Lymphoma- Hodgkin -Adults

Hodgkin Lymphoma

എന്താണ് lymphatic system

lymph nodes (കഴല), lymphatic organs, lymphatic vessels (ലിംഫ് കുഴലുകൾ) എന്നീ ഭാഗങ്ങൾ കൂടിച്ചേരുന്ന വ്യവസ്ഥയാണ് lymphatic system. ശരീരത്തിൽ ഉണ്ടാവുന്ന അണുബാധകളും അസുഖങ്ങളും ചെറുക്കുക എന്നതാണ് ലിംഫ് വ്യവസ്ഥയുടെ ജോലി .

ലിംഫ് എന്നത് നിറമില്ലാത്ത lymphocytes കോശങ്ങൾ അടങ്ങിയ ഒരു ദ്രാവകമാണ് . ലിംഫ് കുഴലുകളിൽ കൂടിയാണ് ഇത് ഒഴുകുന്നത് . രോഗപ്രതിരോധ വ്യവസ്ഥയുടെ ഭാഗമായ വെളുത്ത രക്ത കോശമാണ് (white blood cells) lymphocytes. Lymphocytes ൽ തന്നെ B cells, or B-lymphocytes എന്ന കോശങ്ങൾ ബാക്റ്റീരിയക്കും മറ്റു അണുബാധകൾക്കും എതിരായി antibody ഉത്പാദിപ്പിക്കുന്നു. T cells, or T-lymphocytes എന്ന കോശങ്ങൾ ബാക്ടീരിയ , fungus എന്നിവയെ നശിപ്പിക്കുകയും B cells നെ trigger ചെയ്തു antibody ഉത്പാദിപ്പിക്കുകയും ചെയ്യുന്നു.

പയർ മണിയുടെ (bean) ആകൃതിയിലുള്ള ശരീരത്തിന്റെ പല ഭാഗങ്ങളിലായി കൂട്ടമായി കാണപ്പെടുന്ന ലിംഫ് വ്യവസ്ഥയിലെ അവയവങ്ങളാണ് lymph nodes(കഴല). നെഞ്ച്, അടിവയർ, ഇടുപ്പ്, കക്ഷങ്ങൾ,കഴുത്തു, groin എന്നീ ഭാഗങ്ങളിലാണ് കഴലകളുടെ ഏറ്റവും വലിയ കൂട്ടം കാണപ്പെടുന്നത് .

Lymphocytes, lymph nodes എന്നിവ കൂടാതെ താഴെ പറയുന്ന അവയവങ്ങളും ലിംഫ് വ്യവസ്ഥയുടെ ഭാഗമാണ്

Spleen: വാരിയെല്ലിന്റെ അടിഭാഗത്ത് അടിവയറ്റിന്റെ ഇടത് മുകൾ ഭാഗത്ത് സ്ഥിതി ചെയ്യുന്ന അവയവമാണ് spleen. Spleen lymphocytes നെ ഉത്പാദിപ്പിക്കുകയും രക്തം ശുദ്ധികരിക്കുകയും ചെയ്യുന്നു.
Thymus : Breastbone ന്റെ പിറകിൽ സ്ഥിതി ചെയ്യുന്ന ഒരു അവയവമാണ് thymus. T cells ന്റെ വികസനത്തിൽ thymus പ്രധാന പങ്ക് വഹിക്കുന്നു .
Tonsils : തൊണ്ടയിൽ കാണപ്പെടുന്ന ഒരു അവയവമാണ് tonsil.വായിലൂടെയും മൂക്കിലൂടെയും എത്തുന്ന ബാക്റ്റീരിയയെ തടയുന്നതാണ് ടോൺസിലിൻറെ ജോലി .

എന്താണ് Hodgkin Lymphoma

ലിംഫ് വ്യവസ്ഥയിൽ ഉണ്ടാവുന്ന കാൻസർ ആണ് lymphoma. Lymphoma യുടെ ഒരു തരമാണ് Hodgkin Lymphoma .ലിംഫ് വ്യവസ്ഥയിലെ ആരോഗ്യമുള്ള കോശങ്ങൾ നിയന്ത്രണമില്ലാതെ വളർന്നു ഉണ്ടാവുന്ന കാൻസർ ആണ് lymphoma .

Hodgkin lymphoma കൂടുതലും കഴുത്തു, ശ്വാസകോശത്തിന്റെ ഇടയിലുള്ള mediastinum എന്ന space ,കക്ഷത്തിൽ , ഇടുപ്പിൽ അല്ലെങ്കിൽ groin എന്നീ ഭാഗങ്ങളിലെ കഴലകളിൽ ആണ് ഉണ്ടാവുന്നത് .

കഴല കൂടാതെ Hodgkin lymphoma വ്യാപിക്കാൻ സാധ്യതയുള്ള അവയവങ്ങൾ ശ്വാസകോശം , കരൾ ,മജ്ജ , അസ്ഥി, സ്പ്ലീൻ മുതലായവയാണ്‌ .

‍

Hodgkin lymphoma യുടെ തരങ്ങൾ

കോശങ്ങൾ മൈക്രോസ്കോപ്പിലൂടെ നോക്കുമ്പോൾ എങ്ങനെ കാണപ്പെടുന്നു , കോശങ്ങളിൽ ചില abnormal proteins ഉണ്ടോ എന്നതനുസരിച്ചാണ് Hodgkin lymphoma യെ തരം തിരിക്കുന്നത്

1.Classic Hodgkin lymphoma (cHL) : Hodgkin lymphoma യുടെ ഏറ്റവും കൂടുതൽ കാണപ്പെടുന്ന തരമാണ് cHL.ഏകദേശം 95% Hodgkin lymphoma cHL ആണ് . Reed-Sternberg എന്നറിയപ്പെടുന്ന abnormal lymphocytes കാണപ്പെടുമ്പോൾ ആണ് cHL ന്റെ രോഗനിർണയം സ്ഥിതീകരിക്കുന്നത് . കഴലയുടെയും കോശങ്ങളുടെയും ഘടന അടിസ്ഥാനമാക്കി cHL 4 ഉപവിഭാഗങ്ങളായി തിരിച്ചിരിക്കുന്നു:

Nodular sclerosis Hodgkin lymphoma : cHL ന്റെ ഏറ്റവും കൂടുതൽ കാണപ്പെടുന്ന ഉപവിഭാഗമാണിത് .cHL ബാധിച്ച 80% ആളുകളിലും ഇത് കാണപ്പെടുന്നു .ചെറുപ്പക്കാരെ പ്രത്യേകിച്ച് സ്ത്രീകളെയാണ് ഇത് ബാധിക്കുന്നത് . Reed-Sternberg കോശങ്ങൾ കൂടാതെ കഴലകളിൽ ഉണ്ടാവുന്ന fibrosis രോഗനിർണയത്തിൽ സഹായിക്കുന്നു .നെഞ്ചിന്റെ നടുവിൽ കാണപ്പെടുന്ന mediastinum എന്ന ഭാഗത്തെ കഴലകളിൽ ആണ് ഇത് കൂടുതലും കണ്ടുവരുന്നത്.
Mixed cellularity Hodgkin lymphoma : പ്രായം ചെന്നവരിലാണ് ഇത് കൂടുതലും കാണുന്നത് .ചിലപ്പോൾ അടിവയറ്റിൽ വികസിക്കുകയും Reed-Sternberg കോശങ്ങൾ ഉൾപ്പെടെ നിരവധി കോശങ്ങളും കണ്ടു വന്നേക്കാം .
Lymphocyte-rich cHL : 6% cHL രോഗികൾ ഈ വിഭാഗത്തിൽ പെടുന്നു .പുരുഷന്മാരിൽ ആണ് കൂടുതലും കണ്ടുവരുന്നത് . Mediastinum ഒഴികെയുള്ള ഭാഗങ്ങളിലാണ് കൂടുതലും ഉണ്ടാവുന്നത് . Reed-Sternberg കോശങ്ങൾ കൂടാതെ ധാരാളം സാധാരണ lymphocytes കഴലയിൽ കണ്ടേക്കാം .
Lymphocyte-depleted Hodgkin lymphoma : cHL ന്റെ 1% ആളുകളിൽ മാത്രമേ ഈ വിഭാഗം കാണാറുള്ളു .പ്രായം ചെന്നവരിലും AIDS രോഗം ബാധിച്ചവരിലും കൂടുതൽ കണ്ടുവരുന്നു .കഴലകളിൽ മിക്കവാറും എല്ലാ Reed-Sternberg കോശങ്ങളും അടങ്ങിയിരിക്കുന്നു.

2.Nodular lymphocyte-predominant Hodgkin lymphoma

Hodgkin lymphoma ഉള്ള 5% ആളുകളിൽ ഈ തരം lymphoma കാണപ്പെടുന്നു . ചെറുപ്പക്കാരിലെ കഴുത്തിലെ , കക്ഷത്തിലെ , groin ലെ കഴലകളിൽ ആണ് കൂടുതലും ഉണ്ടാവുന്നത് . B-cell non-Hodgkin lymphoma ആയി ഇതിനു സാമ്യമുണ്ട് . “popcorn cells” എന്നറിയപ്പെടുന്ന വലിയ കോശങ്ങൾ ഇതിൽ കാണപ്പെടുന്നു . ഈ കോശങ്ങളുടെ ഉപരിതലത്തിൽ CD20 എന്ന ഒരു തരം protein കണ്ടുവരുന്നു . ഈ protein B-cell non-Hodgkin lymphoma ഉള്ളവരിലും കാണാറുണ്ട് . ഈ ക്യാന്സറിന്റെ prognosis (ചികിത്സ വിജയിക്കാൻ ഉള്ള സാധ്യത) വളരെയധികം ആണ് .

സ്ഥിതിവിവരക്കണക്ക്

പ്രതിവർഷം ഇന്ത്യയിൽ 9221 ആളുകൾക്ക് Hodgkin lymphoma കണ്ടുപിടിക്കപ്പെടുന്നു. മൊത്തം ക്യാന്സറുകൾക്കിടയിൽ 26 സ്ഥാനമാണ് .

‍

അതിജീവനനിരക്ക്

United States യിലെ കണക്കു പ്രകാരം 5 വർഷത്തെ Hodgkin lymphoma യുടെ അതിജീവനനിരക്ക് 89% ആണ് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

പ്രായം : 15 നും 40 നും ഇടയിൽ പ്രായമുള്ളവർക്കും 55 വയസ്സിനു മുകളിലുള്ളവർക്കും Hodgkin lymphoma ഉണ്ടാകാനുള്ള സാധ്യത കൂടുതലാണ്.
Gender: പൊതുവേ, സ്ത്രീകളെ അപേക്ഷിച്ച് പുരുഷന്മാർക്ക് Hodgkin lymphoma ഉണ്ടാകാനുള്ള സാധ്യത അല്പം കൂടുതലാണ്, എന്നിരുന്നാലും nodular sclerosis സബ്ടൈപ്പ് സ്ത്രീകളിൽ കൂടുതലാണ്.
കുടുംബ ചരിത്രം : Hodgkin lymphoma ഉള്ള ആളുകളുടെ സഹോദരീസഹോദരന്മാർക്ക് രോഗം വരാനുള്ള സാധ്യത കൂടുതലാണ്.
Virus exposure : Epstein-Barr virus (EBV) എന്ന വൈറസ് infectious mononucleosis എന്ന അസുഖമുണ്ടാക്കുന്നു. classic Hodgkin lymphoma (cHL) ഉള്ള United States ലെ 25% ആളുകളിൽ lymphoma കോശങ്ങളിൽ EBV ന്റെ സാന്നിധ്യം കണ്ടെത്തിയിട്ടുണ്ട് .

ലക്ഷണങ്ങൾ

കഴുത്തിലോ കക്ഷത്തിലോ groin ലോ ഉള്ള കഴലകളുടെ വേദനയില്ലാത്ത വീക്കം. (ഏതാനും ആഴ്ചകൾക്കുള്ളിൽ മാറാത്ത വീക്കം )
വിട്ടുമാറാത്ത കാരണമില്ലാത്ത പനി
കാരണമൊന്നുമില്ലാതെ ശരീര ഭാരം കുറയുന്നു
രാത്രിയിൽ അമിതമായി വിയർക്കുന്നത്
ശരീരം മുഴുവൻ അസഹനീയമായ ചൊറിച്ചിൽ ക്ഷീണം
മദ്യം കുടിക്കുമ്പോൾ കഴലകളിൽ വേദന
ശ്വാസം മുട്ടൽ ,ചുമ , നെഞ്ചിൽ അസ്വസ്ഥത

Hodgkin lymphoma സ്റ്റേജ് ചെയ്യുന്ന സമയത്തു ലക്ഷണങ്ങൾ അനുസരിച്ചു ഓരോ സ്റ്റേജ് A അല്ലെങ്കിൽ B എന്ന് തരം തിരിക്കാം

A എന്നാൽ B എന്ന ഭാഗത്തു കൊടുത്തിരിക്കുന്ന ലക്ഷണങ്ങൾ ഒന്നുമില്ല
B എന്നാൽ താഴെ കൊടുത്തിരിക്കുന്ന ഒന്നോ അതിലധികമോ ലക്ഷണങ്ങൾ ഉണ്ട്

1. ശരീര ഭാരത്തിന്റെ 10% ഇൽ കൂടുതൽ ഭാരം രോഗം കണ്ടുപിടിക്കുന്നതിന് 6 മാസം മുൻപ് കാരണമൊന്നുമില്ലാതെ കുറഞ്ഞു

2. 100.4°F (38°C) കൂടുതൽ കാരണമൊന്നുമില്ലാതെ ഉണ്ടായ പനി

3. രാത്രിയിൽ അമിതമായി വിയർക്കുന്നു ( രാത്രി ഇട്ടിരിക്കുന്ന വസ്ത്രം മുഴുവൻ നനഞ്ഞു കുതിരുന്ന തരത്തിലുള്ള വിയർപ്പ് )

രോഗനിർണയം

ശാരീരിക പരിശോധന
രക്ത പരിശോധന : CBC, ESR, LFT, kidney function മുതലായ രക്ത പരിശോധനകൾ
Biopsy : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സിക്കു മാത്രമേ സാധിക്കു . വീക്കം വന്ന കഴല ഉണ്ടെങ്കിൽ അത് നീക്കം ചെയ്തു (excision) ബയോപ്സി നടത്തിയേക്കാം. Ultrasound അല്ലെങ്കിൽ CT scan പോലെ ഏതെങ്കിലും imaging technology യുടെ സഹായത്തോടെയും ബയോപ്സി നടത്താം. Hodgkin lymphoma ആണെങ്കിൽ Reed-Sternberg എന്ന കോശങ്ങൾ മൈക്രോസ്കോപ്പിലൂടെ പരിശോധിക്കുമ്പോൾ കാണാം .
CT Scan
PET CT
MRI
Lung function test
Heart evaluation
Bone marrow aspiration

ചികിത്സ

1.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

‍

First-line chemotherapy

പുതിയതായി രോഗനിർണയം നടത്തിയ Hodgkin lymphoma യുടെ ചികിത്സക്കുപയോഗിക്കുന്ന ഒരു combination കീമോതെറാപ്പി ആണിത് . ഇതിൽ തന്നെ ഏറ്റവും കൂടുതൽ ഉപയോഗിക്കുന്ന combination കീമോതെറാപ്പി താഴെ ചേർക്കുന്നു

ABVD: Doxorubicin ,bleomycin ,vinblastine (Velban), and dacarbazine എന്നീ മരുന്നുകളുടെ combination. എല്ലാ 2 ആഴ്ചയിൽ ഒരിക്കൽ 2 മുതൽ 8 മാസം വരെയാണ് ഈ കീമോതെറാപ്പി നൽകുന്നത് .
AAVD : ABVD യിലെ bleomycin നു പകരം AAVD യിൽ brentuximab vedotin (Adcetris) ഉപയോഗിക്കുന്നു .എല്ലാ 2 ആഴ്ചയിൽ ഒരിക്കൽ 6 മാസത്തേക്കാണ് AAVD നൽകുന്നത് .
BEACOPP: Bleomycin, etoposide , doxorubicin, cyclophosphamide , vincristine (Vincasar PFS), procarbazine (Matulane), prednisone എന്നീ മരുന്നുകളുടെ combination.

Second-line chemotherapy

First line chemotherapy വിജയകരമായില്ലെങ്കിലോ ആദ്യത്തെ ABVD or BEACOPP കീമോതെറാപ്പിക്ക് ശേഷം കാൻസർ തിരിച്ചു വന്നാലോ second line chemotherapy ചെയ്യാം .

ICE: Ifosfamide (Ifex), carboplatin , etoposide എന്നീ മരുന്നുകളുടെ combination. എല്ലാ 2 മുതൽ 3 ആഴ്ചയിൽ ഒരിക്കൽ 2 മുതൽ 3 cycle വരെ ഈ കീമോതെറാപ്പി ചെയ്യാം .
ESHAP or DHAP: ESHAP is etoposide, methylprednisolone (Solu-Medrol), high-dose cytarabine , and cisplatin . DHAP is dexamethasone , high-dose cytarabine, and cisplatin. 3 ആഴ്ചയിൽ ഒരിക്കൽ 2 മുതൽ 3 cycle വരെയാണ് നൽകുന്നത് .
GVD, Gem-Ox, or GDP: GVD is gemcitabine, vinorelbine (Navelbine), and doxorubicin. Gem-Ox is gemcitabine and oxaliplatin (Eloxatin). GDP is gemcitabine, dexamethasone, and cisplatin. Gemcitabine അടങ്ങിയ കീമോ ഒന്നുകിൽ 2 ആഴ്ച അടുപ്പിച്ചു നൽകിയ ശേഷം ഒരാഴ്ച കൊടുക്കാതിരിക്കാം അല്ലെങ്കിൽ ഒന്നിടവിട്ട ആഴ്ചകളിൽ നൽകാം .
Brentuximab vedotin : മുൻപ് നൽകികൊണ്ടിരുന്ന കീമോ ഫലിക്കുന്നില്ലെങ്കിൽ Brentuximab vedotin നൽകാവുന്നതാണ് .എല്ലാ 3 ആഴ്ചയിൽ ഒരിക്കൽ 16 cycle വരെ കൊടുക്കാം .
Bendamustine (Treanda ) : എല്ലാ 4 ആഴ്ച കൂടുമ്പോളാണ് ഈ മരുന്ന് നൽകുന്നത് .

കീമോതെറാപ്പിയുടെ പാർശ്വഫലങ്ങൾ ക്ഷീണം , അണുബാധ , ഓക്കാനം , ഛർദി ,കൈ കാലുകളിലെ വിരലുകളിൽ tingling ( തരിപ്പ് ) ,മുടികൊഴിച്ചിൽ , വിശപ്പില്ലായ്മ ,മലം മുറുക്കം മുതലായവയാണ്‌ . കീമോ കഴിയുമ്പോൾ പാർശ്വഫലങ്ങൾ കുറഞ്ഞുവരും .

2.Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് .

Hodgkin lymphoma ക്യാന്സറിന്റെ ചികിത്സക്കുപയോഗിക്കുന്ന immune checkpoint inhibitors എന്നറിയപ്പെടുന്ന ചില immunotherapy മരുന്നുകൾ താഴെ കൊടുത്തിരിക്കുന്നു

Nivolumab (Opdivo)
pembrolizumab (Keytruda)

ചികിത്സക്ക് ശേഷം തിരിച്ചു വന്ന അല്ലെങ്കിൽ autologous bone transplantation ഉൾപ്പെടയുള്ള ചികിത്സ കഴിഞ്ഞും വർധിച്ച cHL ന്റെ ചികിത്സക്ക് immunotherapy ഉപയോഗിക്കാം .

3.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy എന്ന് പറയുന്നു .

Lymphoma ബാധിച്ച കഴലകളിലേക്കാണ് റേഡിയേഷൻ കൂടുതലും നൽകുന്നത് . Involved-site radiation therapy , Intensity-modulated radiation therapy (IMRT) , Proton therapy മുതലായ പുതിയ റേഡിയേഷൻ ചികിത്സകളും lymphoma ക്കു ഉപയോഗിക്കാം .

ഏതു ഭാഗത്താണോ റേഡിയേഷൻ നൽകുന്നത് എന്നതനുസരിച്ചു പല പാർശ്വഫലങ്ങൾ ഉണ്ടായേക്കാം . പൊതുവെ ഉണ്ടാവുന്ന പാർശ്വഫലങ്ങൾ ക്ഷീണം , ചർമത്തിൽ ചൊറിച്ചിൽ മുതലായവയാണ്‌ . കഴുത്തിന്റെ ഭാഗത്താണ് റേഡിയേഷൻ എടുക്കുന്നതെങ്കിൽ തൊണ്ട വേദന , നെഞ്ചിന്റെ ഭാഗത്താണെങ്കിൽ ചുമ ,ഓക്കാനം , ഭക്ഷണം കഴിക്കുമ്പോൾ വേദന മുതലായവ ഉണ്ടായേക്കാം .ചികിത്സ കഴിയുമ്പോൾ പാർശ്വഫലങ്ങൾ കുറഞ്ഞു വരും .

4.Bone marrow transplantation/stem cell transplantation

Specialized കോശങ്ങൾ ആയ hematopoietic stem കോശങ്ങൾ രക്തത്തിൽ നിന്ന് ശേഖരിച്ചു മജ്ജയിൽ സ്ഥാപിക്കുന്ന ചികിത്സയാണിത് . രക്തത്തിലും മജ്ജയിലും കാണപ്പെടുന്ന രക്തം നിർമിക്കുന്ന കോശങ്ങളാണ് hematopoietic stem cells.hematopoietic stem കോശങ്ങൾ WBC, RBC, platelet ആയി മാറുന്നു.

Transplantation Hodgkin lymphoma യുടെ ആദ്യ ചികിത്സയായി ചെയ്യാറില്ല .കീമോതെറാപ്പിക്ക് ശേഷം കാൻസർ അവശേഷിക്കുന്നുണ്ടെങ്കിലോ ചികിത്സക്ക് ശേഷം കാൻസർ തിരിച്ചു വന്നെങ്കിലോ Transplantation ചെയ്യാവുന്നതാണ് .

രോഗിയിൽ നിന്ന് തന്നെ എടുക്കുന്ന stem cells autologous (AUTO) എന്നും വേറെ ഒരു വ്യക്തിയിൽ നിന്ന് എടുക്കുന്ന stem cells Allogeneic (ALLO) എന്നും അറിയപ്പെടുന്നു .

Hodgkin lymphoma Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Lymphoma- Hodgkin -Adults

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Decoding Cancer: Hodgkin Lymphoma | ഹോഡ്ജ്കിൻ ലിംഫോമ | Dr. Aju Mathew | NHL | Kerala Cancer Care