Cancer General Facts (ക്യാൻസറിനെ കുറിച്ചുള്ള പൊതുവായ വിവരങ്ങൾ)

ക്യാൻസറിനെ കുറിച്ചുള്ള പൊതുവായ വിവരങ്ങൾ

എന്താണ് കാൻസർ

നൂറിൽ അധികം അസുഖങ്ങൾ ഉൾപ്പെടുന്ന ഒരു രോഗമാണ് കാൻസർ .ശരീരത്തിൽ എവിടെ വേണമെങ്കിലും കാൻസർ ഉണ്ടാവാം .

കാൻസർ എങ്ങനെയാണ് തുടങ്ങുന്നത്

ശരീരത്തിന്റെ ഏറ്റവും basic unit ആണ് കോശങ്ങൾ. ഒരു വീടുണ്ടാക്കുമ്പോൾ ഓരോ കല്ലുകൾ ഒന്നിനുമേലെ അടുക്കിവെക്കുന്നതുപോലെയാണ് ശരീരത്തിൽ കോശങ്ങൾ . ഓരോ അവയവവും ഓരോ ഭാഗവും കോശങ്ങളാൽ നിർമിച്ചിരിക്കുന്നു .

എല്ലാ കോശങ്ങളും ഒരുപോലെയല്ല . വ്യത്യസ്ത ഭാഗങ്ങളിലെ കോശങ്ങൾക്ക് വ്യത്യസ്ത ആയുസാണ് . പഴയ കോശങ്ങൾ നശിച്ചുകൊണ്ടിരിക്കും പുതിയ കോശങ്ങൾ ഉണ്ടായിക്കൊണ്ടിരിക്കും .വളരെ കൃത്യമായി നടക്കുന്ന ഈ പ്രവർത്തനത്തെ കോശ വിഭജനം എന്ന് വിളിക്കുന്നു . ഒരു കോശം രണ്ടാവും രണ്ടു നാലാവും നാലു പതിനാറാവും അങ്ങനെ തുടരുന്നു ഈ പ്രവർത്തനം . എന്നാൽ ക്യാന്സറിൽ ചില കാരണം കാരണം ഈ കോശ വിഭജനത്തിൽ മാറ്റം സംഭവിക്കുന്നു . കോശങ്ങൾ യാതൊരു നിയന്ത്രണമില്ലാതെ വിഭജിക്കാൻ തുടങ്ങും .ഇങ്ങനെ പെരുകുന്ന കോശങ്ങൾ കൂടി ചേർന്ന് ഒരു മുഴയാവുന്നു .ഈ മുഴ (Tumor) കാൻസർ ആവാം കാൻസർ അല്ലാത്ത benign മുഴ ആവാം .ലുക്കിമിയ , മൈലോമ , ലിംഫോമ പോലെയുള്ള ക്യാന്സറിൽ മുഴ ഉണ്ടാവില്ല .

കാൻസർ പല തരങ്ങൾ

എവിടെ ആരംഭിക്കുന്നു എന്നത് അനുസരിച്ചു പ്രധാനമായും 4 ആയി ക്യാന്സറിനെ തിരിച്ചിരിക്കുന്നു

Carcinomas: ശരീരത്തിന്റെ ഉള്ളിലുള്ള അവയവങ്ങളെയും ഗ്രന്ധികളെയും മൂടിയിരിക്കുന്ന tissue യിൽ ആരംഭിക്കുന്ന ക്യാന്സറിനെ carcinoma എന്ന് വിളിക്കുന്നു .ഏറ്റവും കൂടുതൽ കണ്ടുവരുന്ന ഈ കാൻസർ മുഴ (solid tumors) ഉണ്ടാക്കുന്നവയാണ് .
Sarcomas: ശരീരത്തിലെ ഭാഗങ്ങളെ പരസ്പരം ബന്ധിപ്പിക്കുകയും താങ്ങുകയും (support) ചെയ്യുന്ന tissue യിൽ തുടങ്ങുന്ന ക്യാന്സറിനെ sarcoma എന്ന് വിളിക്കുന്നു .കൊഴുപ്പ് , പേശി , നാഡി, സന്ധി , രക്ത കുഴൽ , lymph കുഴൽ , എല്ല്, cartilage, tendon മുതലായ ഭാഗങ്ങളിൽ നിന്ന് ആരംഭിക്കാം .
Leukaemia: രക്ത കോശങ്ങളിൽ നിന്ന് ആരംഭിക്കുന്ന കാൻസർ . acute lymphocytic leukemia, chronic lymphocytic leukemia, acute myeloid leukemia, and chronic myeloid leukemia എന്നീ 4 തരം കാൻസർ ഇതിൽ വരുന്നു .
Lymphoma: lymphatic ഭാഗങ്ങളിൽ ആരംഭിക്കുന്ന കാൻസർ ലിംഫോമ എന്നറിയപ്പെടുന്നു . Hodgkin lymphoma and non-Hodgkin lymphoma എന്നിങ്ങനെ 2 തരം ഇതിൽപ്പെടുന്നു .

കാൻസർ എങ്ങനെയാണ് വ്യാപിക്കുന്നത്

പ്രധാനമായും രക്തത്തിലൂടെയും lymph വഴിയും ആണ് കാൻസർ മറ്റു ഭാഗങ്ങളിലേക്ക് വ്യാപിക്കുന്നത് .കാൻസർ ഏറ്റവും ആദ്യം വ്യാപിക്കുന്ന ഒരു ഭാഗമാണ് (lymph node) കഴല .ശരീരത്തിന്റെ പല ഭാഗങ്ങളിൽ കൂട്ടമായി കണ്ടുവരുന്ന ചെറിയ പയർ മണി പോലെയുള്ള ഭാഗമാണ് കഴല .അണുബാധ തടയാൻ സഹായിക്കുന്ന ഭാഗങ്ങളാണിവ .

കാൻസർ രോഗനിർണയം

കാൻസർ രോഗനിർണയത്തിനായി പൊതുവായി ചെയ്യുന്ന പരിശോധനകൾ താഴെ കൊടുക്കുന്നു . ഓരോ ക്യാന്സറിലും ചെയ്യുന്ന പരിശോധനകൾ അതതു ക്യാന്സറിന്റെ ഭാഗത്തു വിശദമായി കൊടുത്തിരിക്കുന്നു .

1 Barium Enema

കുടലും മലാശയവും വിശദമായി കാണാനായി ചെയ്യുന്ന ഒരു X-ray പരിശോധന ആണ് barium enema. Barium എന്നത് ഒരു contrast medium ആണ് . ഇത് radioactive ആയ കെമിക്കൽ അല്ല . ആദ്യം barium കലർന്ന ദ്രാവകം മലാശയത്തിലേക്ക് കുത്തിവെക്കുന്നു . അതിനു ശേഷം X-ray എടുക്കുന്നു . Barium enema ചെയ്യുന്നതിന് മുൻപ് എന്തൊക്കെ കഴിക്കണം എന്തൊക്കെ ചെയ്യണം എന്നത് ഡോക്ടർ വിശദമായി പറയുന്നതായിരിക്കും .

2 Biopsy (ബയോപ്സി)

കാൻസർ സംശയിക്കുന്ന ഭാഗത്തു നിന്ന് ഒരു ഭാഗം നീക്കം ചെയ്തു മൈക്രോസ്കോപ്പിലൂടെ പരിശോധിക്കുന്നതിനെ ബയോപ്സി എന്ന് വിളിക്കുന്നു .മറ്റു പല പരിശോധനയിലൂടെ കാൻസർ ഉണ്ടെന്ന് മനസിലാക്കാം എങ്കിലും കാൻസർ ഉണ്ടെന്ന് ഉറപ്പ് വരുത്താൻ ബയോപ്സിക്ക് മാത്രമേ കഴിയു .

ഏതു ഭാഗത്തു നിന്നാണോ ബയോപ്സി എടുക്കേണ്ടത് എന്നതനുസരിച്ചു പല ബയോപ്സി ഉണ്ട് .

Needle ബയോപ്സി : നേരിയ ഒരു സൂചി ഉപയോഗിച്ച് കാൻസർ കോശങ്ങളും ദ്രാവകവും ശേഖരിക്കുന്ന പരിശോധനയാണ് fine needle aspiration biopsy .വലിയ സൂചി ഉപയോഗിച്ച് ചെയ്യുന്ന ബയോപ്സി core needle biospy എന്നറിയപ്പെടുന്നു .
Image guided biospy: നേരിട്ട് കാണാനോ പരിശോധിക്കാനോ സാധിക്കാത്ത കാൻസർ ആണെങ്കിൽ ultrasound,MRI,CT scan, X-ray മുതലായ imaging test ചെയ്യുന്ന സമയത്തു ക്യാന്സറിന്റെ കൃത്യമായ സ്ഥാനം മനസിലാക്കി ബയോപ്സി എടുക്കുന്നു .
Surgical (excisional) biopsy : സർജറിയിലൂടെ കാൻസർ സംശയിക്കുന്ന ഒരു ഭാഗം നീക്കം ചെയ്തു ബയോപ്സി ചെയ്യുന്നതിനെ surgical ബയോപ്സി എന്ന് വിളിക്കുന്നു .
Shave biopsy/punch biopsy : ചർമത്തിലെ ബയോപ്സി ചെയ്യാനാണ് ഈ രീതി ഉപയോഗിക്കുന്നത് . ചർമത്തിൽ ചുരണ്ടി എടുക്കുന്ന സാമ്പിൾ നെ shave ബയോപ്സി എന്നും ചെറിയ വൃത്താകൃതിയിൽ അറ്റമുള്ള പേന പോലെയുള്ള ഒരു ഇൻസ്ട്രുമെന്റ് ചർമത്തിലേക്ക് അമർത്തി അവിടെ നിന്ന് എടുക്കുന്ന ബയോപ്സിയെ punch ബയോപ്സി എന്നും പറയുന്നു .
Endoscopic biopsy : നേരിയ വെളിച്ചവും ക്യാമറയും ഉള്ള ഒരു instrument ആയ endoscope വായിലൂടെയോ മൂക്കിലൂടെയോ കടത്തി ഉൾഭാഗങ്ങളുടെ ബയോപ്സി എടുക്കുന്നതിനെ endoscopic ബയോപ്സി എന്ന് പറയുന്നു .
Laparoscopic biopsy : endoscope പോലെയുള്ള ഒരു ഉപകരണം വയറ്റിൽ incisions ഉണ്ടാക്കി അതിലൂടെ കടത്തി ഉള്ളിലുള്ള ശരീര ഭാഗങ്ങളുടെ ബയോപ്സി എടുക്കുന്നു .
Bone marrow aspiration and biopsy: ഒരുപോലെയുള്ള ഒരേ സമയം ചെയ്യുന്ന രണ്ടു പരിശോധനകൾ ആണ് ഇത് രണ്ടും . മജ്ജയിൽ ദ്രാവക രൂപത്തിലും കട്ടിയായും ഉള്ള രണ്ടു ഭാഗങ്ങളുണ്ട് . ഒരു സൂചി ഉപയോഗിച്ച് ദ്രാവകം വലിച്ചെടുക്കുന്ന ടെസ്റ്റ് bone marrow aspiration എന്നും സൂചി ഉപയോഗിച്ച് കട്ടിയുള്ള ഭാഗത്തു നിന്ന് tissue നീക്കം ചെയ്യുന്നതിനെ bone marrow biopsy എന്നും പറയുന്നു . ഇടുപ്പ് എല്ലിൽ ആണ് കൂടുതലും ഈ പരിശോധന ചെയ്യുന്നത് .
Liquid biopsy :രക്തം പരിശോധിച്ച് കാൻസർ കോശങ്ങളെ കണ്ടെത്തുന്ന ഒരു പുതിയ ടെസ്റ്റ് ആണിത് . കൂടുതൽ ഗവേഷണങ്ങൾ ഇതിനെക്കുറിച്ചു നടന്നുകൊണ്ടിരിക്കുന്നു .

3 Bone Scan

ബോൺ സ്കാൻ എന്നത് ഒരു nuclear മെഡിസിൻ പരിശോധന ആണ് .വളരെ ചെറിയ അളവിൽ radioactive ആയ ഒരു കെമിക്കൽ ഞരമ്പിലേക്ക് കുത്തിവെക്കുന്നു .കാൻസർ ഉള്ള ഭാഗത്തിലെ കോശങ്ങൾ ഇത്തരം കെമിക്കൽ കൂടുതൽ വലിച്ചെടുക്കുകയും സ്കാനിൽ ഇത്തരം ഭാഗങ്ങൾ കൂടുതൽ വ്യക്തമായി കാണാനും സാധിക്കുന്നു .ബോൺ സ്കാൻ നു മുൻപായി എന്തൊക്കെ ചെയ്യാം ചെയ്യരുത് എന്നത് ഡോക്ടർ പരിശോധനക്ക് മുൻപായി വിശദമായി പറയുന്നതായിരിക്കും .

4 Colonoscopy

ദഹന വ്യവസ്ഥയുടെ ഭാഗമായ large intestine ( വൻകുടൽ ) കാണാൻ സഹായിക്കുന്ന പരിശോധന ആണ് colonoscopy. വൻകുടലിലെ കാൻസർ അല്ലെങ്കിൽ polyps കണ്ടുപിടിക്കാനും നീക്കം ചെയ്യാനുമാണ് ഈ ടെസ്റ്റ് കൂടുതൽ ഉപയോഗിക്കുന്നത് .

ദഹന വ്യവസ്ഥയിലെ അസുഖങ്ങൾ കൈകാര്യം ചെയ്യുന്ന വിദഗ്ധ ഡോക്ടർമാർ ആണ് gastroenterologist. അവരായിരിക്കും ഈ പരിശോധന ചെയ്യുന്നത് .Colonoscopy യിൽ ഉപയോഗിക്കുന്നത് നേരിയ വഴക്കമുള്ള ലൈറ്റ് , കാമറ ഉള്ള ഒരു ട്യൂബ് ആയിരിക്കും .മലാശയത്തിലൂടെ കടത്തി വൻകുടലിലേക്ക് ട്യൂബ് എത്തിക്കുന്നു .ഈ സമയത്തു സംശയകരമായ എന്തെങ്കിലും കണ്ടെത്തിയാൽ വേറെ ഒരു ഉപകരണം കടത്തി അപ്പോൾ തന്നെ സാമ്പിൾ എടുക്കാവുന്നതാണ് .പരിശോധനക്ക് മുൻപ് എന്തൊക്കെ കഴിക്കാം എന്തൊക്കെ തയ്യാറെടുപ്പ് വേണം എന്നത് ഡോക്ടർ വിശദമായി പറയുന്നതായിരിക്കും .

5 CT Scan

CT സ്കാൻ എന്ന പരിശോധനയിൽ ശരീരത്തിന്റെ images X-ray ഉപയോഗിച്ച് പല angle യിൽ നിന്ന് എടുക്കുന്നു . പല ചിത്രങ്ങൾ പിന്നീട് ഒരു 3-dimensional ഇമേജ് ആയി മാറുന്നു. CT scan ചെയ്യുമ്പോൾ contrast കൊടുക്കാറുണ്ട് . Contrast കൊടുക്കാതെ ചെയ്യുന്ന സ്കാൻ plain CT scan എന്ന് പറയുന്നു .contrast കുടിക്കുന്ന രീതിയിലോ ഞരമ്പിലേക്ക് കുത്തിവെച്ചോ നൽകാം . Contrast ചില ഭാഗങ്ങൾ കൂടുതൽ വലിച്ചെടുക്കുകയും അത്തരം ഭാഗങ്ങൾ കൂടുതൽ വ്യക്തമായി കാണാനും സാധിക്കുന്നു .

CT സ്കാൻ ചെയ്യുന്നത്

ക്യാന്സറിന്റെ കൃത്യ സ്ഥാനവും stage മനസിലാക്കാൻ
എവിടെ biopsy എടുക്കണം എന്ന് തീരുമാനിക്കാൻ
റേഡിയേഷൻ ചികിത്സ plan ചെയ്യാൻ
ചികിത്സയുടെ പുരോഗമനം അറിയാൻ
ചികിത്സ കഴിഞ്ഞു കാൻസർ തിരിച്ചു വരുന്നുണ്ടോ എന്ന് നോക്കാൻ

CT സ്കാൻ ചെയ്യുമ്പോൾ ചെറിയ രീതിയിലുള്ള റേഡിയേഷൻ ഏൽക്കാറുണ്ടെങ്കിലും സ്കാൻ ചെയ്യുന്നത് കൊണ്ടുള്ള പ്രയോജനങ്ങൾ ചെറിയ റേഡിയേഷൻ കരണമുണ്ടാവുന്ന risk നേക്കാൾ വലുതാണ് . PET സ്കാൻ CT സ്കാനിന്റെ കൂടെ ചെയ്യുന്നതിനെ PET CT എന്ന് പറയുന്നു . വേദനയില്ലാത്ത ഒരു സ്കാൻ ആണിത് . സ്കാൻ ചെയ്യുന്നതിന് മുൻപ് എന്തൊക്കെ ചെയ്യണം ചെയ്യരുത് എന്നത് ഡോക്ടർ വിശദമായി പറയുന്നതായിരിക്കും .

6 Digital Rectal Exam

മലാശയം പരിശോധിക്കാനായി ചെയ്യുന്ന പരിശോധന ആണ് DRE. ഈ പരിശോധന സാധാരണ ചെയ്യുന്നത്

മലാശയത്തിലൂടെ രക്തം വരുന്നുണ്ടെങ്കിൽ
മലം പോകുന്നതിൽ എന്തെങ്കിലും മാറ്റം ഉണ്ടെങ്കിൽ
മൂത്രം പോകുമ്പോൾ രക്തം വരുന്നുണ്ടെങ്കിൽ
മൂത്രം പോകുന്നതിൽ തടസം ഉണ്ടെങ്കിൽ

ഡോക്ടറിന്റെ ഒരു വിരൽ മലാശയത്തിലേക്ക് കടത്തിയാണ് ഈ പരിശോധന ചെയ്യുന്നത് .

7 Endoscopy

ശരീരത്തിന്റെ ഉള്ളിലെ ഭാഗങ്ങളെ കാണാൻ സഹായിക്കുന്ന പരിശോധനയാണ് endoscopy. അന്നനാളം , ആമാശയം , കുടൽ , ചെവി , മൂക്ക് , തൊണ്ട , ഹൃദയം , മൂത്രനാളി , സന്ധി , വയർ മുതലായ ഭാഗങ്ങളിൽ endoscopy പരിശോധന നടത്താം. Endoscopy യിൽ ഉപയോഗിക്കുന്നത് നേരിയ വഴക്കമുള്ള ലൈറ്റ് , കാമറ ഉള്ള ഒരു ട്യൂബ് ആയിരിക്കും .

Endoscopy താഴെ പറയുന്ന സാഹചര്യങ്ങളിൽ ആണ് കൂടുതൽ ഉപയോഗിക്കുന്നത്

കാൻസർ screening നും കാൻസർ തടയാനും ( polyps കാൻസർ ആവുന്നതിനു മുൻപ് നീക്കം ചെയ്യാൻ )
ചില അസുഖങ്ങളിൽ രോഗനിർണയത്തിനായി/ ലക്ഷണങ്ങളുടെ കാരണം കണ്ടുപിടിക്കാൻ
ചില ചികിത്സയ്ക്കായി

പരിശോധനക്ക് മുൻപ് എന്തൊക്കെ കഴിക്കാം എന്തൊക്കെ തയ്യാറെടുപ്പ് വേണം എന്നത് ഡോക്ടർ വിശദമായി പറയുന്നതായിരിക്കും .

8 Fecal Occult Blood Test ( FOBT)

മലത്തിൽ രക്തത്തിന്റെ സാന്നിധ്യം കണ്ടുപിടിക്കാൻ നടത്തുന്ന പരിശോധന ആണിത് .മലത്തിൽ രക്തം എപ്പോളും നേരിട്ട് കാണാൻ സാധിക്കണമെന്നില്ല . രക്തം ഉണ്ടെങ്കിൽ അത് കുടലിലെ കാൻസർ , polyps, മറ്റു വളർച്ചകളുടെ ലക്ഷണം ആവാം .

Colorectal ( വൻകുടൽ - മലാശയ ) ക്യാന്സറിന്റെ screening നു ഉപയോഗിക്കുന്ന ഒരു ടെസ്റ്റ് കൂടിയാണിത് .കുടുംബത്തിൽ ഇത്തരം കാൻസർ ഉള്ള 45 വയസ് കഴിഞ്ഞവരിൽ ആണ് സ്ക്രീനിംഗ് ചെയ്യുന്നത് .

9 MRI ( Magnetic Resonance Imaging )

MRI എന്നത് ഒരു ഇമേജിങ് ടെസ്റ്റ് ആണ് . വളരെ ശക്തി കൂടിയ ( powerful) കാന്തവും , radio waves ഉപയോഗിച്ചു computer യിൽ ലഭിക്കുന്ന ചിത്രങ്ങളാണ് MRI. ഇതിൽ X-ray അല്ലെങ്കിൽ radiation ഉപയോഗിക്കുന്നില്ല അതിനാൽ രോഗിക്ക് റേഡിയേഷൻ ഏൽക്കുന്നില്ല . CT സ്കാൻ പോലെ ഇതിലും Contrast കൊടുത്തോ അല്ലാതെയോ image എടുക്കാം .ഒരു series images എടുക്കാൻ 15 മിനിറ്റ് വരെ എടുക്കാം . ഇതുപോലെ 2 മുതൽ 6 series എടുക്കേണ്ടി വരും കൃത്യമായി ചിത്രങ്ങൾ ലഭിക്കാൻ .MRI എടുക്കുമ്പോൾ വേദന ഒന്നും ഉണ്ടാവില്ലെങ്കിലും ഇടുങ്ങിയ സ്ഥലങ്ങൾ പേടിയുള്ളവർക്ക് ( Claustrophobia) കുറച്ചു ബുദ്ധിമുട്ട് തോന്നിയേക്കാം .

10 Mammogram

സ്തനത്തിന്റെ X -ray ആണ് mammogram എന്നറിയപ്പെടുന്നത് . കൈ കൊണ്ട് പരിശോധിക്കുമ്പോൾ കണ്ടുപിടിക്കാൻ സാധിക്കാത്ത ചെറിയ മുഴകൾ പോലും മാമ്മോഗ്രാം വഴി കണ്ടുപിടിക്കാൻ സാധിക്കും .40 വയസിനു മുകളിൽ ഉള്ളവർക്കാണ് സാധാരണ mammogram ചെയ്യാറുള്ളത് . 40 വയസിൽ താഴെ ഉള്ളവരിൽ സ്തനത്തിന്റെ സാന്ദ്രത കൂടുതലായതിനാൽ ചെറിയ മുഴകൾ എളുപ്പം മനസിലാക്കാൻ സാധിക്കില്ല. Mammogram ചെയ്യുമ്പോൾ ചെറിയ റേഡിയേഷൻ exposure ഉണ്ടാവുന്നുണ്ട് .

ഗർഭിണികളും പാല് കൊടുക്കുന്നവർക്കും mammogram ചെയ്യാറില്ല .പരിശോധനക്ക് മുൻപ് എന്തൊക്കെ തയ്യാറെടുപ്പ് വേണം എന്നത് ഡോക്ടർ വിശദമായി പറയുന്നതായിരിക്കും .

11 Pap test

ഗർഭാശയമുഖത്തിലെ കോശങ്ങൾ ശേഖരിച്ചു മൈക്രോസ്കോപ്പിലൂടെ കോശങ്ങളിൽ എന്തെങ്കിലും മാറ്റങ്ങളുണ്ടോ എന്ന് നോക്കുന്ന പരിശോധന ആണിത് .

Human papilloma virus ന്റെ സാന്നിധ്യം ഉണ്ടോയെന്ന് നോക്കാനും ഈ ടെസ്റ്റ് ചെയ്യാം . Gynaecologist ആണ് സാധാരണ ഈ പരിശോധന ചെയ്യുന്നത് . ആർത്തവം നിന്ന ശേഷം 5 ദിവസം കഴിഞ്ഞുള്ള ദിവസങ്ങളിൽ ആണ് ഈ ടെസ്റ്റ് നടത്തുന്നത് .റിസൾട്ട് വരുമ്പോൾ അസാധാരണ കോശങ്ങൾ കണ്ടെത്തിയാൽ തുടർ പരിശോധനകൾ ഡോക്ടർ നിർദേശിക്കും .

Pap smear ടെസ്റ്റ് നു ശേഷം സാധാരണ കാണാറുള്ള ടെസ്റ്റ് results താഴെ കൊടുത്തിരിക്കുന്നു

Normal : കോശങ്ങളിൽ മാറ്റങ്ങൾ ഒന്നുമില്ല
ASCUS( Atypical Squamous Cells of Undetermined Significance ): Squamous കോശങ്ങളിൽ ചെറിയ മാറ്റമുണ്ട് എന്നാൽ മാറ്റം പ്രധാനപെട്ടതാണോയെന്ന് തീരുമാനിക്കാനാകില്ല
AGUS (Atypical Glandular Cells of Undetermined Significance): ഗ്രന്ഥി കോശങ്ങളിലുള്ള മാറ്റങ്ങൾ എന്നാൽ മാറ്റം പ്രധാനപെട്ടതാണോയെന്ന് തീരുമാനിക്കാനാകില്ല
LSIL ( Low grade Squamous Intraepithelial Lesion)
HSIL ( High grade Squamous Intraepithelial Lesion)

12 PET ( Positron Emission Tomography )

PET സ്കാൻ CT സ്കാനിലേക്കാൾ sensitivity കൂടുതലാണ് . കൂടാതെ ഇതിൽ ഉപയോഗിക്കുന്നത് contrast radioactive glucose ആയ fluorodeoxyglucose-18 ( FDG-18) ആണ് . കോശങ്ങൾ സാധാരണയായി ഷുഗർ വലിച്ചെടുക്കുന്നു . കാൻസർ കോശങ്ങൾ കൂടുതൽ ഷുഗർ വലിച്ചെടുക്കുന്നതിനാൽ സ്കാൻ image യിൽ ആ ഭാഗങ്ങൾ മറ്റു ഭാഗങ്ങളെക്കാൾ കൂടുതൽ ഇരുണ്ടു കാണപ്പെടുന്നു .

PET സ്കാൻ എടുക്കുമ്പോൾ രോഗിക്ക് റേഡിയേഷൻ ഏൽക്കുന്നുണ്ട്.പരിശോധനക്ക് മുൻപ് എന്തൊക്കെ കഴിക്കാം എന്തൊക്കെ തയ്യാറെടുപ്പ് വേണം എന്നത് ഡോക്ടർ വിശദമായി പറയുന്നതായിരിക്കും .

13 Sigmoidoscopy

Colonoscopy പോലെ വൻകുടൽ - മലാശയ കാൻസർ നിർണയിക്കാനായി ചെയ്യുന്ന ഒരു ടെസ്റ്റ് ആണ് sigmoidoscopy. രണ്ടും തമ്മിലുള്ള വ്യത്യാസം sigmoidoscopy യിൽ കുടലിന്റെ ഏറ്റവും താഴെ ഭാഗം മാത്രം നോക്കുമ്പോൾ colonoscopy യിൽ മുഴുവൻ കുടൽ പരിശോധിക്കുന്നു .

14 Tumor Marker Tests

Tumor ഉത്പാദിപ്പിക്കുന്ന ഒരു വസ്തുവാണ് tumor marker. ഇത് രക്തത്തിലോ മൂത്രത്തിലോ മലത്തിലോ മറ്റു ശരീര ദ്രാവകങ്ങളിലോ ഉയർന്ന അളവിൽ കാൻസർ ഉള്ളപ്പോൾ കണ്ടേക്കാം .

ആരോഗ്യമുള്ള കോശങ്ങളും ഇവ ഉല്പാദിപ്പിച്ചേക്കാം . Biomarkers എന്നും ഇവ അറിയപ്പെടുന്നു .Tumor marker ഉയർന്ന അളവിൽ ഉണ്ടെങ്കിൽ കാൻസർ ആവണമെന്നില്ല .പൊതുവായി ചെയ്യുന്ന ചില tumor markers താഴെ കൊടുക്കുന്നു

CEA - ശ്വാസകോശം , വൻകുടൽ
AFP - കരൾ
CA 19.9 - പാൻക്രിയാസ് , വൻകുടൽ - മലാശയം , പിത്താശയ നാളം
EBV -Nasopharyngeal
PSA -പ്രോസ്റ്റേറ്റ്
Beta HCG -വൃഷണം
CA 125 -അണ്ഡാശയം
CA 15.3 - സ്തനം

15 Ultrasound

sonography or ultrasonography എന്ന ഈ imaging ടെസ്റ്റിൽ frequency കൂടിയ sound waves ഉപയോഗിച്ച് ഉള്ളിലെ അവയവങ്ങൾ computer യിൽ കാണുന്നു . അവയവങ്ങളിൽ തട്ടി തിരിച്ചു പോകുന്ന sound waves നെ transducer എന്ന ഉപകരണം ചിത്രങ്ങൾ ആക്കി മാറ്റുന്നു .സാധാരണ കോശങ്ങളിലും കാൻസർ കോശങ്ങളിലും sound waves തിരിച്ചെത്തുന്നത് വ്യത്യസ്തമായാണ് . റേഡിയേഷൻ ഒന്നും ഏൽക്കുന്നില്ലാത്തതിനാൽ ഗർഭാവസ്ഥയിലും സേഫ് ആയ ഒരു ടെസ്റ്റ് ആണിത് .

‍