Leukemia-Acute Lymphoblastic Leukemia (ALL) - Childhood

Leukemia - Acute Lymphoblastic - ALL - Childhood

രക്തത്തിൽ ഉണ്ടാവുന്ന കാൻസർ ആണ് ലുക്കിമിയ . ആരോഗ്യമുള്ള രക്ത കോശങ്ങൾ അസാധാരണമായി വിഭജിക്കുമ്പോളാണ് ലുക്കിമിയ ആരംഭിക്കുന്നത് .ശരീരത്തിന്റെ രോഗ പ്രതിരോധ വ്യവസ്ഥയുടെ ഭാഗമായ വെളുത്ത രക്ത കോശത്തിലെ (WBC) Lymphocytes കോശങ്ങളിലെ കാൻസർ ആണ് ALL. കുട്ടികളിൽ ഏറ്റവും കൂടുതൽ കാണപ്പെടുന്ന ക്യാന്സറിൽ ഒന്നാണ് ALL.

എന്താണ് Lymphocytes, Lymphoblasts

Lymphocytes മജ്ജയിൽ ആണ് ഉല്പാദിപ്പിക്കപ്പെടുന്നത് .രക്തത്തിലും കഴലയിലും spleen യിലും lymphocytes കാണപ്പെടുന്നു.ബാക്ടീരിയ , വൈറസ് കാരണം ഉണ്ടാവുന്ന അണുബാധ പൊരുതുക എന്നതാണ് lymphocytes ന്റെ ജോലി .കുട്ടികളിൽ പുതിയ lymphocytes mature കോശങ്ങൾ ആവാതെ immature lymphoblasts ആയി തുടരുന്നു .

‍

എന്താണ് ALL

ഒരു കുട്ടിയിൽ ALL ഉണ്ടാവുമ്പോൾ മജ്ജയിൽ immature lymphoblasts നിറഞ്ഞിരിക്കും . ഈ അവസ്ഥയിൽ ശരീരത്തിന് ആവശ്യമായ RBC, WBC, Platelet മുതലായ കോശങ്ങളുടെ ഉത്പാദനം ശരിയായി നടക്കില്ല .ഈ കോശങ്ങളുടെ കുറവിൽ താഴെ കൊടുക്കുന്ന ലക്ഷണങ്ങൾ കുട്ടിയിൽ കണ്ടേക്കാം

വിളർച്ച : RBC കുറയുമ്പോൾ വിളർച്ച ഉണ്ടാവുന്നു . കൂടാതെ ക്ഷീണം , അസ്വസ്ഥത ,മയക്കം ,ശ്വാസംമുട്ടൽ ,ഉയർന്ന heartbeat, ചർമം വിളറിയിരിക്കുന്നത് മുതലായ ലക്ഷണങ്ങൾ ഉണ്ടാവുന്നു
Platelet കുറയുമ്പോൾ പെട്ടന്ന് മുറിവുകൾ ഉണ്ടാവുന്നു , രക്തം കട്ട പിടിക്കാതെ വരുന്നു
WBC കുറയുമ്പോൾ രോഗാണുക്കൾക്ക് എതിരെ പ്രതിരോധം കുറയുകയും കൂടുതൽ അണുബാധ ഉണ്ടാവുകയും ചെയ്യുന്നു

Leukemic lymphoblasts കുട്ടിയുടെ കഴലയിൽ അടിഞ്ഞു കൂടി വീക്കം ഉണ്ടായേക്കാം .

സ്ഥിതിവിവരക്കണക്ക്

ഇന്ത്യയിൽ പ്രതിവർഷം 48,419 leukaemia കണ്ടുപിടിക്കപ്പെടുന്നു. ഇതിൽ ALL ന്റെ മാത്രം കണക്ക് ലഭ്യമല്ല . കുട്ടികളിൽ ഏറ്റവും കൂടുതൽ കണ്ടുവരുന്ന കാൻസർ ആണ് ALL. United States ഇലെ കണക്കു പ്രകാരം 20 വയസിനു താഴെയുള്ളവരിൽ വരുന്ന leukemia യിൽ 75% ALL ആണ് . ഇതിൽ തന്നെ മിക്കവാറും ALL 2 വയസിനും 5 വയസിനും ഇടയിലാണ് .

‍

അതിജീവനനിരക്ക്

14 വയസു വരെയുള്ള കുട്ടികളിൽ 5 വർഷത്തെ ALL ന്റെ അതിജീവനനിരക്ക് 92% ആണ് .15 മുതൽ 19 വയസിനു ഇടയിലുള്ളവരിൽ 77% ആണ് ഈ നിരക്ക് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

കുട്ടികളിലെ ALL ന്റെ യഥാർഥ കാരണം വ്യക്തമല്ല . ജനിതകമായ ചില രോഗങ്ങൾ ALL ന്റെ സാധ്യത വർധിപ്പിച്ചേക്കാം . Down syndrome, ataxia telangiectasia, or Bloom syndrome മുതലായ രോഗങ്ങൾ ഇതിനു ഉദാഹരണമാണ് .

ലക്ഷണങ്ങൾ

ALL ന്റെ ആദ്യ ലക്ഷണങ്ങൾ പനിക്ക് സമാനമാണ് .

ഇടക്കിടക്ക് വരുന്ന അണുബാധ
വിട്ടു മാറാത്ത പനി
എപ്പോളും ക്ഷീണം തോന്നുക
എല്ലിൽ വേദന
കഴല വീക്കം
ചർമം വിളറിയിരിക്കുക
പെട്ടന്ന് മുറിവുകൾ , രക്ത സ്രാവം ഉണ്ടാവുന്നു
ശ്വാസംമുട്ട്
തലവേദന

രോഗനിർണയം

രക്തപരിശോധന : CBC
Bone marrow aspiration and biopsy: CBC രക്ത പരിശോധനയിൽ WBC ( വെളുത്ത രക്ത കോശങ്ങളുടെ ) എണ്ണത്തിൽ അല്ലെങ്കിൽ രൂപത്തിൽ മാറ്റമുണ്ടെങ്കിൽ bone marrow biopsy അല്ലെങ്കിൽ bone marrow aspiration ചെയ്യേണ്ടി വരും .ഒരുപോലെയുള്ള ഒരേ സമയം ചെയ്യുന്ന രണ്ടു പരിശോധനകൾ ആണ് ഇത് രണ്ടും . മജ്ജയിൽ ദ്രാവക രൂപത്തിലും കട്ടിയായും ഉള്ള രണ്ടു ഭാഗങ്ങളുണ്ട് . ഒരു സൂചി ഉപയോഗിച്ച് ദ്രാവകം വലിച്ചെടുക്കുന്ന ടെസ്റ്റ് bone marrow aspiration എന്നും സൂചി ഉപയോഗിച്ച് കട്ടിയുള്ള ഭാഗത്തു നിന്ന് tissue നീക്കം ചെയ്യുന്നതിനെ bone marrow biopsy എന്നും പറയുന്നു . ഇടുപ്പ് എല്ലിൽ ആണ് കൂടുതലും ഈ പരിശോധന ചെയ്യുന്നത് .
Lumbar puncture (spinal tap) : സൂചി ഉപയോഗിച്ച് cerebral spinal fluid (CSF) ന്റെ sample എടുത്തു അതിൽ കാൻസർ കോശങ്ങൾ ,രക്തം , tumor marker മുതലായവ പരിശോധിക്കുന്നു. തലച്ചോറിനും നട്ടെല്ലിനും ചുറ്റുമുള്ള ഒരു തരം ദ്രാവകമാണ് CSF.

ALL Classification

മറ്റു ക്യാന്സറിന് ഉപയോഗിക്കുന്ന staging sysytem ALL നു ഉപയോഗിക്കാറില്ല . താഴെ പറയുന്ന ഘടകങ്ങൾ ചികിത്സ തീരുമാനിക്കാൻ സഹായകമാണ്

പ്രായം : 12 മാസത്തിൽ താഴെയുള്ള കുഞ്ഞുങ്ങളിലും 10 വയസിനു മുകളിലുള്ള കുട്ടികളിലും തീവ്രമായ ചികിത്സ നൽകേണ്ടി വരും
WBC count: വെളുത്ത രക്ത കോശങ്ങളുടെ അളവ് വളരെ കൂടുതൽ ആണെങ്കിൽ തീവ്രമായ ചികിത്സ വേണം .50000 per ml നു മുകളിൽ ആണെങ്കിൽ WBC വളരെ ഉയർന്ന അളവിലാണ്
Immunophenotyping : leukemia കോശങ്ങൾ പ്രകടിപ്പിക്കുന്ന അല്ലെങ്കിൽ ഉല്പാദിപ്പിക്കുന്ന protein ഏതു തരം ആണെന്നും അതിന്റെ അളവും ഈ ടെസ്റ്റ് കണ്ടുപിടിക്കുന്നു . സാധാരണ വെളുത്ത രക്താണുക്കളുടെ പ്രോട്ടീനുകളെപ്പോലെ കാൻസർ കോശങ്ങൾ കൂടുതൽ പ്രോട്ടീനുകൾ പ്രകടിപ്പിക്കുന്നുണ്ടോ എന്ന് അറിയുന്നത് ഉചിതമായ ചികിത്സ ആസൂത്രണം ചെയ്യാൻ ഡോക്ടർമാരെ സഹായിക്കും.
Genetic abnormalities in the leukemia cells : chromosomes യിൽ ഉള്ള മാറ്റങ്ങൾ ചികിത്സയെ ബാധിച്ചേക്കാം . ഇവിടെ പരാമർശിച്ചിരിക്കുന്ന ജനിതക മാറ്റങ്ങൾ രക്താർബുദ കോശങ്ങളുടെ ജീനുകളിലെ മാറ്റങ്ങളാണെന്ന കാര്യം ശ്രദ്ധിക്കുക, കുട്ടിയുടെ കോശങ്ങളല്ല.
Response to early treatment : ചികിത്സയുടെ ആദ്യ 1 മുതൽ 4 ആഴ്ചകളിൽ ചികിത്സ എത്രത്തോളം നന്നായി പോവുന്നു എന്നത് ലുക്കിമിയയുടെ ചികിത്സയോടുള്ള മൊത്തത്തിലുള്ള പ്രതികരണം പ്രവചിച്ചേക്കാം. കുട്ടിയുടെ രക്തമോ മജ്ജയോ പതിവായി പരിശോധിച്ച് ഇത് നിർണ്ണയിക്കാവുന്നതാണ് .

ALL ന്റെ ചികിത്സയിൽ ഉപയോഗിക്കുന്ന ചില വാക്കുകൾ താഴെ ചേർക്കുന്നു

Untreated ALL : ചികിത്സ ഇതുവരെ ലഭിച്ചിട്ടില്ല
ALL in remission : ചികിത്സക്ക് ശേഷം WBC , RBC, Platelet സാധാരണ കൗണ്ട് ആയി .ശാരീരിക പരിശോധന , രക്ത പരിശോധന , മജ്ജ പരിശോധന ഒന്നും ലുക്കിമിയ ഉള്ളതായി കാണിക്കുന്നില്ല .
Recurrent ALL : ചികിത്സക്ക് ശേഷം തിരിച്ചു വന്ന ALL.
Refractory ALL : remission നു വേണ്ടി ചെയ്ത ചികിത്സ ഒന്നും വിജയിച്ചില്ല .

ചികിത്സ

കുട്ടികളിലെ ALL ന്റെ ചികിത്സക്ക് പ്രധാനമായും 3 ചികിത്സകൾ ആണ് ഉപയോഗിക്കുന്നത്

1 Chemotherapy

2 Radiation Therapy

3 Stem cell transplantation/bone marrow transplantation

1.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം .

Remission induction therapy : രോഗം നിർണയിച്ചു കഴിഞ്ഞു നൽകുന്ന ആദ്യ ചികിത്സ ആണിത് .പരമാവധി leukemia കോശങ്ങളെ നശിപ്പിച്ചു ലക്ഷണങ്ങൾ കുറച്ചു രക്ത കൗണ്ട് സാധാരണ അളവിൽ ആക്കുക എന്നതാണ് ഈ കീമോതെറാപ്പിയുടെ ലക്ഷ്യം.
Central nervous system (CNS) directed therapy: CNS ഇൽ ഉള്ള കാൻസർ കോശങ്ങളെ നശിപ്പിക്കാനും കാൻസർ spinal fluid യിലേക്ക് വ്യാപിക്കാതിരിക്കാനും നൽകുന്ന ചികിത്സ
consolidation therapy : remission നു ശേഷം ശരീരത്തിൽ അവശേഷിക്കുന്ന കാൻസർ കോശങ്ങളെ നശിപ്പിക്കാനാണ് ഈ കീമോതെറാപ്പി നൽകുന്നത് .
continuation or maintenance therapy : 2 മുതൽ 3 വർഷം വരെ ഈ ചികിത്സ തുടരാം .ALL തിരിച്ചു വരാതിരിക്കാൻ ആണ് ഇത് നൽകുന്നത് .

കീമോതെറാപ്പിയുടെ short term പാർശ്വഫലങ്ങൾ മുടികൊഴിച്ചിൽ ,ക്ഷീണം ,വിശപ്പില്ലായ്മ , ഓക്കാനം , ഛർദി ,വയറിളക്കം , വൃക്കയിൽ അസുഖം ,കരൾ അസുഖം മുതലായവയാണ്‌ . Vincristine എന്ന മരുന്ന് ഉപയോഗിച്ചിട്ടുണ്ടെങ്കിൽ പേശി ബലക്കുറവും നാഡി വേദനയും ഉണ്ടാവാം .

2.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . പുറത്തുള്ള മെഷീൻ ഉപയോഗിച്ച് റേഡിയേഷൻ കൊടുക്കുന്നതിനെ external beam radiation therapy എന്ന് പറയുന്നു .

തലച്ചോറ് , നട്ടെല്ല് ,വൃഷണം മുതലായ ഭാഗങ്ങളിലേക്ക് കാൻസർ വ്യാപിച്ചാൽ അല്ലെങ്കിൽ leukaemia കോശങ്ങൾ spinal fluid യിലേക്ക് വ്യാപിക്കാതിരിക്കാൻ റേഡിയേഷൻ നൽകാം . Recurrent അല്ലെങ്കിൽ refractory leukaemia യുടെ ചികിത്സക്കാണ് റേഡിയേഷൻ കൂടുതലും ഉപയോഗിക്കുന്നത് .

റേഡിയേഷന്റെ പാർശ്വഫലങ്ങൾ മുടി കൊഴിച്ചിൽ , ക്ഷീണം ,ചർമത്തിൽ മാറ്റം ,വയറ്റിൽ അസ്വസ്ഥത ,വയറിളക്കം മുതലായവയാണ്‌ .

3.Bone marrow transplantation/stem cell transplantation

Specialized കോശങ്ങൾ ആയ hematopoietic stem കോശങ്ങൾ രക്തത്തിൽ നിന്ന് ശേഖരിച്ചു മജ്ജയിൽ സ്ഥാപിക്കുന്ന ചികിത്സയാണിത് . Recurrent അല്ലെങ്കിൽ refractory ALL ന്റെ ചികിത്സക്കാണ് ഈ ചികിത്സ കൂടുതലും ഉപയോഗിക്കുന്നത് .

രക്തത്തിലും മജ്ജയിലും കാണപ്പെടുന്ന രക്തം നിർമിക്കുന്ന കോശങ്ങളാണ് hematopoietic stem cells.hematopoietic stem കോശങ്ങൾ WBC, RBC, platelet ആയി മാറുന്നു.രോഗിയിൽ നിന്ന് തന്നെ എടുക്കുന്ന stem cells autologous (AUTO) എന്നും വേറെ ഒരു വ്യക്തിയിൽ നിന്ന് എടുക്കുന്ന stem cells Allogeneic (ALLO) എന്നും അറിയപ്പെടുന്നു . ALL ന്റെ ചികിത്സക്കായി AUTO transplant ഉപയോഗിക്കാറില്ല .

ഉയർന്ന ഡോസ് കീമോതെറാപ്പി അല്ലെങ്കിൽ റേഡിയേഷൻ ഉപയോഗിച്ച് കാൻസർ കോശങ്ങളെ മുഴുവൻ നശിപ്പിച്ചു stem cells ഉപയോഗിച്ച് ആരോഗ്യമുള്ള മജ്ജ രൂപപ്പെടുത്തുക എന്നതാണ് ഈ ചികിത്സയുടെ ഉദ്ദേശം .

ALL Childhood Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Leukemia-Acute Lymphoblastic Leukemia (ALL) - Childhood

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type