കാൻസർ അല്ലാത്ത ഗർഭാശയത്തിൽ കാണപ്പെടുന്ന മുഴകൾ താഴെ കൊടുത്തിരിക്കുന്നു

Fibroids: ഗർഭപാത്രത്തിന്റെ പേശികളിൽ കാണപ്പെടുന്ന മുഴ
Benign Polyps: ഗർഭപാത്രത്തിന്റെ പാളിയിൽ കാണപ്പെടുന്ന മുഴ
Endometriosis: സാധാരണയായി ഗർഭപാത്രത്തിന്റെ ഉള്ളിലെ പാളിയിൽ കാണപ്പെടുന്ന Endometrial tissue ഗർഭാശയത്തിന്റേയോ മറ്റു അവയവങ്ങളുടെയോ പുറത്തു കാണപ്പെടുന്ന അവസ്ഥ
Endometrial Hyperplasia: ഗർഭപാത്രത്തിന്റെ ഉള്ളിലെ പാളിയായ Endometrium യിലെ കോശങ്ങളുടെയും ഗ്രന്ഥികളുടെയും എണ്ണത്തിൽ വർധനയുണ്ടാവുന്ന അവസ്ഥ . ഈ കോശങ്ങൾ ആരോഗ്യമുള്ളതോ അല്ലാത്തതോ (Atypical cells) ആവാം അതുപോലെ ഗ്രന്ഥികൾ സാധാരണയോ സങ്കീർണമോ (Complex) ആവാം .ആരോഗ്യമില്ലാത്ത കോശങ്ങളോ സങ്കീർണമായ ഗ്രന്ധികളോ കൂടുതലുണ്ടെങ്കിൽ കാൻസർ ഉണ്ടാവാനുള്ള സാധ്യത കൂടുതലാണ്.

2 പ്രധാന ഗർഭാശയ ക്യാന്സറുകൾ താഴെ കൊടുക്കുന്നു

Adenocarcinoma: ഏറ്റവും കൂടുതലായി കാണുന്ന ഗർഭാശയ കാൻസർ ആണിത് . Endometrium യിലെകോശങ്ങളിൽ നിന്നാണ് കാൻസർ വികസിക്കുന്നത്.
Sarcoma: ഗർഭാശയത്തിലുള്ള ഗ്രന്ഥികളുടെ ചുറ്റുമുള്ള ടിഷ്യു അല്ലെങ്കിൽ ഗർഭാശയത്തിലെ പേശികളുടെപാളിയായ Myometrium ഇൽ നിന്നാണ് ഈ കാൻസർ വികസിക്കുന്നത് . മൊത്തം ഗർഭാശയക്യാന്സറിന്റെ 2% മുതൽ 4% മാത്രമാണ് സാർക്കോമ .

ഗർഭാശയ ക്യാന്സറിന്റെ ജനിതകശാസ്ത്രവും കുടുംബചരിത്രവും

ഗർഭാശയ കാൻസർ വരാനുള്ള അപകടസാധ്യത (Higher Risk ) പാരമ്പര്യമായി ലഭിക്കാം. ഇത് ഒരു തലമുറയിൽനിന്ന് അടുത്ത തലമുറയിലേക്കാവാം അല്ലെങ്കിൽ ഒരു തലമുറ വിട്ടു അടുത്ത തലമുറയിലുള്ളവർക്കാവാം.ഏകദേശം 5 % ഗർഭാശയ ക്യാന്സറുകളാണ് ഇങ്ങനെ വരാറ് .

Lynch Syndrome എന്ന അവസ്ഥയിലാണ് പാരമ്പര്യമായി ഗർഭാശയ കാൻസർ വരാറുള്ളത് .

‍

സ്ഥിതിവിവരക്കണക്കുകൾ

Globocan 2020 കണക്കനുസരിച്ചു Cervix and Uterine Cancer ഇന്ത്യയിൽ 3 സ്ഥാനത്താണുള്ളത് . സ്ത്രീകളിൽ സ്തനാർബുദം കഴിഞ്ഞാൽ ഏറ്റവും കൂടുതൽ കാണപ്പെടുന്ന ക്യാന്സറാണ് ഗർഭാശയ കാൻസർ.

പ്രതിവർഷം 1,23,907 ആളുകൾക്കാണ് ഗർഭാശയ കാൻസർ കണ്ടുപിടിക്കുന്നത് . 77,348 ആളുകളാണ് പ്രതിവർഷം ഗർഭാശയ കാൻസർ ബാധിച്ചു മരിക്കുന്നത്. മരണനിരക്കിൽ 2 സ്ഥാനമാണ് .

‍

അതിജീവനനിരക്ക്

ആദ്യത്തെ ഘട്ടത്തിൽ കണ്ടുപിടിക്കാനും ചികിൽസിക്കാനുമായാൽ ഏറ്റവും മികച്ച അതിജീവന നിരക്ക് ലഭിക്കുന്നതാണ് .

ക്യാന്സറിന്റെ സ്റ്റേജ് അനുസരിച്ചുള്ള 5 വർഷത്തെ അതിജീവനനിരക്ക് താഴെ കൊടുത്തിരിക്കുന്നു

Stage I- 83.5%
Stage II- 80.6%
Stage III- 66.0%
Stage IV- 37.1%

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന്കാരണമാവില്ല.

ഗർഭാശയ ക്യാന്സറിന്റെ അപകടഘടകങ്ങൾ താഴെ കൊടുക്കുന്നു

പ്രായം : ഒട്ടുമിക്ക ഗർഭാശയ ക്യാന്സറും 50 വയസിനു മുകളിലാണ് സംഭവിക്കാറ്
അമിതവണ്ണം : കൊഴുപ്പു Estrogen ഹോർമോൺ ഉല്പാദിപ്പിക്കുന്നു . എത്ര കൊഴുപ്പു കൂടുതലാണോ അത്രയും estrogen ശരീരത്തിൽ കൂടുതൽ ഉല്പാദിപ്പിക്കപ്പെടുന്നു. estrogen ഹോർമോൺ ഗർഭാശയ കാൻസർ വരാനുള്ള സാധ്യത വർധിപ്പിക്കുന്നു .ഏകദേശം 70 % ഗർഭാശയ ക്യാന്സറുള്ള വ്യക്തികളിലും അമിതവണ്ണമുണ്ട് .
വംശം (Race): വെളുത്ത വർഗക്കാരായ സ്ത്രീകളിലാണ് മറ്റു വംശജരെ അപേക്ഷിച്ചു ഗർഭാശയ കാൻസർ കൂടുതൽ
ജനിതകശാസ്ത്രം (Genetics): Lynch Syndrome പോലെയുള്ള അവസ്ഥയുള്ളവരിൽ ഗർഭാശയ കാൻസർ കുടുംബങ്ങളിൽ ഉണ്ടാവാറുണ്ട് .
പ്രമേഹം: Type 2 Diabetes ഉള്ളവരിൽ ഗർഭാശയ ക്യാന്സറിനുള്ള സാധ്യത കൂടുതലാണ്. ഇത്തരക്കാരിൽ അമിതവണ്ണവും കൂടുതലായി കാണപ്പെടുന്നു.
മറ്റു ക്യാന്സറുകൾ : സ്തനാർബുദം , വൻകുടൽ കാൻസർ , അണ്ഡാശയത്തിലെ കാൻസർ വന്നവരിൽഗർഭാശയ കാൻസർ വരാനുള്ള സാധ്യത കൂടുതലാണ്
Tamoxifen : സ്തനാർബുദ ചികിത്സക്കുപയോഗിക്കുന്ന ഈ മരുന്ന് ഗർഭാശയ ക്യാന്സറിന്റെ സാധ്യത വർധിപ്പിക്കുന്നു . മരുന്നെടുക്കുന്നതിന്റെ ഗുണങ്ങൾ കാൻസർ വരാനുള്ള സാധ്യതയേക്കാൾ മികച്ചതായതിനാൽ ഈ മരുന്ന് സാദാരണ കൊടുക്കാറുണ്ട്.
റേഡിയേഷൻ : ഇടുപ്പിന്റെ താഴ് ഭാഗത്തു വേറെ ഏതേലും ക്യാന്സറിന്റെ ചികിത്സക്കായി റേഡിയേഷൻഎടുത്തവർ
ഭക്ഷണശൈലി : മൃഗ കൊഴുപ്പു കൂടുതലുള്ള ആഹാരം സ്ഥിരമായി കഴിക്കുന്നവരിൽ ക്യാന്സറിനുള്ള സാധ്യത കൂടുതലാണ്
Estrogen: ശരീരത്തിൽ എത്ര വർഷം estrogen ഹോർമോൺ കൂടുതലാണോ അത്രയും സാധ്യത കൂടുതലാണ് ഗർഭാശയ ക്യാന്സറുണ്ടാവാൻ . 12 വയസിനുമുൻപ് ആർത്തവം തുടങ്ങിയവരിൽ , ആർത്തവം നിൽക്കാൻ താമസിച്ചവരിലും ശരീരത്തിൽ കൂടുതൽ നാൾ estrogen ഉണ്ടായതിനാൽ risk കൂടുതലായിരിക്കും. Hormone Replacement Therapy (HRT) ആർത്തവം നിന്നതിനുശേഷംഎടുക്കുന്നവരിലും , ഒരിക്കലും കുട്ടികളുണ്ടാകാത്തവരിലും risk കൂടുതലായിരിക്കും .
Hair Straightening Products: Relaxers എന്ന് അറിയപ്പെടുന്ന മുടി നേരയാക്കാനുപയോഗിക്കുന്ന chemicals സ്ഥിരമായി ഉപയോഗിക്കുന്നവരിൽ risk കൂടുതലായിരിക്കും.

പ്രതിരോധം

ഗർഭാശയ ക്യാന്സറിന്റെ സാധ്യത കുറച്ചേക്കാവുന്ന ഘടകങ്ങൾ

ഗർഭനിരോധന ഗുളികകൾ : Estrogen and Progesterone ഹോർമോൺ ഒരുമിച്ചുള്ള ഗുളികകൾ ദീർഖകാലം എടുക്കുന്നവരിൽ ഗർഭാശയത്തിന്റെ പാളിയുടെ അമിതവളർച്ച തടയുന്നു
Intrauterine Device (IUD): Progestin സ്രവിക്കുന്ന ഒരു ഗർഭനിരോധന ഉപകരണം ഉപയോഗിക്കുന്നവരിൽ
HRT: Estrogen തന്നെ ഉപയോഗിക്കുന്നതിലും estrogen and progesterone ഒരുമിച്ചുപയോഗികുമ്പോൾ ഗർഭാശയ കാൻസർ സാധ്യത കുറക്കാം. എന്നാൽ രണ്ടും ഒരുമിച്ചുപയോഗികുമ്പോൾ സ്തനാർബുദസാധ്യത കൂടും.
ശരീര ഭാരം നിയന്ത്രിക്കുക
പ്രമേഹം നിയന്ത്രിക്കുക

ലക്ഷണങ്ങൾ

അസാധാരണമായ രക്തസ്രാവം
ആർത്തവം നിന്നവരിൽ വീണ്ടും രക്തം വരുന്നത്
ലൈംഗികബന്ധത്തിനു ശേഷം രക്തം വരുന്നത്
വിട്ടുമാറാത്ത നടുവേദന

‍

രോഗനിർണയം

പെൽവിക് പരിശോധന: ഡോക്ടർ ഗർഭാശയ പരിശോധന നടത്തി അസാധാരണമായ എന്തെങ്കിലും വളർച്ചയോ രക്തസ്രാവമോ ഉണ്ടോയെന്ന് നോക്കുന്നു. പരിശോധന സമയത്തു Pap Smear ടെസ്റ്റ് കൂടി നടത്തിയേക്കാം.
Endometrial Biopsy: ഗർഭാശയത്തിലെ സംശയമുള്ള ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിച്ചു കാൻസർ കോശങ്ങളുണ്ടോയെന്ന് ഉറപ്പാക്കുന്നു
Dilation and Curettage (D&C): ഗർഭാശയത്തിൽ നിന്ന് ബയോപ്സിക്ക് വേണ്ടി sample എടുക്കുന്ന ഒരു പ്രക്രിയയാണിത്.
Transvaginal Ultrasound
CT Scan
MRI

‍

FIGO Stages

stage IA: കാൻസർ Endometrium യിൽ മാത്രമേയുള്ളു അല്ലെങ്കിൽ myometrium ന്റെ ആദ്യത്തെ പകുതിയിൽ കുറവ് ഭാഗത്തു മാത്രമേയുള്ളു
Stage IB: Myometrium ന്റെ ആദ്യ പകുതിയിൽ മാത്രമേ കാൻസർ ഉള്ളു
Stage IIIA: കാൻസർ ഗർഭപാത്രത്തിന്റെ serosa യിൽ അല്ലെങ്കിൽ അണ്ഡാശയത്തിലോ fallopian tube യിലേക്കോ വ്യാപിച്ചിട്ടുണ്ട് എന്നാൽ വേറെ അവയവങ്ങളിലേക്കു വ്യാപിച്ചിട്ടില്ല.
Stage IIIB: കാൻസർ യോനി ഭാഗത്തേക്കും അല്ലെങ്കിൽ ഗർഭാശയത്തിനു തൊട്ടടുത്തുള്ള parametrium ലേക്കും വ്യാപിച്ചിരിക്കുന്നു
Stage IIIC 1: തൊട്ടടുത്തുള്ള കഴലകളിലേക്കു (pelvic lymph nodes) വ്യാപിച്ചിരിക്കുന്നു
Stage IIIC 2: para-aortic കഴലകളിലേക്കു വ്യാപിച്ചിരിക്കുന്നു. തൊട്ടടുത്തുള്ള കഴലകളിലേക്കു (pelvic lymph nodes) വ്യാപിക്കാനും ഇല്ലാതിരിക്കാനും സാധ്യതയുണ്ട്
Stage IVA: കാൻസർ മലാശയത്തിന്റെയോ മൂത്രസഞ്ചിയുടെയോ mucosa യിലേക്ക് വ്യാപിച്ചിരിക്കുന്നു
Stage IVB: കാൻസർ വിദൂര അവയവങ്ങളിലേക്കു കൂടി വ്യാപിച്ചിരിക്കുന്നു

ചികിത്സ

1.ശസ്ത്രക്രിയ

ക്യാന്സറും അതിനുചുറ്റുമുള്ള ആരോഗ്യമുള്ള കുറച്ചു ഭാഗവും നീക്കം ചെയുന്ന പ്രക്രിയയാണിത് . ഗർഭാശയ ക്യാന്സറിന്റെ ഏറ്റവും പ്രധാനപ്പെട്ട ചികിത്സയാണിത് . സാധാരണയായി ചെയ്യുന്ന ശസ്ത്രക്രിയകൾ താഴെകൊടുക്കുന്നു

Hysterectomy: കാൻസർ എത്ര വ്യാപിച്ചു എന്നതനുസരിച്ചു 2 തരം hysterectomy ചെയ്യാം . Simple Hysterectomy യിൽ ഗർഭപാത്രം , ഗർഭാശയഗളം നീക്കം ചെയ്യുന്നു. Radical Hysterectomy യിൽ ഗർഭപാത്രം , ഗർഭാശയഗളം, യോനിയുടെ മുകൾഭാഗം , അടുത്തുള്ള ടിഷ്യു എന്നി ഭാഗങ്ങൾ നീക്കംചെയ്യുന്നു . ആർത്തവം നിന്നവരിൽ അണ്ഡാശയവും fallopian tube കൂടെ നീക്കം ചെയ്യുന്നു .
Lymph node removal : Hysterectomy ചെയ്യുമ്പോൾ അടുത്തുള്ള കഴലകൾ കൂടെ നീക്കം ചെയ്യുന്നു.

ശസ്ത്രക്രിയയുടെ പാർശ്വഫലങ്ങൾ

ശസ്ത്രക്രിയ കഴിഞ്ഞയുടൻ ഉണ്ടാവുന്ന പ്രശ്നങ്ങൾ വേദന , ക്ഷീണം , ഓക്കാനം , ഛർദി , മൂത്രമൊഴിക്കാൻബുദ്ധിമുട്ട് , മലം പോകാൻ ബുദ്ധിമുട്ട് എന്നിവയാണ് . ആർത്തവം നിക്കാത്തവരിൽ അണ്ഡാശയം നീക്കംചെയ്താൽ ആർത്തവ സമാനമായ ലക്ഷണങ്ങൾ ( ചൂട് , യോനിയിൽ അസ്വസ്ഥത )‌ഉണ്ടായേക്കാം. കഴല നീക്കംചെയ്യുന്നവരിൽ കാലിൽ നീര് വന്നേക്കാം .

‍

2.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . രണ്ടു രീതിയിൽ ഗർഭാശയ കാൻസർ ചികിൽസിക്കാൻ റേഡിയേഷൻ കൊടുക്കാം . പുറത്തു നിന്ന് റേഡിയേഷൻ മെഷീൻ ഉപയോഗിച്ചു (External Beam Radiation Therapy) അല്ലെങ്കിൽ നേരിട്ട് ഗർഭാശയത്തിലേക്കു റേഡിയേഷൻ കൊടുക്കുന്ന Brachytherapy . ഏതു വേണമെന്നതു രോഗിയെയും ക്യാന്സറിനെയും സംബന്ധിച്ച പല ഘടകങ്ങൾ അനുസരിച്ചിരിക്കും .

സാദാരണ ശസ്ത്രക്രിയ കഴിഞ്ഞവരിൽ ഗർഭാശയത്തിനു ചുറ്റുമുള്ള അവശേഷിക്കുന്ന കാൻസർ കോശങ്ങളെ നശിപ്പിക്കാനാണ് റേഡിയേഷൻ ഉപയോഗിക്കുന്നത്. വലുപ്പം കൂടുതലുള്ള കാൻസർ ആണെങ്കിൽ ആദ്യം ശസ്ത്രക്രിയ ചെയ്യാതെ റേഡിയേഷൻ ഉപയോഗിച്ചു വലുപ്പം കുറക്കാം . ചില സാഹചര്യങ്ങളിൽ റേഡിയേഷൻ കൊടുക്കുമ്പോ ആഴ്ചയിൽ ഒരിക്കൽ കീമോതെറാപ്പി കൂടി കൊടുക്കാറുണ്ട്. റേഡിയേഷൻ കീമോതെറാപ്പി ഒരുമിച്ച് നൽകുന്നത് കൂടുതൽ ഫലപ്രദമാണ് .

‍

പാർശ്വഫലങ്ങൾ

എത്ര റേഡിയേഷൻ കൊടുക്കുന്നുണ്ട് എന്നതിന് അനുസരിച്ചിരിക്കും പാർശ്വഫലങ്ങൾ . സാദാരണ ഉണ്ടാവുന്ന പാർശ്വഫലങ്ങൾ ക്ഷീണം, ചർമത്തിലുണ്ടാവുന്ന മാറ്റങ്ങൾ, മൂത്രം പോവുന്നതിൽബുദ്ധിമുട്ട്, വയറിളക്കം എന്നിവയാണ് .

‍

3.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

കീമോതെറാപ്പി പല രീതിയിൽ ഗർഭാശയ ക്യാന്സറിന്റെ ചികിത്സക്കുപയോഗിക്കാം

ശസ്ത്രക്രിയക്ക് ശേഷം ശരീരത്തിൽ അവശേഷിക്കുന്ന കാൻസർ കോശങ്ങളെ നശിപ്പിക്കാൻ
വലുപ്പം കൂടുതലുള്ള ശസ്ത്രക്രിയ ചെയ്യാൻ സാധിക്കാത്ത കാൻസർ ചുരുക്കാൻ
ശസ്ത്രക്രിയക്ക് ശേഷം തിരിച്ചു വന്ന കാൻസർ അല്ലെങ്കിൽ ശരീരത്തിൽ മറ്റു ഭാഗങ്ങളിലേക്ക് വ്യാപിച്ച ക്യാന്സറിന്റെ ചികിത്സക്ക്

ഗർഭാശയ ക്യാന്സറിന്റെ ചികിത്സക്ക് സാദാരണ ഉപയോഗിക്കുന്ന മരുന്നുകൾ താഴെ കൊടുത്തിരിക്കുന്നു. ഒരുമരുന്ന് തന്നെയോ ഒന്നിലധികം മരുന്നുകൾ ഒരുമിച്ചോ ഉപയോഗിക്കാം

Paclitaxel
Carboplatin
Doxorubicin or liposomal doxorubicin
Cisplatin
A combination of drugs, such as carboplatin and paclitaxel or cisplatin and doxorubicin

പാർശ്വഫലങ്ങൾ

സാദാരണ ഉണ്ടാവുന്ന പാർശ്വഫലങ്ങൾ ഓക്കാനം , ഛർദി , വിശപ്പില്ലായ്മ ,മുടികൊഴിച്ചിൽ , വായിൽ മുറിവുകൾ,ക്ഷീണം , രക്തത്തിൽ count കുറയുന്നത് , അണുബാധ സാധ്യത എന്നിവയാണ് .

‍

4.Hormone Therapy

ചില ഗർഭാശയ കാൻസർ കോശങ്ങളിൽ hormone receptors ഉണ്ടാവും.അങ്ങനെ receptors ഉള്ള കോശങ്ങളുടെ വളർച്ച കുറക്കാൻ ഹോർമോൺ ഉപയോഗിക്കുന്ന ചികിത്സ രീതിയാണിത് . Adenocarcinoma grade 1 or 2 ന്റെ ചികിത്സക്കാണ് ഇത് ഫലപ്രദം . സാദാരണ Progesterone എന്ന ഹോർമോൺ ന്റെ ഉയർന്ന ഡോസ് ഗുളികയായാണ് കൊടുക്കാറ് .

‍

പാർശ്വഫലങ്ങൾ

നീർക്കെട്ട് , വിശപ്പ് കൂടുതൽ , ഉറക്കമില്ലായ്മ ,പേശി വേദന ,ശരീര ഭാരത്തിൽ വർദ്ധനവ് എന്നിവയാണ്

‍

5.Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy.ഗർഭാശയ ക്യാന്സറിന്റെ ചികിത്സക്കുപയോഗിക്കുന്ന ചില targeted therapy മരുന്നുകൾ താഴെ കൊടുത്തിരിക്കുന്നു

Anti-angiogenesis therapy
Mammalian target of rapamycin (mTOR) inhibitors

6.Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് .ഗർഭാശയ ക്യാന്സറിന്റെ ചികിത്സക്കുപയോഗിക്കുന്ന ചില immunotherapy മരുന്നുകൾ താഴെ കൊടുത്തിരിക്കുന്നു

pembrolizumab (Keytruda)
combination of lenvatinib (Lenvima) and pembrolizumab
dostarlimab (Jemperli)

‍

Uterine Cancer Follow up

‍

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Uterine Cancer (ഗർഭാശയ കാൻസർ )

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

1.85 liters of water and ABC diet Debunking Social Media Myths with Dr. Aju Mathew