Cancer Symptoms (കാൻസർ ലക്ഷണങ്ങൾ)

കാൻസർ - പൊതുവായ ലക്ഷണങ്ങൾ

‍

നിങ്ങൾക്ക് പരിക്കോ അസുഖമോ രോഗമോ ഉണ്ടെന്ന് ശരീരം നിങ്ങളെ അറിയിക്കുന്നതിനുള്ള വഴികളാണ് അടയാളങ്ങളും ലക്ഷണങ്ങളും.

‍

അടയാളം ( Sign ): പനി അല്ലെങ്കിൽ രക്തസ്രാവം പോലുള്ള ഒരു അടയാളം മറ്റൊരാൾക്ക് കാണാനോ അളക്കാനോ കഴിയും.
ലക്ഷണം ( Symptom ) : വേദനയോ ക്ഷീണമോ പോലുള്ള ഒരു ലക്ഷണം, അതുള്ള വ്യക്തിക്ക് ശ്രദ്ധിക്കാൻ അല്ലെങ്കിൽ അനുഭവപ്പെട്ട് അറിയാൻ സാധിക്കും .

‍

ക്യാൻസറിന്റെ ലക്ഷണങ്ങൾ കാൻസർ എവിടെയാണ്, അത് എത്ര വലുതാണ്, അടുത്തുള്ള അവയവങ്ങളെയോ ടിഷ്യുകളെയോ അത് എത്രമാത്രം ബാധിക്കുന്നു എന്നതിനെ ആശ്രയിച്ചിരിക്കുന്നു. കാൻസർ മറ്റു ഭാഗങ്ങളിലേക്ക് പടർന്നിട്ടുണ്ടെങ്കിൽ (മെറ്റാസ്റ്റാസൈസ്), ശരീരത്തിന്റെ വിവിധ ഭാഗങ്ങളിൽ ലക്ഷണങ്ങൾ പ്രത്യക്ഷപ്പെടാം.

ക്യാൻസർ എങ്ങനെയാണ് ലക്ഷണങ്ങൾ ഉണ്ടാക്കുന്നത്?

‍

കാൻസർ വളരുമ്പോൾ അടുത്തുള്ള അവയവങ്ങൾ, രക്തക്കുഴലുകൾ, ഞരമ്പുകൾ എന്നിവയിലേക്ക് കടക്കാൻ തുടങ്ങാം . ഈ സമ്മർദ്ദം ക്യാന്സറിന്റെ ചില ലക്ഷങ്ങൾക്ക് കാരണമാകുന്നു .

‍

ക്യാൻസറിന്റെ ചില പൊതു ലക്ഷണങ്ങൾ എന്തൊക്കെയാണ്?

കാൻസർ രോഗികളിൽ പൊതുവായി കണ്ടുവരുന്ന ലക്ഷണങ്ങൾ താഴെ കൊടുത്തിരിക്കുന്നു

വിശ്രമിച്ചാലും മാറാത്ത ക്ഷീണം
കാരണമില്ലാതെ തൂക്കം കൂടുകയോ കുറയുകയോ ചെയ്യുന്നത് ( 5 kg)
ആഹാരം കഴിക്കുന്നതിൽ ബുദ്ധിമുട്ടുകൾ : വിശപ്പില്ലായ്മ , ഭക്ഷണം വിഴുങ്ങാൻ പറ്റാതെ വരുന്നത് , വയർ വേദന , ഓക്കാനം , ഛർദി
ശരീരത്തിൽ എവിടെയെങ്കിലും മുഴകൾ അല്ലെങ്കിൽ നീര്
കാരണമൊന്നും ഇല്ലാതെ അടുത്തിടെ തുടങ്ങിയ വേദന
ചർമത്തിലെ മാറ്റങ്ങൾ : മുഴകൾ , പുതിയ മറുക് , പഴയ മറുകിൽ മാറ്റങ്ങൾ , ഉണങ്ങാത്ത വൃണങ്ങൾ / മുറിവുകൾ
കുറയാത്ത ചുമ / കരകറപ്പ്
കാരണമൊന്നും ഇല്ലാതെ ഉണ്ടാവുന്ന രക്തസ്രാവം , മുറിവുകൾ
മലം മുറുക്കം , വയറിളക്കം , മലത്തിൽ രക്തം അല്ലെങ്കിൽ നിറ വ്യത്യാസം
മൂത്രം പോകുമ്പോൾ വേദന , മൂത്രത്തിൽ രക്തം , ഇടക്കിടക്ക് മൂത്രം പോകുന്നത് , മൂത്രം പോകുമ്പോൾ തടസം
പനി
രാത്രി അമിതമായി വിയർക്കുന്നത്
തലവേദന
കാഴ്ച്ചയിൽ മാറ്റം
കേഴ്‌വിയിൽ മാറ്റം
വായിൽ വൃണം , വേദന , രക്തസ്രാവം , മരവിപ്പ്

‍

മുകളിൽ കൊടുത്തിരിക്കുന്ന ലക്ഷണങ്ങൾ പൊതുവായി കണ്ടുവരുന്നവ ആണെങ്കിലും ഇവിടെ പട്ടികപ്പെടുത്തിയിട്ടില്ലാത്ത മറ്റു പല ലക്ഷണങ്ങളുണ്ട് .

‍