Sarcoma Bone (എല്ലിലെ കാൻസർ )

മനുഷ്യ ശരീരത്തിലെ എല്ലുകളെക്കുറിച്ചു

206 എല്ലുകളാണ് മൊത്തമുള്ളത് . എല്ലിന്റെ ഉൾഭാഗം പൊള്ളയാണ്. അതിലുള്ള sponge പോലുള്ള വസ്തുവിനെയാണ് മജ്ജ (bone marrow ) എന്ന് വിളിക്കുന്നത്. രക്തകോശങ്ങൾ ഉല്പാദിപ്പിക്കപ്പെടുന്നത് മജ്ജയിലാണ് . എല്ലിൽ കാണപ്പെടുന്ന പല തരം കോശങ്ങൾ താഴെ കൊടുത്തിരിക്കുന്നു

Osteoclasts: പഴയ കോശങ്ങളെ നീക്കം ചെയ്യുന്നു
Osteoblasts: പുതിയ കോശങ്ങളെ നിർമിക്കുന്നു
Osteocytes: എല്ലിലേക്ക് പോഷകങ്ങൾ എത്തിക്കുന്നു

Bone Sarcoma

എല്ലിലെ ആരോഗ്യമുള്ള കോശങ്ങൾ നിയന്ത്രണമില്ലാതെ വളർന്നു മുഴയായി തീരുന്നു. ഈ മുഴ കാൻസർ ആവാനും ആവാതിരിക്കാനും സാധ്യതയുണ്ട്.

എല്ലിലെ connective tissue ഇൽ കാണപ്പെടുന്ന പല തരം ക്യാന്സറുകൾ താഴെ കൊടുക്കുന്നു

Chondrosarcoma: Cartilage ഇൽ കാണപ്പെടുന്ന കാൻസർ. പ്രായം ചെന്നവരിലാണ് കൂടുതലും കാണാറ് .
Chordoma : നട്ടെല്ലിൽ ആണ് ആരംഭിക്കുന്നത്
Ewings sarcoma: കുട്ടികളിലും പ്രായം കുറഞ്ഞവരിലും കൂടുതൽ കാണപ്പെടുന്നു .
Osteosarcoma : കുട്ടികളിലും പ്രായം കുറഞ്ഞവരിലും കൂടുതൽ കാണപ്പെടുന്നു .

Soft-tissue sarcoma എല്ലിൽ ആരംഭിക്കുന്നത് അപൂർവമാണ്. എന്നാൽ അത് സംഭവിക്കുമ്പോൾ ഉണ്ടാവുന്ന ക്യാന്സറുകൾ താഴെ കൊടുക്കുന്നു

Undifferentiated Pleomorphic Sarcoma( UPS)
Fibrosarcoma

സ്ഥിതിവിവരക്കണക്ക്

Bone sarcoma യുടെ ഇന്ത്യയിലെ യഥാർത്ഥ കണക്ക്‌ ലഭ്യമല്ല. United States ഇൽ പ്രതിവർഷം ഏകദേശം 3970 ആളുകൾക്ക് bone sarcoma കണ്ടുപിടിക്കപ്പെടുന്നു.

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

Genetics: ചില അവസ്ഥകളിൽ bone sarcoma വരാനുള്ള സാധ്യത കൂടുതലാണ്. Retinoblastoma, Li-Fraumeni syndrome എന്നീ അവസ്ഥകൾ ഇതിനുദാഹരണമാണ് .
Previous Radiation Therapy: മുൻപ് റേഡിയേഷൻ ചികിത്സയെടുത്തിട്ടുള്ളവരിൽ റേഡിയേഷൻ എടുത്ത സ്ഥലത്തു ഭാവിയിൽ bone sarcoma വരാൻ സാധ്യതയുണ്ട്.
Chemotherapy for another cancer: ചില കീമോതെറാപ്പി മരുന്നുകൾ osteosarcoma പോലുള്ള ക്യാന്സറിന്റെ സാധ്യത വർധിപ്പിക്കുന്നു .
Benign tumors or other bone conditions: Paget’s disease of bone , Fibrous dysplasia മുതലായ അസുഖങ്ങൾ osteosarcoma വരാനുള്ള സാധ്യത വർധിപ്പിക്കുന്നു.

ലക്ഷണങ്ങൾ

വേദന: bone sarcoma യുടെ ഏറ്റവും ആദ്യത്തെ ലക്ഷണം കാൻസർ തുടങ്ങിയ സ്ഥാനത്തുണ്ടാവുന്ന വേദനയും നീരുമാണ്. തുടക്കത്തിൽ വന്നു പോകുന്ന വേദന പിന്നീട് എപ്പോളും നിലനിൽക്കുന്നു. അനങ്ങുമ്പോൾ വേദന ഉണ്ടായേക്കാം .കുട്ടികളിൽ മിക്കവാറും ഈ വേദന മുട്ടിന്റെ ഭാഗത്താണ് ഉണ്ടാവാറ്.
സന്ധിയിലെ വീക്കം , വഴങ്ങാൻ ബുദ്ധിമുട്ട് : സന്ധിയുടെ അടുത്തുണ്ടാവുന്ന ക്യാന്സറിൽ സന്ധിയിൽ നീരുണ്ടാവാനും അതുകാരണം വഴങ്ങാനും ബുദ്ധിമുട്ടുണ്ടാക്കും .
മുടന്ത്: കാൻസർ വലുപ്പം വെക്കുമ്പോളാണ് സാധാരണ മുടന്തുണ്ടാവുന്നത്

രോഗനിർണയം

Biopsy: കാൻസർ സംശയിക്കുന്ന ഒരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നു.
X-ray
Bone scan
CT scan
MRI
PET-CT
Blood Tests: Alkaline phosphatase, Lactate dehydrogenase മുതലായ രക്ത പരിശോധനകൾ

Stages

പൊതുവായി 3 തരമായി തിരിക്കാം

Localized: ശസ്ത്രക്രിയയിലൂടെ നീക്കം ചെയ്യാൻ സാധിക്കുന്നവ
Locally advanced: വേറെ ഭാഗത്തേക്ക് വ്യാപിച്ചിട്ടില്ലെങ്കിലും എളുപ്പത്തിൽ നീക്കം ചെയ്യാൻ സാധിക്കില്ല
Metastatic: ശരീരത്തിലെ മറ്റു അവയവങ്ങളിലേക്കും ഭാഗങ്ങളിലേക്കും വ്യാപിച്ചു

Grades

GX: ട്യൂമർ ഗ്രേഡ് കണ്ടുപിടിക്കാൻ സാധ്യമല്ല
G1: കാൻസർ കോശങ്ങൾ well differentiated ആണ്
G2: കാൻസർ കോശങ്ങൾ moderately differentiated ആണ്
G3: കാൻസർ കോശങ്ങൾ poorly differentiated ആണ്

Stage Groups

Stage IA: low grade tumor അല്ലെങ്കിൽ ഗ്രേഡ് ചെയ്യാൻ സാധ്യമല്ലാത്ത ട്യൂമർ . വലുപ്പം 8cm അല്ലെങ്കിൽ അതിൽ കുറവ് . കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല .
Stage IB: low grade tumor അല്ലെങ്കിൽ ഗ്രേഡ് ചെയ്യാൻ സാധ്യമല്ലാത്ത ട്യൂമർ . വലുപ്പം 8cm കൂടുതലാണ് . കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല .
Stage IIA: high grade tumor ,വലുപ്പം 8cm അല്ലെങ്കിൽ അതിൽ കുറവ്. കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല .
Stage IIB: high grade tumor ,വലുപ്പം 8cm കൂടുതലാണ് . കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല .
Stage III: കാൻസർ ആരംഭിച്ച സ്ഥാനത്തു ഒന്നിലധികം high grade ട്യൂമറുണ്ട് . കഴലയിലേക്കോ മറ്റു ഭാഗങ്ങളിലേക്കോ വ്യാപിച്ചിട്ടില്ല .
Stage IVA: വലുപ്പവും ഗ്രേഡ് എന്തുമാവാം. കാൻസർ ശ്വാസകോശത്തിലേക്ക് വ്യാപിച്ചു.
Stage IVB: വലുപ്പവും ഗ്രേഡ് എന്തുമാവാം. കാൻസർ കഴലയിലേക്ക് വ്യാപിച്ചു അല്ലെങ്കിൽ ശ്വാസകോശം കൂടാതെ വേറെ അവയവത്തിലേക്കോ എല്ലിലേക്കോ വ്യാപിച്ചു .
Recurrent: ചികിത്സക്ക് ശേഷം തിരിച്ചു വന്ന കാൻസർ

ചികിത്സ

1.Surgery

ട്യൂമർ ഉൾപ്പെടുന്ന ഭാഗവും ചുറ്റുമുള്ള ആരോഗ്യമുള്ള കുറച്ചു ഭാഗവും നീക്കം ചെയ്യുന്നു . ട്യൂമർ കൈയിലോ കാലിലോ ആണെങ്കിൽ ട്യൂമറിന്റെ വലുപ്പവും സ്ഥാനവും അനുസരിച്ചാണ് ശസ്ത്രക്രിയ തീരുമാനിക്കുന്നത്. കൈ അല്ലെങ്കിൽ കാലിന്റെ പ്രവർത്തനം ബാധിക്കാത്ത രീതിയിൽ ചെയ്യുന്ന ശസ്ത്രക്രിയ “limb sparing” എന്നറിയപ്പെടുന്നു . ഏകദേശം 90% ഇൽ കൂടുതൽ രോഗികൾക്കും limb sparing ചികിത്സ ഉപയോഗിക്കാൻ സാധിക്കും . Limb sparing ചെയ്യാൻ സാധിക്കാത്തവരിൽ amputation ചെയ്യേണ്ടി വരും.

‍

2.Chemotherapy

മരുന്നുപയോഗിച്ചു കാൻസർ കോശങ്ങളുടെ വളർച്ച തടയുന്ന ചികിത്സയാണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

ശസ്ത്രക്രിയക്ക് മുൻപ് നൽകുന്ന കീമോ ആണ് Neoadjuvant chemotherapy. 3 മുതൽ 4 കീമോ ശസ്ത്രക്രിയക്ക് മുൻപ് എടുക്കുന്നതിലൂടെ ട്യൂമറിന്റെ വലുപ്പം പരമാവധി കുറക്കാൻ സാധിക്കും . ശസ്ത്രക്രിയക്ക് ശേഷം ശരീരത്തിൽ അവശേഷിക്കുന്ന കാൻസർ കോശങ്ങളെ നശിപ്പിക്കാൻ കീമോ നൽകും .ഇതിനെ adjuvant chemotherapy എന്ന് വിളിക്കുന്നു . ക്ഷീണം,അണുബാധ,മുടികൊഴിച്ചിൽ , ഓക്കാനം ,ഛർദി ,വിശപ്പില്ലായ്മ ,വയറിളക്കം എന്നിവയാണ് സാധാരണ ഉണ്ടാവുന്ന പാർശ്വഫലങ്ങൾ . കീമോ കഴിയുമ്പോൾ ഈ പാർശ്വഫലങ്ങൾ സാവധാനം മാറുന്നതായിരിക്കും .

3.Targeted Therapy

1% ഇൽ താഴെ sarcoma ഇൽ NTRK എന്ന ജീനിൽ ജനിതകമാറ്റം സംഭവിക്കാറുണ്ട്. Larotrectinib (Vitrakvi) and entrectinib (Rozlytrek) എന്ന രണ്ടു മരുന്നുകൾ (NTRK inhibitors) targeted therapy ഇൽ ഉപയോഗിക്കാറുണ്ട് .

‍

4.Immunotherapy

Bone sarcoma യുടെ ചികിത്സക്കായി immunotherapy ഉപയോഗിക്കുന്നതിനെ കുറിച്ചു ഗവേഷണങ്ങൾ നടന്നു കൊണ്ടിരിക്കുന്നു .

‍

5.Radiation Therapy

ശസ്ത്രക്രിയയിലൂടെ നീക്കം ചെയ്യാൻ സാധിക്കാത്ത കാൻസർ അല്ലെങ്കിൽ ശസ്ത്രക്രിയക്ക് മുൻപ് ക്യാന്സറിന്റെ വലുപ്പം ചുരുക്കാനോ ശസ്ത്രക്രിയക്ക് ശേഷം അവശേഷിക്കുന്ന കാൻസർ കോശങ്ങളെ നശിപ്പിക്കാനോ റേഡിയേഷൻ ഉപയോഗിക്കാം.

Bone Sarcoma Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Sarcoma Bone (എല്ലിലെ കാൻസർ )

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Decoding Cancer: സാർക്കോമ | Sarcoma | Dr. Aju Mathew | Kerala Cancer Care | iHope | Cancer Care