Chemotherapy (കീമോതെറാപ്പി )

കീമോതെറാപ്പി

മരുന്ന് ഉപയോഗിച്ച് കാൻസർ കോശങ്ങളെ നശിപ്പിക്കുന്ന ചികിത്സയെ കീമോതെറാപ്പി എന്ന് വിളിക്കുന്നു . വളരെ വേഗത്തിൽ വളരുകയും വിഭജിക്കുകയും ചെയ്യുന്ന എല്ലാ കോശങ്ങളെയും കീമോ നശിപ്പിക്കും . കീമോതെറാപ്പി ഒരു systemic medication ആണ് . രക്തത്തിലൂടെ ശരീരത്തിലെ എല്ലാ ഭാഗത്തും എത്തുന്നു . ശരീരത്തിലെ എല്ലാ ഭാഗത്തും എത്തുന്നതിനാൽ സാധാരണ ആരോഗ്യമുള്ള കോശങ്ങളെയും ഇത് ബാധിക്കും .

കീമോതെറാപ്പി എപ്പോളൊക്കെയാണ് നൽകുന്നത്

Primary treatment: മുഴുവൻ കാൻസർ കോശങ്ങളെ നശിപ്പിച്ചു കളയാനായി ആദ്യം നൽകുന്ന ചികിത്സ
മറ്റു ചികിത്സക്ക് മുൻപായി : മറ്റു ചികിത്സ നൽകുന്നതിന് മുൻപായി ക്യാന്സറിന്റെ വലുപ്പം കുറയ്ക്കാനായി നൽകുന്ന കീമോ . neoadjuvant കീമോ എന്നറിയപ്പെടുന്നു .
മറ്റു ചികിത്സക്ക് ശേഷം : മറ്റു ചികിത്സകൾക്ക് ശേഷം അവശേഷിക്കുന്ന കാൻസർ കോശങ്ങളെ നശിപ്പിക്കാനായി നൽകുന്ന ചികിത്സ . Adjuvant കീമോ എന്നറിയപ്പെടുന്നു .
Palliative കീമോ : പൂർണമായി ചികിൽസിക്കാൻ ആയില്ലെങ്കിലും കാൻസർ കാരണം ഉണ്ടാവുന്ന ചില ലക്ഷണങ്ങൾ കുറക്കാനും ക്യാന്സറിന്റെ തുടർന്നുള്ള വളർച്ച കുറക്കാനും സഹായിക്കുന്ന കീമോ .

ഏതു കീമോ ആണെന്ന് എങ്ങനെ തീരുമാനിക്കുന്നു

നിരവധി കീമോ മരുന്നുകൾ ഇന്ന് ലഭ്യമാണ് . കീമോ യിൽ specialist ആയ ഡോക്ടറിനെ Medical Oncologist എന്ന് വിളിക്കുന്നു .താഴെ പറയുന്ന ഘടകങ്ങളെ ആശ്രയിച്ചാണ് ഏതു കീമോ വേണമെന്ന് തീരുമാനിക്കുന്നത്

ഏതു തരം കാൻസർ
കാൻസർ സ്റ്റേജ്
പ്രായം , ആരോഗ്യം
ശരീര ഭാരം
മരുന്നിന്റെ പാർശ്വഫലങ്ങൾ

കീമോ എങ്ങനെയാണു നൽകുന്നത്

IV കീമോതെറാപ്പി : ഞരമ്പിലേക്ക് (vein) നേരിട്ട് നൽകുന്ന കീമോ . മിക്ക രോഗികളിലും കുറച്ചു മണിക്കൂറുകൾ കൊണ്ട് അന്നത്തെ കീമോ കഴിയുമെങ്കിലും ചിലരിൽ തുടർച്ചയായി കീമോ നൽകേണ്ടി വരും (continuous infusion chemotherapy ) അങ്ങനെയുള്ളവരിൽ ഒരു pump വഴി ആണ് നൽകുന്നത് .
Oral കീമോതെറാപ്പി : ഗുളിക അല്ലെങ്കിൽ ദ്രാവക രൂപത്തിൽ നൽകുന്ന കീമോ
Injected കീമോതെറാപ്പി : പേശിയിലോ ചർമത്തിന്റെ അടിയിലേക്കോ നൽകുന്ന കീമോ ഇൻജെക്ഷൻ
intra- arterial കീമോതെറാപ്പി : artery യിലേക്ക് നേരിട്ട് നൽകുന്ന കീമോ
peritoneum കീമോതെറാപ്പി : വയറിലേക്ക് നേരിട്ട് നൽകുന്ന കീമോതെറാപ്പി
Topical chemotherapy : ചർമത്തിൽ പുരട്ടുന്ന കീമോ മരുന്നുകൾ

കീമോതെറാപ്പി മരുന്നുകളുടെ പല തരങ്ങൾ

പല മരുന്നുകൾ പല രീതിയിൽ ആയിരിക്കും പ്രവർത്തിക്കുന്നത് . നൂറിൽ കൂടുതൽ കീമോ മരുന്നുകൾ ഉണ്ടെങ്കിലും അവയെ പ്രധാനമായും താഴെ കൊടുത്തിരിക്കുന്ന തരങ്ങൾ ആയി തിരിച്ചിരിക്കുന്നു

Alkylating agents
Antimetabolites
Anti-tumor antibiotics
Topoisomerase inhibitors
Mitotic inhibitors
Plant alkaloids

Combination കീമോതെറാപ്പി

കീമോതെറാപ്പി ചിലപ്പോൾ മറ്റു ചികിത്സകൾ ആയ hormone therapy, immunotherapy, and targeted therapy യുടെ കൂടെ നൽകാറുണ്ട് .

കീമോതെറാപ്പിയുടെ പാർശ്വഫലങ്ങൾ

പെട്ടന്ന് വളരുകയും വിഭജിക്കുകയും ചെയ്യുന്ന കോശങ്ങളെയാണ് കീമോതെറാപ്പി ആക്രമിക്കുന്നത് . അതിനാൽ തന്നെ കാൻസർ കോശങ്ങൾ കൂടാതെ ശരീരത്തിലെ ആരോഗ്യമുള്ള നല്ല കോശങ്ങളെ കൂടി ഈ മരുന്നുകൾ നശിപ്പിക്കുന്നു .വായ , രക്തം , ദഹന ഭാഗം , മുടിയിലെ follicles മുതലായ ഭാഗങ്ങളിലെ കോശങ്ങൾ പെട്ടന്ന് valarukayum വിഭജിക്കുകയും ചെയ്യുന്ന കോശങ്ങൾ ആണ് . അതിനാൽ ഈ ഭാഗങ്ങളിലെ കോശങ്ങൾ കൂടുതൽ നശിപ്പിക്കപ്പെടുകയും കൂടുതൽ പാർശ്വഫലങ്ങൾ ഇത്തരം ഭാഗങ്ങളിൽ ഉണ്ടാവുകയും ചെയ്യുന്നു .

എന്ത് തരാം പാർശ്വഫലങ്ങൾ ഉണ്ടാവുമെന്നത് മരുന്ന് , മരുന്നിന്റെ ഡോസ് , രോഗിയുടെ ആരോഗ്യം അങ്ങനെ പല ഘടകങ്ങളെ ആശ്രയിച്ചിരിക്കും . എങ്കിലും സാധാരണ കണ്ടുവരുന്ന പാർശ്വഫലങ്ങൾ താഴെ കൊടുത്തിരിക്കുന്നു

1 ക്ഷീണം

ക്ഷീണം എന്നാൽ മാനസികമായും ശാരീരികമായും വൈകാര്യമായും ഉള്ള തളർച്ച ആവാം . നന്നായി ഭക്ഷണം കഴിച്ചാലും ഉറങ്ങിയാലും എപ്പോളും തളർച്ച തോന്നുന്ന അവസ്ഥ . കീമോ എടുക്കുന്ന മിക്ക രോഗികളിലും കണ്ടുവരുന്നു . Cancer fatigue എന്ന ഈ അവസ്ഥ ദൈനം ദിന ജോലികളെയും കുടുംബ ബന്ധങ്ങളെയും ബാധിച്ചേക്കാം .

ക്ഷീണം എങ്ങനെ നിയന്ത്രിക്കാം

വ്യായാമം : ക്ഷീണം നിയന്ത്രിക്കാൻ വ്യായാമം ആണ് ഏറ്റവും മികച്ച പ്രധിവിധി എന്ന് ഗവേഷണങ്ങൾ സൂചിപ്പിക്കുന്നു . വളരെ ചെറിയ രീതിയിൽ ആണെങ്കിലും ശരീരത്തിന് വ്യായാമം കൊടുക്കുന്നത് ക്ഷീണം അകറ്റാൻ സഹായിക്കും . ഏതു തരാം വ്യായാമം ആണ് നിങ്ങൾക്ക് മികച്ചതെന്ന് ഡോക്ടറിനോട് അല്ലെങ്കിൽ physical therapist നോട് ചോദിക്കാം .
Counselling: മാനസികമായ ബുദ്ധിമുട്ടുകൾ നേരിടുന്നവരിൽ counselling എടുക്കുന്നതിലൂടെ ക്ഷീണം നിയന്ത്രിക്കാം.
Mind-body strategies : യോഗ , music തെറാപ്പി , acupuncture, massage മുതലായ രീതികൾ
ആഹാരം : കാൻസർ കാരണം ആഹാരം ശരിക്ക് കഴിക്കാൻ കഴിയാത്തവർ ഒരു Dietitian നെ കാണേണ്ടതാണ്

2 മുടികൊഴിച്ചിൽ

ചില കീമോ മരുന്നുകൾ മുടികൊഴിച്ചിൽ ഉണ്ടാക്കിയേക്കാം .ആദ്യത്തെ കുറച്ചു കീമോതെറാപ്പി കഴിയുമ്പോൾ തുടങ്ങുന്ന മുടികൊഴിച്ചിൽ ഒരു മാസം കഴിയുമ്പോൾ കൂടിയേക്കാം . കാൻസർ ചികിത്സ മുടി കൊഴിച്ചിൽ , മുടിയുടെ കട്ടി കുറയുന്നത് , മുടിയുടെ texture മാറാൻ കാരണമാകുന്നു . ശരീരത്തിലെ എല്ലാ ഭാഗത്തിലെയും രോമത്തെ ഇത് ബാധിക്കാം . കീമോതെറാപ്പി കൂടാതെ radiation therapy,

targeted therapy, immunotherapy, hormone therapy, bone marrow (stem cell) transplant മുതലായ ചികിത്സകളും മുടിയുടെ ആരോഗ്യവും വളർച്ചയും മാറ്റിയേക്കാം . Cytoxan (cyclophosphamide),Ifex (ifosfamide), Adriamycin or Doxil (doxorubicin), Vepesid or Toposar (etoposide), Camptosar (irinotecan), Taxol (paclitaxel), Taxotere (docetaxel), Ellence (epirubicin),Marqibo or Vincasar (vincristine), Alocrest or Navelbine (vinorelbine), Efudex (fluorouracil) മുതലായ കീമോതെറാപ്പി മരുന്നുകൾ മുടികൊഴിച്ചിൽ ഉണ്ടാക്കുന്നു.

ചികിത്സ കഴിയുമ്പോൾ മുടി തിരിച്ചു വരുമെങ്കിലും മുടി പഴയതു പോലെ ആകണമെന്നില്ല .മുടിയുടെ കട്ടിയോ texture മാറാം . ചികിത്സ കഴിഞ്ഞു 1 മുതൽ 3 മാസത്തിനുള്ളിൽ മുടി തിരിച്ചു വരാം.പൂർണമായി മുടി തിരിച്ചെത്താൻ 6 മുതൽ 12 മാസം എടുക്കാം . paclitaxel (Taxol) and docetaxel (Taxotere) മരുന്നുകൾ എടുത്തവരിൽ മുടികൊഴിച്ചിൽ ചികിത്സ കഴിഞ്ഞു 6 മാസം വരെ നീണ്ടു നിൽക്കാം .

കാൻസർ ചികിത്സയിൽ സംഭവിക്കുന്ന മുടികൊഴിച്ചിൽ തടയാൻ സാധിക്കുമോ

Scalp cooling: scalp cryotherapy, cold cap therapy, and scalp hypothermia എന്നിങ്ങനെ അറിയപ്പെടുന്ന ഈ ചികിത്സയിൽ കീമോതെറാപ്പിക്ക് മുൻപും ചികിത്സ സമയത്തും ചികിത്സ കഴിഞ്ഞും ഈ ക്യാപ് ധരിക്കണം . തണുപ്പ് തലയിലെ ചർമത്തിലെ രക്ത കുഴലുകൾ ചുരുക്കുന്നു ( narrow) . ഇതുവഴി ചര്മത്തിലേക്കുള്ള രക്തവും കീമോ മരുന്നും കുറയുന്നു . Leukaemia പോലെയുള്ള രക്ത കാൻസറുകളിൽ ഇത് ഉപയോഗിക്കാറില്ല .

മരുന്ന് : minoxidil എന്ന മരുന്ന് hormonal therapy or targeted therapy കരണമുണ്ടാവുന്ന മുടിയുടെ കട്ടി കുറയുന്നത് ( thinning) തടയാൻ സഹായിക്കും .

കാൻസർ ചികിത്സ സമയത്തെ മുടിയുടെ പരിപാലനം

Gentle ആയ fragrance ( മണം) ഇല്ലാത്ത ഷാംപൂ ഉപയോഗിക്കുക
എല്ലാ ദിവസവും മുടി കഴുകാതിരിക്കുക
മുടി കഴുകി കഴിഞ്ഞു തുണി ഉപയോഗിച്ച് വെള്ളം ഒപ്പി എടുക്കുക
പുറത്തുപോകുമ്പോൾ സ്കാർഫ് അല്ലെങ്കിൽ തൊപ്പി ധരിക്കുക
മുടി heat ഉപയോഗിച്ച് style ചെയ്യാതിരിക്കുക ( hair straightener, curling iron ഉപയോഗിക്കാതിരിക്കുക )
വളരെ മൃദുവായ പിലോ കേസ് ഉപയോഗിക്കുക ( സിൽക്ക് , സാറ്റിൻ)

കാൻസർ ചികിത്സ കഴിഞ്ഞു വരുന്ന മുടിയുടെ പരിപാലനം

ആഴ്ചയിൽ 2 തവണ മാത്രം മുടി കഴുകുക
തല മസ്സാജ് ചെയ്യുക
ചികിത്സ കഴിഞ്ഞു 3 മാസത്തേക്ക് മുടി കളർ ചെയ്യാതിരിക്കുക
Heat ഉപയോഗിച്ച് മുടി ചുരുട്ടുന്നത് , നേരെ ആക്കുന്നത് ഒഴിവാക്കുക

3 വേദന

കീമോതെറാപ്പി പല രീതിയിലുള്ള വേദന ഉണ്ടാക്കിയേക്കാം .തലവേദന , വയർ വേദന , പേശി വേദന , ഞരമ്പിലെ വേദന മുതലായവ ഇതിൽപ്പെടുന്നു .മറ്റു വേദനകൾ ഇടക്ക് വന്നും പോയിയും ഇരിക്കുമെങ്കിലും നാഡി വേദന ( nerve pain) ഓരോ ഡോസ് കഴിയുമ്പോളും കൂടി വന്നേക്കാം .

നാഡി വേദന മാറാൻ മാസങ്ങളോ വർഷങ്ങളോ എടുത്തേക്കാം .വേദന നിയന്ത്രിക്കാൻ വേദന സംഹാരികൾ ( pain killers) ഡോക്ടർ നൽകും .കൂടാതെ കീമോ മരുന്നിന്റെ ഡോസും മാറ്റിയേക്കാം .

4 വായിലും തൊണ്ടയിലും അൾസർ (ulcer)- Mucositis

കീമോതെറാപ്പി വായിലും തൊണ്ടയിലും ഉള്ള കോശങ്ങളെ നശിപ്പിക്കുമ്പോൾ ulcer ഉണ്ടാക്കിയേക്കാം .ഇതിനെ mucositis എന്ന് പറയുന്നു .കീമോതെറാപ്പി എടുത്തു 5 മുതൽ 14 ദിവസത്തിനുള്ളിലാണ് mucositis ആരംഭിക്കുന്നത് .കീമോതെറാപ്പി കൂടാതെ വായിൽ റേഡിയേഷൻ എടുക്കുമ്പോളും bone marrow/stem cell transplantation ചികിത്സ എടുക്കുന്നവരിലും mucositis ഉണ്ടാവാം .അൾസറിൽ അണുബാധ ഉണ്ടാവാതെയും നോക്കണം .ചികിത്സ കഴിയുമ്പോൾ അൾസർ പൂർണമായി മാറും .

Mucositis എങ്ങനെ നിയന്ത്രിക്കാം

Mucositis വരാതെ നോക്കുക വന്നെങ്കിൽ തന്നെ തുടക്കത്തിൽ തന്നെ ചികില്സിക്കുക എന്നതാണ് mucositis നിയന്ത്രിക്കാനുള്ള ഏറ്റവും എളുപ്പ മാർഗം .

ദന്ത ഡോക്ടറിനെ കണ്ടു വായുടെ ആരോഗ്യം ഉറപ്പ് വരുത്തുക
കീമോതെറാപ്പി എടുക്കുമ്പോൾ ice chips വായിൽ കുറച്ചു സമയം വെക്കുന്നത് ഉപകരിക്കും
വേദന മരുന്നുകൾ / mouthwash ഡോക്ടറിന്റെ നിർദേശ പ്രകാരം എടുക്കുക
വായുടെ ആരോഗ്യം കാത്തുസൂക്ഷിക്കുക
Soft ആയ ബ്രഷ് ഉപയോഗിച്ച് മാത്രം പല്ലു തേക്കുക
1/2 സ്പൂൺ ഉപ്പും 1/2 സ്പൂൺ baking soda ഒരു ഗ്ലാസ്സ് വെള്ളത്തിൽ കലക്കി വായ gargle ചെയ്യുക
Alcohol ഉള്ള mouthwash ഉപയോഗിക്കാതിരിക്കുക
അധികം കട്ടി ഇല്ലാത്ത ആഹാരം കഴിക്കുക
അധികം ചൂടുള്ളതോ എരിവുള്ളതോ ആയ ആഹാരം ഒഴിവാക്കുക

5 വയറിളക്കം

ചെറിയ രീതിയിലുള്ള വയറിളക്കം ആരോഗ്യത്തിന് പ്രശ്നം ഒന്നും ഉണ്ടാകില്ലെങ്കിലും വയറിളക്കം കൂടുതൽ ആയാൽ dehydration, electrolyte imbalance ഉണ്ടാക്കിയേക്കാം .Chemotherapy ,Immunotherapy, Targeted therapy , ഇടുപ്പ് ഭാഗത്തേക്കുള്ള Radiation therapy ,കുടൽ നീക്കം ചെയ്യുന്ന സർജറി ,പാൻക്രിയാസ് കാൻസർ , വൻകുടൽ - മലാശയ കാൻസർ മുതലായ ക്യാന്സറുകളും വയറിളക്കം ഉണ്ടാക്കിയേക്കാം .

വയറിളക്കം എങ്ങനെ നിയന്ത്രിക്കാം

വയറിളക്കം ഉണ്ടാക്കാൻ സാധ്യതയുള്ള ചികിത്സ ആണെങ്കിൽ ഡോക്ടർ loperamide (Imodium) , combination of diphenoxylate and atropine (Lomotil) മരുന്ന് നേരത്തെ തന്നേക്കാം . ഇത് കൃത്യമായി കഴിക്കുക
വയറിളക്കം ഉള്ളവർ കാപ്പി , മദ്യം , പാൽ, ഓറഞ്ച് , ഫൈബർ കൂടുതൽ ഉള്ള ആഹാരങ്ങൾ ഒഴിവാക്കുക
ദഹിക്കാൻ എളുപ്പമുള്ള ആഹാരം കുറവ് അളവിൽ കഴിക്കുക
ധാരാളം വെള്ളം കുടിക്കുക

6 മലം മുറുക്കം ( constipation)

കാൻസർ ഉള്ളവരിൽ കാൻസർ കാരണമോ , ചികിത്സയോ , കഴിക്കുന്ന മരുന്നുകളോ മലം മുറുക്കൻ ഉണ്ടാക്കിയേക്കാം .

മലം മുറുക്കം എങ്ങനെ നിയന്ത്രിക്കാം

ധാരാളം വെള്ളം കുടിക്കുക
ധാരാളം നാരുകൾ അടങ്ങിയ ആഹാരം കഴിക്കുക ( ഡോക്ടറിന്റെ നിർദേശ പ്രകാരം )
ചെറിയ രീതിയിലെങ്കിലും വ്യായാമം ചെയ്യുക
മരുന്നെടുത്തിട്ടും മലം പോകുന്നില്ലെങ്കിൽ ഡോക്ടറിനോട് ചോദിച്ചു വേറെ മരുന്ന് / enema എടുക്കുക

7 ഓക്കാനം , ഛർദി

കാൻസർ കാരണമോ കാൻസർ ചികിത്സ കാരണമോ മിക്ക രോഗികളിലും കാണപ്പെടുന്ന ഒരു ലക്ഷണം ആണ് ഓക്കാനവും ഛർദിയും .

ഓക്കാനം , ഛർദി എങ്ങനെ നിയന്ത്രിക്കാം

ഡോക്ടർ തരുന്ന മരുന്ന് കൃത്യമായി കഴിക്കുക
മരുന്ന് കഴിച്ചിട്ടും മാറ്റമില്ലെങ്കിൽ ഡോക്ടറിനോട് ഇതിനെപറ്റി ചർച്ച ചെയ്യുക
ചെറിയ അളവിൽ ആഹാരം ഇടക്കിടക്ക് കഴിക്കുക
ധാരാളം വെള്ളം കുടിക്കുക
Meditation, യോഗ , acupuncture മുതലായ relaxation methods പരിശീലിക്കുക
ഇഞ്ചി ( ginger) പോലെയുള്ള വസ്തുക്കൾ ഇത്തരം ലക്ഷണങ്ങൾ കുറക്കാൻ സഹായിച്ചേക്കാം . ഡോക്ടറിന്റെ നിദേശ പ്രകാരം മാത്രം herbal മരുന്നുകൾ ഉപയോഗിക്കുക .

Blood disorders: എല്ലിനുള്ളിലെ മജ്ജയിലാണ് രക്ത കോശങ്ങൾ ഉല്പാദിപ്പിക്കുന്നത് . ലുക്കിമിയ പോലെയുള്ള കാൻസർ ,കീമോതെറാപ്പി ,റേഡിയേഷൻ പോലെയുള്ള ചികിത്സകൾ മജ്ജയിലെ രക്ത കോശങ്ങളുടെ ഉത്പാദനത്തെ ബാധിക്കുന്നു .CBC, Platelet count മുതലായ രക്ത പരിശോധനയിലൂടെ ഡോക്ടർ രക്ത കോശങ്ങളുടെ അളവ് കൃത്യമായി നിരീക്ഷിക്കുന്നതാണ് .

രക്ത കോശങ്ങളുടെ കുറവ് കാരണം ഉണ്ടാവുന്ന ലക്ഷണങ്ങൾ താഴെ കൊടുത്തിരിക്കുന്നു

8 വിളർച്ച ( Anemia)

ചുവന്ന രക്ത കോശങ്ങൾ കുറവായതിനാൽ . വിളർച്ച ഉള്ളവരിൽ ക്ഷീണം , മയക്കം , ശ്വാസം മുട്ടൽ ഉണ്ടായേക്കാം .

വിളർച്ച എങ്ങനെ നിയന്ത്രിക്കാം

വിളർച്ച ഉള്ളവരിൽ hemoglobin ന്റെ അളവ് അനുസരിച്ചു ഡോക്ടർ രക്തം കയറ്റാൻ ( blood transfusion) നിർദേശിച്ചേക്കാം.
മരുന്ന് : erythropoiesis-stimulating agents (ESAs) എന്ന മരുന്ന് കീമോതെറാപ്പി കാരണമുള്ള വിളർച്ചക്കു നൽകിയേക്കാം .
വിറ്റാമിൻ/ മിനറൽ സപ്ലിമെന്റ് : iron, folic acid, or vitamin B12 മുതലായ supplements രക്ത കോശങ്ങളുടെ ഉത്പാദനം കൂട്ടാനായി നൽകിയേക്കാം
ആഹാരം : iron, folic acid കൂടുതൽ ഉള്ള ആഹാരം ഒരു dietician ന്റെ നിർദേശപ്രകാരം കഴിക്കുക

9 അണുബാധ (Infections)

ലുക്കിമിയ പോലെയുള്ള കാൻസർ ഉള്ളവരിലും കാൻസർ ചികിത്സ എടുക്കുന്നവരിലും വെളുത്ത രക്ത കോശങ്ങളുടെ ( WBC) എണ്ണം കുറയുകയും ( leukopenia ) ഇത് ശരീരത്തിന്റെ രോഗപ്രതിരോധ ശക്തി ( immunity) കുറക്കുകയും പല അണുബാധകൾക്ക് കാരണമാവുകയും ചെയ്യുന്നു . കൗണ്ട് വളരെയധികം കുറയുന്നവരിൽ ജീവന് വരെ അപകടമുണ്ടാക്കാവുന്ന സങ്കീർണ്ണതകൾ ഉണ്ടായേക്കാം .

അണുബാധയുടെ ലക്ഷണങ്ങൾ

പനി- 38 ഡിഗ്രി / 100.5°F യിൽ കൂടുതൽ
വിറയൽ
വായ , തൊണ്ട വേദന
വയർ വേദന
മൂത്രം ഒഴിക്കുമ്പോൾ വേദന / നീറ്റൽ
ചുമ / ശ്വാസം മുട്ടൽ

അണുബാധ എങ്ങനെ തടയാം

കൈ ഇടക്കിടക്ക് നന്നായി കഴുകുക
എല്ലാ ദിവസവും കുളിക്കുക
കൗണ്ട് കുറവാണെങ്കിൽ മാസ്ക് ധരിക്കുക
അസുഖമുള്ള സന്ദർശകരെ ഒഴിവാക്കുക
മറ്റുള്ളവരുടെ പാത്രം, കപ്പ് ഉപയോഗിക്കാതിരിക്കുക

10 Platelet കുറയുന്നത്

ലുക്കിമിയ / ലിംഫോമ മുതലായ കാൻസർ ഉള്ളവരിലും , കീമോതെറാപ്പി , റേഡിയേഷൻ മുതലായ ചികിത്സ എടുക്കുന്നവരിലും platelet കുറയാറുണ്ട് ( thrombocytopenia) .

Platelet കുറയുന്നതിന്റെ ലക്ഷണങ്ങൾ

പെട്ടന്ന് മുറിവുകൾ ഉണ്ടാവുന്നു
ചർമത്തിൽ ചെറിയ ചുവന്ന പൊട്ടുകൾ പോലെ കാണപ്പെടുന്നു
മൂക്കിൽ നിന്നോ മോണയിൽ നിന്നോ ബ്ലീഡിങ്
ചുവന്നതോ കറുത്തതോ നിറത്തിൽ മലം പോകുന്നത്
ചുവന്ന , പിങ്ക് നിറത്തിൽ മൂത്രം പോകുന്നത്
രക്തം കലർന്ന ഛർദി
ആർത്തവം പതിവിലും വളരെ കൂടുന്നത്
തീവ്രത കൂടിയ തലവേദന
സന്ധി വേദന
വളരെ ക്ഷീണം / മയക്കം തോന്നുന്നത്

ചികിത്സയുടെ സമയത്തു കൗണ്ട് കുറഞ്ഞാൽ കീമോയുടെ ഡോസ് കുറച്ചേക്കാം. Platelet വളരെ കുറവാണെങ്കിൽ transfusion വേണ്ടി വന്നേക്കാം .

Platelet കുറയുന്നത് കാരണമുള്ള complications എങ്ങനെ നിയന്ത്രിക്കാം

പല്ലു തേക്കുമ്പോൾ മോണ പൊട്ടാതിരിക്കാൻ extra soft ആയ ബ്രഷ് ഉപയോഗിക്കുക .
Floss ചെയ്യാതിരിക്കുക
പാചകം ചെയ്യുന്നവർ മുറിവുകൾ ഉണ്ടാവാതെ ശ്രദ്ധിക്കുക
Shave ചെയ്യുന്നവർ electric razor ഉപയോഗിക്കുക

11 നാഡീവ്യവസ്ഥയിലെ സങ്കീർണ്ണതകൾ

കാരണങ്ങൾ

തലച്ചോറിലോ നട്ടെല്ലിലോ ഉള്ള കാൻസർ
കീമോതെറാപ്പി മരുന്നുകൾ

കാൻസർ സർജറി
റേഡിയേഷൻ

ഇത് കാരണം താഴെ പറയുന്ന ലക്ഷണങ്ങൾ കണ്ടേക്കാം

തരിപ്പ്
പുകച്ചിൽ
കൈ കാലുകളിൽ തളർച്ച
പേശികളിൽ തളർച്ച / വേദന
ബാലൻസ് തെറ്റുക
കൈ കാലുകളിൽ വിറയൽ
കാഴ്ച , കേഴ്‌വിയിൽ ബുദ്ധിമുട്ട്

നാഡിയുമായി ബന്ധപ്പെട്ട ബുദ്ധിമുട്ടുകൾ മാറിവരാൻ ചികിത്സ കഴിഞ്ഞു 6 മുതൽ 12 മാസം വേണ്ടി വന്നേക്കാം . നാഡീവ്യവസ്ഥയിലെ ബുദ്ധിമുട്ടുകൾ അതാതു മേഖലയിലുള്ള ഡോക്ടർസ് ആയിരിക്കും കൈകാര്യം ചെയ്യുന്നത്. Occupational therapy ,Physical therapy , Speech therapy മുതലായ ചികിത്സകൾ വേണ്ടി വന്നേക്കാം .

12 ചിന്തയിലും ഓർമയിലും വരുന്ന മാറ്റങ്ങൾ

കീമോതെറാപ്പി കഴിഞ്ഞ ചില രോഗികളിൽ ചിന്തിക്കാനും ശ്രദ്ധിക്കാനും ബുദ്ധിമുട്ടുകൾ ഉണ്ടായേക്കാം . chemobrain എന്ന് രോഗികൾക്കിടയിൽ ഇത് അറിയപ്പെടുന്നു .

മരുന്ന് , Occupational therapy ,vocational rehabilitation മുതലായ ചികിത്സകളിലൂടെ കുറച്ചൊക്കെ ഇത്തരം ബുദ്ധിമുട്ടുകൾ കുറക്കാം .

13 ലൈംഗിക , പ്രത്യുല്പാദന വ്യവസ്ഥയിലെ മാറ്റങ്ങൾ

കീമോതെറാപ്പി എടുക്കുന്നത് ഗർഭിണി ആവാനും , ഗർഭം മുന്നോട്ടു കൊണ്ട് പോകാനും ബുദ്ധിമുട്ടുകൾ ഉണ്ടാക്കിയേക്കാം .കുട്ടികൾ ഉണ്ടാകാത്തവർ അല്ലെങ്കിൽ ഭാവിയിൽ കുട്ടികൾ വേണ്ടവർ ചികിത്സക്ക് മുൻപേ ഡോക്ടറിനോട് fertility preserve ചെയുന്ന ചികിത്സകളെക്കുറിച്ചു സംസാരിക്കേണ്ടതാണ് .

14 വിശപ്പില്ലായ്മ

കാൻസർ ചികിത്സ എടുക്കുന്ന മിക്ക രോഗികളിലും വിശപ്പില്ലായ്മ കണ്ടുവരുന്നു . ശരിക്ക് ആഹാരം കഴിക്കാൻ പറ്റാതെ വരുമ്പോൾ പോഷകങ്ങളുടെ കുറവുണ്ടാകുകയും ഇത് മറ്റു ബുദ്ധിമുട്ടുകളും ഉണ്ടാക്കിയേക്കാം .

വിശപ്പില്ലായ്മ എങ്ങനെ നിയന്ത്രിക്കാം

ഒരു dietician നെ കണ്ടു meal plan ഉണ്ടാക്കുക
ഒരു സമയത്തു സാധാരണ കഴിക്കുന്ന അളവ് കഴിക്കാൻ സാധിക്കണമെന്നില്ല . പകരം ചെറിയ അളവിൽ 5 മുതൽ 6 തവണ ആഹാരം കഴിക്കുക .
കലോറിയും പ്രോട്ടീനും കൂടുതൽ ഉള്ള ആഹാരം കഴിക്കുക ( nuts, dry fruits, മുട്ട etc)

‍