Multiple Myeloma

മജ്ജയിൽ കാണപ്പെടുന്ന plasma cells എന്ന കോശങ്ങളിൽ ആരംഭിക്കുന്ന ക്യാന്സറാണ് multiple myeloma. എല്ലുകൾക്ക് ഉള്ളിൽ കാണപ്പെടുന്ന sponge പോലുള്ള ഭാഗമാണ് മജ്ജ . ഇവിടെയാണ് രക്ത കോശങ്ങൾ ഉല്പാദിപ്പിക്കപ്പെടുന്നത് . Plasma cells ശരീരത്തിന്റെ രോഗപ്രതിരോധ സംവിധാനത്തിന്റെ പ്രധാന ഭാഗമാണ് . അണുബാധക്കെതിരായി antibodies ഉല്പാദിപ്പിക്കുന്നത് plasma കോശങ്ങളാണ് .

ആരോഗ്യമുള്ള plasma കോശങ്ങൾ നിയന്ത്രണമില്ലാതെ വളർന്നു മുഴയായി തീരുന്നതാണ് multiple myeloma എന്നറിയപ്പെടുന്നത് .

മജ്ജയിൽ plasma കോശങ്ങൾ പെരുകുമ്പോൾ WBC, RBC, platelet കോശങ്ങളുടെ വളർച്ച തടയപ്പെടുന്നു . കൂടാതെ ആരോഗ്യമുള്ള ശരീരത്തിന്റെ രോഗപ്രതിരോധത്തിന് ആവശ്യമായ plasma കോശങ്ങളും കുറയുന്നു .കാൻസർ ആയി വളർന്ന plasma കോശങ്ങൾക്ക് ആരോഗ്യമുള്ള കോശങ്ങളെപ്പോലെ പ്രവർത്തിക്കാനാവില്ല . ഇങ്ങനെ കോശങ്ങൾ കുറയുന്നത് വഴി താഴെ കൊടുത്തിരിക്കുന്ന ബുദ്ധിമുട്ടുകൾ ഉണ്ടാവുന്നു

Anemia : ചുവന്ന രക്ത കോശങ്ങൾ (RBC) കുറയുമ്പോൾ ഹീമോഗ്ലോബിൻ കുറയുകയും വിളർച്ച ഉണ്ടാവുകയും ചെയ്യുന്നു
Bleeding : Platelet കുറയുമ്പോൾ രക്തം കട്ട പിടിക്കാതിരിക്കുകയും മുറിവുകളിൽ നിന്ന് കൂടുതൽ രക്തസ്രാവം ഉണ്ടാവുകയും ചെയ്യുന്നു
Infections: velutha രക്ത കോശങ്ങൾ (WBC)കുറയുമ്പോൾ അണുബാധ കൂടുതൽ ഉണ്ടാവുന്നു
Low immunity : Plasma കോശങ്ങൾ കുറയുമ്പോൾ ശരീരത്തിന്റെ രോഗപ്രതിരോധ ശക്തി കുറയുന്നു

ആരോഗ്യമുള്ള plasma കോശങ്ങൾ antibodies ഉല്പാദിപ്പിക്കുമ്പോൾ കാൻസർ കോശങ്ങളായ myeloma കോശങ്ങൾ M protein or monoclonal protein or monoclonal immunoglobulin ഉല്പാദിപ്പിക്കുന്നു . M protein രക്തത്തിലും മൂത്രത്തിലും അടിഞ്ഞുകൂടാനും വൃക്കയേയും മറ്റു അവയവങ്ങളെയും ബാധിക്കാനും സാധ്യതയുണ്ട് .

സ്ഥിതിവിവരക്കണക്ക്

ഇന്ത്യയിൽ പ്രതിവർഷം 14,641 രോഗികൾക്ക് multiple myeloma കണ്ടുപിടിക്കപെടുന്നു .മൊത്തം ക്യാന്സറുകൾക്കിടയിൽ 23 സ്ഥാനമാണ് . മരണനിരക്കിൽ 18 സ്ഥാനമാണ് . ഓരോ വർഷവും 12,556 രോഗികൾ multiple myeloma കാരണം മരണപ്പെടുന്നു .

‍

അതിജീവനനിരക്ക്

United States ഇലെ കണക്കു പ്രകാരം multiple myeloma യുടെ 5 വർഷത്തെ അതിജീവനനിരക്ക് 58% ആണ് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

Age : 60 വയസിനു മുകളിലാണ് myeloma സാധാരണ കണ്ടുപിടിക്കുന്നത് . 40 വയസിനു താഴെയുള്ളവരിൽ അപൂർവമാണ് .
Personal History : Solitary plasmacytoma ( ഒരു സ്ഥലത്തു മാത്രം myeloma ഉള്ള കാൻസർ ) ഉള്ളവരിൽ multiple myeloma ഭാവിയിൽ ഉണ്ടായേക്കാം .
Sex : പുരുഷന്മാരിലാണ് multiple myeloma കൂടുതൽ കണ്ടുവരുന്നത് .
MGUS :MGUS എന്ന അവസ്ഥയിൽ plasma കോശങ്ങൾ ഉയർന്ന അളവിലാണ് എന്നാൽ അവയവങ്ങൾക്ക് കേടുപാടുകൾ സംഭവിച്ചിട്ടില്ല .ഈ അവസ്ഥയിലുള്ള രോഗികളെ കൃത്യമായ ഇടവേളകളിൽ പരിശോധിക്കേണ്ടതാണ് .MGUS ഉള്ള രോഗികളിൽ ഭാവിയിൽ multiple myeloma ഉണ്ടായേക്കാം .

ലക്ഷണങ്ങൾ

വിളർച്ച : ചുവന്ന രക്ത കോശങ്ങൾ കുറയുന്നത് കൊണ്ടു വിളർച്ച ഉണ്ടാകും
ക്ഷീണം : വിളർച്ച കാരണം ക്ഷീണം ഉണ്ടായേക്കാം
എല്ലിൽ വേദന : എല്ലിനുള്ളിലെ മജ്ജയിൽ myeloma വളരുമ്പോൾ എല്ല് ദുർബലമാവുകയും പിന്നീട് പൊട്ടാനും സാധ്യതയുണ്ട് .
വേദന , മരവിപ്പ് : നട്ടെല്ലിൽ ആണ് myeloma വളരുന്നതെങ്കിൽ നാഡികളിൽ compression ഉണ്ടാവുകയും കാലുകളിൽ തരിപ്പ് അല്ലെങ്കിൽ തളർച്ച അനുഭവപ്പെടാനും സാധ്യതയുണ്ട്
വൃക്ക പ്രശ്നങ്ങൾ : M protein മൂത്രത്തിൽ അടിഞ്ഞുകൂടുമ്പോൾ വൃക്കയെ ബാധിക്കാൻ സാധ്യതയുണ്ട് .
കാൽസ്യം കൂടുന്നത് : എല്ലിൽ ബലക്ഷയം ഉണ്ടാവുമ്പോൾ രക്തത്തിൽ കാൽസ്യം കൂടുതലായിരിക്കും .ഇത് തളർച്ച , മലം മുറുക്കം , വൃക്ക തകരാറ് മുതലായ പ്രശ്നങ്ങൾ ഉണ്ടായേക്കാം .
പനി, അണുബാധ : രോഗപ്രതിരോധ ശക്തി കുറയുമ്പോൾ പനിയും ശ്വാസകോശ അണുബാധയും ഉണ്ടായേക്കാം

രോഗനിർണയം

രക്ത , മൂത്ര പരിശോധന : Myeloma യുടെ രോഗനിർണയത്തിൽ രക്ത , മൂത്ര പരിശോധന പ്രധാനപ്പെട്ടതാണ്.

M protein: രക്തത്തിലും മൂത്രത്തിലും M protein ന്റെ അളവ് പരിശോധിക്കുന്നതിലൂടെ myeloma യുടെ അപ്പോളത്തെ വളർച്ചയും ചികിത്സയുടെ പുരോഗമനവും അറിയാൻ സാധിക്കും . Serum protein electrophoresis (SPE or SPEP) or Urine protein electrophoresis (UPE or UPEP) എന്നീ പരിശോധനകളാണ് M protein അളക്കാൻ ഉപയോഗിക്കുന്നത് .
Immunoglobulin: myeloma കൂടുതലാവുമ്പോൾ antibodies ആയ Immunoglobulin G (IgG) , Immunoglobulin A (IgA) , Immunoglobulin M (IgM) മുതലായവ കുറവായിരിക്കും .
Light chains: രക്തത്തിലെ free light chains അളക്കുന്ന രക്ത പരിശോധനയാണ് Serum free light chain assay. Light chains ഇൽ തന്നെ kappa, lambda എന്നിങ്ങനെ രണ്ടു തരം light chains ഉണ്ട് .മൂത്രത്തിലെ M protein അളക്കുന്നതിലും കൃത്യമായ ഫലം രക്തത്തിൽ light chains നോക്കുമ്പോൾ ലഭിക്കും . മൂത്രത്തിൽ light chains കണ്ടെത്തിയാൽ അതിനെ Bence Jones protein എന്ന് വിളിക്കുന്നു .
Serum albumin and serum beta-2 microglobulin
LDH : കേടായ tissue രക്തത്തിലേക്ക് വിടുന്ന ഒരു enzyme ആണ് Lactase dehydrogenase.

Bone marrow aspiration : മജ്ജയിൽ ഉറപ്പുള്ളതും ദ്രാവക രൂപത്തിലും 2 ഭാഗങ്ങളുണ്ട് .സൂചി ഉപയോഗിച്ച് ദ്രാവകം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതിന് bone marrow aspiration എന്ന് പറയുന്നു .
Bone marrow Biopsy : മജ്ജയുടെ ഉറപ്പുള്ള ഭാഗത്തു നിന്ന് ഒരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതിനെ biopsy എന്ന് പറയുന്നു . Pelvic bone ( ഇടുപ്പെല്ല് ) നിന്നാണ് മിക്കവാറും bone marrow aspiration നും biopsy യും ചെയ്യുന്നത്.
Fat pad aspirate : M proteins കാരണം ഉണ്ടാവുന്ന ഒരു അസുഖമായ amyloidosis സംശയിക്കുന്നുണ്ടെങ്കിൽ ഡോക്ടർ ഈ ടെസ്റ്റ് നിർദേശിച്ചേക്കാം .
Biomarker testing : കോശങ്ങളിലെ ജനിതക മാറ്റങ്ങൾ മനസിലാക്കാൻ ചെയ്യുന്ന cytogenetics, fluorescent dye ഉപയോഗിച്ച് chromosome ലെ മാറ്റങ്ങൾ കണ്ടെത്തുന്ന FISH test മുതലായ പരിശോധനയിലൂടെ myeloma എത്ര അപകടകാരി ആണെന്ന് മനസിലാക്കാൻ സാധിക്കും .
X-ray
MRI
PET CT

Stages

ലക്ഷണങ്ങൾ അനുസരിച്ചു പുതിയതായി myeloma കണ്ടുപിടിച്ചവരെ രണ്ടായി തിരിക്കാം

ലക്ഷണങ്ങൾ ഇല്ലാത്തവർ
ലക്ഷണങ്ങൾ ഉള്ളവർ

Myeloma യുടെ ലക്ഷണങ്ങൾ താഴെ കൊടുത്തിരിക്കുന്ന രീതിയിൽ തിരിക്കാം

കാൽസ്യം കൂടുന്നത് : serum calcium ഉയർന്ന അളവിൽ കാണപ്പെടുന്നു
വൃക്കയിൽ അസുഖങ്ങൾ : creatinine ഉയർന്ന അളവിൽ കാണപ്പെടുന്നു
വിളർച്ച : haemoglobin കുറഞ്ഞ അളവിൽ കാണപ്പെടുന്നു
എല്ലിൽ വേദന

മേലെ പറഞ്ഞിരിക്കുന്ന ലക്ഷണങ്ങളിൽ ഒന്നോ അതിലധികം ലക്ഷണങ്ങൾ ഉണ്ടെങ്കിൽ myeloma ക്കു ചികിത്സ തുടങ്ങണം . ഇത് കൂടാതെ ചികിത്സ തുടങ്ങേണ്ട മറ്റു ലക്ഷണങ്ങൾ

മജ്ജയിലെ 60 % ഇൽ കൂടുതൽ കോശങ്ങൾ plasma cells ആണെങ്കിൽ
involved-to-uninvolved free light chain ratio 100 ഇൽ കൂടുതൽ ആണെങ്കിൽ
MRI allenkil PET CT ഇൽ bone lesions ഉണ്ടെങ്കിൽ

Revised International Staging System ( R-ISS)

Multiple myeloma തരം തിരിക്കാൻ ഉപയോഗിക്കുന്ന staging ആണ് R- ISS.

serum albumin, lactase dehydrogenase (LDH), serum beta-2 microglobulin (β2-M) ,fluorescence in situ hybridization (FISH) test ഉപയോഗിച്ച് high-risk chromosomes കണ്ടു പിടിക്കാൻ സാധിച്ചോ എന്നതനുസരിച്ചു multiple myeloma തരം തിരിക്കാം .

Stage I

beta-2 microglobulin 3.5 mg/dL ഇൽ കുറവ്
albumin 3.5 g/dL ഇൽ കൂടുതൽ
LDH സാധാരണ അളവ്
high-risk chromosome മാറ്റങ്ങൾ ഒന്നും FISH ടെസ്റ്റിലൂടെ കണ്ടുപിടിച്ചിട്ടില്ല

Stage II

Stage III

beta-2 microglobulin 5.5 mg/dL ഇൽ കൂടുതൽ
high-risk chromosome മാറ്റങ്ങൾ FISH ടെസ്റ്റിലൂടെ കണ്ടുപിടിച്ചു
LDH കൂടുതലാണ്

ചികിത്സ

1.Treatment for Smoldering Multiple Myeloma

ആരംഭഘട്ടത്തിലുള്ള ലക്ഷണങ്ങൾ ഇല്ലാത്ത എന്നാൽ risk കൂടിയ സാഹചര്യമുള്ള അവസ്ഥയാണ് smoldering multiple myeloma ( SMM ) എന്നറിയപ്പെടുന്നത് . ചികിത്സ ഉടനെ കൊടുക്കാതെ കൃത്യമായ ഇടവേളകളിൽ കാൻസർ വളർച്ച നിരീക്ഷിക്കുന്നതിനെ active surveillance അല്ലെങ്കിൽ watchful waiting എന്നറിയപ്പെടുന്നു . ലക്ഷണങ്ങൾ എന്തെങ്കിലും കാണിച്ചാൽ ചികിത്സ തുടങ്ങും .

ചികിത്സ 3 ഘട്ടമായി നൽകാം

Induction therapy : പെട്ടന്ന് കാൻസർ നിയന്ത്രിക്കാനും ലക്ഷണങ്ങൾ കുറക്കാനും ചെയ്യുന്ന ചികിത്സ
Consolidation : കീമോതെറാപ്പി അല്ലെങ്കിൽ stem cell transplant ചെയ്യുന്നത്
Maintenance therapy : കാൻസർ തിരിച്ചു വരുന്നത് തടയാൻ ചെയ്യുന്ന ചികിത്സ

2.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം . cyclophosphamide , doxorubicin , melphalan ,etoposide , cisplatin , carmustine, and bendamustine മുതലായ മരുന്നുകൾ multiple myeloma യുടെ കീമോതെറാപ്പി ചികിത്സക്കുപയോഗിക്കുന്നു .

കീമോതെറാപ്പി മറ്റു ചികിത്സകൾക്കൊപ്പം നൽകിയേക്കാം . കീമോതെറാപ്പിയുടെ പാർശ്വഫലങ്ങൾ ക്ഷീണം , അണുബാധ ,ഓക്കാനം , ഛർദി , മുടികൊഴിച്ചിൽ , വിശപ്പില്ലായ്മ , വയറിളക്കം , മലം മുറുക്കം , കൈ കാലുകളിൽ തരിപ്പ് , രക്ത കൗണ്ട് കുറയുന്നത് , രക്തം കട്ട പിടിക്കുന്നതിൽ പ്രശ്നങ്ങൾ മുതലായവയാണ്‌ . കീമോതെറാപ്പി കഴിയുമ്പോൾ പാർശ്വഫലങ്ങൾ കുറഞ്ഞു വരും .

3.Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy. Bortezomib (Velcade), carfilzomib (Kyprolis), ixazomib (Ninlaro) , Elotuzumab (Empliciti) ,daratumumab (Darzalex), Selinexor (Xpovio), Belantamab mafodotin-blmf (Blenrep), Elranatamab (Elrexfio), talquetamab (Talvey), teclistamab-cqyv (Tecvayli) മുതലായ മരുന്നുകൾ multiple myeloma യുടെ targeted therapy ചികിത്സക്കുപയോഗിക്കുന്നു.

‍

4.Immunomodulatory drugs

Lenalidomide (Revlimid) , pomalidomide (Pomalyst) മുതലായ മരുന്നുകൾ ശരീരത്തിന്റെ രോഗപ്രതിരോധ ശക്തി ബലപ്പെടുത്താൻ ഉപയോഗിക്കുന്നു .

‍

5.Steroids

prednisone , dexamethasone മുതലായ steroid മരുന്നുകൾ ഒറ്റക്കോ മറ്റു ചികിത്സകൾക്കൊപ്പമോ നൽകാം .Plasma കോശങ്ങൾ കുറക്കാൻ steroids ഉപകാരപ്രദമാണ് .

‍

6.Bone modifying drugs

എല്ലിന്റെ ബലക്കുറവ് തടയാനും ശക്തി കൂടാനുമായി ഉപയോഗിക്കുന്ന മരുന്നാണിത് .കാൻസർ എല്ലിൽ വരുന്നത് തടയാനും ഈ മരുന്നുകൾ ഉപയോഗിക്കും .

പ്രധാനമായും 2 തരം bone modifying മരുന്നുകൾ multiple myeloma യുടെ ചികിത്സക്കുപയോഗിക്കുന്നു

Bisphosphonates : zoledronic acid (Zometa) , pamidronate (Aredia) മുതലായ മരുന്നുകൾ എല്ല് നശിപ്പിക്കുന്ന osteoclasts എന്ന കോശങ്ങളുടെ പ്രവർത്തനം തടയുന്നു . മാസത്തിലൊരിക്കൽ ആണ് ഈ മരുന്നുകൾ IV വഴി നൽകുന്നത് . വൃക്കയിൽ പ്രശ്നങ്ങൾ ഉള്ളവരിൽ ഈ മരുന്നുകൾ ഉപയോഗിക്കാൻ സാധിക്കില്ല .
Denosumab (Xgeva) എന്ന മരുന്ന് osteoclast-targeted therapy എന്ന വിഭാഗത്തിൽ പെടുന്നു .വൃക്കയിൽ പ്രശ്നങ്ങൾ ഉള്ളവരിലും ഈ മരുന്ന് ഉപയോഗിക്കാം .

Bisphosphonates ന്റെ പാർശ്വഫലങ്ങൾ പേശികളിലും സന്ധികളിലും വേദന , Creatinine അളവ് കൂടുക , Osteonecrosis of the jaw മുതലായവയാണ്‌ . താടിയെല്ലിന്റെ osteonecrosis തടയാൻ ചികിത്സ തുടങ്ങുന്നതിനു മുൻപ് പല്ലുകൾ പരിശോധിക്കേണ്ടതാണ് .osteonecrosis ഉണ്ടായാൽ താടിയെല്ലിൽ വേദന , നീര് , പല്ലുകൾ ഇളകുന്നത് , താടിയെല്ലിൽ അണുബാധ , എല്ല് expose ആവുന്നത് മുതലായ പ്രശ്നങ്ങൾ ഉണ്ടായേക്കാം .

7.Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് . vicleucel (Abecma), ciltacabtagene autoleucel (Carvykti) മുതലായ മരുന്നുകൾ multiple myeloma യുടെ immunotherapy ചികിത്സക്കുപയോഗിക്കുന്നു.

‍

8.Bone marrow transplant

കാൻസർ ഉള്ള മജ്ജയുടെ ഭാഗം മാറ്റി വേറെ hematopoietic stem കോശങ്ങൾ സ്ഥാപിക്കുന്നു . hematopoietic stem കോശങ്ങൾ WBC, RBC, platelet ആയി മാറുന്നു.രോഗിയിൽ നിന്ന് തന്നെ എടുക്കുന്ന stem cells autologous (AUTO) എന്നും വേറെ ഒരു വ്യക്തിയിൽ നിന്ന് എടുക്കുന്ന stem cells Allogeneic (ALLO) എന്നും അറിയപ്പെടുന്നു . Multiple myeloma യുടെ ചികിത്സക്ക് AUTO കോശങ്ങളാണ് ഉപയോഗിക്കാറ് . ഉയർന്ന ഡോസ് കീമോതെറാപ്പി ഉപയോഗിച്ച് ശരീരത്തിലുള്ള കാൻസർ കോശങ്ങളെല്ലാം നശിപ്പിച്ചതിന് ശേഷമാണ് stem cell transplant ചെയ്യുന്നത് .

‍

9.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy എന്ന് പറയുന്നു . റേഡിയേഷൻ ചികിത്സ കൂടുതലും എല്ലിലെ വേദന കുറയ്ക്കാനാണ് multiple myeloma ഇൽ ഉപയോഗിക്കുന്നത് .

‍

10.Surgery

ശസ്ത്രക്രിയ പ്രാഥമിക ചികിത്സ ആയി multiple myeloma ഇൽ ഉപയോഗിക്കാറില്ല . എല്ലിൽ പൊട്ടലുണ്ടെങ്കിൽ അത് ചികിൽസിക്കാനായി ശസ്ത്രക്രിയ ഉപയോഗിക്കാറുണ്ട് .

‍

Multiple Myeloma Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Multiple Myeloma

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Decoding Cancer: Multiple Myeloma and Its Progression | മൾട്ടിപ്പിൾ മയലോമ | Dr. Aju Mathew | iHope

Rising from the Ashes | Multiple Myeloma | Prostate Cancer | Dr. Aju Mathew | iHope | Cancer Kerala

Problem-Based Approach: Assess, Plan, and Manage Clinical Pearls Episode 4

Rising from the Ashes | Multiple Myeloma | Prostate Cancer