Prostate Cancer (പ്രോസ്റ്റേറ്റ് കാൻസർ )

‍

പ്രോസ്റ്റേറ്റ് ഗ്രന്ധിയെക്കുറിച്ചു

പുരുഷ ലിംഗത്തിന്റെ പിന്നിലും മലാശയത്തിന്റെ മുന്നിലും മൂത്രസഞ്ചിയുടെ താഴെയുമായി സ്ഥിതി ചെയുന്ന ഒരു ഗ്രന്ഥിയാണ് പ്രോസ്റ്റേറ്റ്.ശുക്ലത്തിലെ ദ്രാവകം നിർമിക്കുക എന്നതാണ് പ്രോസ്റ്റേറ്റിന്റെ പ്രധാന പ്രവർത്തനം. ആരോഗ്യമുള്ള ബീജത്തിന് പ്രോസ്റ്റേറ്റിന്റെ പ്രവർത്തനം നിർണായകമാണ്. പ്രായം കൂടുന്നതിനനുസരിച്ചു പ്രോസ്റ്റേറ്റ് ഗ്രന്ഥിയുടെ വലുപ്പം കൂടിക്കൊണ്ടിരിക്കും .

‍

എന്താണ് പ്രോസ്റ്റേറ്റ് കാൻസർ

പ്രോസ്റ്റേറ്റ് ഗ്രന്ഥിയിലെ ആരോഗ്യമുള്ള കോശങ്ങൾ നിയന്ത്രണാതീതമായി വളർന്നു ഒരു മുഴയായി തീരുന്നു . ഈ മുഴ കാൻസർ ആവാനും ആവാതിരിക്കാനും സാധ്യതയുണ്ട് . വെറും ട്യൂമർ ആണെങ്കിൽ പേടിക്കേണ്ടതില്ല . കാൻസർ ആണെങ്കിൽ അത് മറ്റു സ്ഥലങ്ങളിലേക്ക് വ്യാപിക്കാൻ സാധ്യതയുണ്ട്.

മറ്റു ക്യാന്സറുകളെ അപേക്ഷിച്ചു പ്രോസ്റ്റേറ്റ് കാൻസർ വളരെ സാവധാനം വളരുന്നവയാണ് .അതുകൊണ്ടു തന്നെ ആദ്യത്തെ ഘട്ടങ്ങളിൽ മറ്റു അവയവങ്ങളിലേക്കു വ്യാപിക്കാനുള്ള സാധ്യത കുറവാണ്. വളരെ സാവധാനം വളരുന്നതുകൊണ്ട് വർഷങ്ങളോളം യാതൊരു ലക്ഷണങ്ങളും ഉണ്ടാവണമെന്നില്ല. മറ്റു ഭാഗങ്ങളിലേക്ക് വ്യാപിച്ചെങ്കിൽ പോലും ശരിയായ ചികിത്സയിലൂടെ ദീർഘകാലത്തേക്ക് പ്രശ്നങ്ങൾ കൂടാതെ നല്ല ജീവിതനിലവാരത്തോടെ രോഗിക്ക് ജീവിക്കാൻ സാധിക്കും . വളരെ വൈകി കണ്ടുപിടിക്കുന്ന പ്രോസ്റ്റേറ്റ് ക്യാന്സറിലാണ് രോഗിക്ക് വേദനയും മറ്റു പ്രശ്നങ്ങളും കൂടുതലായി കാണാറുള്ളത്. പ്രോസ്റ്റേറ്റ് കാൻസർ ആദ്യത്തെ ഘട്ടത്തിൽ കണ്ടുപിടിക്കാൻ Prostate Specific Antigen (PSA) എന്ന ടെസ്റ്റ് നിർണായകമാണ് .

‍

Prostate Specific Antigen (PSA)

പ്രോസ്റ്റേറ്റ് ഗ്രന്ഥിയിലെ കോശങ്ങൾ ഉല്പാദിപ്പിക്കുന്ന ഒരു പ്രോട്ടീൻ ആണ് PSA. രക്തപരിശോധനയിലൂടെയാണ് രക്തത്തിലെ ഈ പ്രോട്ടീന്റെ അളവ് കണ്ടെത്തുന്നത് . PSA അളവ് കൂടുതലായി കാണുന്നത് പ്രോസ്റ്റേറ്റ് ഗ്രന്ഥി വലുപ്പം വെക്കുന്ന അവസ്ഥയിലും (Benign Prostate Hypertrophy), ക്യാന്സറിലുമാണ് . Prostate കാൻസർ വരാൻ ഉയർന്ന സാധ്യതയുള്ള (high risk) പുരുഷന്മാർ വർഷത്തിലൊരിക്കൽ PSA ടെസ്റ്റ് ചെയേണ്ടതാണ് . PSA ഉയർന്ന അളവ് കാണിച്ചാൽ ഡോക്ടർ കൂടുതൽ ടെസ്റ്റ് നിർദേശിച്ചേക്കാം . പ്രോസ്റ്റേറ്റ് ക്യാന്സറുള്ള എല്ലാവരിലും PSA അളവ് കൂടുതൽ കാണണം എന്ന് നിർബന്ധമില്ല.

‍

സ്ഥിതിവിവരക്കണക്ക്

ഇന്ത്യയിലെ ഏറ്റവും കൂടുതൽ കാണുന്ന 10 കാൻസറുകളിൽ ഒന്നാണ് പ്രോസ്റ്റേറ്റ് കാൻസർ. Globocan 2018 കണക്കനുസരിച്ചു 25,696 പേർക്ക് ഒരു വര്ഷം പ്രോസ്റ്റേറ്റ് കാൻസർ കണ്ടുപിടിക്കപെടുന്നു .

‍

അപകട ഘടകങ്ങൾ

താഴെപറയുന്ന ഘടകങ്ങൾ പ്രോസ്റ്റേറ്റ് കാൻസർ വരാനുള്ള സാധ്യത ഉയർത്തിയേക്കാം.

പ്രായം : പ്രായം കൂടുന്നതിനനുസരിച്ചു പ്രോസ്റ്റേറ്റ് കാൻസർ വരാനുള്ള സാധ്യത കൂടുന്നു .ഏകദേശം 60% പ്രോസ്റ്റേറ്റ് കാൻസർ 65 വയസിനു മുകളിലുള്ളവർക്കാണ് കണ്ടുപിടിക്കുന്നത് .
കുടുംബ ചരിത്രം(Family History) : ഒരു കുടുംബത്തിലെ അടുത്ത തലമുറകളിൽ പലർക്കായി പ്രോസ്റ്റേറ്റ് കാൻസർ വരുന്നതിനെ Familial Prostate cancer എന്ന് അറിയപ്പെടുന്നു.മൊത്തം പ്രോസ്റ്റേറ്റ് ക്യാന്സറിന്റെ 20% Familial Prostate Cancer ആണ്.ഒരുപോലെയുള്ള ജനിതക ഘടകങ്ങളും ജീവിതസാഹചര്യങ്ങളുടെയും സംയോജനം കാരണമാണ് ഇങ്ങനത്തെ കാൻസർ വരുന്നത്

ഒരു ബന്ധുവിൽനിന്നു പാരമ്പര്യമായി അടുത്ത തലമുറയിലുള്ള ഒരാൾക്ക് പ്രോസ്റ്റേറ്റ് കാൻസർ അപൂർവമായി വരാറുണ്ട്. ഏകദേശം 5 % ആളുകളിലാണ് ഇങ്ങനെ വരുന്നത്. ജനിതക മാറ്റങ്ങൾ ഒരു കുടുംബത്തിൽ നിന്ന് അടുത്ത തലമുറയിലേക്കു കൈമാറ്റം ചെയ്യപെടുന്നതിനെ Genetic Mutation എന്ന് വിളിക്കുന്നു .ഒരു വ്യക്തിയുടെ മാതാപിതാക്കളിലോ സഹോദരങ്ങളിലോ മക്കളിലോ(First Degree Relatives) പ്രോസ്റ്റേറ്റ് കാൻസർ ഉണ്ടെങ്കിൽ ആ വ്യക്തിയിൽ പ്രോസ്റ്റേറ്റ് കാൻസർ വരാൻ മറ്റുള്ളവരെ അപേക്ഷിച്ചു 2 മുതൽ 3 മടങ്ങു സാധ്യത കൂടുതലാണ്.

‍

ഒരു വ്യക്തിക്ക് പാരമ്പര്യമായി വരുന്ന പ്രോസ്റ്റേറ്റ് കാൻസർ സംശയിക്കണമെങ്കിൽ താഴെ പറയുന്ന ഏതെങ്കിലും ഘടകങ്ങൾ ഉണ്ടാവണം .

‍

3 അല്ലെങ്കിൽ അതിലധികം ബന്ധുക്കൾക്ക്(First Degree Relatives) പ്രോസ്റ്റേറ്റ് കാൻസർ ഉണ്ടാവണം
കുടുംബത്തിലെ ഒരേ ഭാഗത്തെ അടുത്തടുത്ത 3 തലമുറകളിൽ ആർക്കെങ്കിലും പ്രോസ്റ്റേറ്റ് കാൻസർ ഉണ്ടാവണം
55 വയസിനുമുമ്പ് പ്രോസ്റ്റേറ്റ് കാൻസർ വന്ന കുടുംബത്തിലെ ഒരേ വശത്തിലുള്ള രണ്ടോ അതിലധികം ബന്ധുക്കൾ(മാതാപിതാക്കൾ, സഹോദരങ്ങൾ ,മക്കൾ ,അമ്മാവൻ , അനന്തരവൻ , മുത്തശ്ശി, മുത്തശ്ശൻ ) ഉണ്ടാവണം
Hereditary breast and Ovarian Cancer (HBOC) Syndrome

BRCA1 and/or BRCA2 gene mutation

‍

Prostate Cancer Screening

പ്രോസ്റ്റേറ്റ് ക്യാന്സറിന്റെ ലക്ഷണങ്ങൾ ഒന്നുമില്ലാത്ത വ്യക്തിയിൽ കാൻസർ ഉണ്ടോയെന്ന് പരിശോധിക്കുന്ന ടെസ്റ്റ് ആണ് സ്ക്രീനിംഗ് . ക്യാന്സറിനെ പ്രാരംഭ ഘട്ടത്തിൽ കണ്ടുപിടിക്കാനാണ് ഇതുപയോഗിക്കുന്നത് .

സ്‌ക്രീനിങ്ങിനായി സാദാരണ ചെയുന്ന ടെസ്റ്റുകൾ താഴെ കൊടുക്കുന്നു

‍

Digital Rectal Examination (DRE): വിരലുപയോഗിച്ചു പ്രോസ്റ്റേറ്റ് ഗ്രന്ഥിയിൽ എന്തെങ്കിലും മാറ്റങ്ങൾ ഉണ്ടോയെന്ന് നോക്കുന്ന പരിശോധനയാണിത്
PSA Test : രോഗലക്ഷണങ്ങൾ ഇല്ലാത്തവരിൽ PSA ടെസ്റ്റ് സ്‌ക്രീനിംഗിന് ചെയ്യണോ എന്നത് ആശയകുഴപ്പം ഉണ്ടാകുന്ന ഒരു വിഷയമാണ് . അതുകൊണ്ടുതന്നെ ലക്ഷണങ്ങൾ ഇല്ലാത്തവരിൽ സാദാരണ ഈ ടെസ്റ്റ് ചെയ്യാറില്ല.

‍

രോഗലക്ഷണങ്ങൾ

‍

ഇടക്കിടക്ക് മൂത്രമൊഴിക്കുന്നത്
മൂത്രമൊഴിക്കുന്നതിൽ തടസം
രാത്രിയിൽ ഇടക്കിടക്ക് മൂത്രമൊഴിക്കാൻ തോന്നുന്നത്
മൂത്രത്തിൽ രക്തം
അടുത്തിടെ തുടങ്ങിയ ഉദ്ധാരണക്കുറവ്
മൂത്രമൊഴിക്കുമ്പോൾ വേദന ,പുകച്ചിൽ
ഇരിക്കുമ്പോൾ വേദനയോ അസ്വസ്ഥതയോ ഉണ്ടാവുന്നത്

‍

കാൻസർ പ്രോസ്റ്റേറ്റ് ഗ്രാൻഡിക്‌ പുറത്തേക്കു വ്യാപിച്ചാൽ കാണുന്ന ലക്ഷണങ്ങൾ

നടുവിലോ ഇടുപ്പിലോ തുടയിലോ തോളിലോ അസ്ഥികളിലോ ഉള്ള വേദന
കാലുകളിലോ പാദത്തിലോ നീര്
ക്ഷീണം
മലം പോകുമ്പോൾ മാറ്റം

‍

രോഗനിർണയം

PSA Test
Free PSA Test
Digital Rectal Exam (DRE)
Biomarker Test
Biopsy : കാൻസർ സംശയിക്കുന്ന പ്രോസ്റ്റേറ്റ് ഗ്രന്ഥിയുടെ ഭാഗത്തു നിന്ന് ഒരു ഭാഗം എടുത്തു microscope ഉപയോഗിച്ച് പരിശോധിക്കുന്നു
MRI Fusion Biopsy
Transrectal Ultrasound (TRUS)

‍

കാൻസർ മറ്റു ഭാഗങ്ങളിക്ക് വ്യാപിച്ചിട്ടുണ്ടോയെന്നു പരിശോധിക്കാൻ Imaging Tests ആവശ്യമാണ്

CT Scan
MRI
PET-CT
Whole body Bone Scan

Staging

Gleason Score for grading Prostate Cancer

മൈക്രോസ്കോപ്പിലൂടെ നോക്കുമ്പോൾ ഒരു ആരോഗ്യമുള്ള ടിഷ്യു ആയി ക്യാന്സറിന് എത്രത്തോളം സാമ്യം ഉണ്ടെന്നു പരിശോധിക്കുന്ന ടെസ്റ്റ് ആണിത്. അക്രമകാരിയല്ലാത്ത ടിഷ്യു ആരോഗ്യമുള്ള ടിഷ്യ പോലിരിക്കും. അക്രമകാരിയായ ടിഷ്യു ആരോഗ്യമുള്ള ടിഷ്യു ആയി സാമ്യം കുറവായിരിക്കും.

പ്രോസ്റ്റേറ്റ് കാൻസർ ഗ്രേഡ് ചെയ്യാൻ ഏറ്റവും കൂടുതൽ ഉപയോഗിക്കുന്ന രീതിയാണ് Gleason Score. മൈക്രോസ്കോപ്പിലൂടെ നോക്കുമ്പോൾ ആരോഗ്യമുള്ള കോശങ്ങൾ ആയി സാമ്യമുള്ള കാൻസർ കോശങ്ങൾക്ക് താഴ്ന്ന സ്കോർ നൽകുന്നു .അക്രമകാരിയായ കോശങ്ങൾ ആണെന്ന് തോന്നിയ കൂടുതൽ ഉയർന്ന സ്കോർ നൽകുന്നു .3 മുതൽ 5 വരെയുള്ള സ്കോർ 2 വ്യത്യസ്ത സ്ഥലങ്ങളിൽ നിന്നുള്ള കാൻസർ കോശങ്ങൾക്ക് നൽകുന്നു. ഈ സ്കോർ കൂട്ടിച്ചേർക്കുമ്പോൾ കിട്ടുന്നതാണ് യഥാർത്ഥ സ്കോർ .6 -10 നും ഇടയ്ക്കു ആയിരിക്കും ഈ സ്കോർ . ഏറ്റവും കുറഞ്ഞ ഗ്രേഡ് 6 ആയിരിക്കും . 7 മീഡിയം ഗ്രേഡ് ആയിരിക്കും . 8,9 or 10 ഏറ്റവും ഉയർന്ന ഗ്രേഡ് ആയിരിക്കും. ഗ്രേഡ് കുറവുള്ള കാൻസർ വളരുന്നത് സാവധാനമായിരിക്കും. കൂടുതൽ ഗ്രേഡുള്ള കാൻസർ വളരെ വേഗം വളരാനും വ്യാപിക്കാനും സാധ്യതയുണ്ട്

‍

Prostate Cancer Stage Groups

Stage I:പ്രാരംഭ ഘട്ടത്തിലുള്ള ഈ ക്യാന്സറിനെ വിരൽ ഉപയോഗിച്ചുള്ള പരിശോധനയിൽ കണ്ടെത്താൻ സാധിക്കില്ല . പ്രോസ്റ്റേറ്റ് ഗ്രന്ഥിയുടെ ഒരു വശത്തിന്റെ പകുതിയോ അതിലും താഴെയോ വലുപ്പം മാത്രമേ ഉണ്ടായിരിക്കു. PSA അളവ് കുറവായിരിക്കും .

‍

Stage IIA:പ്രാരംഭ ഘട്ടത്തിലുള്ള ഈ ക്യാന്സറിനെ വിരൽ ഉപയോഗിച്ചുള്ള പരിശോധനയിൽ കണ്ടെത്താൻ സാധിക്കില്ല . പ്രോസ്റ്റേറ്റ് ഗ്രന്ഥിയുടെ ഒരു വശത്തിന്റെ പകുതിയോ അതിലും താഴെയോ വലുപ്പം മാത്രമേ ഉണ്ടായിരിക്കു. PSA അളവ് ആദ്യത്തെ സ്റ്റേജിനെക്കാൾ കൂടുതലായിരിക്കും .കാൻസർ കോശങ്ങൾ Well Differentiated ആയിരിക്കും.

‍

Stage IIB:കാൻസർ പ്രോസ്റ്റേറ്റ് ഗ്രന്ഥിയിൽ മാത്രമേ കാണപെടുന്നുള്ളു. എന്നാൽ വിരൽ ഉപയോഗിച്ചുള്ള പരിശോധനയിൽ കണ്ടുപിടിക്കാൻ പറ്റുന്ന അത്രയും വലുപ്പം വെച്ചിട്ടുണ്ടാകും .. PSA അളവ് മീഡിയം ആയിരിക്കും.കാൻസർ കോശങ്ങൾ Moderately Differentiated ആയിരിക്കും.

‍

Stage IIC:കാൻസർ പ്രോസ്റ്റേറ്റ് ഗ്രന്ഥിയിൽ മാത്രമേ കാണപെടുന്നുള്ളു .എന്നാൽ വിരൽ ഉപയോഗിച്ചുള്ള പരിശോധനയിൽ കണ്ടുപിടിക്കാൻ പറ്റുന്ന അത്രയും വലുപ്പം വെച്ചിട്ടുണ്ടാകും . PSA അളവ് മീഡിയം ആയിരിക്കും.കാൻസർ കോശങ്ങൾ Moderately or Poorly Differentiated ആയിരിക്കും.
Stage IIIA:പ്രോസ്റ്റേറ്റ് ഗ്രന്ഥിയുടെ ഏറ്റവും പുറമെയുള്ള പാളിയും കടന്നു അടുത്തുള്ള ടിഷ്യുവിലേക്കു കാൻസർ കോശങ്ങൾ വ്യാപിച്ചു.ഇത് സെമിനൽ വെസിക്കിൾസ്‌ലേക്കു കൂടി വ്യാപിച്ചേക്കാം.

‍

Stage IIIB:കാൻസർ പ്രോസ്റ്റേറ്റ്നു പുറത്തുള്ള മൂത്രസഞ്ചിയിലോ മലാശയത്തിലോ വ്യാപിച്ചിരിക്കാം.

‍

Stage IIIC:എല്ലാ കാൻസർ കോശങ്ങളും Poorly Differentiated ആയിരിക്കുന്നു. അതായതു കാൻസർ കോശങ്ങൾക്ക് ഇപ്പോൾ ആരോഗ്യമുള്ള സാദാരണ കോശങ്ങളുമായി യാതൊരു സാമ്യം ഇല്ല.

‍

Stage IVA:കാൻസർ കോശങ്ങൾ പ്രോസ്റ്റേറ്റ് നു അടുത്തുള്ള കഴലകളിലേക്കു വ്യാപിച്ചിരിക്കുന്നു.

‍

Stage IVB:കാൻസർ കോശങ്ങൾ ദൂരെയുള്ള കഴലകളിലേക്കും ശരീരത്തിലെ മറ്റു അവയവങ്ങളിലേക്കും എല്ലിലേക്കും വ്യാപിച്ചിരിക്കുന്നു.

Recurrent:ചികിത്സക്ക് ശേഷം തിരിച്ചു വരുന്ന ക്യാന്സറിനെയാണ് Recurrent Cancer എന്ന് വിളിക്കുന്നത്.ഇത് പ്രോസ്റ്റേറ്റ് ഗ്രന്ധിയിലോ അല്ലെങ്കിൽ ശരീരത്തിലെ വേറെ ഭാഗത്തോ ആയിരിക്കാം.

‍

ചികിത്സ

കാൻസർ ചികിത്സ എല്ലാവരിലും ഒരുപോലെ ആയിരിക്കില്ല. ഒരു രോഗിയെ സംബന്ധിച്ച പല കാര്യങ്ങളും പരിഗണിച്ചാണ് എന്ത് ചികിത്സ വേണമെന്ന് തീരുമാനിക്കുന്നത്. പ്രോസ്റ്റേറ്റ് കാൻസർ വളരെ പതിയെ വളരുന്ന ഒരു കാൻസർ ആയതിനാൽ തന്നെ ഡോക്ടർ ആയി ചർച്ച ചെയ്ത ശേഷമേ ഈ തീരുമാനത്തിൽ എത്തി ചേരാൻ സാധിക്കു.

‍

പൊതുവെ താഴെ പറയുന്ന ഘടകങ്ങൾ ചികിത്സയെ പറ്റി ഒരു തീരുമാനത്തിലെത്താൻ സഹായിക്കും

നിങ്ങൾക്ക് എന്തെങ്കിലും ലക്ഷണങ്ങൾ ഉണ്ടോ
PSA അളവ് വളരെ പെട്ടന്ന് കൂടുന്നുണ്ടോ
കാൻസർ എല്ലിലേക്കു വ്യാപിച്ചിട്ടുണ്ടോ
നിങ്ങളുടെ ഇപ്പോളത്തെ ആരോഗ്യസ്ഥിതി
നിങ്ങളുടെ ഇപ്പോളത്തെ ജീവിതനിലവാരം
നിലവിൽ മൂത്രമൊഴിക്കാൻ എന്തെങ്കിലും ബുദ്ധിമുട്ടുണ്ടോ
ലൈംഗിക പ്രവർത്തനത്തിൽ എന്തെങ്കിലും ബുദ്ധിമുട്ടുണ്ടോ
വേറെ എന്തെങ്കിലും ആരോഗ്യപ്രശ്നങ്ങൾ ഉണ്ടോ

പ്രോസ്റ്റേറ്റ് ക്യാന്സറിന്റെ സാദാരണ ചികിത്സ രീതികൾ താഴെ വിവരിക്കുന്നു

1. Active Surveillance and Watchful Waiting

Active Surveillance (സജീവമായ നിരീക്ഷണം) : പ്രോസ്റ്റേറ്റ് ക്യാന്സറിന്റെ ചികിത്സ ഒരു വ്യക്തിയുടെ ജീവിതനിലവാരത്തിനെ സാരമായി ബാധിച്ചേക്കാം. ഉദ്ധാരണക്കുറവ് , മൂത്രമൊഴിക്കാനും മലം പോകാനുമുള്ള ബുദ്ധിമുട്ട് എന്നിങ്ങനെ നിരവധി പാർശ്വഫലങ്ങൾ ഉണ്ടാക്കിയേക്കാം. ഇക്കാരണത്താൽ കാൻസർ കണ്ടുപിടിച്ച ഉടനെ ചികിൽസിക്കാതെ ക്യാന്സറിനെ സജീവമായി നിരീക്ഷിച്ചു അതിന്റെ വളർച്ചയിൽ എന്തെങ്കിലും മാറ്റമുണ്ടോ എന്ന് നോക്കുന്ന ഒരു രീതിയാണിത്. Very low risk and low risk category യിൽ ഉള്ള എങ്ങാനും കാൻസർ കൂടിയാൽ സർജറി അല്ലെങ്കിൽ റേഡിയേഷൻ ചെയ്യാൻ പറ്റുന്ന ആളുകൾക്കാണ് രീതി ഉപയോഗിക്കാറ്.Gleason Score 6 or 7 ഉള്ളവർക്കാണ് ഈ ചികിത്സ കൂടുതൽ ഫലപ്രദം.

‍

ASCO Schedule അനുസരിച്ചു താഴെ പറയുന്ന ടെസ്റ്റുകൾ ഈ ചികിത്സയിൽ ചെയ്യെണ്ടതാണ്

എല്ലാ 3 അല്ലെങ്കിൽ 6 മാസത്തിലൊരിക്കൽ PSA രക്തപരിശോധന
വർഷത്തിലൊരിക്കൽ ഡോക്ടർ വിരലുപയോഗിച്ചു പരിശോധിക്കണം
6 മുതൽ 12 മാസത്തിൽ ഒരു ബയോപ്സി കൂടി ചെയ്യണം പിന്നീട് 2 മുതൽ 5 വർഷത്തിലൊരിക്കൽ ബയോപ്സി

‍

Watchful Waiting (ജാഗ്രതയോടുള്ള കാത്തിരുപ്പ് )

പ്രായമായവർക്കും മറ്റു ഗുരുതരമായ ആരോഗ്യപ്രശ്നങ്ങൾ ഉള്ള 5 വർഷത്തിൽ കൂടുതൽ ആയുസ് പ്രതീഷിക്കാത്ത ആളുകൾക്കാണ് ഈ രീതി ഉപയോഗിക്കാറ്. കൂടുതൽ പരിശോധനകൾ ഒന്നും നടത്താതെ എന്തെകിലും ബുദ്ധിമുട്ടുകൾ ഉണ്ടെങ്കിൽ ആ ബുദ്ധിമുട്ടുകൾക്കു താത്കാലിക ചികിത്സ മാത്രം നൽകുന്നതാണ്.

‍

2. Surgery

പ്രോസ്റ്റേറ്റ് ഗ്രന്ഥിയും ചുറ്റുമുള്ള കഴലകളും നീക്കം ചെയുന്ന ചികിത്സയാണിത് . താഴെ പറയുന്ന ഏതു തരാം ശസ്ത്രക്രിയ വേണം എന്ന് ക്യാന്സറിന്റെ സ്റ്റേജ്, രോഗിയുടെ ആരോഗ്യനിലവാരം എന്നിങ്ങനെ പല ഘടകങ്ങളെ ആശ്രയിച്ചിരിക്കും .

Radical (Open) Prostatectomy: പ്രോസ്റ്റേറ്റ് ഗ്രന്ഥിയും ,സെമിനൽ വെസിക്കിൾസ് , ചുറ്റുമുള്ള കഴലകളും നീക്കം ചെയുന്ന ശാസ്ത്രക്രിയയാണിത്
Robotic or Laparoscopic Prostatectomy: മുകളിൽ കൊടുത്തിരിക്കുന്ന സര്ജറിനേക്കാൾ എളുപ്പമുള്ളതും പാർശ്വഫലങ്ങൾ കുറവുള്ളതുമായ ചികിത്സയാണിത് . രോഗിയുടെ വയറിൽ ഒരു കീഹോൾ മുറിവുണ്ടാക്കി അതിലൂടെ ക്യാമറയും ഉപകരണങ്ങളും ഉപയോഗിച്ച് നടത്തുന്ന ശസ്ത്രക്രിയ
Bilateral Orchidectomy: രണ്ടു വൃഷണങ്ങളും നീക്കം ചെയുന്ന ശസ്ത്രക്രിയ ( Surgical Orchidectomy)
Transurethral Resection of the Prostate (TURP) :മൂത്രാശയ തടസമുണ്ടെങ്കിലാണ് ഈ ശസ്ത്രക്രിയ കൂടുതലായി ചെയുന്നത്

‍

3.Radiation Therapy

External Beam Radiation Therapy(EBRT): ശരീരത്തിന് പുറത്തുനിന്നുള്ള റേഡിയേഷൻ മെഷീൻ ഉപയോഗിച്ച് കൊടുക്കുന്ന റേഡിയേഷൻ ആണിത് .
Brachytherapy:റേഡിയോആക്റ്റിവ് സ്രോതസ് നേരിട്ട് പ്രോസ്റ്റേറ്റ് ഗ്രന്ധിയിലേക്കു കൊടുക്കുന്ന റേഡിയേഷൻ ആണിത് .
Intensity Modulated Radiation Therapy(IMRT):EBRTടെ തന്നെ advanced method ആണിത്
Proton Therapy:Xrayനേക്കാൾ ഉർജ്ജമുള്ള പ്രോട്ടോൺ ഉപയോഗിച്ചുള്ള ചികിത്സയാണിത്

Side effects (റേഡിയേഷൻ ചികിത്സയുടെ പാർശ്വഫലങ്ങൾ )

എപ്പോളും മൂത്രം പോകാൻ തോന്നുന്നത്
ലൈംഗിക പ്രവർത്തനത്തിൽ ബുദ്ധിമുട്ട്
വയറിളക്കം
മലം പോകാൻ ബുദ്ധിമുട്ട്
മലത്തിൽ രക്തം
ക്ഷീണം
റേഡിയേഷൻ കൊണ്ടുണ്ടാകുന്ന

പാർശ്വഫലങ്ങൾ മിക്കതും ചികിത്സ കഴിയുമ്പോൾ ശരിയാവും

‍

4.Focal Therapies

മുഴുവൻ പ്രോസ്റ്റേറ്റ് ഗ്രന്ഥിയെ ചികിൽസിക്കാതെ ചെറിയ പ്രോസ്റ്റേറ്റ് ട്യൂമർ ഉള്ള ഭാഗത്തെ മാത്രം ചികിൽസിക്കുന്ന രീതിയാണിത്. ചൂട് അല്ലെങ്കിൽ തണുപ്പ് ഉപയോഗിച്ചാണ് ഇത് നടത്തുന്നത്.low-risk അല്ലെങ്കിൽ intermediate-risk ഉള്ളവരിലാണ് ഇത് ഫലപ്രദം .ഇപ്പോളും പടങ്ങൾ നടക്കുന്ന ഒരു ചികിത്സ ആയതുകൊണ്ട് ഇത് എല്ലാർക്കും നിർദേശിക്കാറില്ല

5.Androgen -deprivation therapy (Hormonal Therapy)

പ്രോസ്റ്റേറ്റ് ക്യാന്സറിന്റെ വളർച്ചയെ നേരിട്ട് ബാധിക്കുന്ന ഹോർമോൺ ആണ് Androgen .അതുകൊണ്ട് ഈ ഹോർമോണിന്റെ അളവ് ശരീരത്തിൽ കുറക്കുന്നത് ക്യാന്സറിന്റെ വളർച്ച തടയാൻ സഹായിക്കും . ഏറ്റവും സാദാരണ ആൻഡ്രോജൻ Testosterone ആണ്. Testosterone ന്റെ അളവ് കുറക്കാൻ വൃഷണങ്ങൾ നീക്കം ചെയ്യുകയോ മരുന്ന് ഉപയോഗിച്ച് വൃഷണത്തിന്റെ പ്രവർത്തനം നിർത്തുകയോ ചെയ്യാം. 3 രീതിയിൽ ADT ചികിത്സ നൽകാം

1 Orchiectomy (surgical castration) ഈ സര്ജറിയിൽ വൃഷണങ്ങൾ നീക്കം ചെയ്യുന്നു . വൃഷണത്തിലാണ് androgen ഏറ്റവും കൂടുതൽ ഉല്പാദിപ്പിക്കപ്പെടുന്നത് .

2 GnRH agonists: മരുന്ന് ഉപയോഗിച്ച് ഹോർമോൺ ഉത്പാദനം കുറക്കുന്നതിനെ medical castration എന്ന് പറയുന്നു . GnRH എന്നറിയപ്പെടുന്ന മരുന്നുകൾ pituitary gonadotropin എന്ന ഹോർമോൺ ഉല്പാദിപ്പിക്കുന്ന കോശങ്ങളിൽ കാണപ്പെടുന്ന GnRH receptors ആയി ചേരുകയും luteinizing hormone (LH) ,follicle stimulating hormone (FSH) എന്നീ ഹോർമോണുകൾ ഇതിന്റെ ഫലമായി ശരീരത്തിൽ എത്തുന്നു .ആദ്യത്തെ കുറച്ചു ആഴ്ചകൾ ഈ ഹോർമോണുകൾ കാരണം testosterone അളവ് കൂടുകയും പിന്നീട് കുറഞ്ഞു വരുകയും ചെയ്യുന്നു.ഇതിനായി ഉപയോഗിക്കുന്ന ചില മരുന്നുകൾ താഴെ കൊടുക്കുന്നു

Leuprolide : Advanced prostate ക്യാന്സറിന്റെ palliative ചികിത്സക്കായാണ് ഈ മരുന്ന് ഉപയോഗിക്കുന്നത് .

Abiraterone: metastatic castration-resistant prostate cancer (CRPC) and metastatic high-risk castration-sensitive prostate cancer (CSPC ) ന്റെ ചികിത്സക്കാണ് ഈ മരുന്ന് ഉപയോഗിക്കുന്നത് .

Enzalutamide: androgen ഹോർമോൺ androgen receptors ആയി ചേരുന്നത് തടയുന്നു . പ്രധാനമായും nonmetastatic or metastatic castration-resistant prostate cancer (mCRPC) ന്റെ ചികിത്സക്കാണ് ഉപയോഗിക്കുന്നത് .

GnRH antagonists: advanced prostate ക്യാന്സറിന്റെ ചികിത്സയിൽ ആണ് GnRH antagonists ആയ മരുന്നുകൾ ഉപയോഗിക്കുന്നത് .agonists മരുന്നിനെക്കാളും പെട്ടന്നു ഫലം തരുന്നു . കൂടാതെ agonist മരുന്നിനെ പോലെ testosterone അളവ് ആദ്യം കൂട്ടുന്നില്ല.Degarelix , Relugolix മുതലായ മരുന്നുകൾ ഇതിൽപ്പെടുന്നു .

Surgical orchidectomy യും medical castration നും prostate ക്യാന്സറിന്റെ ഹോർമോൺ ചികിത്സക്കായി ഒരുപോലെ ഉപയോഗിക്കാറുണ്ട് .

‍

6.Targeted Therapy

ക്യാന്സറിന്റെ വളർച്ചക്കും അതിജീവനത്തിനും സഹായിക്കുന്ന ജീനുകൾ ,പ്രോടീൻ എന്നിവയെ ലക്‌ഷ്യം വെക്കുന്ന ചികിത്സയാണിത്.സാദാരണയായി ഇതിനുപയോഗിക്കുന്ന മരുന്നുകൾ താഴെ കൊടുക്കുന്നു

Olaparib(Lynparza)
Rucaparib(Rubraca)
Talazoparib(Talzenna)

‍

7.Chemotherapy

കാൻസർ കോശങ്ങളെ നശിപ്പിക്കാൻ മരുന്നുപയോഗിക്കുന്ന ചികിത്സയാണു കീമോതെറാപ്പി . പ്രോസ്റ്റേറ്റ് ക്യാന്സറിന്റെ ചികിത്സക്ക് സാദാരണ ഉപയോഗിക്കുന്ന കീമോതെറാപ്പി മരുന്നുകൾ താഴെ കൊടുക്കുന്നു

Docetaxel(Taxotere) combined with Prednisone
Cabazitaxel (Jevtana)

‍

8.Immunotherapy

ക്യാന്സറിനെ പോരാടുന്നതിനു ശരീരത്തിന്റെ കാൻസർ കോശങ്ങളെ നശിപ്പിക്കാനുള്ള രോഗപ്രതിരോധ ശക്തി മെച്ചപ്പെടുത്താനുള്ള ചികിത്സയാണിത്.

‍

9.Radiation Therapy by Infusion

എല്ലിലേക്കു പടർന്ന പ്രോസ്റ്റേറ്റ് ക്യാന്സറിനെ ചികിൽസിക്കാൻ ഒരു Radioactive പദാർത്ഥം ഉപയോഗിക്കുന്നതാണ് ഈ ചികിത്സ.

Lutetium Lu 177 Vipivotide tetraxetan(Pluvicto): 177 Lu-PSMA-617 എന്നറിയപ്പെടുന്ന ഈ ചികിത്സയിൽ പ്രോസ്റ്റേറ്റ് കാൻസർ കോശങ്ങളിൽ കാണപ്പെടുന്ന ഒരു പ്രോടീൻ ആയ PSMA(Prostate Specific Membrane Antigen) ലക്ഷ്യം വെക്കുന്നു. ഈ മരുന്ന് റേഡിയേഷൻ നേരിട്ട് കാൻസർ കോശങ്ങളിൽ എത്തിക്കുന്നു.

‍

10. Bone-modifying Drugs

പ്രോസ്റ്റേറ്റ് കാൻസർ എല്ലുകളിലേക്കാണ് സാദാരണ വ്യാപിക്കുന്നത് . അതുകൊണ്ട് തന്നെ എല്ലുകളുടെ ആരോഗ്യം കാത്തുസൂക്ഷികേണ്ടതുണ്ട്. എല്ലുകളുടെ ആരോഗ്യം കണ്ടുപിടിക്കാനായി ചെയുന്ന സ്കാൻ ആണ് DEXA Scan . എല്ലുകളിൽ പൊട്ടലുണ്ടാവാതിരിക്കാനായി എല്ലിനെ ബലപ്പെടുത്താൻ സാദാരണ കൊടുക്കുന്ന മരുന്നുകൾ താഴെ കൊടുക്കുന്നു

Denosumab(Prolia,Xgeva)
Zoledronic Acid(Reclast,Zometa)
Alendronate (Fosamax)
Risedronate (Actonel)
Ibandronate (Boniva)
Pamidronate (Aredia)

‍

Prostate Cancer Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Prostate Cancer (പ്രോസ്റ്റേറ്റ് കാൻസർ )

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Decoding Cancer: Prostate Cancer | പ്രോസ്റ്റേറ്റ് കാൻസർ | Dr. Aju Mathew | Kerala Cancer Care |

Prostate cancer

Radiation Therapy: Insights from Dr. Angela Eapen & Dr. Manas Peter