Liver Cancer (കരൾ കാൻസർ)

കരൾ എന്ന അവയവം

ശരീരത്തിലെ ഏറ്റവും വലിയ ആന്തരിക അവയവമാണ് കരൾ .ഭക്ഷണത്തിന്റെ ദഹനത്തിൽ കരൾ പ്രധാന പങ്ക് വഹിക്കുന്നു .കരളിന്റെ പ്രവർത്തനങ്ങൾ താഴെ കൊടുക്കുന്നു

കുടലിൽ നിന്ന് രക്തം ശേഖരിച്ചു filter ചെയ്യുന്നു
കുടൽ ആഗിരണം ചെയ്യുന്ന പോഷകങ്ങൾ സംസ്കരിക്കുകയും ശേഖരിക്കുകയും ചെയ്യുന്നു
പോഷകങ്ങളെ ഉർജ്ജമാക്കി മാറ്റുന്നു
ശരീരത്തിലെ രക്തം കട്ട പിടിക്കാനുള്ള ഘടകങ്ങൾ ഉല്പാദിപ്പിക്കുന്നു
ശരീരത്തിലെ വിഷവസ്തുക്കളെ നീക്കം ചെയ്യുന്നു
ശരീരത്തിലെ sugar ന്റെ അളവ് നിയന്ത്രിക്കുന്നു

എന്താണ് കരൾ കാൻസർ

കരളിലെ ആരോഗ്യമുള്ള കോശങ്ങൾ നിയന്ത്രണമില്ലാതെ വളർന്നു മുഴയായി തീരുന്നു .മുഴ കാൻസർ ആവാനും ആവാതിരിക്കാനും സാധ്യതയുണ്ട് .

കരളിൽ തുടങ്ങുന്ന കാൻസർ primary liver cancer എന്നറിയപ്പെടുന്നു .വേറെ എവിടെങ്കിലും തുടങ്ങിയ കാൻസർ കരളിലേക്ക് വ്യാപിച്ചാൽ metastatic liver കാൻസർ എന്നറിയപ്പെടുന്നു . Primary liver ക്യാന്സറിനെ കുറിച്ചാണ് ഈ ഭാഗത്തിൽ വിവരിക്കുന്നത് .

കരളിലെ ക്യാന്സറിന്റെ തരങ്ങൾ

ഏതു കോശങ്ങളിൽ നിന്നാണ് കാൻസർ തുടങ്ങുന്നത് എന്നനുസരിച്ചു പല തരം primary liver ക്യാന്സറുകളുണ്ട്

Hepatocellular Carcinoma (HCC): കരളിൽ തുടങ്ങുന്ന കാൻസറുകളിൽ 73% hepatocellular carcinoma ആണ് .
Cholangiocarcinoma (Bile duct cancer): കരളിൽ തുടങ്ങുന്ന കാൻസറുകളിൽ 18% cholangiocarcinoma ആണ് .പിത്താശയ നാളിയിലെ കാൻസർ ആണിത് .
Angiosarcoma:
കരളിൽ തുടങ്ങുന്ന കാൻസറുകളിൽ 1% angiosarcoma ആണ് . കരളിലെ രക്ത കുഴലുകളിലാണ് ഈ കാൻസർ തുടങ്ങുന്നത് .

കരളിലെ പ്രധാന കാൻസർ ആയ HCC യെ കുറിച്ചാണ് ഇനിയുള്ള ഭാഗങ്ങൾ വിവരിക്കുന്നത്

സ്ഥിതിവിവരക്കണക്ക്

പ്രതിവർഷം ഇന്ത്യയിൽ 34,743 രോഗികൾക്ക് കരൾ കാൻസർ കണ്ടുപിടിക്കപ്പെടുന്നു. മൊത്തം ക്യാന്സറുകൾക്കിടയിൽ 10 സ്ഥാനമാണ് കരളിലെ ക്യാന്സറിന് . മരണനിരക്കിൽ 8 സ്ഥാനമാണ് . 33,793 രോഗികൾ പ്രതിവർഷം കരളിൽ കാൻസർ വന്നു മരണപ്പെടുന്നു .

‍

അതിജീവനനിരക്ക്

മറ്റു ക്യാന്സറിനെ അപേക്ഷിച്ചു അതിജീവനനിരക്ക് കുറവുള്ള ഒരു കാൻസർ ആണ് കരളിലെ കാൻസർ . United States യിലെ കണക്കു പ്രകാരം 21% ആണ് 5 വർഷത്തെ അതിജീവനനിരക്ക് . അതായത് 5 വർഷം കഴിയുമ്പോൾ 100 ഇൽ 21 ആളുകൾക്ക് മാത്രമേ കരൾ ക്യാന്സറിനെ അതിജീവിക്കാൻ സാധിക്കു.

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

Liver Cirrhosis : കരളിലെ കോശങ്ങളിൽ കേടുപാടുകൾ സംഭവിക്കുമ്പോൾ scar tissue ഉണ്ടാവുന്ന അവസ്ഥയാണ് cirrhosis.മദ്യമാണ് cirrhosis ന്റെ പ്രധാന കാരണം . Fatty liver, Hepatitis അണുബാധ എന്നിവയാണ് cirrhosis ന്റെ മറ്റു കാരണങ്ങൾ .
Obesity, Fatty liver, diabetes : പൊണ്ണത്തടി കരളിൽ കൊഴുപ്പടിയാനും fatty liver ഉണ്ടാവാനും കാരണമാവുന്നു .പ്രമേഹവും fatty liver HCC ക്കു കാരണമാവും എന്ന് അടുത്ത പഠനങ്ങൾ കാണിക്കുന്നു .
Viral Hepatitis : Hepatitis B,C എന്നീ രണ്ടു തരമാണ് hepatitis ഇൽ കരളിനെ കൂടുതൽ ബാധിക്കുന്നത് .തുടർച്ചയായ hepatitis അണുബാധ കരളിൽ കാൻസർ ഉണ്ടാക്കും . രക്തത്തിലൂടെയും മറ്റു ശരീര ദ്രാവകങ്ങളിലൂടെയും ആണ് hepatitis വ്യാപിക്കുന്നത് .
Age : 60 വയസിനു മുകളിൽ ഉള്ളവരിലാണ് കരൾ കാൻസർ കൂടുതൽ വരാറുള്ളത്
Gender : പുരുഷന്മാരിലാണ് സ്ത്രീകളെക്കാളും കരൾ കാൻസർ സംഭവിക്കുന്നത്
Environmental factors : ചില കെമിക്കൽസ് ആയി സമ്പർക്കത്തിൽ വരുന്നവരിലും കരൾ കാൻസർ ഉണ്ടാവാം .

ലക്ഷണങ്ങൾ

വേദന : വയറിന്റെ മുകളിലെ വലതു ഭാഗത്തോ ,വലതു തോളിലോ , പുറകിലോ
കാരണമൊന്നുമില്ലാതെ തൂക്കം കുറയുന്നത്
ക്ഷീണം
മഞ്ഞപിത്തം
വാരിയെല്ലിന്റെ വലതു ഭാഗത്തു മുഴ

രോഗനിർണയം

ശാരീരിക പരിശോധന : ഡോക്ടർ ശാരീരിക പരിശോധനയിലൂടെ വയറിൽ എന്തെങ്കിലും മുഴകൾ ഉണ്ടോ , ശരീരത്തിൽ മഞ്ഞ നിറം ഉണ്ടോ , വയറ്റിൽ വെള്ളം നിറഞ്ഞിട്ടുണ്ടോ എന്ന് പരിശോധിക്കുന്നു.
രക്ത പരിശോധന : AFP ( alpha fetoprotein) എന്ന രക്ത പരിശോധന ചെയ്യണം . HCC ഉള്ള 50 % മുതൽ 70 % ആളുകളിൽ AFP ഉയർന്ന അളവിൽ കാണപ്പെടുന്നു .
Ultrasound
CT Scan
MRI
Angiogram : രക്ത കുഴലുകളുടെ X-ray
Laparoscopy
Biopsy : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സി ക്കു മാത്രമേ സാധിക്കു .
Biomarker testing of the tumor

Stages

Barcelona Clinic Liver Cancer (BCLC) system എന്ന സ്റ്റേജിങ് ആണ് HCC ക്കു ഉപയോഗിക്കുന്നത് .

Very early stage : ക്യാന്സറിന്റെ വലുപ്പം 2 cm ഇൽ കുറവാണ്. കരളിലെ പ്രധാന രക്ത കുഴലാണ് portal vein. Portal vein ഇൽ പ്രഷർ കൂടിയിട്ടില്ല . Bilirubin ന്റെ അളവ് കൂടിയിട്ടില്ല . ശസ്ത്രക്രിയ ചെയ്യാൻ സാധിക്കും .
Early stage : ക്യാന്സറിന്റെ വലുപ്പം 5 cm ഇൽ കുറവാണ്.portal vein ഇൽ പ്രഷർ കൂടാം കൂടാതിരിക്കാം, bilirubin ന്റെ അളവ് കൂടാം കൂടാതിരിക്കാം . Liver transplant, surgery, radio frequency ablation മുതലായ ചികിത്സകൾ ചെയ്യാം .
Intermediate stage : ഒരു വലിയ കാൻസർ അല്ലെങ്കിൽ ഒന്നിൽ കൂടുതൽ കാൻസർ ഉണ്ടാവാം . transarterial chemoembolization എന്ന ചികിത്സ ചെയ്യാറുണ്ട് .
Advanced stage : കാൻസർ portal vein , കഴല , മറ്റു അവയവങ്ങളിലേക്ക് വ്യാപിച്ചു .

ചികിത്സ

1.ശസ്ത്രക്രിയ

ക്യാന്സറും ചുറ്റുമുള്ള ആരോഗ്യമുള്ള ടിഷ്യു (margin)നീക്കം ചെയ്യുന്നു . ചെറിയ വലുപ്പമുള്ള കാൻസർ ആണെങ്കിലേ ശസ്ത്രക്രിയ ചെയ്യാൻ സാധിക്കു .HCC യുടെ ചികിത്സക്കായി പ്രധാനമായി 2 ശസ്ത്രക്രിയയാണ് ചെയ്യാറ്

Hepatectomy : കരളിന്റെ ഒരു ഭാഗത്തു മാത്രമാണ് കാൻസർ ഉള്ളതെങ്കിൽ ആ ഭാഗം മാത്രം നീക്കം ചെയ്യുന്ന ശസ്ത്രക്രിയ ആണ് hepatectomy. കരളിന്റെ മറ്റു ഭാഗങ്ങൾ ആരോഗ്യമായി പ്രവർത്തിക്കുക ആണെങ്കിൽ മാത്രമേ ഈ ചികിത്സ ചെയ്യാൻ സാധിക്കു . ശസ്ത്രക്രിയക്ക് ശേഷം കുറച്ചു ആഴ്ചകൾക്കുള്ളിൽ കരൾ വീണ്ടും പഴയ വലുപ്പത്തിലേക്ക് വളർന്നേക്കാം .
Liver transplantation : രോഗിയുടെ കരൾ പൂർണമായി നീക്കം ചെയ്തു മറ്റൊരാളുടെ കരൾ സ്ഥാപിക്കുന്നു .

2.Radiofrequency ablation (RFA)

ചൂട് ഉപയോഗിച്ച് കാൻസർ കോശങ്ങളെ നശിപ്പിക്കുന്ന ചികിത്സയാണിത് .

‍

3.Percutaneous ethanol injection

ആൽക്കഹോൾ നേരിട്ട് ക്യാന്സറിലേക്ക് കുത്തിവെച്ചു ക്യാന്സറിനെ നശിപ്പിക്കുന്ന ചികിത്സ .അപൂർവമായി മാത്രമേ ഈ ചികിത്സ ഉപയോഗിക്കാറുള്ളൂ .

‍

4.Radiation Therapy

പുറത്തുള്ള ഒരു മെഷീൻ ഉപയോഗിച്ച് high energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്നു . റേഡിയേഷൻ സാധാരണ ദിവസത്തിൽ ഒരിക്കൽ ആഴ്ചയിൽ 5 ദിവസമാണ് കൊടുക്കാറ് .

High dose റേഡിയേഷൻ ക്യാന്സറിലേക്ക് കൊടുത്തു ചുറ്റുമുള്ള ഭാഗങ്ങളിലേക്ക് കുറവ് റേഡിയേഷൻ മാത്രം ഏൽക്കുന്ന റേഡിയേഷൻ ആണ് SBRT. 5 cm അല്ലെങ്കിൽ അതിൽ കുറവ് വലുപ്പമുള്ള ക്യാന്സറിന്റെ ചികിത്സക്ക് SBRT ഉപയോഗിക്കാം .

5.Targeted Therapy

കാൻസർ കോശങ്ങളുടെ specific genes, proteins or tissue environment ലക്ഷ്യം ചെയ്യുന്ന ചികിത്സയാണ് targeted therapy. ഈ ചികിത്സയിൽ ഉപയോഗിക്കുന്ന മരുന്നുകൾ ‌ bevacizumab, with atezolizumab , lenvatinib , Sorafenib , Ramucirumab , cabozantinib, regorafenib മുതലായവയാണ്.

‍

6.Immunotherapy

ശരീരത്തിന്റെ രോഗപ്രതിരോധ ശക്തി ഉപയോഗിച്ച് കാൻസർ കോശങ്ങളെ നശിപ്പിക്കുന്ന മരുന്നുകളാണ് immunotherapy ഇൽ ഉപയോഗിക്കുന്നത് . ഈ ചികിത്സയിൽ ഉപയോഗിക്കുന്ന മരുന്നുകൾ nivolumab , pembrolizumab, ipilimumab, atezolizumab , tremelimumab and durvalumab മുതലായവയാണ്.

‍

Liver Cancer Follow Up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Liver Cancer (കരൾ കാൻസർ)

Further Reading

Blogs About This Type

News About This Type

Media About This Type