Melanoma (ചർമത്തിലെ കാൻസർ)

ചർമം

ശരീരത്തിലെ ഏറ്റവും വലിയ അവയവമാണ് ചർമം .അണുബാധയിൽ നിന്നും മുറിവുകളിൽ നിന്നും സംരക്ഷിക്കുകയും ശരീര താപനില നിയന്ത്രിക്കാനും സഹായിക്കുന്നു .ഇത് കൂടാതെ ചർമം വെള്ളവും കൊഴുപ്പും ശേഖരിക്കുകയും Vit D ഉത്പാദിപ്പിക്കുകയും ചെയ്യുന്നു.

ചർമത്തിൽ 3 പാളികളുണ്ട്

Epidermis: ചർമത്തിന്റെ ഏറ്റവും പുറമെയുള്ള പാളി
Dermis : നടുവിലത്തെ പാളി
Hypodermis : ഏറ്റവും ഉള്ളിലുള്ള കൊഴുപ്പിന്റെ പാളി

എന്താണ് Melanoma

Epidermis ന്റെ ഏറ്റവും താഴെഭാഗത്തു dermis നു തൊട്ടു മുകളിലായി melanocytes എന്ന കോശങ്ങൾ കാണപ്പെടുന്നു .ചർമത്തിന് നിറം നൽകുന്ന കോശങ്ങളാണ് melanocytes. ആരോഗ്യമുള്ള melanocytes കോശങ്ങൾ നിയന്ത്രണമില്ലാതെ വളർന്നു മുഴയായി തീരുന്നു .ചിലപ്പോൾ ഒരു മറുക് ആയിരിക്കും Melanoma ആയി മാറുന്നത് .ശരീരത്തിന്റെ ഏതു ഭാഗത്തു വേണമെങ്കിലും melanoma ഉണ്ടാവാം .ആദ്യത്തെ ഘട്ടത്തിൽ കണ്ടുപിടിക്കാനായാൽ ശസ്ത്രക്രിയയിലൂടെ പൂർണമായി ഭേദമാക്കാൻ സാധിക്കും . കൂടുതൽ വളരും തോറും രക്തകുഴലിലേക്കും കഴലയിലേക്കും വ്യാപിക്കും . ചർമത്തിലെ കാൻസറുകളിൽ ഏറ്റവും ഗുരുതരമായ ഒരു ക്യാന്സറാണ് melanoma.

‍

സ്ഥിതിവിവരക്കണക്ക്

പ്രതിവർഷം ഇന്ത്യയിൽ 3916 ആളുകൾക്ക് ചർമത്തിലെ melanoma കണ്ടുപിടിക്കപെടുന്നു .മൊത്തം ക്യാന്സറുകൾക്കിടയിൽ 32 സ്ഥാനമാണ് melanoma ക്കു . 2296 ആളുകൾ melanoma കാരണം ഓരോ വർഷവും മരണപ്പെടുന്നു . മരണനിരക്കിൽ 31 സ്ഥാനമാണ് .

‍

അപകടഘടകങ്ങൾ

ഒരു വ്യക്തിയിൽ കാൻസർ വരാനുള്ള സാധ്യത വർധിപ്പിക്കുന്നതെന്തും ഒരു അപകടഘടകമാണ് . അപകടഘടകങ്ങൾ കാൻസർ വരാനുള്ള സാധ്യതയെ സ്വാധീനിക്കുന്നുണ്ടെങ്കിലും നേരിട്ട് ക്യാന്സറിന് കാരണമാവില്ല.

സൂര്യപ്രകാശം : സൂര്യ പ്രകാശത്തിലെ UV rays ആണ് ചർമത്തിലെ melanoma യുടെ പ്രധാന കാരണം .കൂടുതൽ സമയം പുറത്തു ജോലിചെയ്യുന്നവരിൽ melanoma വരാൻ സാധ്യത കൂടുതലാണ് .UVB rays UVA rays നേക്കാളും melanoma ഉണ്ടാക്കുന്നു .
Indoor Tanning: വിദേശത്തു വെളുത്ത ചർമമുള്ളവർ ചർമത്തിന് brown നിറം കിട്ടാനായി ചെയ്യുന്ന പ്രക്രിയയാണ് tanning. Tanning bed, tanning parlour മുതലായവ ഉപയോഗിക്കുന്നവരിൽ melanoma വരാൻ സാധ്യത കൂടുതലാണ് .
മറുക് : ചില മറുകുകൾ കാൻസർ വരാൻ സാധ്യത കൂടുതലുള്ള dysplastic nevi,atypical moles എന്നിവയാണ് .ഇത്തരം മറുകുകളിൽ പെട്ടന്ന് എന്തെങ്കിലും മാറ്റങ്ങൾ ഉണ്ടായാൽ കൂടുതൽ പരിശോധന നടത്തേണ്ടതാണ് .
വെളുത്ത ചർമം :വെളുത്ത ചർമമുള്ളവരിൽ melanin pigment കുറവായിരിക്കും . Melanin ചർമ്മത്തിന് സൂര്യപ്രകാശത്തിലെ UV rays ഇൽ നിന്നും സംരക്ഷണം കൊടുക്കുന്നു .അതുകൊണ്ടാണ് ഇരുണ്ട ചർമമുള്ള ഇന്ത്യയിൽ melanoma രോഗികൾ കുറവുള്ളത് .
കുടുംബ ചരിത്രം : 10 % melanoma വന്ന ആളുകളിൽ അവരുടെ കുടുംബത്തിൽ വേറെ ആർക്കെങ്കിലും melanoma വന്നിട്ടുണ്ടാകും .മാതാപിതാക്കൾക്കോ , സഹോദരങ്ങൾക്കോ , മക്കൾക്കോ melanoma വന്നിട്ടുണ്ടെങ്കിൽ അവരിൽ 2 മുതൽ 3 മടങ്ങു risk കൂടുതലാണ് .
മുൻപ് skin cancer വന്നിട്ടുള്ളവർ : മുൻപ് melanoma, basal cell skin cancer, squamous cell skin cancer എന്നിവ വന്നിട്ടുള്ളവരിൽ melanoma വീണ്ടും വരാൻ സാധ്യത കൂടുതലാണ് .
Race: വെളുത്തവർഗക്കാരിൽ കറുത്തവർഗക്കാരെ അപേക്ഷിച്ചു melanoma വരാൻ 20 മടങ്ങു സാധ്യത കൂടുതലാണ് .
പ്രായം : 50 വയസിനു അടുത്താണ് മിക്ക ആളുകളിലും melanoma തുടങ്ങുന്നത് .
രോഗപ്രതിരോധ ശക്തി കുറവുള്ളവർ : രോഗപ്രതിരോധ ശക്തി കുറവുള്ളവരിലും ചില മരുന്നുകൾ എടുക്കുന്നവരിലും melanoma സാധ്യത കൂടുതലാണ് .

Melanoma എങ്ങനെ തടയാം

സൂര്യപ്രകാശത്തിലെ UV rays ഏൽക്കുന്നത് കുറക്കാനായാൽ melanoma വരാനുള്ള സാധ്യത വളരെയധികം കുറക്കാൻ സാധിക്കും . അതിനായി

രാവിലെ 10 മുതൽ വൈകിട്ട് 4 വരെ സൂര്യപ്രകാശം നേരിട്ട് ഏൽക്കുന്നത് കുറക്കുക
ചൂട് കൂടുതലുള്ളപ്പോൾ ശരീരം പരമാവധി മറക്കുക
പുറത്തു പോകുമ്പോൾ sunscreen പതിവായി ഉപയോഗിക്കുക

ലക്ഷണങ്ങൾ

മറുകിന്റെയോ skin lesion ന്റെയോ വലുപ്പത്തിലോ , ആകൃതിയിലോ ,നിറത്തിലോ ഉണ്ടാവുന്ന മാറ്റമാണ് melanoma യുടെ ആദ്യ ലക്ഷണം .skin lesion എന്നുപറയുന്നത് സാധാരണ ചർമത്തിൽ നിന്നും മാറ്റങ്ങളെന്തെങ്കിലും വന്ന ചർമമാണ്. Melanoma യുടെ ലക്ഷണങ്ങൾ ഓർത്തിരിക്കാൻ “ABCDE “ഉപയോഗിക്കാം

Asymmetry: Skin lesion ന്റെ ഒരു പകുതിയുടെ ആകൃതി അല്ല അടുത്ത പകുതിയുടേത് .
Border : Skin lesion ന്റെ വക്ക് കീറിമുറിച്ചപോലെ അല്ലെങ്കിൽ കേറിയിറങ്ങി കാണപ്പെടും
Color : കറുപ്പ് , brown അല്ലെങ്കിൽ tan നിറത്തിൽ കാണപ്പെടും .
Diameter : 6 mm ഇൽ കൂടുതൽ വ്യാസം ഉണ്ടായിരിക്കും .
Evolving : Skin lesion ന്റെ വലുപ്പം , ആകൃതി ,നിറം ,രൂപം എന്നിവ മാറിക്കൊണ്ടിരിക്കുന്നു

രോഗനിർണയം

Biopsy : കാൻസർ സംശയിക്കുന്ന ഭാഗത്തു നിന്ന് ചെറിയൊരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതാണ് biopsy . കാൻസർ ഉണ്ടോ ഇല്ലയോ എന്ന് ഉറപ്പാക്കാൻ ബയോപ്സി ക്കു മാത്രമേ സാധിക്കു . ചെറിയ വലുപ്പമുള്ള Melanoma ആണെങ്കിൽ മൊത്തം melanoma യും ചുറ്റുമുള്ള കുറച്ചു ഭാഗവും ബയോപ്സി സമയത്തു നീക്കം ചെയ്യുന്നു.
Ultrasound
CT Scan
MRI
PET CT

‍

Stages

Stage 0 : Melanoma in situ എന്നറിയപ്പെടുന്ന ചർമത്തിന്റെ ഏറ്റവും പുറം പാളിയിൽ മാത്രം കാൻസർ കോശങ്ങളുള്ള stage.
Stage I : ചർമത്തിന് പുറത്തേക്ക് melanoma വ്യാപിച്ചിട്ടില്ല
Stage II : ചർമത്തിന്റെ പുറം പാളിയായ epidermis മുതൽ ഉള്ളിലെ പാളിയായ dermis വരെ വ്യാപിച്ചു . കഴലയിലേക്ക് വ്യാപിച്ചിട്ടില്ല .എന്നാൽ വ്യാപിക്കാൻ സാധ്യത കൂടുതലാണ് .
Stage III : ചർമത്തിന് പുറത്തുള്ള കഴലയിലേക്ക് melanoma വ്യാപിച്ചു .
Stage IV : Melanoma രക്തത്തിൽ കൂടി ശരീരത്തിന്റെ മറ്റു ഭാഗങ്ങളിലേക്ക് വ്യാപിച്ചു .
Recurrent: ചികിത്സക്ക് ശേഷം തിരിച്ചു വന്ന melanoma

ചികിത്സ

1.Surgery

Melanoma യും അതിനു ചുറ്റുമുള്ള ആരോഗ്യമുള്ള കുറച്ചു ചർമവും ( margin) നീക്കം ചെയ്യുന്നു . Melanoma യുടെ പ്രധാനപ്പെട്ട ചികിത്സയാണ് ശസ്ത്രക്രിയ . melanoma നീക്കം ചെയ്യാൻ നടത്തുന്ന 3 തരം ശസ്ത്രക്രിയ താഴെ കൊടുക്കുന്നു

Wide Excision
Lymphatic mapping and sentinel lymph node biopsy
Lymph node dissection

2.Radiation Therapy

High energy റേഡിയേഷനിലൂടെ കാൻസർ കോശങ്ങളെ നശിപ്പിക്കുന്ന ചികിത്സയാണ് radiation therapy . റേഡിയേഷൻ സാധാരണ ദിവസത്തിൽ ഒരിക്കൽ ആഴ്ചയിൽ 5 ദിവസമാണ് കൊടുക്കാറ് .

Melanoma ശസ്ത്രക്രിയയിലൂടെ നീക്കം ചെയ്യാൻ സാധിച്ചില്ലെങ്കിലോ , ശസ്ത്രക്രിയക്ക് ശേഷം melanoma തിരിച്ചു വരാനുള്ള സാധ്യത കുറക്കാനും , melanoma എല്ലിലേക്കോ മറ്റോ വ്യാപിച്ചു വേദന ഉണ്ടെങ്കിൽ അത് കുറക്കാനും റേഡിയേഷൻ ചികിത്സ ഉപയോഗിക്കാം .

റേഡിയേഷന്റെ പാർശ്വഫലങ്ങൾ ക്ഷീണം ,ചർമത്തിൽ അണുബാധ ,ചൊറിച്ചിൽ , ചുവപ്പ് എന്നിവയാണ് . റേഡിയേഷൻ ചികിത്സ കഴിയുമ്പോൾ പാർശ്വഫലങ്ങൾ കുറഞ്ഞു വരും .

3.Immunotherapy

nivolumab (Opdivo) and pembrolizumab (Keytruda), Atezolizumab (Tecentriq) , Ipilimumab (Yervoy) മുതലായവയാണ്‌ melanoma ചികിൽസിക്കാൻ ഉപയോഗിക്കുന്ന ഇമ്മ്യൂണോതെറാപ്പി മരുന്നുകൾ .

‍

4.Targeted Therapy

Dabrafenib (Tafinlar) ,Encorafenib (Braftovi) ,Vemurafenib (Zelboraf) , Trametinib (Mekinist), cobimetinib (Cotellic), and binimetinib (Mektovi) മുതലായവയാണ്‌ melanoma ചികിൽസിക്കാൻ ഉപയോഗിക്കുന്ന targeted therapy മരുന്നുകൾ .

‍

5.Chemotherapy

മരുന്നുപയോഗിച്ചു കാൻസർ കോശങ്ങളെ നശിപ്പിക്കുന്ന ചികിത്സ ആണ് കീമോതെറാപ്പി . ഒരു കീമോതെറാപ്പി schedule അല്ലെങ്കിൽ regimen എന്നുപറയുന്നത് ഒരു നിശ്ചിത സമയത്തിനുള്ളിൽ കൊടുക്കുന്ന നിശ്ചിത എണ്ണം കീമോതെറാപ്പി ആണ് . ഒന്നോ ഒന്നിലധികം മരുന്നുകളോ ഒരേ സമയം ഉപയോഗിക്കാം . Dacarbazine (DTIC) എന്ന മരുന്നാണ് പ്രധാനമായും melanoma ചികിത്സക്കുപയോഗിക്കുന്നത് .Dacarbazine (DTIC) ന്റെ ഗുളിക രൂപത്തിലുള്ള മരുന്നാണ് Temozolomide (Temodar).

cisplatin, fotemustine (Muphoran, lomustine (Gleostine), the taxanes (a group of drugs that includes docetaxel [Taxotere] and paclitaxel [Taxol]), vinblastine എന്നിവയും ഉപയോഗിക്കാറുണ്ട് .

കീമോതെറാപ്പിയുടെ പാർശ്വഫലങ്ങൾ ക്ഷീണം , അണുബാധ , ഓക്കാനം , ഛർദി ,നഖത്തിൽ മാറ്റങ്ങൾ , വിശപ്പില്ലായ്മ ,വയറിളക്കം , നാഡികളിൽ കേടുപാടുകൾ , മുടികൊഴിച്ചിൽ മുതലായവയാണ്‌ .കീമോതെറാപ്പി കഴിയുമ്പോൾ പാർശ്വഫലങ്ങൾ കുറഞ്ഞു വരും .

തലച്ചോറിലേക്ക് വ്യാപിച്ച Melanoma

melanoma ഏറ്റവും കൂടുതൽ വ്യാപിക്കുന്നത് തലച്ചോറിലേക്കാണ് . റേഡിയേഷൻ , Immunotherapy, ശസ്ത്രക്രിയ മുതലായ ചികിത്സകൾ തലച്ചോറിലേക്ക് നൽകേണ്ടി വരും .

‍

Melanoma Follow up

കാൻസർ ചികിത്സ പൂർത്തിയായതിനു ശേഷം കൃത്യമായ ഇടവേളകളിൽ ഫോളോ അപ്പ് ടെസ്റ്റുകൾ ചെയ്യേണ്ടതുണ്ട് . പാർശ്വഫലങ്ങൾ കൈകാര്യം ചെയ്യാനും കാൻസർ തിരികെ വരില്ലെന്ന് ഉറപ്പു വരുത്താനും ഫോളോ അപ്പ് ടെസ്റ്റുകൾ നിർബന്ധമാണ് . പതിവ് ശാരീരിക പരിശോധനകൾ , ബ്ലഡ് ടെസ്റ്റ് , ഇമേജിങ് ടെസ്റ്റുകൾ എന്നിവ ഇതിൽ ഉൾപ്പെടുന്നു .

‍

Melanoma (ചർമത്തിലെ കാൻസർ)

ഇനിയും വായിക്കുക

ഈ തരത്തിലുള്ള ബ്ലോഗുകൾ

News About This Type

Media About This Type

Decoding Cancer: Melanoma | Staging | മെലനോമ | സ്റ്റേജിംഗ് | Dr. Aju Mathew | Kerala Cancer Care